தமிழகத்தில் கல்வியாண்டுக்கான மாணவர் சேர்க்கை அறிவிப்பில் வன்னியர் பிரிவுக்கு 10.5 விழுக்காடு பற்றிய அறிவிப்பு இல்லாதது வன்னியர்களுக்கு ஏமாற்றமளிக்கிறது என்று பாமக வழக்கறிஞர் பாலு தெரிவித்துள்ளார்.

இது தொடர்பாக சென்னை உயர்நீதிமன்ற வளாகத்தில் செய்தியாளர்களை சந்தித்த வழக்கறிஞர் பாலு,கல்வி, வேலைவாய்ப்பில் 10.5 விழுக்காட்டுக்கான அறிவிப்பை வெளியிடுமாறு பாமக தலைவர் ஜிகே மணியின் கேள்விக்கு, உரிய நேரத்தில் தரப்படுத் என்று தமிழக அரசு அறிவித்தும், தற்போது பொறியியல் படிப்பில் அறிவிப்பு இல்லாத்து அதிர்ச்சியளக்கிறது என்றார். மேலும், 10.5 விழுக்காடு இட ஒதுக்கீட்டை நிறைவேற்றுவதாக சொல்லிவிட்டு, தற்போது அறிவிக்காத்து ஏன் என்று கேள்வி எழுப்பிய அவர், ஆளுநர் ஒப்புதலுடன் சட்டம் நிறைவேற்றியும் தற்போது 10.5 விழுக்காடு பற்றிய அறிவிப்பில் இட ஒதுக்கீடு ஏன் இல்லை என்றும் கேள்வி எழுப்பினார்.

10.5 விழுக்காடு அறிவிப்பை வன்னியர் சமூக மாணவர்கள் பெரிதும் எதிர்பார்த்து காத்திருக்கின்றனர். பொறியியல் படிப்பை தொடர்ந்து மருத்துவ படிப்பு வரவுள்ளது, வேலை வாய்ப்புக்கான அறிவிப்புகளும் வரவுள்ளது. இனி ஒரு நாளும் தாமதிக்காமல் அரசு விரைந்து நடவடிக்கை எடுக்க வேண்டும் என்றும் பாலு கோரிக்கை வைத்துள்ளார். இட ஒதுக்கீடு தொடர்பான பல சட்டங்களை இதுவரை அமல்படுத்தியுள்ள நிலையில், வன்னியர்களுக்கான 10.5 இட ஒதுக்கீடு சட்டத்தை மட்டும் அமல்படுத்ததாது ஏன் என்று வழக்கறிஞர் பாலு கேள்வி எழுப்பியுள்ளார்.

தமிழகத்தில் காலியாக உள்ள நியாயவிலை கடை ஊழியர்கள் பணி விரைவில் நிரப்பப்படும் என்றும், மாதம் 30 நாட்களும் ரேஷன் கடையில் பொருட்கள் வழங்கப்படும் எனவும் கூட்டுறவுத்துறை அமைச்சர் ஐ.பெரியசாமி தெரிவித்துள்ளார்.

சென்னை தலைமைச் செயலகத்தில் உள்ள நியாயவிலை கடையில் திடீரென கூட்டுறவுத்துறை அமைச்சர் ஆய்வு மேற்கொண்டார். அப்போது அங்கு பணியில் இருந்த பெண் ஊழியரிடம் நியாயவிலைக் கடையில் வழங்கப்படும் பொருட்களின் தரம் குறித்தும் எத்தனை கார்டுகளுக்கு வழங்கப்படுகிறது என்பது குறித்தும் கேட்டறிந்தார். தொடர்ந்து, நியாய விலைக்கடைகளில் உள்ள ஆவணங்களையும் பயோமெட்ரிக் கருவியையும் ஆய்வு மேற்கொண்டார்.

