பா.ம.க. நிறுவனர் இராமதாசு, உச்சநீதிமன்றத்திலும் நீதி கிடைக்கவில்லை; காவிரி படுகை உழவர்களைக் காக்க, தமிழக அரசு என்ன செய்யப் போகிறது? அறிக்கை விடுத்துள்ளார்.

அதில், "காவிரி  சிக்கலுக்கு தீர்வு காண்பதற்காக  உச்சநீதிமன்றத்தை தமிழக அரசு மலைபோல நம்பிக் கொண்டிருந்த நிலையில்,  உச்சநீதிமன்றம் பிறப்பித்த உத்தரவால்  அந்த நம்பிக்கை சிதைந்து விட்டது. காவிரி மேலாண்மை ஆணையம், காவிரி ஒழுங்குமுறைக் குழு  ஆகியவை 15 நாட்களுக்கு ஒருமுறை கூட வேண்டும்; அவற்றின் முடிவுகளை சம்பந்தப்பட்ட மாநிலங்கள் ஏற்றுக்கொள்ள வேண்டும் என்று இன்று ஆணையிட்ட  உச்சநீதிமன்றம், இதைத் தவிர்த்து காவிரி பிரச்சினையில் தலையிட விரும்பவில்லை என்று கூறிவிட்டது. இது தமிழ்நாட்டிற்கு மிகப்பெரிய ஏமாற்றத்தை அளிக்கிறது.  காவிரி பாசன மாவட்டங்களின் உழவர்கள் பெரும் அதிர்ச்சிக்கு ஆளாகியுள்ளனர்" எனக் குறிப்பிட்டுள்ளார்.

மேலும், "உச்சநீதிமன்றம் அறிவுறுத்தியவாறு, காவிரி நீர் மேலாண்மை ஆணையத்தின் ஆணைப்படி தமிழ்நாட்டிற்கு வினாடிக்கு 5000 கன அடி வீதம் காவிரியில் கர்நாடக அரசு தண்ணீர் திறந்து விட்டாலும் அதனால் தமிழக விவசாயிகளுக்கு எந்த பயனும் ஏற்படப் போவதில்லை. வினாடிக்கு 5000 கன அடி தண்ணீர் திறக்கப்பட்டால், அதைக் கொண்டு கடைமடை பாசனப் பகுதிகளுக்கு தண்ணீர் வழங்க முடியாது. காவிரி  பாசன மாவட்டங்களில் கருகும் நெற்பயிர்களை காப்பாற்ற வேறு வழிகளே இல்லை என்ற நிலை தான் இப்போது ஏற்பட்டிருக்கிறது" எனக் குறிப்பிட்டுள்ளார்.

மேலும், "மத்திய அரசுக்கு கடுமையான அரசியல் அழுத்தத்தைக் கொடுத்து, அதன் வாயிலாக  கர்நாடகத்திலிருந்து காவிரியில் தண்ணீரைப் பெற்று, காவிரி பாசன மாவட்டங்களில்  சுமார் 2 லட்சம் ஏக்கரில் கருகும் நெற்பயிர்களை காப்பாற்ற ஏதேனும் வழிகள் இருப்பதாக தமிழக  அரசு கருதினால்  அதை உடனடியாக செயல்படுத்த வேண்டும்.  எந்த வாய்ப்புகளும் இல்லை என்று தமிழக அரசு கருதினால், தண்ணீர் இல்லாமல் பாதிக்கப்பட்ட  பயிர்களுக்கு ஏக்கருக்கு ரூ.40,000 வீதம் இழப்பீடு வழங்க  நடவடிக்கை எடுக்க வேண்டும். விளைச்சல் பாதிக்கப்பட்ட பயிர்களுக்கும், பாதிப்பின் மதிப்பை கணக்கிட்டு உரிய இழப்பீடு வழங்க தமிழக அரசு முன்வர வேண்டும்" எனவும் தெரிவித்துள்ளார்.

இதையும் படிக்க || 100 நாள் வேலை திட்ட பொறுப்பாளரின் பொறுப்பற்ற செயல்...பெண்களை தவறாக சித்தரித்த இளைஞர்!!

கள்ளக்குறிச்சி அருகே பெண்களின் புகைப்படங்களை ஆபாசமாக சித்தாித்த இளைஞரை போலீசாா் கைது செய்தனா்.

