சைதாப்பேட்டையில் பெட்ரோல் பங்க் மேற்கூரை சரிந்து விழுந்த விபத்தில் 30 வயது தக்க ஒருவர் பலியாகி உள்ளது வருத்தம் அளிக்கிறது என அமைச்சர் மா.சுப்பிரமணியன் பேட்டிளித்துள்ளார். 

சென்னை சைதாப்பேட்டை ஜோன்ஸ் சாலையில் உள்ள இந்தியின் ஆயில் பெட்ரோல் பங்கின் மேற்கூரை சரிந்து விழுந்த இடத்தில் மருத்துவமனை மற்றும் மக்கள் நல்வாழ்வுத் துறை அமைச்சர் மா.சுப்பிரமணியன் மற்றும் துணை மேயர் மகேஷ் குமார் ஆய்வு செய்தனர்.

தொடர்ந்து செய்தியாளர்களிடம் பேசிய மருத்துவ மற்றும் மக்கள் நல்வாழ்வுத்துறை அமைச்சர் மா.சுப்பிரமணியன்,  சைதாப்பேட்டை கிழக்கு ஜோன்ஸ் சாலையில் உள்ள இந்த பெட்ரோல் பங்கின் கூரை விழுந்து, 7 பேர் பலத்த காயமடைந்துள்ளனர். அதில் 4 பேர் ராயப்பேட்டை அரசு மருத்துவமனையில் அனுமதிக்கப்பட்டு சிகிச்சை பெற்று வருகின்றனர். 3 பேர் கலைஞர் நூற்றாண்டு மருத்துவமனையில் சிகிச்சை பெற்று வருகின்றனர்.

இந்த நிலையில் 30 வயது மதிக்கத்தக்க நபர் மருத்துவமனைக்கு கொண்டு சென்ற போது பலியானார் என்று மருத்துவர்கள் உறுதி செய்துள்ளனர்.  ஒரு இறப்பு நேர்ந்து உள்ளது 7 பேர் சிகிச்சை பெற்று வருகின்றனர்.

இந்தியன் ஆயில் சிஇஓவிடம் தொடர்பு கொண்டு பேசியுள்ளோம், நெடுஞ்சாலைத்துறையோ மாநகராட்சியோ எலக்ட்ரிக் கட்டர்களை வைத்து துண்டித்தால் அதில் இருந்து பறக்கும் நெருப்புத் துளிகள் பெட்ரோல் பங்க் என்பதால் பெரிய விபத்தாக நேரிடும் வாய்ப்பிருக்கிறது. அதனால் அந்த பணியை செய்ய வேண்டாம் என்று துறைகளை தடுத்திருக்கிறோம் என்றார். 

ஹேண்ட் கட்டர் அல்லது எலக்ட்ரிக் கட்டரை வைத்து மேற்கூரையை அப்புறப்படுத்தினாலும் இது ஒரு ஆபத்தான விஷயம், தீயணைப்பு மற்றும் காவல்துறையினர் மேற்கூரையை கிரேன் வைத்து தூக்கி பார்த்தனர் உள்ளே யாரும் இல்லை என்று உறுதி செய்துள்ளனர்.

மருத்துவமனையில் சிகிச்சை பெற்று வருபவர்கள் நலமுடன் உள்ளார்கள், அவர்களுக்கு தக்க சிகிச்சை அளிக்கப்பட்டு வருகிறது இறப்பு ஒன்று வருத்தம் அளிக்க கூடிய விஷயமாக உள்ளது. பெரிய அளவிலான பாதிப்பு யாருக்கும் இல்லை ஒரு இறப்பு மட்டும் நேர்ந்துள்ளது என்றார்.

இதையும் படிக்க: "நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!

காவிரி விவகாரத்தில் துரைமுருகனின் பேச்சு மழுப்பலாகவும் நழுவலாகவும் கோழையை போல் உள்ளது என முன்னாள் அதிமுக அமைச்சர் ஜெயக்குமார் கண்டனம் தெரிவித்துள்ளார். 

