பெண் ஐபிஎஸ் அதிகாரிக்கு பாலியல் தொல்லை கொடுத்த புகாரில் சிறப்பு டிஜிபி ராஜேஷ் தாஸ் சஸ்பெண்ட் செய்யப்பட்டு, அவர் மீது வழக்குப்பதிவு செய்து, நீதிமன்ற கண்காணிப்பில் சிபிசிஐடி விசாரணை மேற்கொண்டு வருகிறது.

இந்த நிலையில் தன் மீதான பாலியல் புகாரில் விசாகா குழு விசாரணையை ரத்து செய்ய கோரி சிறப்பு டிஜிபி தாக்கல் செய்த மனு மீதான விசாரணை இன்று நடைபெற்றது.இதில் ஆஜரான தமிழக அரசு வழக்கறிஞர், விசாகா கமிட்டி விசாரணையை தாமதப்படுத்த முன்னாள் சிறப்பு டிஜிபி ராஜேஷ் தாஸ் முயற்சிப்பதாக குற்றம்சாட்டினார்.பாலியல் வழக்கை வேறு மாநிலத்துக்கு மாற்ற கோரிய ராஜேஷ் தாஸ் மனுவை ஏற்கனவே  நிராகரித்துவிட்டதை சுட்டிக்காட்டிய தமிழக அரசு, விசாரணை குழுவில் இடம்பெற்றிருந்த அருண் என்ற அதிகாரி சிறப்பு  டிஜிபியின் கோரிக்கையின்படி மாற்றப்பட்டுவிட்டார் எனவும்  தெரிவித்துள்ளது.  மேலும் இந்த வழக்கில்  விரிவான பதில் மனு தாக்கல் செய்ய தமிழக அரசு அவகாசம் கோரியதை அடுத்து வழக்கு விசாரணை இரண்டு வாரங்களுக்கு ஒத்திவைத்து  நீதிபதிகள் உத்தரவிட்டனர்.. 

புதுக்கோட்டை மாவட்டம் கோட்டைபட்டினத்தை சேர்ந்த மீனவர்கள் சுகந்தன், சேவியர் மற்றும் ராஜ்கிரண் ஆகியோர் கடந்த 18ஆம் தேதி கடலுக்கு மீன்பிடிக்க சென்றனர். அப்போது, எல்லை தாண்டி மீன் பிடித்ததாக கூறி இலங்கை கடற்படை ரோந்து கப்பல் இவர்களது படகு மீது மோதியதில் 3 பேரும் கடலில் விழுந்தனர். 

கடலில் தத்தளித்து கொண்டிருந்த சேவியர் மற்றும் சுகந்தன் ஆகியோர் காப்பாற்றப்பட்ட நிலையில், மீனவர் ராஜ்கிரண் நீரில் மூழ்கி உயிரிழந்தார். அவரது உடலை தமிழக மீனவர்களிடம் ஒப்படைப்பதில் இலங்கை கடற்படை தாமதம் செய்து வருவதை கண்டித்து, கோட்டைப்பட்டினத்தில் மீனவர்கள் 3 வது நாளாக போராட்டத்தில் ஈடுபட்டு வருகின்றனர். 

உயிரிழந்த மீனவர் குடும்பத்திற்கு ஒரு கோடி ரூபாய் நிவாரணமாக வழங்க வேண்டும் என அதிமுக சார்பில் வலியுறுத்தப்பட்ட நிலையில், உயிரிழந்த மீனவர் ராஜ்கிரண் குடும்பத்திற்கு நிவாரணமாக 10 லட்சம் ரூபாய் வழங்கப்படும் என முதலமைச்சர் மு.க.  ஸ்டாலின் அறிவித்துள்ளார். மேலும் மீனவர் ராஜ்கிரண் உடலை தமிழக மீனவர்களிடம் ஒப்படைக்க நடவடிக்கை எடுக்க வலியுறுத்தி மத்திய வெளியுறவு துறை அமைச்சருக்கு கடிதம் எழுதி இருப்பதை முதலமைச்சர் மு.க.ஸ்டாலின் குறிப்பிட்டுள்ளார்.

