திண்டுக்கல் மாவட்டம் குஜிலியம்பாறை தாலுகா தீயணைப்பு நிலைய அதிகாரி முனீஸ்குமாருக்கு, கரூர் மாவட்டம் கடவூர் தாலுகா பாலவிடுதி காவல் நிலைய உதவி ஆய்வாளரிடம் இருந்து தொலைபேசி அழைப்பு ஒன்று வந்தது. அதில், கிணற்றில் குதித்து தற்கொலை செய்து கொண்ட தனது கணவரின் உடலை மீட்டு தாருங்கள் என பெண் ஒருவர் கண்ணீர் மல்க வேண்டுகோள் விடுத்ததாக குறிப்பிட்டுள்ளார். 

காவல் உதவி ஆய்வாளரின் அழைப்பை அடுத்து போர் கால அடிப்படையில் காலை 11:30 மணிக்கு அந்த பெண் குறிப்பிட்ட கிணற்றுக்கு தீயணைப்புத்துறை வீரர்கள் சென்றுள்ளனர். அங்கு கிணற்றை சுற்றிலும் கிராம மக்கள் மற்றும் தொலைபேசியில் தொடர்பு கொண்ட சித்ரா-வின் உறவினர்களும்  குவிந்திருந்தனர்.

இதனையடுத்து, உண்மையாகவே ஒரு நபர் கிணற்றில் விழுந்து உயிரிழந்திருக்கக்கூடும் என்ற அடிப்படையில் கிணற்றுக்குள் இறங்கிய வீரர்கள், தங்கள் தேடுதல் வேட்டையை தொடங்கினர். மேலும், நவீன கேமராவை கிணற்றுக்குள் இறக்கி உடல் எங்கேனும் சிக்கிக் கொண்டுள்ளதா என்றும் தீவிர ஆய்வில் ஈடுபட்டனர்.

மேலும் படியுங்கள்  : https://www.malaimurasu.com/posts/tamilnadu/Arumbakkam-bank-robbery-case

இறுதிச்சடங்குக்கு தயார்

இதனிடையே, கணவர் ராஜாமணி கிணற்றில் குதித்து தற்கொலை செய்து கொண்டதாக சித்ரா கொடுத்த தகவலை அடுத்து அவரது உறவினர்கள் வீட்டின் முன்பாக பந்தல் போடும் பணியில் ஈடுபட்டனர். மைக் செட் கட்டியதுடன், இறுதி நிகழ்ச்சிக்காக ட்ரம்செட் காரர்களுக்கும் பணம் கொடுத்து வரவழைத்துள்ளனர். ராஜாமணியின் உடல் கிடைத்ததும் இறுதிச்சடங்கு செய்ய தயார் நிலையில் உற்றார் - உறவினர்கள் காத்திருந்தனர்.

கொலைப்பட்டினியுடன் தேடுதல் பணி
 
ஒருபுறம் கிணற்றில் தீவிர தேடுதல் பணி, மறுபுறம் வீட்டின் முன்பு இறுதி யாத்திரைக்கான பணிகள் நடைபெற்றுக் கொண்டிருந்தது. காலை 11.30 மணிக்கு கிணற்றில் உடலை தேடும் பணியில் ஈடுபட்ட தீயணைப்பு நிலைய அதிகாரி முனீஸ்குமரன் தலைமையிலான வீரர்கள், பிற்பகல் 3.30 மணி வரையிலும் தண்ணீர் குடிக்காமலும் உணவு அருந்தாமலும், கொலை பட்டினியுடன் ராஜாமணியின் உடலை தேடிக் கொண்டிருந்தனர். 

தோப்பில் ரெஸ்ட்

கிறுகிறுக்கும் உச்சி வெயிலையும் பொருட்படுத்தாமல் அவர்கள் கிணற்றில் உடலை தேடிக் கொண்டிருந்தபோது அங்கு வந்த ஆசாமி ஒருவர், நீங்கள் தேடிக் கொண்டிருக்கும் நபர் செம போதையில் தோப்பில் மல்லாக்க படுத்து ரெஸ்ட் எடுத்துக்கிட்டு இருக்கார் என்ற அதிர்ச்சித் தகவலை போகிற போக்கில் சொல்லிவிட்டு போனார். 

