தமிழ்நாட்டில் 11- ஆம் வகுப்பு பொதுத்தேர்வு கடந்த மே 10- ஆம் தேதி முதல் மே 31- ஆம் தேதி வரை நடைபெற்றது. இதனை தமிழ்நாடு முழுவதிலும் இருந்து சுமார் 8 லட்சத்து 43 ஆயிரத்து 675 30 மாணவ, மாணவியர்கள் தேர்வு எழுதினர். அதனை திருத்தும் பணிகள் நிறைவடைந்த நிலையில் தேர்வு முடிவுகள் வெளியாகின. 11 ஆம் வகுப்பு பொது தேர்வை மொத்தம் 4 லட்சத்து 33 ஆயிரத்து 319 மாணவியர்கள் எழுதிய நிலையில் 4 லட்சத்து 11 ஆயிரத்து 612 மாணவியர் தேர்ச்சி பெற்றுள்ளனர். இது 94.99 சதவீதமாகும். 

இதேபோல்  11 ஆம் வகுப்பு பொது தேர்வை மொத்தம் 4 லட்சத்து 10 ஆயிரத்து 355 மாணவர்களில் 3 லட்சத்து 48 ஆயிரத்து 243 மாணவர்கள் தேர்ச்சி பெற்றுள்ளனர்.  இது 84.86 சதவீதமாகும்.

இந்நிலையில், ராமாநாதபுரம் மாவட்டம் பரமக்குடி அருகே மேலாய்க்குடி அரசு பள்ளி மாணவி சங்கீதா நடந்து முடிந்த +1 தேர்வில் தமிழில் 100 சதவிகித மதிப்பெண் பெற்றுள்ளார். பின்தங்கிய கிராமப்புற பள்ளியில் தமிழில் 100க்கு 100 மதிப்பெண் பெற்றதுடன் 538 மதிப்பெண் பெற்றுள்ளார். தமிழ் வழி கல்வியில் பயின்று சாதனை படைத்த மாணவியை ஆசிரியர்களும், பெற்றோர்களும் பாராட்டினர்.

சென்னை கொடுங்கையூரை சேர்ந்த 53 வயது சுரேஷ்குமார், கடந்த 25 வருடங்களாக ஆட்டோ ஓட்டி வருகிறார். இவருக்கு மனைவி மற்றும் பத்தாம் வகுப்பு படிக்கும் மகள், எட்டாம் வகுப்பு படிக்கும் மகனும் உள்ளனர்.

இந்நிலையில், சவாரிக்காக திருவான்மியூர் சென்றுவிட்டு வீடு திரும்பிய போது திடீரென நெஞ்சு வலி ஏற்பட்டதால், செய்வதறியாது திகைத்து போன சுரேஷ்குமார், தனது ஆட்டோவை அடையாறு போக்குவரத்து காவல் நிலையத்தில் நிறுத்திவிட்டு உதவி கோரியுள்ளார்.

வலியால் துடித்துக் கொண்டிருந்த அவரை, போக்குவரத்து போலீசார் உடனடியாக 108 ஆம்புலன்ஸ் மூலம் ராயப்பேட்டை அரசு மருத்துவமனைக்கு அனுப்பி வைத்துள்ளனர்.

அவரை பரிசோதித்த மருத்துவர்கள், சரியான நேரத்தில் போக்குவரத்து போலீசார் செய்த உதவியால் சுரேஷ் குமார் காப்பாற்றப்பட்டு உள்ளதாக தெரிவித்துள்ளனர். இந்நிலையில், உயிருக்கு போராடி காவல் நிலையத்தில் தஞ்சம் அடைந்த ஆட்டோ ஓட்டுநரை சமயோசிதமாக காப்பாற்றிய அடையாறு போக்குவரத்து போலீசாரை பொதுமக்கள் மற்றும் உயர் அதிகாரிகள் வெகுவாக பாராட்டியுள்ளனர்.

சென்னை தாம்பரம் அடுத்த முடிச்சூர் தெற்கு லட்சுமி நகர் பகுதியில் வசித்து வருபவர் சந்திரன் (வயது-50). இவரது மனைவி பானு (வயது-45). இவர்களது இவர்களது மூன்றாவது மகன் பாபு (வயது-27) ஐ.டி.ஐ. முடித்த இவர் புது பெருங்களத்துாரில் உள்ள தனியார் மென்பொருள் நிறுவனத்தில் கார் ஓட்டுனராக பணிபுரிந்து வந்தார்.

இந்த நிலையில் வீட்டில் இருந்த, மின்விசிறி பழுதடைந்ததால், காரில் பயன்படுத்தப்படும், சிறிய ரக மின் விசிறியை பயன்படுத்த முடிவு செய்து, அதற்கு மின் இணைப்பு கொடுக்க முயன்றுள்ளார்.  அப்போது எதிர்பாராதவிதமாக மின்சாரம் தாக்கி மயங்கி விழுந்துள்ளார்.

