நெல்லையில் நடைபெற்ற மக்கள் நீதிமன்றத்தில் எடுத்துக் கொள்ளப்பட்ட 6 ஆயிரம் வழக்குகளில் 1,500 வழக்குகளுக்கு உடனடி தீர்வு காணப்பட்டதாக மாவட்ட முதன்மை நீதிபதி குமரகுரு தெரிவித்துள்ளார்.

நாடு முழுவதும் நீதிமன்றங்களில் வழக்குகள் தேங்குவதை தடுக்கவும் பாதிக்கப்பட்ட மக்களுக்கு தாமதமின்றி நீதி கிடைக்கவும், தேசிய சட்டப்பணிகள் மூலம் மக்கள் நீதிமன்றங்கள் நடத்தப்பட்டு வருகிறது.

அந்த வகையில், நெல்லைக்கு உட்பட 9 தாலுகாவில் 25 அமர்வுகளில் வழக்குகள் விசாரணைக்கு எடுத்துக்கொள்ளப்பட்டன. 

நெல்லை மாவட்ட முதன்மை நீதிபதியும், மாவட்ட சட்டப்பணிகள் ஆணைக் குழு தலைவருமான குமரகுரு தலைமையில், நிலுவையில் உள்ள மோட்டார் வாகன விபத்து, குடும்ப நல வழக்குகள், காசோலை மோசடி உள்ளிட்ட வழக்குகளில் உடனடி தீர்வு காணப்பட்டது.

சென்னை அடுத்த மாங்காடு பத்மாவதி நகர் 1-வது தெருவில் அடுக்குமாடி குடியிருப்பின் கீழ் வீட்டில் மோகன் என்பவர் குடும்பத்துடன் வசித்து வருகிறார். இதே குடியிருப்பின் மேல்வீட்டில் நித்யா என்பவர் தனியாக வசித்து வருகிறார்.

இருவருக்கும் தனித்தனியே கார் பார்க்கிங் இடம் இருக்கும் நிலையில், வேறு ஒரு நபர் மோகன் அனுமதியுடன் பைக்கை பார்க்கிங் செய்ததாக கூறப்படுகிறது. இதுதொடர்பாக நித்யா- மோகன் இருவருக்கும் இடையே வாக்குவாதம் ஏற்பட்ட நிலையில்  ஒருவர்மீது ஒருவர் காலணியை வீசி தாக்கிக் கொண்டனர். 

ஒரு கட்டத்தில் ஆத்திரமடைந்த மோகன்,படிக்கட்டில் ஏறி சென்று நித்யாவின் தலைமுடியை பிடித்து தரதரவென கீழே இழுத்து வந்து தாக்கிய காட்சி இணையத்தில் வைரலாகி வருகிறது. இது தொடர்பாக விசாரணை நடத்திய மாங்காடு காவல்துறையினர் இருவரிடம் சமரச பேச்சு நடத்தி அனுப்பி வைத்ததாக கூறப்படுகிறது.

இரண்டு நாள் பயணமாக புதுச்சேரி மற்றும் தமிழகம் வந்துள்ள மத்திய சுகாதாரத்துறை அமைச்சர் மன்சூக் மாண்டவியா இன்று காலை சென்னை சேப்பாக்கத்தில் உள்ள விருந்தினர் மாளிகையில் இருந்து மெரினா கடற்கரை வரை உடல் ஆரோக்கியத்தின் முக்கியத்துவம் குறித்து சைக்கிள் பேரணியில் கலந்து கொண்டார்.

அதனை தொடர்ந்து சென்னை ஓமந்தூரார் பல்நோக்கு மருத்துவமனையில் உள்ள ரோபோடிக் அறுவை சிகிச்சை மையத்தை ஆய்வு மேற்கொண்டு, அங்கு வழங்கப்பட்டு வரும் சிகிச்சை குறித்து மருத்துவர்களிடம் கேட்டறிந்தார்.

மேலும், தேசிய நலவாழ்வு குழுமம் உட்பட தமிழக சுகாதாரத் துறையின் சார்பில் மேற்கொள்ளப்படக் கூடிய பல்வேறு திட்டப்பணிகள் குறித்து அதிகாரிகளிடம் தகவலை கேட்டறிந்தார்.