இதனைக் கேட்டு, அதிர்ந்துபோன பாலவிடுதி காவல்துறையினர் மற்றும் குஜிலியம்பாறை தீயணைப்புத் துறையினர் அடித்து பிடித்து தோப்புக்கு சென்று பார்த்த பொழுது, கிணற்றில் குதித்து தற்கொலை செய்து கொண்டதாக கூறப்பட்ட அந்த நபர், செம போதையில் ஹாயாக கால்மேல் கால் போட்டுக் கொண்டு படுத்திருப்பதை கண்டு செம டென்ஷனாயினர்.

அட்வைஸ் பண்ண காவல்துறை

பின்னர், வேறு வழியின்றி அந்த நபரை மீட்டு அவரது மனைவியிடம் ஒப்படைத்து விட்டு இதன் பிறகாவது தண்ணி அடிக்காமல் மனைவியுடன் ஒழுங்காக குடும்பம்  நடத்துங்கள் என அறிவுரை கூறிவிட்டு மீண்டும் தங்கள் பணிக்கு திரும்பினர். 

இதனிடையே, குடிபோதை ஆசாமி செய்த அக்கப்போரால் உச்சி வெயிலில் கொலை பட்டினியுடன் பணியாற்றிய புதிய அனுபவத்துடன் காவல்துறையினரும், தீயணைப்புத் துறையினரும் அலுவலகம் திரும்பிய நிகழ்வு பொதுமக்களிடையே அதிர்ச்சியை ஏற்படுத்தியது.

வங்கிக் கொள்ளை

அரும்பாக்கம் தனியார் வங்கியில் கடந்த 13ஆம் தேதி 31.7 கிலோ தங்க நகைகள் கொள்ளையடிக்கப்பட்ட  வழக்கில் முக்கிய கொள்ளையன் முருகன் மற்றும் அவரது கூட்டாளிகள் சூர்யா, செந்தில்குமரன், சந்தோஷ், பாலாஜி ஆகியோரை போலீசாரால் கைது செய்யப்பட்டு சிறையில் அடைக்கப்பட்டுள்ளனர். இவர்களுள் பாலாஜி மற்றும் சந்தோஷ் ஆகிய இருவரை 5 நாள் காவலில் எடுத்து போலீசார் விசாரணை நரத்தி வருகின்றனர்.

நகைகள் பறிமுதல்

கைது செய்யப்பட்ட கொள்ளையர்களிடம் இருந்து சுமார் 30 கிலோவுக்கு மேற்பட்ட தங்க நகைகளை போலீசார் பறிமுதல் செய்துள்ளனர். மேலும்  மீதமுள்ள நகைகளை மீட்க கொள்ளையர்களுடன் தொடர்புடைய கோயம்புத்தூரைச் சேர்ந்த நகைக்கடை உரிமையாளரின் உறவினர்களான ஸ்ரீவட்சன், ஸ்ரீராம் உட்பட 6 பேரிடம் தனிப்படை போலீசார் தீவிர விசாரணை மேற்கொண்டு வருகின்றனர். 

நகைகளை மறைத்து வைத்த ஆய்வாளர்

இந்நிலையில் போலீஸ் காவலில் எடுக்கப்பட்டுள்ள கொள்ளையர்களிடம் நடத்திய விசாரணையில் அச்சிரப்பாக்கம் காவல் ஆய்வாளர் அமல்ராஜ் வீட்டில் 3.7கிலோ தங்கம் மறைத்து வைத்திருப்பதாக வாக்குமூலம் அளித்தனர். அதனடிப்படையில் மேல்மருவத்தூரில் உள்ள காவல் ஆய்வாளர் வீட்டில் இருந்து 3.7கிலோ தங்கம் பறிமுதல் செய்யப்பட்டது.  கொள்ளையடிக்கப்பட்ட தங்கத்தை வீட்டில் மறைத்து வைத்திருந்த காரணத்திற்காக அச்சிரப்பாக்கம் காவல் ஆய்வாளர் அமல்ராஜ் மற்றும் அவரது மனைவி மெர்ஸி இந்திரா ஆகியோரை தனிப்படை போலீசார் அழைத்து வந்து விசாரணை நடத்தினர்.