அவரை மீட்ட, உறவினர்கள் அருகில் உள்ள மருத்துவமனைக்கு கொண்டு சென்றனர். அங்கு பரிசோதித்த மருத்துவர் பாபு ஏற்கனவே இறந்ததாக தெரிவித்துள்ளனர். உடனே இது குறித்து பெருங்களத்தூர் பீர்க்கன்காரணை போலீசாருக்கு தகவல் கொடுக்கப்பட்டது. தகவலின் அடிப்படையில் உடலை கைப்பற்றிய போலீசார் உடற்கூறு ஆய்வுக்காக குரோம்பேட்டை அரசு பொது மருத்துவமனைக்கு அனுப்பி வைத்தனர். இது குறித்து வழக்கு பதிவு செய்து போலீசார் விசாரணை மேற்கொண்டு வருகின்றனர்.

முதல்வர் அலுவலகத்தில் உள்ள கூட்ட அரங்கில் நடைபெற்று வரும் இந்த கூட்டத்தில் ஆன்லைன் ரம்மி, மேகதாது அணை விவகாரம், அதிகரித்து வரும் கொரோனா பரவல் மற்றும் தடுப்பு நடவடிக்கைகள், பருவமழை முன்னெச்சரிக்கை நடவடிக்கைகள், புதிய தொழில் நிறுவனங்களுக்கு ஒப்புதல் அளிப்பது, செஸ் ஒலிம்பியாட் தொடக்கம் மற்றும் நிறைவு விழாக்களை சிறப்பாக நடத்துவது குறித்து ஆலோசிக்கபட்டு வருவதாக தகவல் வெளியாகியுள்ளது.

ஆன்லைன் ரம்மிக்கு தடை விதிக்கும் அவசர சட்டம் மற்றும் சட்டப்பேரவையில் அறிவிக்கப்பட்ட புதிய அறிவிப்புகளின் தற்போதைய நிலை மற்றும் அரசின் முக்கிய கொள்கை முடிவுகளுக்கு ஒப்புதல் அளிக்கப்படும் என்றும் கூறப்படுகிறது. கூட்டத்தில் தலைமைச் செயலாளர் இறையன்பு மற்றும் துறைச் செயலாளர்கள் உள்ளிட்டோர் கலந்து கொண்டுள்ளனர்.  திமுக அரசு அமைந்த பிறகு நடைபெறும் 6-வது அமைச்சரவை கூட்டம் இதுவாகும்..

காஞ்சிபுரம் என்றாலே பரபரப்புக்கு பஞ்சமில்லை.. பட்டுசேலை வாங்கவும் கோவில்களில் சாமி தரிசனம் செய்யவும் எப்போதும் மக்கள் நடமாட்டம் அதிகமாகவே காணப்படும்.

இந்த நிலையில் காஞ்சிபுரம் மூங்கில் மண்டபம் பகுதியில் இருந்து காந்தி சாலை தேரடி சென்று கொண்டிருந்த இரு சக்கர வாகனம் ஆட்டோவை முந்தி செல்ல முயன்ற போது எதிரே வந்த மற்றொரு இருசக்கர வாகனம் மீது நேருக்கு நேர் மோதி விபத்துக்குள்ளானது. இதில் லேசான காயமடைந்த இருவரும் அருகில் இருந்த பொது மருத்துவமனையில் சேர்க்கப்பட்டனர்.

இதேபோன்று, ஆறுமுகம் என்பவர் உறவினரின் துக்க நிகழ்ச்சியில் கலந்து கொண்டு விட்டு காஞ்சிபுரம் வந்தார்.  அவரை அழைத்துச் செல்ல அவரது மனைவி இருசக்கர வாகனத்தில் காஞ்சிபுரம் பேருந்து நிலையத்திற்கு வரும் பொழுது மாநகராட்சி அலுவலகம் அருகே சாலையில் இருந்த புதைவடிகால் இணைப்பு பள்ளத்தை தவிர்ப்பதற்காக வலது பக்கமாக தனது இரு சக்கர வாகனத்தை சற்று வளைத்து சென்றபோது ன்னால் அதிவேகமாக வந்த லாரி எதிர்பாராதவிதமாக மோதி விபத்துக்குள்ளானது. இதனால் சம்பவ இடத்திலேயே அப்பெண் பரிதாபமாக பலியானார்.

தகவல் அறிந்து சிவகாஞ்சி போலீசார் சம்பவ இடத்திற்கு விரைந்து வந்து உடலை கைப்பற்றி பிரேத பரிசோதனைக்காக காஞ்சிபுரம் அரசு பொது மருத்துவமனைக்கு அனுப்பி வைத்து விசாரணை மேற்கொண்டு வருகின்றனர்.

இந்த இரண்டு சிசிடிவி காட்சிகளும் தற்போது சமூக வலைதளங்களில் பரவி பரபரப்பை ஏற்படுத்தி வருகிறது.