ஐந்தாவது முறையாக ஐபிஎல் தொடரில், சி.எஸ்.கே வென்றெடுத்த  கோப்பைக்கு, சென்னை தியாகராய நகரில் உள்ள திருப்பதி தேவஸ்தானத்தில் சிறப்பு பூஜை செய்யப்பட்டது.

16வது ஐபிஎல் தொடரின் இறுதி போட்டி, அகமதாபாத்தில் உள்ள நரேந்திர மோடி மைதானத்தில் நேற்று நடைபெற்றது.இதில் சென்னை சூப்பர் கிங்ஸ் அணி குஜராத் டைட்டன்ஸ் அணியை ஐந்து விக்கெட் வித்தியாசத்தில் வீழ்த்தி அபார வெற்றி பெற்றது.

இந்நிலையில் சென்னை அணி வெற்றி பெற்றதை அடுத்து சென்னை அணி நிர்வாகிகள் வெற்றி கோப்பையோடு இன்று சென்னை விமான நிலையம் வந்தடைந்தனர். சென்னை அணியின் தலைமைப் பயிற்சியாளர் ஸ்டீபன் பிளம்பிங், சிஇஓ காசி விஸ்வநாதன் சென்னை விமான நிலையம் வந்தடைந்தனர் அவர்களோடு ஐபிஎல் வெற்றி கோப்பையில் எடுத்து வரப்பட்டது.

இந்த நிலையில் சென்னை திநகரில் உள்ள திருப்பதி தேவஸ்தான கோவிலுக்கு சி.எஸ்.கே அணி வென்ற கோப்பை எடுத்து வரப்பட்டு சிறப்பு பூஜை செய்யப்பட்டது.இதில் சென்னை சூப்பர் கிங்ஸ் அணியின் உரிமையாளரும், இந்தியா சிமெண்ட்ஸ் நிறுவனத்தின் இயக்குனருமான என். சீனிவாசன், சிஇஒ காசி விஸ்வநாதன் மற்றும் நிர்வாகிகள் கலந்துகொண்டனர்.ஐபிஎல் கோப்பைக்கு சிறப்பு பூஜை செய்யப்பட்டு  கோவிலுக்கு வெளியில் கொண்டுவரப்பட்டு அங்கு கூடியிருந்த பொது மக்கள் முன்பு கோப்பையை காண்பித்து மக்களை உற்சாகப்படுத்தினார்.

வேலூர் மாவட்டம் குடியாத்தம்,பேர்ணாம்பட்டு பகுதியில் சாராய அழிப்பு பணியில் மாவட்ட காவல் கண்காணிப்பாளர் உத்தரவின் பேரில் பேர்ணாம்பட்டு உள்ளிட்ட மலை பகுதிகளில் அதிரடி சோதனை மேற்கொண்ட போலீசார் சோதனையின் போது இரு கள்ளச்சாரய வியாபாரிகளை  கைது செய்தனர்.

மேலும் படிக்க | 80 வயது மூதாட்டியை இரக்கமின்றி தாக்கிய குடும்பம்...! காரணம் என்ன ....?

 மேலும் கள்ள சாராயம் காய்ச்சுவதற்கு பயன்படுத்தப்படும் வெல்ல மூட்டைகள் குடியாத்தம் பகுதியில்  வாங்குவது என விசாரணையில் தெரியவந்தது 

மேலும் படிக்க | மகளிருக்கான கட்டணமில்லா பேருந்து திட்டம்: 33 கோடி 3 லட்சம் மகளிர் பயன் - அமைச்சர் பேச்சு

இதனைத் தொடர்ந்து குடியாத்தம் நகர காவல் ஆய்வாளர் லட்சுமி தலைமையிலான போலீஸார் நெல்லூர்பேட்டை பகுதியில் வெல்ல குடோனில் ஆய்வு மேற்கொண்டதி அப்பொழுது கள்ள சாராயம் காய்ச்ச பயன்படுத்தப்படும் 40 மூட்டைகளில்  சுமார் 1500 கிலோ வெல்லம் பறிமுதல் செய்தனர்  மேலும் வெல்லம் மண்டி உரிமையாளர் மோகன் என்பவரை கைது செய்து குடியாத்தம் நகர போலீசார் விசாரணை மேற்கொண்டு வருகின்றனர்.