சென்னை பழைய வண்ணாரப்பேட்டையில் அண்ணாவின் 115 வது பிறந்தநாளை முன்னிட்டு அதிமுக கட்சியின் சார்பில்  பொதுக்கூட்டம் மற்றும் நலதிட்ட உதவிகள் நடைபெற்றது. இதில் கலந்து கொண்ட முன்னாள் அமைச்சர் ஜெயக்குமார் நலத்திட்ட உதவிகள் வழங்கிய பின்னர் செய்தியாளர்களை சந்தித்தார்.

அதிமுக பாஜக குறித்து பேசிய ஓபிஎஸ் மற்றும் பண்ரூட்டி ராமச்சந்திரன் குறித்த கேள்விக்கு, ஆஸ்கார் நாயகனை வைத்து கொண்டு பத்து கட்சி தாவிய பண்ரூட்டி பேசியிருக்கிறார். அதை ஆஸ்கார் நாயகன் ஓபிஎஸ் அமைதியாக பார்த்து கொணருந்தார்.  இத்தகைய செயல் கொண்டவர் பச்சோந்தி ஓபிஎஸ் என விமர்சித்தார்

மேலும் காவிரி விவகாரத்தில் தமிழகத்திற்கு துரோகம் இழைத்தது கருணாநிதி தான் என்றும் ஜெயலலிதா வாஜ்பாய் அரசிற்கு ஆதரவு தரும் பொழுது ஐந்து நிபந்தனைகளில் ஒன்றாக நீர் விவகாரத்தை வைத்ததாகவும் ஆனால் அதை வாஜ்பாய் அரசு நிறைவேற்றாததால் ஆதரவையே திரும்ப பெற்றவர் ஜெயலலிதா எனவும் கூறினார்.

டெல்லி முதல்வர் கெஜ்ரிவாலை போல தமிழக முதல்வர் தைரியாமாக செயல்பட்டருக்க வேண்டும் என்றும் இந்தியா கூட்டணி  கூட்டத்திற்கு செல்வதற்கு முன்னரே காவிரி விகாரத்தை பற்றி பேசிவிட்டு சென்றிருக்கலாமே என்றும் துரைமுருகன் இது தொடர்பாக பேசும் போது மழுப்பலாகவும் நழுவலாவும் கோழை போன்று பேசுகிறார் எனவும் சாடினார். 

இதையும் படிக்க: "நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!

பிரேசில் நாட்டில் இருந்து விமானம் மூலம் சென்னைக்கு கொகைன் போதைப் பொருள் கடத்திய வழக்கில், போர்ச்சுகல் நாட்டை சேர்ந்தவருக்கு 10 ஆண்டுகள் சிறை தண்டனை விதித்து, சென்னை போதைப்பொருள் கடத்தல் தடுப்பு வழக்குகளை விசாரிக்கும் சிறப்பு நீதிமன்றம் தீர்ப்பளித்துள்ளது.

பிரேசில் நாட்டின் சாவ் பாலோவில் இருந்து, சென்னைக்கு விமானத்தில், போதைப்பொருள் கடத்தி வருவதாக, தேசிய போதைப்பொருள் கடத்தல் தடுப்பு நுண்ணறிவு பிரிவு அதிகாரிகளுக்கு தகவல் கிடைத்தது.

இதையடுத்து, 2018 மே 5ல் சென்னை விமான நிலையத்தில், 'எமிரேட்ஸ்' விமானத்தில் வந்திறங்கிய பயணிகளின் உடமைகளை சோதனையிட்டதில் போர்ச்சுகல் நாட்டை சேர்ந்த டொமிங்கோஸ் மென்டிஸ் அபோன்சோ என்ற பயணியின் ட்ராலி பேக்-கில் உணவு பொருட்களுடன் மறைத்து வைத்திருந்த, 1 கிலோ 800 கிராம் எடையுள்ள கொகைன் போதைப் பொருள் பறிமுதல் செய்யப்பட்டது.