அதனைத் தொடர்ந்து செய்தியாளர்களை சந்தித்த ஐ.பெரியசாமி, தமிழகத்தில் இருக்கக்கூடிய அனைத்து நியாயவிலை கடைகளிலும் வழங்கப்படும் பொருட்களின் தரம் குறித்து அவ்வப்போது ஆய்வு செய்து வருவதாகும் அதன் அடிப்படையிலேயே தற்போதைய திடீர் ஆய்வு செய்ததாகவும் தெரிவித்த அவர் தமிழகத்தில் உள்ள நியாயவிலை கடைகளில் இருக்கக்கூடிய அனைத்து காலி பணியிடங்களும் விரைவில் நிரப்பப்படும் என்றும், மாதம் 30 நாட்களும் நியாயவிலைக் கடையில் பொதுமக்களுக்கான பொருட்கள் விநியோகம் செய்யப்படும் என்றும் தெரிவித்தார்.

சென்னை தலைமைச் செயலகத்தில் செய்தியாளர்களை சந்தித்த சுற்றுச்சூழல் மற்றும் இளைஞர் நலன் விளையாட்டுத் துறை அமைச்சர் மெய்யநாதன், டோக்கியோ ஒலிம்பிக் போட்டியில் பங்கேற்றுள்ள தமிழக வீரர்கள் மற்றும் வீராங்கனைகள் உற்சாகப்படுத்தும் வகையில் "வென்று வா  வீரர்களே" என்ற பாடலை முதலமைச்சர் வெளியிட்டுள்ளதாக தெரிவித்தார்.

டோக்கியோ ஒலிம்பிக் போட்டியில் தமிழகத்தைச் சேர்ந்த 11 வீரர்கள் வீராங்கனைகள் பங்கேற்று உள்ளதாகவும் 200 நாட்டு வீரர்கள் பங்கேற்றுள்ள டோக்கியோ ஒலிம்பிக் போட்டியில் தமிழகத்தைச் சேர்ந்த வீரர்கள் வீராங்கனைகள்  அனைவரும் சிறப்பான முறையில் போட்டிகளில் பங்கேற்று வருவதாக கூறிய அவர்,தமிழகத்தில் 4 இடங்களில் ஒலிம்பிக் அகாடமி தொடங்கப்படும் என்றும், சர்வதேச அளவில் தமிழக வீரர்களுக்கு பயிற்சி அளிக்கவும் நடவடிக்கை மேற்கொள்ளப்படும் எனவும் தெரிவித்தார்.

இந்தியாவின் சார்பில் டோக்கியோ ஒலிம்பிக் போட்டியில் பங்கேற்றுள்ள தமிழக வீரர்கள் வீராங்கனைகளில் வறுமைக் கோட்டிற்குக்கு கீழே உள்ள சுபா வெங்கடேசன் மற்றும் தனலட்சுமிக்கு அரசு வேலை வழங்க முதல்வர் உத்தரவிட்டுள்ளதாகவும் அவர் கூறினார்.

தமிழக அரசின் தீவிர நடவடிக்கைகள் மூலமாக டெங்கு நோய் பெருமளவில் கட்டுப்படுத்தபட்டுள்ளதாக சென்னை உயர்நீதிமன்றத்தில் அரசு அறிக்கை தாக்கல் செய்துள்ளது.

தமிழ்நாட்டில்  டெங்கு பரவலை கட்டுப்படுத்த நடவடிக்கை எடுக்க கோரி  வழக்கறிஞர் சூரியபிரகாசம் சென்னை உயர் நீதிமன்றத்தில் வழக்கு தொடர்ந்தார். இதுதொடர்பாக தமிழக அரசு தாக்க செய்துள்ள அந்த மனுவில், டெங்கு காய்ச்சலை கட்டுப்படுத்த 2715 தற்காலிக சுகாதார ஆய்வாளர்கள் நியமிக்கபட்டு தீவிர நடவடிக்கை எடுக்கபட்டதில் கடந்த  ஜனவரி மாதம் 402 பேர் டெங்கு பாதிக்கப்பட்ட நிலையில் ஜூன் மாத பாதிப்பு 54 பேர் என்று பெருமளவில் குறைந்து என தமிழ்நாடு அரசின் சுகாதாரம் மற்றும் குடும்பநலத்துறை செயலாளர் இராதாகிருஷ்ணன் அறிக்கை தாக்கல் செய்தார்.