அமைச்சர் செந்தில் பாலாஜியின் தம்பி  அசோக்குமாருக்கு சொந்தமான அலுவலகத்தில் சோதனை நடத்திவரும்  வருமான வரித்துறை அதிகாரிகள் அவருக்கு நேரில் ஆஜராகுமாறு சம்மன் அனுப்பியுள்ளனர்.

கரூரில் பல்வேறு இடங்களில் ஐந்தாவது நாளாக வருமானவரித்துறை அதிகாரிகள் தொடர்ந்து சோதனை நடத்தி வருகின்றனர். கடந்த 26 ஆம் தேதி மாநகராட்சிக்கு உட்பட்ட ராமகிருஷ்ணபுரம் பகுதியில் அமைந்துள்ள மின்சாரத் துறை அமைச்சர் செந்தில் பாலாஜியின் தம்பி அசோக்குமார் வீட்டில் சோதனை நடத்த சென்ற அதிகாரிகளை திமுகவினர் தாக்கியதால் சோதனை நடத்த முடியாத நிலை ஏற்பட்டது. 

இந்த நிலையில் ஐந்தாவது நாளான இன்று அதே பகுதியில் அமைந்துள்ள அசோக்குமார் அலுவலகமான அப்பெக்ஸ் இன்பக்ஸ்-ல் இரண்டு வாகனங்களில் வந்த ஆறு அதிகாரிகள் துப்பாக்கி ஏந்திய மத்திய துணை ராணுவப் படை வீரர்கள் பாதுகாப்புடன் தீவிர சோதனையில் ஈடுபட்டனர்.

மேலும், அசோக் குமார் வீட்டில் சென்னை வருமான வரித்துறை உதவி இயக்குனர் நாகராஜ் அனுப்பிய சம்மன் அந்த அலுவலகத்தில் ஒட்டப்பட்டுள்ளது. அதில் இன்று காலை 10:30 மணிக்குள் அவரோ அல்லது அவர் சார்பாக பிரதிநிதி ஒருவர் சின்னாண்டாங்கோவில் பகுதியில் அமைந்துள்ள வருமானவரித்துறை பிரிவு அலுவலகத்தில் ஆஜராகி, கணக்கு வழக்குகளை தாக்கல் செய்ய வேண்டும் என குறிப்பிடப்பட்டுள்ளது. 

இதனை தொடர்ந்து அசோக்குமாரின் ஆடிட்டர் ஒருவர் ஆஜராகி கால அவகாசம் கேட்டு பதில் மனு தாக்கல் செய்யப்பட்டுள்ளதாக தகவல் வெளியாகி உள்ளது.

இதையும் படிக்க:"83 மதிப்பெண்ணுக்கும் 84 மதிப்பெண்ணுக்கும் ஒரு நூற்றாண்டு வித்தியாசம்" விளக்கமளித்த இளம் பெண்..! வாழ்த்திய முதலமைச்சர்..!!

தமிழ்நாடு அரசு போக்குவரத்து கழகம் சார்பில் மதுரை கோ.புதூர் பணிமனையில் ஓட்டுனர்கள், நடத்துனர்களுக்கான குளிரூட்டப்பட்ட ஓய்வறையை வணிக வரி மற்றும் பதிவுத்துறை அமைச்சர் மூர்த்தி திறந்து வைத்தார், மேலும் ஓய்வுபெற்ற பணியாளர்களுக்கு ஒய்வுகால பலன்கள், மற்றும் விபத்து இல்லாமல் சிறப்பாக பணியாற்றிய ஓட்டுனர்கள் மற்றும் நடத்துனர்களுக்கு சான்றிதழ்கள் வழங்கப்பட்டது.

மேலும் படிக்க | ஸ்டெர்லைட் துப்பாக்கி சூடு - காவல் ஆய்வாளர் நீதிமன்றத்தில் ஆஜர்!!!!