இதையடுத்து  டொமிங்கோஸ் மென்டிஸ் அபோன்சோ  கைது செய்யப்பட்டார். இந்த வழக்கை 
விசாரித்த போதைப்பொருள் தடுப்பு வழக்குகளுக்கான சிறப்பு நீதிமன்ற நீதிபதி ஜெ.  ஜூலியட் புஷ்பா,  குற்றச்சாட்டுகள் சந்தேகத்துக்கு இடமின்றி நிரூபிக்கப்பட்டு உள்ளதாக கூறி, டொமிங்கோஸ் மென்டிஸ் அபோன்சோவுக்கு 10 ஆண்டுகள்  சிறை தண்டனையும், 2 லட்சம் ரூபாய் அபராதம் விதித்து தீர்ப்பளித்தார்.

இதையும் படிக்க: "நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!

சென்னையில் அக்டோபர் 14 ஆம் தேதி ‘மகளிர் உரிமை மாநாடு’ நடைபெறுவது தொடர்பாக திமுக துணை பொது செயலாளர் கனிமொழி  தலைமையில் அண்ணா அறிவாலயத்தில் ஆலோசனைக் கூட்டம் நடைபெற்றது.

மறைந்த முன்னாள் முதலமைச்சர் கருணாநிதி நூற்றாண்டு விழாவை முன்னிட்டு திமுக மகளிர் அணி முன்னெடுக்கும் ‘மகளிர் உரிமை மாநாடு’ திமுக தலைவரும், தமிழ்நாடு முதலமைச்சருமான மு.க.ஸ்டாலின் தலைமையில் அக்டோபர் 14ம் தேதி சென்னையில் நடைபெற உள்ளது. 

சென்னை தேனாம்பேட்டை அண்ணா அறிவாலயத்தில், தி.மு.க. துணை பொதுச் செயலாளர் கனிமொழி கருணாநிதி எம்.பி. தலைமையில் ‘மகளிர் உரிமை மாநாடு’  ஏற்பாடுகள் குறித்து ஆலோசனைக் கூட்டம் இன்று நடைபெற்றது. இந்த கூட்டத்துக்கு தலைமை தாங்கி கனிமொழி கருணாநிதி எம்.பி. பல்வேறு ஆலோசனைகளை வழங்கினார்.

இந்த ஆலோசனைக் கூட்டத்தில், ஊரக தொழிற்துறை அமைச்சர் தா.மோ.அன்பரசன், தலைமைக் கழக செய்தி தொடர்பு அணித் தலைவர் திரு.  டி.கே.எஸ்.இளங்கோவன் (முன்னாள் எம்.பி), திமுக மகளிர் அணித் தலைவர் விஜயா தாயன்பன், திமுக மகளிர் அணிச் செயலாளர் ஹெலன் டேவிட்சன், திமுக மகளிர் தொண்டர் அணி செயலாளர் நாமக்கல் ராணி, திமுக மகளிர் அணி இணைச் செயலாளர் குமரி விஜயகுமார், திமுக மகளிர் தொண்டர் அணி இணைச் செயலாளர் தமிழரசி ரவிக்குமார் (எம்.எல்.ஏ) மற்றும் திமுக மகளிர் மாநில நிர்வாகிகள் கலந்துகொண்டனர்.

மகளிர் இடஒதுக்கீடு மசோதாவை உடனே அமல்படுத்துவது உள்ளிட்ட பெண்ணுரிமைத் தொடர்பான கருத்துரையாடலை முன்னெடுப்பதை காலத்தின் தேவையாகக் கருதி, திமுக தலைவர் மு.க.ஸ்டாலினின் தலைமையில், கட்சியின் மகளிர் அணி சார்பில் வருகின்ற 14.10.2023 அன்று சென்னை நந்தனம் ஒய்எம்சிஏ திடலில் ‘மகளிர் உரிமை மாநாடு’ பிரமாண்டமாக நடைபெற உள்ளது.