உறவினர்

விசாரணையில் அச்சிரப்பாக்கம்  ஆய்வாளரின் மனைவி மெர்ஸியும், கொள்ளையன் சந்தோஷின் மனைவி ஜெயந்தியும் உறவினர் என்பது தெரியவவந்தது. மேலும், நகைகளை கொள்ளையடித்தவுடன் சந்தோஷ் அவரது மனைவி ஜெயந்தி மூலமாக காவல் ஆய்வாளரின் மனைவி மெர்ஸியிடம் வழங்கி மறைத்து வைத்திருந்ததும் போலீசாருக்கு தெரியவந்தது. 

பணியிடை நீக்கம்

இந்நிலையில் கொள்ளையடித்த நகைகளை வீட்டில் பதுக்கி வைத்திருந்த காரணத்திற்காக அச்சிரப்பாக்கம் காவல் ஆய்வாளர் அமல்ராஜை பணியிடை நீக்கம் செய்து காஞ்சிபுரம் சரக டி.ஐ.ஜி சத்திய பிரியா உத்தரவிட்டுள்ளார். மேலும் ஆய்வாளர் மற்றும் அவரது மனைவியிடம் போலீசார் தீவிர விசாரணை நடத்தி வரும் நிலையில் விரைவில் அவர்கள் இருவரும் கைது செய்யப்படுவார்கள் எனவும் எதிர்பார்க்கப்படுகிறது.

நாடு முழுவதும் வாக்காளர் பட்டியலில் ஆதார் எண்ணை இணைப்பதற்கான பணிகளை இந்திய தேர்தல் ஆணையம் மேற்கொண்டுள்ளது. அதன்படி தமிழகத்தில் உள்ள அங்கீகரிக்கப்பட்ட அரசியல் கட்சி பிரதிநிதிகள் உடன் இது குறித்து கருத்துக்கள் கேட்டறியப்பட்டு மாவட்ட ஆட்சியர்களுக்கு இது தொடர்பான கருத்துரு அனுப்பப்பட்டுள்ளது. 

வாக்குச்சாவடி அலுவலர்கள் வீடு வீடாக சென்று ஆதார் எண்ணை இணைக்கும் பணிகளை மேற்கொண்டு வரும் நிலையில் பொதுமக்கள் இணைய வழி வாயிலாகவும் தங்களுடைய ஆதார் எண்ணை வாக்காளர் அடையாள அட்டையுடன் இணைத்துக் கொள்ளலாம் என்று தமிழக தலைமை தேர்தல் அதிகாரி தெரிவித்துள்ளார்.

மேலும், தமிழக முழுவதும் இதுவரை சுமார் 38 லட்சம் வாக்காளர்கள் தங்கள் ஆதார் எண்ணை வாக்காளர் பட்டியலில் சேர்க்க பதிவு செய்துள்ளதாகவும் அதில் அதிகபட்சமாக அரியலூர்,  பெரம்பலூர், விருதுநகர் மாவட்டங்களை சார்ந்த வாக்காளர்கள் இதில் அதிகளவு ஆர்வம் காண்பித்துள்ளதாகவும் தமிழக தலைமை தேர்தல் அதிகாரி சத்யபிரத சாகு தெரிவித்துள்ளார்.