புதுச்சேரி சேதராப்பட்டு பகுதியில் தனியாருக்கு சொந்தமான எஃகு தொழிற்சாலை செயல்பட்டு வருகின்றது. இங்கு வடாமநிலத்தை சேர்ந்த 3ஆயிரத்துக்கும் மேற்பட்ட தொழிலாளர்கள் பணிபுரிந்து வருகின்றனர்.இந்நிலையில் இன்று காலை அனைவரும் வழக்கம்போல் பணிக்கு வந்துள்ளனர். அப்போது மேற்கு வங்க மாநிலத்தைச் சேர்ந்த 31 வயதான அஜ்மல் மாலிக் என்பவரின் தலையில் கிரேன் அறுந்து விழுந்தது. இந்த விபத்தில் அவர் சம்பவ இடத்திலேயே பரிதாபமாக உயிரிழந்தார். மேலும் இரண்டு தொழிலாளர்கள் படுகாயமடைந்தனர். 

இதுகுறித்து தகவலறிந்து வந்த காவல்துறையினர் இறந்த உடலை மீட்டு பிரேத பரிசோதனைக்கு அனுப்ப சென்றனர். காவல்துறையினரை வழிமறித்து இறந்தவரின் குடும்பத்திற்கு உரிய இழப்பீடு வழங்கினால் மட்டுமே உடலை எடுக்க்க விடுவோம் என கூறி வாக்குவாதத்தில்  ஈடுப்பட்டனர். அப்போது அங்கு நிறுத்தப்பட்டிருந்த ஐந்து வாகனங்களை சூறையாடி காவல்துறையினர் மீதும் வட மாநிலத்தவர்கள் தாக்குதல் நடத்தினர். இதில் 3 காவலர்கள் காயமடைந்து மருத்துவமனையில் அனுமதிக்கப்பட்டுள்ளனர்.இதனை தொடர்ந்து மூன்று மணி நேரம் காவல்துறையினர் பேச்சு வார்த்தை நடத்தியதை அனைவரும் கலைந்து சென்றனர்.

புதிதாக உருவாக்கப்பட்ட9 மாவட்டங்களில் உள்ளாட்சி தேர்தல் நடைபெற்றது. இதையடுத்து ஒன்றியக் குழு தலைவருக்கான மறைமுக தேர்தல் இன்று நடைபெற்றது. இதில் வெற்ற பெற்றவர்கள் இன்று தேர்தல் நடத்தும் அதிகாரிகள் முன்பு பதவி ஏற்றுக்கொண்டனர். 

அதன்படி விழுப்புரம் மாவட்டம் மயிலம் வட்டார வளர்ச்சி அலுவலகத்தில் ஒன்றியக் குழு தலைவர் தேர்தல் நடைபெற்றது. இதில் மயிலம் ஒன்றிய குழு தலைவராக திமுகவை சேர்ந்த யோகேஸ்வரி மணிமாறன் போட்யின்றி தேர்வு செய்யப்பட்டார். அவருக்கு தேர்தல் நடத்தும் அலுவலர் பெரியசாமி பதவிப் பிரமாணம் செய்து வைத்தார். 

இதே போல் கள்ளக்குறிச்சி மாவட்டம் சங்கராபுரம் ஒன்றியக் குழு தலைவராக திமுகவை சேர்ந்த திலகவதி நாகராஜன் ஒருமனதாக தேர்ந்தெடுக்கப்பட்டார். இதைதொடர்ந்து அவருக்கு தேர்தல் நடத்தும் அதிகாரி ஒன்றியக்கு குழு தலைவராக  பதவிப் பிரமாணம் செய்து வைத்தார். கடந்த 50 ஆண்டுகளில் முதல் முறையாக சங்கராபுரம் ஒன்றியக்கு குழு தலைவராக திமுகவை சேர்ந்தவர் பதவியேற்றது இதுவே முதன் முறை என்பது குறிப்பிடத்தக்கது.   

செங்கல்பட்டு மாவட்டம், மதுராந்தகம் ஊராட்சி ஒன்றியத்தில், ஒன்றிய குழு தலைவர் பதவிக்கான தேர்தல் நடைபெற்றது. திமுக சார்பில் ஓப்பிலால் மற்றும் பத்மபிரியாவும் அதிமுக சார்பில் கீதா என்பவரும் போட்டியிட்டனர். இதில் கீதாவுக்கு 10 வாக்குகளும் பத்மபிரியாவுக்கு 7 வாக்குகளும், ஓப்பிலாலுக்கு 5 வாக்குகளும் பதிவாகின. இந்தநிலையில் பெரும்பான்மை நிலையில் யாரும் இல்லாததால் இரண்டாவது முறையாக கீதா மற்றும் பத்மபிரியாவுக்கு இடையே தேர்தல் நடைபெற்றது. இதில் அதிமுகவை சேர்ந்த கீதா வெற்றி பெற்று ஒன்றிய குழு தலைவராக தேர்ந்தெடுக்கப்பட்டார். 