இந்த மாநாட்டில் பங்கேற்க, இந்திய தேசிய காங்கிரஸ் கட்சியின் முன்னாள் தலைவர் சோனியா காந்தி, காங்கிரஸ் கட்சியின் பொதுச் செயலாளர் பிரியங்கா காந்தி, ஜம்மு காஷ்மீர் முன்னாள் முதல்வர் மெகபூபா முப்தி, தேசியவாத காங்கிரஸ் கட்சியின் செயல் தலைவர் சுப்ரியா சுலே, மார்க்சிஸ்ட் கம்யூனிஸ்ட் கட்சியின் பொலிட் பீரோ உறுப்பினர் சுபாஷினி அலி, இந்தியக் கம்யூனிஸ்ட் கட்சியின் தேசிய நிர்வாகக் குழு உறுப்பினரும், இந்திய மாதர் தேசிய சம்மேளனத்தின் பொதுச் செயலாளருமான ஆனி ராஜா உள்ளிட்ட இண்டியா கூட்டணியின் பல்வேறு முக்கிய அகில இந்தியத் தலைவர்கள் சிறப்புரை ஆற்ற உள்ளார்கள்.

இதையும் படிக்க: "நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!

வாச்சாத்தியில் பழங்குடியின பெண்களை பாதுகாக்க அக்கறை காட்டாத அப்போதைய அரசு,   தவறிழைத்த அதிகாரிகளை பாதுகாக்கவே முற்பட்டதாக  சென்னை உயர் நீதிமன்றம், கடும் கண்டனம் தெரிவித்துள்ளது.

வன்கொடுமை தடுப்புச் சட்டத்தின் கீழ் பதிவு செய்யப்பட்டுள்ள வழக்கை சிபிஐ விசாரிக்க முடியாது என்ற வாதத்தை ஏற்க முடியாது என குறிப்பிட்டுள்ள நீதிபதி வேல்முருகன், உயர் நீதிமன்றத்தின் உத்தரவின் அடிப்படையில் தான் சிபிஐ இந்த வழக்கை விசாரித்தது என்பதைச் சுட்டிக்காட்டியுள்ளார்.

குற்றம் சாட்டப்பட்டவர்கள் அனைவரும் அரசு ஊழியர்கள் என்ற போதிலும், அவர்கள் தங்கள் வரம்பை மீறி, இளம் பெண்களை பாலியல் வன்கொடுமை செய்த செயல் அலுவல் ரீதியான பணியல்ல என்பதால், வழக்கு தொடர்வதற்கு அனுமதி பெற வேண்டிய அவசியம் இல்லை என்பதையும் குறிப்பிட்டுள்ளார்.

கிராமத்தினரின் சொத்துக்களை மட்டுமல்லாமல், கால்நடைகள் கோழிகளை உள்ளிட்டவற்றை அதிகாரிகள் திருடிச் சென்றிருக்கிறார்கள் என்பதை சுட்டிக்காட்டி, இது அலுவல் ரீதியான பணி அல்ல என நீதிபதி தெரிவித்துள்ளார்.

விசாரணை நீதிமன்றம் அனைத்து சாட்சிகளையும், ஆதாரங்களையும் ஆராய்ந்து தான் இந்த தீர்ப்பை வழங்கி உள்ளது என சுட்டிக்காட்டியுள்ளார்.

வழக்கில் பாதிக்கப்பட்ட அனைவரும் பழங்குடியினத்தை சேர்ந்தவர்கள் என்று வாக்குமூலத்தில் கூறியிருக்கும் நிலையில், அதற்கான சான்றிதழ்கள் சமர்ப்பிக்கவில்லை என்பதற்காக வன்கொடுமை தடுப்புச் சட்டத்தின் கீழ் வழக்கு தொடர முடியாது என்று குற்றம் சாட்டப்பட்டவர்கள் தரப்பில் வைக்கப்படும் வாதத்தை ஏற்க முடியாது என்றும் குறிப்பிட்டுள்ளார்.

