14 மாவட்டங்களில் கனமழைக்கு வாய்ப்பு:

ஆந்திர பகுதிகளின் மேல் நிலவும்  வளி மண்டல கீழடுக்கு சுழற்சி காரணமாக, தமிழகத்தில் இன்று 14 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. 

இடி மின்னலுடன்:

இதுதொடர்பாக வானிலை ஆய்வு மையம் வெளியிட்டுள்ள அறிக்கையில், தமிழகம் மற்றும் புதுச்சேரியில் இன்று ஒருசில இடங்களில் இடி மின்னலுடன் கூடிய மிதமான மழை பெய்யக்கூடும் என்றும் கூறியுள்ளது. 

14 மாவட்டங்கள்:

மேலும், மயிலாடுதுறை, அரியலூர், பெரம்பலூர், கடலூர், கள்ளக்குறிச்சி, விழுப்புரம், திருவண்ணாமலை ஆகிய மாவட்டங்களில் ஓரிரு இடங்களில் கனமழை பெய்ய வாய்ப்புள்ளதாகவும் தெரிவிக்கப்பட்டுள்ளது. இதேபோல், திருப்பத்தூர், வேலூர், ராணிப்பேட்டை, திருவள்ளூர், சென்னை,  காஞ்சிபுரம்,  செங்கல்பட்டு மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் கனமழை பெய்யவாய்ப்புள்ளதாகவும் வானிலை ஆய்வு மையம் தெரிவித்துள்ளது. 

மிதமான மழை:

சென்னையை பொறுத்தவரை, வானம் பொதுவாக மேகமூட்டத்துடன் காணப்படும் என்றும் நகரின் ஒருசில பகுதிகளில் மிதமான மழை பெய்யக்கூடும் என்றும் வானிலை ஆய்வு மையம் கூறியுள்ளது.

மீனவர்களுக்கு எச்சரிக்கை:

மேலும், ஆந்திர கடலோரப் பகுதிகள், வட தமிழக கடலோரப் பகுதிகள்  மற்றும் அதனை ஒட்டிய  வங்கக்கடல் பகுதிகளில் இன்று மணிக்கு 60 கிலோ மீட்டர் வரை சூறாவளிக்காற்று வீசக்கூடும் என்றும் இப்பகுதிகளுக்கு மீன்பிடிக்க செல்ல வேண்டாம் என்றும் மீனவர்களுக்கு வானிலை ஆய்வு மையம் எச்சரிக்கை விடுக்கப்பட்டுள்ளது.

2கிலோ, 5கிலோ கேஸ்:

தமிழகத்தில் முகவரி இல்லாமல் இருக்கும் சாலையோர கடைகளுக்கு கூட்டுறவுத் துறை மூலம் 2கிலோ, 5கிலோ கேஸ் சிலிண்டர் வழங்க திட்டமிடப்பட்டுள்ளது. 

முன்னா, சோட்டு:

அதன்படி, சென்னையில் உள்ள திருவல்லிக்கேணி நகர கூட்டுறவு சங்கம் வாயிலாக இண்டேன் நிறுவனத்தின் 2கிலோ எடை கொண்ட முன்னா சிலிண்டர் மற்றும் 5கிலோ எடை கொண்ட சோட்டு சிலிண்டர் ஆகிய இரு புதிய கேஸ் சிலிண்டர்களை கூட்டுறவுத்துறை அமைச்சர் ஐ.பெரியசாமி இன்று அறிமுகம் செய்து வைக்கிறார். 

சென்னையில் அறிமுகம்:

இத்திட்டத்தின் மூலம், புலம்பெயர் தொழிலாளர்கள், நடைப்பாதை வியாபாரிகள், சிறு வணிகர்கள் உள்ளிட்டோருக்கு இந்த புதிய வகை கேஸ் சிலிண்டர்கள் வழங்கப்பட உள்ளன. முதற்கட்டமாக சென்னையில் உள்ள திருவல்லிக்கேணி, தேனாம்பேட்டை, கீழ்ப்பாக்கம், ராஜா அண்ணாமலைபுரம், ராயப்பேட்டை ஆகிய பகுதிகளில் உள்ள சுயசேவைப் பிரிவு மையங்களில் புதிய வகை சிலிண்டர் விநியோகம் அமலுக்கு வர உள்ளது. 

விலை நிலவரம்:

இதற்கு இருப்பிடச்சான்று எதுவும் தேவைப்படாது என்றும் கூட்டுறவுத்துறை அதிகாரிகள் தெரிவித்துள்ளனர். முன்னா சிலிண்டரின் விலை ரூ.961.50காசாகவும், சோட்டு சிலிண்டரின் விலை ரூ.1,528 ஆகவும் நிர்ணயிக்கப்பட்டுள்ளது.

உலக பிரசித்தி மதுரை மீனாட்சி அம்மன் கோவிலில் கடந்த 26ஆம் தேதி துவங்கிய  நவராத்திரி விழா விழா வெகுவிமர்சையாக நடைபெற்றது.  கோவிலில் பல்வேறு கொலு பொம்மைகள் வைக்கப்பட்டு பக்தர்கள் வழிபட்டு வந்தனர்.

ஒவ்வொரு நாளும் மாலையில் அம்மன் பல்வேறு அலங்காரத்தில் எழுந்தருளி காட்சியளிக்கும் நிகழ்வு நடைபெற்றது. இந்நிலையில் நவராத்திரி விழாவின் 9-ஆம் நாள் விழாவான விஜயதசமியை முன்னிட்டு  பள்ளி,  கல்லூரி மாணவ-மாணவியர்களின் கல்வி மேம்பாடு வேண்டி கோவில் வளாகத்தில் உள்ள திருக்கல்யாண மண்டபத்தில் 108 வீணை இசை வழிபாடு நடைபெற்றது.\

மேலும் படிக்க | குழந்தைகளுக்கு வித்யாரம்பம்..! களைகட்டிய விஜயதசமி கொண்டாட்டம்..!