அனைத்து வாக்காளர்களும் தங்களின் வாக்காளர் ஆட்டையுடன் ஆதார் எண்ணை இணைக்க தேர்தல் ஆணையம் சார்பாக விழிப்புணர்வு மேற்கொள்ளப்பட்டு வருகிறது என்றும் இப்பணி 2023 மார்ச் 31 வரை நடக்க இருப்பதாகவும் அவர் தகவல் தெரிவித்துள்ளார்.

மருத்துவக்கல்லூரி மாணவி

நாமக்கல் மாவட்டம் மோகனூர் பகுதியைச் சேர்ந்தவர் வேலுச்சாமி மகள் காயத்ரி இவர் திருவாரூர் அரசு மருத்துவக் கல்லூரி மருத்துவமனையில் மருத்துவ படிப்பு ஐந்தாம் ஆண்டு ஹவுஸ் சர்ஜன் படித்து வருகிறார். இவர் மருத்துவக் கல்லூரியில் பெண்களுக்கான தங்கும் விடுதியில் தனி அறையில் தங்கி உள்ளார். இந்நிலையில் காயத்ரி இன்று காலை முதலே அறையை விட்டு வெளியே வரவில்லை.

பூட்டியிருந்த அறைக்கதவு

இதனால் வகுப்புக்கு சென்று திரும்பிய அவரது நண்பர்கள் காயத்ரி அறையின் கதவை தட்டி உள்ளனர். ஆனால் கதவு திறக்கப்படவில்லை என்பதால்  சந்தேகமடைந்த அவர்கள், அறையின் கதவை உடைத்து உள்ளே சென்றுள்ளனர். அங்கு காயத்ரி தூக்கில் தொங்கிய நிலையில் இருந்துள்ளார். உடனடியாக மாணவர்கள் ஒன்றிணைந்து காயத்ரியை மீட்டு உடனடியாக அவசர சிகிச்சை பிரிவுக்கு கொண்டு சென்றனர். மருத்துவர்கள் பரிசோதித்து விட்டு அவர் ஏற்கனவே உயிரிழந்து விட்டதாக தெரிவித்தனர்.   

வழக்குப்பதிவு

இது தொடர்பாக தாலுகா போலீசார் வழக்குப் பதிவு செய்து விசாரணை நடத்தி வருகின்றனர். முதல் கட்ட விசாரணையில் காயத்ரி மன அழுத்தத்தில் இருந்ததும், அதற்காக அவர் தொடர்ந்து மருந்து மாத்திரைகள் சாப்பிட்டு வந்ததும் தெரிய வந்துள்ளது. திருவாரூர் அரசு மருத்துவக் கல்லூரி மாணவி தற்கொலை செய்து கொண்ட சம்பவம் மருத்துவ மாணவர்களிடையே பெரும் சோகத்தை ஏற்படுத்தியுள்ளது.

காரணம் இதுதான்

மருத்துவக் கல்லூரி மாணவி காயத்ரி தற்கொலை செய்வதற்கு முன் கடிதம் எழுதி வைத்திருந்த கடித்தை போலீஸார் கைப்பற்றி உள்ளனர். அதில் மன அழுத்தம் காரணமாகவே தற்கொலை செய்து கொள்வதாக காயத்ரி குறிப்பிட்டுள்ளதாகக் கூறப்படுகிறது. கடிதத்தை போலீஸார் வெளியிட மறுத்து விட்டனர்.

ஆய்வுக் கூட்டம்

வேலூர் மாவட்டம்,வேலூர் சத்துவாச்சாரியில் உள்ள மாவட்ட ஆட்சியர் அலுவலகத்தில் தமிழக நீர் வளத்துறை அமைச்சர் துரைமுருகன் தலைமையில் வேலூர் ராணிப்பேட்டை மாவட்டங்களில் மாநகராட்சி, நகராட்சி பேரூராட்சி உள்ளிட்டவைகள் நடைபெறும் திட்டபணிகளின் நிலை குறித்து ஆய்வு கூட்டம் நடைபெற்றது.