வாச்சாத்தி பகுதியில் சில பெரும் புள்ளிகள் சந்தன கடத்தலில் ஈடுபட்ட நிலையில், அப்பாவி கிராம மக்கள் மீது குற்றம் சுமத்தப்பட்டு, அவர்களுக்கு எதிராக பொய் வழக்குகள் பதிவு செய்யப்பட்டுள்ளன என்றும், கடத்தலில் ஈடுபட்டவர்களுக்கு எதிராக வனத்துறை எந்த வழக்கையும் பதிவு செய்யவில்லை என அதிருப்தி தெரிவித்துள்ளார்.

சந்தன கடத்தல் வழக்கில் கைது செய்யப்பட்ட 18 இளம் பெண்களும், நீதிமன்ற காவலில் வைப்பதற்காக நீதிமன்றத்தில் ஆஜர்படுத்தப்பட்ட போது, தாங்கள் பாலியல் வன்கொடுமை உள்ளாக்கப்பட்டது குறித்து  தெரிவிக்கவில்லை என்ற வாதத்தை மனுதாரர்கள் முன் வைத்திருக்கிறார்கள் என சுட்டிக்காட்டியுள்ள நீதிபதி, காவல்துறை, வனத்துறை, வருவாய் துறை அதிகாரிகள் மிரட்டல் காரணமாகவே அந்த பெண்கள் தங்களுக்கு நேர்ந்த அவலத்தை நீதிபதியிடம் கூறவில்லை என்ற போதும், பிறகு பாதுகாப்பாக உணர்ந்ததால் பாலியல் வன்கொடுமைக்கு உள்ளாக்கப்பட்டது குறித்து சாட்சியம் அளித்துள்ளதாக, நீதிபதி தெளிவுபடுத்தி உள்ளார்.

 அதனால் பெண்கள் பாலியல் வன்கொடுமைக்கு உள்ளாக்கப்படவில்லை என்ற மேல்முறையீட்டுக்காரர்கள் வாதத்தை ஏற்க முடியாது என நீதிபதி மறுத்துவிட்டார். 13 வயது சிறுமியையும், 8 மாத  கர்ப்பிணியையும் பாலியல் வன்கொடுமைக்கு உள்ளாக்கி இருக்கும் நிலையில், சந்தன கடத்தல் வழக்கில் இருந்து தப்பிப்பதற்காக தங்களுக்கு எதிராக பொய் குற்றச்சாட்டை கிராமத்தினர் கூறி இருக்கிறார்கள் என்ற மனுதாரர்களின் வாதத்தை ஏற்க முடியாது எனவும் குறிப்பிட்டுள்ளார்.

சந்தன கட்டைகளை தேடுவதற்காக 18 பெண்களை அழைத்துச் சென்ற போது, பெண் காவலர் இருந்தும், அவரை உடன் அழைத்துச் செல்லவில்லை என்பதிலிருந்து, குற்றம் சாட்டப்பட்டவர்களின் உள்நோக்கம் தெளிவாகத் தெரிவதாக நீதிபதி தெரிவித்துள்ளார். பாதிக்கப்பட்ட 18 பெண்களும் குற்றம் சாட்டப்பட்டவர்களை அடையாளம் காட்டியிருக்கிறார்கள் என்பதை உத்தரவில் குறிப்பிட்டுள்ளார். 