வீரசோழபுரம் கிராமத்தை சோ்ந்த வசந்தகுமார் என்பவா் அதே கிராமத்தில் நூறு நாள் வேலை திட்டத்தில் பணி தள பொறுப்பாளராக பணியாற்றி வருகிறாா். இந்நிலையில் அவா் வேலைக்கு வரும் இளம்பெண்களை தனது செல்போனில் புகைப்படம் எடுத்து அதனை ஆபாசமாக சித்தாித்து ரசித்து வந்ததாக கூறப்படுகிறது

இந்நிலையில் வசந்தகுமார் கடந்த சில நாட்களுக்கு முன்பு தனது செல்போனை பழுது நீக்குவதற்காக கள்ளக்குறிச்சியில் உள்ள ஒரு செல்போன் கடையில் கொடுத்துள்ளாா். அப்போது செல்போனில் பெண்களின் ஆபாச புகைப்படங்கள் இருப்பதை பாா்த்த கடைக்காரா் இதுகுறித்து அந்த கிராம மக்களிடம் தகவல் தொிவித்துள்ளாா். 

இதையடுத்து  வசந்தகுமாரை உடனடியாக கைது செய்யக்கோாி கிராம மக்கள் சென்னை - சேலம் தேசிய நெடுஞ்சாலையில் சாலை மறியலில் ஈடுபட்டனா்.

இதுகுறித்து தகவலறிந்த மாவட்ட காவல் கண்காணிப்பாளா் மோகன்ராஜ் பொதுமக்களிடம் பேச்சுவாா்த்தை நடத்தினா்.  ஆனால் வசந்தகுமாரை கைது செய்யும் வரை சாலை மறியலை கைவிட மாட்டோம் என கூறி வாக்குவாதம் செய்ததால் பரபரப்பு  நிலவியது

இதனையடுத்து போலீசாா் வசந்தகுமாரை கைது செய்ததாக தொிவித்ததை தொடா்ந்து அனைவரும் அங்கிருந்து கலைந்து சென்றனா். முன்னதாக  கிராம மக்களின் மறியல் போராட்டத்தால்  போக்குவரத்து கடுமையாக பாதிக்கப்பட்டது. ஏராளமான வாகனங்கள் நீண்ட தூரத்திற்கு அணிவகுத்து நின்றதால் வாகன ஓட்டிகள்  அவதிக்குள்ளாகினா். 

இதையும் படிக்க || "வரும் நாடாளுமன்ற தேர்தலுடன் திமுக அப்புறப்படுத்தப்பட வேண்டும்" அண்ணாமலை!!

தமிழ்நாட்டில் லஞ்சம் தலைவிரித்து ஆடுவதாகவும், வரும் நாடாளுமன்ற தேர்தலுடன் திமுக அப்புறப்படுத்தப்பட வேண்டும் எனவும் பாஜக மாநில தலைவா் அண்ணாமலை தொிவித்துள்ளாா். 

திருப்பூா் மாவட்டம் காங்கேயத்தில் அண்ணாமலை என் மண் என் மக்கள் நடைபயணம் மேற்கொண்டாா். அப்போது திறந்த வாகனத்தில் நின்றவாறு பொதுமக்கள் மத்தியில் பேசுகையில், திமுகவை பொறுத்தவரை 29 மாத ஆட்சியில் திரும்பிய பக்கமெல்லாம் லஞ்சம் தலைவிாித்தாடுகிறது எனவும், வரும் நாடாளுமன்ற தேர்தலோடு அக்கட்சி அப்புறப்படுத்தப்பட வேண்டும் என தொிவித்தாா். 

ஜல்லிக்கட்டு காளை வளர்ப்பவர்களுக்கு மாதம் ஆயிரம் ரூபாய் வழங்கப்படும் என அறிவித்த தோ்தல் வாக்குறுதியை திமுக நிறைவேற்றவில்லை எனக்கூறிய அவா், மகளிா் உாிமை தொகை திட்டத்தில் 60 சதவீத பெண்களுக்கு அந்த தொகை கிடைக்கவில்லை என குற்றம்சாட்டினாா்.   

தொடா்ந்து பேசிய அண்ணாமலை, தமிழ்நாட்டில் சட்டம்- ஒழுங்கு சீர்கெட்டு விட்டது என்றாா். மேலும் சிவன்மலை கிரிவலப்பாதையில் உள்ள கிரானைட் குவாரிக்கு அரசு அனுமதி அளிக்கக்கூடாது என வலியுறுத்தினாா். 