இந்த வீணை இசை வழிபாட்டு நிகழ்ச்சியில்  மதுரை, சென்னை, நாமக்கல், திண்டுக்கல், ஆகிய பகுதிகளில்  இருந்து மாணவிகள், பேராசிரியர்கள் என ஏராளமானவர்கள் வீணை வழிபாட்டில் பங்கேற்பு செய்தனர்.

வீணை வழிபாட்டின் போது மழை பெய்து விவசாயம் செழிக்க வேண்டியும் பாடல்கள் பாடப்பட்டன, விநாயகர் பாடல் உட்பட 22 பாடல்கள் வீணை இசை வழியே இசைக்கபட்டன, வீணை இசை வழிபாட்டை பக்தர்கள், மாணவ மாணவியர்கள் , பெற்றோர்கள் , இசை ஆர்வலர்கள் உள்ளிட்டோர் கண்டு ரசித்து சிறப்பு வழிபாட்டில் ஈடுபட்டனர்.

மேலும் படிக்க | அம்மன் தலையில் சுற்றிய பாம்பு...! ஆச்சர்யத்துடன் வழிபட்ட மக்கள்...!

தாம்பரம் அடுத்த  வரதராஜபுரம் ஊராட்சியில் பாரத் நகர்  குடியிருப்போர் பொது சங்கம் சார்பில் நகர்  குற்றங்கள் தடுக்கும் வகையில் சிசிடிவி கேமராக்கள் பொருத்தும் நிகழ்வு நடைபெற்றது. 

இந்த கேமராக்களை  சிறப்பு அழைப்பாளராக மணிமங்கலம்  காவல்துறையினர்  கலந்து கொண்டு ரிப்பன் வெட்டி துவக்கி வைத்தனர். 

மேலும் படிக்க | செல்போன் கடையில் திருட்டில் ஈடுபட்ட சிறுவர்கள்...! பல விலையுயர்ந்த பொருட்கள் பறிமுதல்..! 

மேலும் நிகழ்ச்சியை துவக்கி வைத்த காவல்துறையை அதிகாரி கூறும் பொழுது இங்கிருக்கும் பொதுமக்கள் ஒவ்வொரு வீட்டிலும் சிசிடிவி கேமரா அமைக்க வேண்டும் என்றும் வெளியூர் செல்லும்போது தவறாமல் காவல்துறையினரிடம் சொல்லிவிட்டு செல்லுங்கள் இரவு நேரங்களில் உங்கள் வீட்டை பாதுகாப்பு கொடுப்போம் என்று அப்பகுதி மக்களுக்கு வேண்டுகோள் விடுத்தார்.. மேலும் இருசக்கர வாகனத்தில் ஜிபிஎஸ் பொருத்துமாறு வேண்டுகோள் விடுத்தனர். 

செங்கல்பட்டில் இரண்டு ஆண்டுகளுக்கு பிறகு மீண்டும் தசராபண்டிகை கடந்த 27ஆம்தேதி துவங்கி கோலாகலமாக கொண்டாடப்பட்டு வருகிறது. எந்த ஆண்டும் இல்லாத அளவிற்கு டெண்டர் விடப்பட்டுள்ளது அதேபோல் எதிர்ப்பார்த்ததை விட அளவுக்கு அதிகமான மக்கள் கூட்டம் அலைமோதுகிறது. 

இராட்சத இராட்டிணத்தில் சுற்றுவதில் இளைஞர்கள் மற்றும் இளம்பெண்கள் மிகவும் ஆர்வம் காட்டி வருகின்றனர். அதிகநேரம் கால்கடுக்க  காத்திருந்து இராட்டிணத்தில் சுற்றிவருகின்றனர். 

மேலும் படிக்க | மனைவி ஒப்புதலுடன் காதலியை திருமணம் செய்த கணவர் தலைமறைவு! 

இந்நிலையில் இளைஞர்கள் சிலர் அந்த அபாயகரமான இராட்டிணத்தில் வடிவேலுவின் சினிமா பட காமெடி வசத்தை வைத்து அந்தரத்தில் தொங்கியபடி டிக்டாக் செய்து பரபரப்பை ஏற்படுத்தியுள்ளனர். தகவலறிந்து நேரில் வந்த செங்கல்பட்டு நகராட்சி மற்றும் வருவாய்த்துறை அதிகாரிகள் நேரில் வந்து எச்சிரித்து  இராடாடிணத்தை இயக்கக்கூடாது என தடைவிதித்தும் தொடர்ந்து இராட்டிணம் இயக்கப்படுகிறது. 

மிகவும் ஆபத்தான இந்த டிக்டாக் வீடியோ காட்சி வலைதளங்களில் வைரலாக பரவிவருவதால் இராட்சத இராட்டிணத்தில் சுற்றுவதற்கு இளைஞர்கள் மத்தியில் அச்சம் ஏற்ப்பட்டுள்ளது. குறிப்பாக இந்த டிக்டாக் சம்பவத்தால்  இளம்பெண்கள் அச்சத்தின் காரணமாக இராட்டிணத்தில் சுற்றுவதை குறைத்து கொண்டுள்ளதாக கூறுகின்றனர். 

மேலும் படிக்க | TTF ஓட பவர் தெரியாம..! நியூஸ் சேனல்களை மிரட்டும் தொனியில் பேசிய TTF வாசன்..!