கிராமத்தினருக்கு எதிராக பதிவு செய்யப்பட்ட வழக்கு, பொய் வழக்கு என கூறி உயர் நீதிமன்றத்தால் ரத்து செய்யப்பட்டுள்ளதை சுட்டிக்காட்டிய நீதிபதி வேல்முருகன், தங்கள் தவறை மூடி மறைப்பதற்காகவே கிராமத்தினருக்கு எதிராக சந்தன கடத்தல் வழக்குகளை அதிகாரிகள் பதிவு செய்திருப்பதும் தெளிவாகிறது என குறிப்பிட்டுள்ளார்.

வன்முறையில் ஈடுபட்ட உண்மை குற்றவாளிகள் யார் என்று தெரிந்தும் கூட, மாவட்ட ஆட்சியரோ, மாவட்ட வன அதிகாரியோ, காவல் கண்காணிப்பாளரோ எந்த நடவடிக்கையும் எடுக்காமல் குற்றவாளிகளை பாதுகாத்துள்ளதாக அதிருப்தி தெரிவித்துள்ளார்.

உண்மையான சந்தன கடத்தல்காரர்களை காப்பாற்றும் நோக்கில், அப்போதைய அரசின் உதவியுடன் வனத்துறை, காவல்துறை மற்றும் வருவாய்த்துறை அதிகாரிகள் இந்த வன்முறை வெறியாட்டத்தை அரங்கேற்றி இருக்கிறார்கள் என சுட்டிக்காட்டியுள்ளார்.

அப்போதைய அரசு, பழங்குடியின பெண்களை பாதுகாக்க அக்கறை காட்டவில்லை எனவும், மாறாக தவறிழைத்த அதிகாரிகளை பாதுகாக்கவே முற்பட்டதாகவும் கடும் கண்டனத்தை நீதிபதி வேல்முருகன் பதிவுசெய்துள்ளார்.

பாதிக்கப்பட்ட அப்பாவி இளம் பழங்குடியின பெண்களின் வலியை தகுந்த இழப்பீடு வழங்குவதன் மூலம் மட்டுமே ஈடுகட்ட முடியும் என குறிப்பிட்டு, பாலியல் வன்கொடுமையால் பாதிக்கப்பட்ட 18 பேருக்கு தலா 10 லட்ச ரூபாய் இழப்பீடு வழங்க வேண்டும் எனவும், அதில் 50 சதவீத தொகையை பாலியல் வன்கொடுமை குற்றச்சாட்டுக்களில் தண்டிக்கப்பட்ட 17 பேரிடமிருந்து வசூலிக்க வேண்டும் எனவும் உத்தரவிட்டுள்ளார்.

அதேபோல, பாதிக்கப்பட்டவர்களின் குடும்பத்தினருக்கு அரசு வேலைவாய்ப்பு அல்லது சுய வேலை வாய்ப்புக்கான வசதிகளை ஏற்படுத்தி தர வேண்டும் எனவும், வாச்சாத்தி கிராமத்துக்கு தேவையான நலத்திட்ட உதவிகளை வழங்கவும் அரசுக்கு நீதிபதி உத்தரவிட்டுள்ளார்.

சிபிஐ தரப்பில் கூறப்பட்டுள்ள குற்றச்சாட்டுகள் அனைத்தும்  நிரூபிக்கப்பட்டுள்ளதாக கூறி, தர்மபுரி மாவட்ட நீதிமன்ற தீர்ப்பை உறுதி செய்து, மேல்முறையீட்டு வழக்குகளை தள்ளுபடி செய்து தீர்ப்பளித்தார்.

தண்டிக்கப்பட்டவர்கள் தங்கள் தண்டனை காலத்தை அனுபவிக்கும் வகையில் அவர்களை கைது செய்வதற்கு தர்மபுரி நீதிமன்றம் நடவடிக்கை எடுக்க வேண்டும் என்று உத்தரவிட்டுள்ளார்.

இதையும் படிக்க: "நீதிமன்றம் ஒன்று சொன்னால் உங்கள் போக்கில் ஒன்று செய்கிறீர்கள்" நீதிபதிகள் அதிருப்தி!