வரும் நாடாளுமன்ற தேர்தலில் பாஜக 400 எம்பிக்களுடன் தனி பெரும்பான்மையோடு ஆட்சி அமைக்கும் என்று நம்பிக்கையாக பேசியுள்ளார்.

திராவிடம் என்ற சொல்லை கேட்டாலே சிலருக்கு வயிற்றெரிச்சலாக உள்ளது என திமுக அமைப்புச் செயலாளர் ஆர்.எஸ்.பாரதி தெரிவித்துள்ளார். 

சென்னை தேனாம்பேட்டையில் உள்ள அன்பகத்தில் திமுகவின் கலை இலக்கிய பகுத்தறிவு பேரவையின், சென்னை மண்டலம் மற்றும் புதுவை மாநிலத்தின் நிர்வாகிகள் கூட்டம் நடைபெற்றது. இதில் திமுக அமைப்பு செயலாளர் ஆர் எஸ் பாரதி, சட்டமன்ற உறுப்பினர் மயிலை வேலு, சிற்றரசு ஆகியோர் பங்கேற்றனர். 

அப்போது திமுக அமைப்புச் செயலாளர் ஆர்.எஸ் பாரதி மேடையில் பேசுகையில், திமுகவினர் வாயிலிருந்து என்ன வருகிறது என்று வட்டமிடும் கழுகு போல ஓநாய்களாக ஒரு கூட்டம் சுற்றி வருகிறது. அப்படி வருகிற ஓநாய்களுக்கு நாம் இறையாகி விடக்கூடாது.  இலக்கியத்தாலும்  கலையாலும் தான் இந்த கட்சி வளர்ந்தது. அண்ணா எழுதிய வசனங்கள் தான் சமூகத்தில் மறுமலர்ச்சியை ஏற்படுத்தியது. இப்படி எல்லாம் கொள்கைகளை பரப்பி தான் இந்த இயக்கம் வளர்ந்தது. அதை பரப்புகின்ற பொறுப்பு தான் உங்களிடமும் கொடுக்கப்பட்டுள்ளது எனக்கூறினார்.  

தொடர்ந்து பேசிய அவர், திராவிடம் என்ற சொல்லை கேட்டாலே சிலருக்கு வயிற்று எரிச்சலாக இருக்கிறது. திராவிடம் என்ற சொல்லை நாம் ஏதோ புதிதாக கண்டுபிடித்தது போல பேசுகிறார்கள். அண்ணாமலைக்கு எவ்வளவு கொழுப்பு திமிர் இருந்தால் அண்ணாவை  பற்றி பேசுகிறார். குறைந்தபட்சம் காஞ்சிபுரத்தில் ஆவது 10 கொடும்பாவிகள்  கொளுத்தியிருக்க வேண்டாமா...? என ஆவேசமாக தெரிவித்தார். 

நாம் அனைவரும் இன்று ஒரே நாற்காலியில் அமர்கிறோம் என்றால் உட்கார வைத்தவர் அண்ணா.  அந்தக் காலத்தில் அண்ணாதுரை என்று பெயர் சொன்னாலே பளார் என்று அறைக்கொடுப்பார்கள். என்னுடைய கார் ஓட்டுனர் ஒருமுறை அண்ணாதுரை என்று அழைத்ததற்கு நான் ஒரு அறை கொடுத்தேன். குறிப்பிட்ட சிலர் அண்ணாதுரை மற்றும் ஈவேரா என்று அழைக்கிறார்கள் அவர்களுக்கு குளிர்விட்டு போய்விட்டது எனக் கூறிய அவர், நான் வன்முறையை தூண்டவில்லை. நம் உணர்வுகள் தூண்டப்பட வேண்டும் என்று தான் கூறுகிறேன். அப்படி என்ன பேசிவிட்டார் உதயநிதி. எவ்வளவு கேவலமாக பேசுகிறார் நிர்மலா சீதாராமன் எனக் கூறினார். 

தொடர்ந்து பேசிய அவர், நிர்மலா சீத்தாராமன் பெரியாரை பற்றி பச்சையாக புளுகுகிறார். இவர்கள் இப்படி எல்லாம் பேசுகிறார்கள் என்றால் நாம் எல்லாம் மௌனிகளாக இருக்கிறோம். தாழ்த்தப்பட்ட சமூகத்திற்கு தபால் கூட கொடுக்க மறுத்தனர். அச்சமூகத்தில் பிறந்த ராஜாவை மத்திய மந்திரி ஆக்கியது ஆதிக்க சக்திகளுக்கு எரிச்சல் ஊட்டியது. அவர் மீது வழக்குகள் பதிந்தனர். இருப்பினும் அவர் வெற்றி கண்டார் என தெரிவித்தார்.  