இதில் தமிழக நகராட்சி நிர்வாகத்துறை அமைச்சர் கே.என்.நேரு மற்றும் கைத்தறி துறை அமைச்சர் காந்தி, வேலூர் மாவட்ட ஆட்சியர் குமாரவேல் பாண்டியன், ராணிப்பேட்டை மாவட்ட ஆட்சியர் பாஸ்கரபாண்டியன், வேலூர் நாடாளுமன்ற உறுப்பினர் கதிர் ஆனந்த் சட்டமன்ற உறுப்பினர்கள் கார்த்திகேயன், நந்தகுமார், வேலூர் மாநகராட்சி மேயர் சுஜாதா உள்ளிட்டோரும் பல்வேறு நகராட்சி மற்றும் பேரூராட்சி வேலூர் மாநகராட்சி உள்ளிட்டவைகளை சேர்ந்த அதிகாரிகளும் தலைவர்களும் மண்டலதலைவர்களும் இக்கூட்டத்தில் பங்கேற்றனர் இதில் ஸ்மார்ட் சிட்டி திட்டபணிகளை விரைந்து முடித்து சாலைகள் சீரமைப்பது உள்ளிட்டவைகள் குறித்து விவாதிக்கப்பட்டது.

கால அவகாசம்

பின்னர், தமிழக நகராட்சி நிர்வாக துறை அமைச்சர் நேரு பேசுகையில், பொறுமையாக இருந்து வேலையை முடிக்க வேண்டும் மீண்டும் ஒப்பந்தவிட்டால் விலை அதிகரிக்கும் இரண்டு ஆண்டுகள் கொரோனாவால் பாதிக்கப்பட்டுள்ளதால் கடை வாடகை பாக்கி செலுத்த காலம் அவகாசம் அளிக்க வேண்டுமென வணிகர்கள் கோரிக்கை குறித்து கேட்டபோது அதெல்லாம் கொடுக்க முடியாது எல்லா இடத்திலும் வாடகை பாக்கி செலுத்த அவகாசம் அளிக்க முடியாது காரணம் நகராட்சிகளில் ஊழியர்களுக்கு சம்பளம் கொடுக்க கூட பணமில்லாமல் இருக்கிறது சிரமங்கள் உள்ளது. 

இருந்தாலும் வியாபாரம் செய்பவர்கள் வாடகை பணம் கொடுத்ததான் ஆக வேண்டும். இதுகுறைவான வாடகை செலுத்தியாக வேண்டும் மாநகராட்சி நகராட்சி பகுதிகளில் தனியார் ஒப்பந்தம் மூலம் குப்பை அகற்றுவதை சிறப்பாக செய்கின்றனர். ராணிப்பேட்டை பிஞ்சி ஏரியில் நடைபாதை மற்றும் பொழுது போக்கு அம்சங்கள் எல்லாம் செய்யவுள்ளோம்.

பேருந்து நிலையம்

வேலூர் மாநகராட்சியில் ஸ்மார்ட் சிட்டி பணிகள் முடுக்கிவிட்டுள்ளோம் ஒப்பந்தம் விடப்பட்டு பணிகளும் நடந்து வருகிறது. ஜுன் 2023க்குள்ளாக பணிகளை முடிக்க கூறியுள்ளோம் மாநகராட்சியில் பணிபுரியும் துப்புரவு பணியாளர்களுக்காக புதிய கருவிகள் ரூ.25 கோடி மதிப்பில் முதல்வர் நிதி ஒதுக்கி வழங்கவுள்ளார். வாணியம்பாடி பேருந்து நிலையம் நகரத்திற்குள் கொண்டுவரபடும் என்று கூறினார். முன்னதாக அமைச்சர் நேரு ராணிப்பேட்டை மாவட்டத்தில் உள்ள பிஞ்சி ஏரியில் நடைபாதை அமைத்தல் உள்ளிட்டவைகளுக்காக நடக்கும் பணிகளை ஆய்வு செய்தார்.