இதையடுத்து சென்னை ஆவடியில் கட்டப்பட உள்ள மத்திய சுகாதார மையத்தின் கட்டிடத்திற்கு அடிக்கல் நாட்டிய அவர் தொடர்ந்து சுகாதாரத்துறை அதிகாரிகள் உடன் ஆலோசனையில் ஈடுபட்டார். 

பின்னர் சென்னை அண்ணா நகர் பகுதியில் உள்ள  மாவட்ட மருந்துகள் பண்டகசாலையில்  மன்சுக் மாண்டவியா நேரில் ஆய்வு மேற்கொண்டார். அப்போது தமிழக சுகாதாரத் துறை அமைச்சர் மா.சுப்ரமணியன், சுகாதார துறை செயலாளர் செந்தில்குமார் ஆகியோர் உடனிருந்தனர்.

புதுக்கோட்டை சமஸ்தான மாமன்னர் ராஜ ராஜகோபால தொண்டைமானின் நூற்றாண்டு விழாவில் கலந்து கொண்டு, மாவட்ட ஆட்சியர் அலுவலகத்தில் உள்ள அவரது திருவுருவ சிலைக்கு, பள்ளிகல்வித்துறை அமைச்சர் அன்பில் மகேஷ்  மாலை அணிவித்து மரியாதை செலுத்தினார்.

பின்னர் செய்தியாளர்களை சந்தித்த அவர், புதிய தேசிய கல்வி கொள்கைக்கு எதிராக மாணவர்கள் ஒன்று கூடி, குரல் எழுப்பி எதிர்க்கும் காலம் இது எனறார். தமிழக அரசு நியமித்த  குழுவின் மூலம் இன்னும் ஒரு வருடத்தில் மாநில புதிய கல்விக் கொள்கை செயல்படுத்தப்படும் என்றும் அமைச்சர் தெரிவித்தார். 

தேர்வில் தோல்வியடையும் மாணவர்கள் மனதை தளரவிடக்கூடாது என்றும் உடனடி தேர்வை  பயன்படுத்தி மாணவர்கள் முன்னேற வேண்டும் என்றும் அறிவுறுத்திய  அன்பில் மகேஷ்,  மாணவர்களின் தற்கொலை முடிவை  தடுக்கும் வகையில் கவுன்சிலிங் கொடுக்கப்படும் என 
தெரிவித்தார்.  மேலும் பெற்றோர்களும் தங்களது விருப்பத்தை மாணவர்கள் மீது திணிக்காமல், அவர்களின் திறமையை வெளிக்கொணர நடவடிக்கை எடுக்க வேண்டும் என்று கேட்டு கொண்டார்.

சமீபத்  தில் நடந்து முடிந்த அ.  தி.மு.க., பொதுக்குழுவில், 23 தீர்மானங்களும் நிராகரிக்கப்பட்டன. இதனால், ஒருங்கிணைப்பாளர், இணை ஒருங்கிணைப்பாளர் பதவி காலாவ  தியாகிவிட்டதாக முன்னாள் அமைச்சர் சண்முகம் கூறியிருந்தார்.

இந்நிலையில், டெல்லி சென்று சென்னை   திரும்பிய அவர், அங்கிருந்து இன்று மதுரை வந்தடைந்தார். மதுரை விமான நிலையத்  தில் செய்  தியாளர்களை சந்  தித்து பேசிய ஓ. பன்னீர் செல்வம், இன்றுள்ள அசாதாரணமான சூழ்நிலை, யாரால் எப்படி ஏற்பட்டது. எவரால் இந்த ச  திவலை பின்னப்பட்டது என்பதற்கு கூடிய விரைவில், அவர்களுக்கு மக்களே நல்ல தீர்ப்பினை வழங்குவார்கள் என குறிப்பிட்டார்.

தனது அரசியல் எ  திர்காலத்தை மக்களும், அ.  தி.மு.க., தொண்டர்களும் நிர்ணயிப்பார்கள் என குறிப்பிட்ட அவர், அ  திமுக தொண்டர்கள் அனைவரும்  தன் பக்கம் உள்ளதாகவும் நம்பிக்கை தெரிவித்தார்.

இதையடுத்து தேனி செல்லும் அவருக்கு வழி நெடுகிலும் உற்சாக வரவேற்பு அளிக்கப்பட்டது. உசிலம்பட்டியில் அ.  தி.மு.க  ஓ.பன்னீர்செல்வம் ஆதரவாளர்கள் உசிலம்பட்டி தேவர் சிலை அருகே உற்சாக வரவேற்பு கொடுத்தனர்.