மேலும், ஏழரை லட்சம் கோடி ஊழலை ஊர் முழுவதும் கூறி விடுவோம் என்ற பயத்தில் திசை பாஜகவினர் திசைதிருப்பகின்றனர் என தெரிவத்த ஆர் எஸ் பாரதி, அண்ணா பற்றி அண்ணாமலை பேசிய பிறகுதான் அண்ணாவைப் பற்றி  பலர் ஆராய்ச்சி செய்கின்றனர். இவர்கள் பேசிய பிறகுதான் அண்ணாவை பெரியாரை அம்பேத்கரை பற்றிய நூல்கள் அதிக அளவில் விற்கப்படுகின்றன எனக் கூறினார். 

இதையும் படிக்க: வியாபாரியை தாக்கிய எஸ்.ஐ.; ரூ.2 லட்சம் இழப்பீடு வழங்க உத்தரவிட்ட மனித உரிமை ஆணையம்!

தொடர்ந்து விபத்து ஏற்படுத்தக் கூடிய வழக்குகள் டிடிஎஃப் வாசன் மீது வருவதால் ஜாமின் மனு நிராகரிப்பதாக நீதிபதி தெரிவித்துள்ளார். 

பிரபல யூடூபர் டிடிஎஃப் வாசன் கடந்த 17ஆம் தேதி சென்னை பெங்களூர் தேசிய நெடுஞ்சாலையில் காஞ்சிபுரம் அடுத்த தாமல் பகுதியில் உயர்ரக பைக்கில் சென்று சாகசம் செய்ய முயன்று விபத்து ஏற்பட்டு காயமடைந்தார். இதில் கை முறிவு ஏற்பட்டு, தனியார் மருத்துவமனையில் சிகிச்சை பெற்று விட்டு சென்ற நிலையில் பாலு செட்டி சத்திரம் போலீசார் 5 பிரிவுகளின் கீழ் வழக்கு பதிவு செய்து அவரை கைது செய்தனர். 

காஞ்சிபுரம் நீதித்துறை நடுவர் நீதிமன்றம் எண் 1-ல் டிடிஎப் வாசன் ஆஜர்படுத்தப்பட்டு வரும் அக்டோபர் 3- தேதி வரை நீதிமன்ற காவல் அளித்து புழல் சிறையில் அடைக்கப்பட்டுள்ளார். இந்நிலையில் நீதிமன்றத்தில் ஆஜர் படுத்தப்பட்ட அன்றே ஜாமீன் கேட்ட நிலையில் ஜாமீன் மனுவை நீதிபதி இனிய கருணாகரன் தள்ளுபடி செய்தார். இதனால் புழல் சிறையில் அடைக்கப்பட்ட டிடிஎப் வாசன் கை முறிவு சிகிச்சைக்காக ஸ்டான்லி மருத்துவமனையில் அனுமதிக்கப்பட்டுள்ளார்.   

சிறையில் அடைக்கப்பட்டு இரண்டு நாட்கள் ஆன நிலையில் இன்று மீண்டும் காஞ்சிபுரம் மாவட்டம் மற்றும் அமர்வு நீதிமன்றம் எண் 2-ல் நீதிபதி செம்மல் முன்னிலையில் ஜாமீன் கேட்டு டிடிஎஃப் வாசனின் வழக்கறிஞர்கள் ஜாமீன் மனு தாக்கல் செய்தனர். ஜாமீன் கேட்டு வந்த மனு மீது வழக்கு விசாரணை நடைபெற்ற நிலையில் டிடிஎப் வாசன் மீது விபத்து ஏற்படுத்தும் வழக்குகள் தொடர்ந்து வரும் நிலையில் அவருக்கு இரண்டு நாட்களிலேயே ஜாமீன் வழங்க முடியாது என கூறி, வழக்கறிஞர்களின் வாதத்தை ஏற்காமல் மாவட்ட நீதிபதி செம்மல் ஜாமீன் மனுவை தள்ளுபடி செய்தார்.

இதையும் படிக்க: மீண்டும் ஒரு வேங்கைவயல்?