ராணிப்பேட்டை மாவட்டத்தில் ஒரு மாவட்ட ஊராட்சி குழு தலைவர் மற்றும் 7 ஊராட்சி ஒன்றிய குழு தலைவர்கள் போட்டியின்றி தேர்வு செய்யப்பட்டனர். மாவட்ட ஊராட்சி குழு தலைவராக தேர்வு செய்யப்பட்ட திமுகவை சேர்ந்த ஜெயந்தி திருமூர்த்தி மாவட்ட ஆட்சியர் முன்னிலையில் பதவியேற்றுக் கொண்டார். இதைதொடர்ந்து திமுகவை சேர்ந்த  7 ஊராட்சி ஒன்றிய குழு தலைவர்கள் தேர்தல் அலுவலர்கள் முன்னிலையில் பதவியேற்று கொண்டனர். 

தமிழக முதலமைச்சர் ஸ்டாலின் எழுதிய இந்த கடிதத்தை, டெல்லி சென்றுள்ள தி.மு.க மக்களவை குழு தலைவர் டி.ஆர். பாலு, மத்திய அமைச்சர் மன்சுக் மாண்டவியாவை  அலுவலகத்தில் சந்தித்து வழங்கினார். அதில், தமிழக டெல்டா மாவட்டங்களில் பயிர் சாகுபடி பகுதிகள் அதிகரித்துள்ளதாக குறிப்  பிடப்பட்டுள்ளது. இதனால் அதற்கான உரம் தேவையும் அதிகரித்துள்ளதாகவும், ஆனால் மத்திய அரசு, தமிழகத்திற்கு தேவையான உரத்தை முழுமையாக வழங்கவில்லை எனவும் கூறப்பட்டுள்ளது. 

குறிப்பாக அக்டோபர் மாதத்தில் யூரியாவின் தேவை  ஒரு லட்சத்து 66 ஆயிரத்து 700 மெட்ரிக் டன் எனவும், ஆனால் இதுவரை 61 ஆயிரத்து 384 மெட்ரிக் டன் யூரியா மட்டுமே வழங்கப்பட்டுள்ளதாக கூறப்பட்டுள்ளது. அதுதவிர டி.ஏ.  பி. 10,601 மெட்ரிக் டன்னும், எம்.ஓ.  பி. 10,250 மெட்ரிக் டன் மட்டுமே வழங்கப்பட்டுள்ளது எனவும் குறிப்  பிடப்பட்டுள்ளது. 

மேலும் ஏப்ரல் முதல் செப்டம்பர் வரை வழங்கப்பட வேண்டிய யூரியாவில் ஆயிரத்து 59 லட்சம் மெட்ரிக் டன் இதுவரை வழங்கப்படவில்லை எனவும், இதே காலகட்டத்தில்  டி.ஏ.  பி 32 ஆயிரம் மெட்ரிக் டன் குறைவாகவே வழங்கப்பட்டதாகவும் கூறப்பட்டுள்ளது.   

எனவே தமிழகத்தின் உரத்தேவையை விட குறைவாகவே உரம் ஒதுக்கப்பட்டதால்,  தற்போது   உரத் தட்டுப்பாடு ஏற்பட்டுள்ளதாக முதல்வர் ஸ்டாலின் குறிப்  பிட்டுள்ளார். எனவே சம்பா சாகுபடியை கருத்தில் கொண்டு,  நடப்பு பருவத்தில் 125 லட்சம் மெட்ரிக் டன் உற்பத்தி என்ற இலக்கை அடையவும், விவசாயிகளின் வாழ்வாதரத்தை மேம்படுத்தவும் பயிர் சாகுபடிக்கு தேவையான உரங்களை உடனடியாக வழங்க வேண்டும் எனவும் கேட்டுக்கொண்டுள்ளார். 

அதேபோல ஏற்கனவே மத்திய அரசின் தொகுப்  பிலிருந்து வழங்கப்படாமல் உள்ள உரங்களையும் வழங்க வேண்டும் என கூறப்பட்டுள்ளது. தற்போது பயிர் சாகுபடி நிலத்தின் அளவு  அதிகரித்துள்ளதால் தேவையை பூர்த்தி செய்ய ஏதுவாக தமிழகத்துக்கு கூடுதலாக 25,000 மெட்ரிக் டன் யூரியாவும், 10 ஆயிரம் மெட்ரிக் டன் எம்.ஓ.  பி வழங்க வேண்டும் என கடிதத்தில் முதலமைச்சர்  ஸ்டாலின்  வலியுறுத்தியுள்ளார்.