மேலும் ஏப்ரல், மே, ஜூன் மாதங்களில் மொத்தம் 52 பேர் மட்டுமே டெங்கு நோயிக்கு பாதிக்கப்பட்டுள்ளதாக சென்னை மாநகராட்சி அறிக்கை செய்தது. இந்த வழக்கை விசாரித்த நீதிபதிகள் வழக்கின் விசாரணை தலைமை நீதிபதி தலைமையிலான அமர்வு நான்கு வாரத்திற்கு தள்ளிவைத்து உத்தரவிட்டார்.

சென்னை தலைமை செயலகத்தில் செய்தியாளர்களுக்கு தகவல் அளித்த அவர்..தமிழகத்தில் உள்ள முக்கிய கோவில்களை புணரமைக்க பல்வேறு நடவடிக்கைகள் மேற்கொள்ளப்பட்டு வருவதாகவும், திருச்செந்தூர், சோளிங்கர், மருதமலை உள்ளிட்ட கோவில்களை தனியார் நிறுவனத்திடம் அளித்து, தேவையான வசதிகளை ஏற்படுத்த முடிவு செய்யப்பட்டு பணிகள் தொடங்கப்பட்டுள்ளதாக கூறினார்.

மேலும், மருதமலை கோவிலில் வயது முதிந்தோர் வசதிக்காக மின் தூக்கி அமைக்க திட்டமிடப்பட்டு நடவடிக்கைகள் மேற்கொள்ளப்பட்டு வருகிறது என்றும் தெரிவித்தார். இந்து சமய அறநிலையத்துறை கட்டுப்பாட்டில் இருந்த கோவில்களில் கடந்த அதிமுக ஆட்சியில் 47 கோவில்கள் மட்டுமே பிரசிதிப்பெற்ற கோவில்களாக கருதப்பட்டதாக குறிப்பிட்ட அவர், தற்போது 539 கோவில்கள் கண்டறியப்பட்டுள்ளதோடு, சீரமைத்து மேம்படுத்த நடவடிக்கைகள் எடுக்கப்பட்டு வருவதாகவும் அவர் தெரிவித்தார்.

தமிழகத்தில் முக்கிய மலைக் கோவில்களான திருத்தணி, சோளிங்கர், திருக்கழிக்குன்றம், திருச்சி, திருச்சங்கோடு ஆகிய இடங்களில் பொதுமக்கள் வசதிக்காக "ரோப் கார்" வசதி விரைவில் ஏற்படுத்தப்படும் எனவும் கூறினார். திருக்கோவில்களில் காணிக்கையாக வந்த 2 ஆயிரம் கிலோ தங்கம் எந்த பயனும் இன்றி தேங்கி வைக்கப்பட்டுள்ளதாகவும், அவை அனைத்தும் வைப்பு நிதியாக போடப்பட்டு அதில் வரும் வட்டி, கோவில் பணிகளுக்காக பயன்படுத்த திட்டமிட்டுள்ளதாக குறிப்பிட்டார்.

மேலும், தமிழகத்தின் புராதாண சிலைகள் 2 அமெரிக்காவிலும், 1 சிங்கப்பூரிலும் இருப்பதாக கூறிய அவர், விரைவில் அவை தமிழகம் கொண்டு வரப்படும் எனவும் உறுதியளித்தார். தமிழகம் முழுவதும் இந்து சமய அறநிலையத்துறை கட்டுப்பாட்டில் உள்ள கோவில்களில் முறையாக கும்பாபிஷேகம் நடத்த திட்டமிடப்பட்டு அதற்காக குழு அமைக்கப்பட்டுள்ளதாகவும், அவர்கள் பல்வேறு பணிகளில் ஈடுபட்டு வருகின்றனர் என்றும், 180 கோவில்களில் கும்பாபிஷேகம் நடத்த நடவடிக்கை மேற்கொள்ளப்பட்டு வருவதாக அவர் தெரிவித்தார்.