வணிக வரி மற்றும் பதிவுத்துறை அமைச்சர் மூர்த்தி பேசுகையில்:

மகளிருக்கான கட்டணமில்லா பேருந்து திட்டம்

"கிராமப்புற வளர்ச்சியை கருத்தில் கொண்டு 1972 ஆம் ஆண்டு அரசு போக்குவரத்து கழகத்தை முன்னாள் முதல்வர் கருணாநிதி கொண்டு வந்தார், திமுக ஆட்சி காலத்தில் அதிக அரசு பேருந்துகள் பயன்பாட்டுக்கு கொண்டு வரப்பட்டது. திமுக ஆட்சி காலத்தில் பேருந்து வசதிகள் இல்லாத பகுதிக்கு புதிய வழித்தடங்கள் அமைக்கப்பட்டு பேருந்துகள் விடப்பட்டன. மகளிருக்கான கட்டணமில்லா பேருந்து திட்டத்தில் இதுவரை 33 கோடியே 38 இலட்சம் மகளிர் பயனடைந்துள்ளனர்.

கட்டணமில்லா பேருந்து - மகளிரின் பொருளாதார நிலை உயர்வு

கட்டணமில்லா பேருந்தில் சராசரியாக ஒரு நாளுக்கு 5 இலட்சத்து 56 ஆயிரம் மகளிர் பயனடைந்து வருகிறார்கள், மதுரைக்கு 251 மாசில்லா பேருந்துகள் மற்றும் 100 மின்சார பேருந்துகள் கொள்முதல் செய்ய திட்டம், மதுரை மாவட்டத்தில் இயக்கப்படும் பழைய பேருந்துகளுக்கு பதிலாக புதிய பேருந்துகள் கொள்முதல் செய்ய திட்டம், மகளிருக்கு கட்டணமில்லா பேருந்து திட்டத்தால் மகளிரின் பொருளாதார நிலை உயர்ந்துள்ளது" என பேசினார்.

மேலும் படிக்க | மாநகராட்சி மின் மயானங்களில் பொது மக்களிடம் கட்டணம் வசூலித்தால் தகுந்த நடவடிக்கை - மேயர் எச்சரிக்கை

தமிழகத்தில் வருவாய் துறை அலுவலர்கள் மீது நடத்தப்படும் தாக்குதல்களை கண்டித்து இன்று தமிழ்நாடு வருவாய்த்துறை அலுவலர் சங்கம் சார்பில் மாநிலம் தழுவிய ஆர்ப்பாட்டம் நடைபெறுகிறது. அதன் ஒரு பகுதியாக கோவை மாவட்ட ஆட்சியர் அலுவலக வளாகத்திற்குள் கோவை மாவட்ட வருவாய்த்துறை அலுவலர் சங்கத்தினர் கண்டன ஆர்ப்பாட்டத்தை மேற்கொண்டனர்.

தமிழக அரசு இதற்கு உடனடியாக நடவடிக்கை எடுக்க வேண்டும்

இச்சங்கத்தின் கோவை மாவட்ட தலைவர் தனபால் தலைமையில் நடைபெற்ற இந்த ஆர்ப்பாட்டத்தில் செயற்குழு உறுப்பினர் கமலஹாசன் முன்னிலை வகித்தார். இதில் சுமார் 50-க்கும் மேற்பட்ட வருவாய்த்துறை அலுவலர் சங்கத்தினர் கலந்துகொண்டு வருவாய் துறையினர் மீது நடத்தப்படும் தாக்குதல்களை கண்டித்தும் தமிழக அரசு இதற்கு உடனடியாக நடவடிக்கை எடுக்க வேண்டும் என வலியுறுத்தியும் முழக்கங்களை எழுப்பினர். 

 மேலும் படிக்க | மாநகராட்சி மின் மயானங்களில் பொது மக்களிடம் கட்டணம் வசூலித்தால் தகுந்த நடவடிக்கை - மேயர் எச்சரிக்கை

தமிழக முதல்வர் இதில் உடனடியாக தலையிட்டு வருவாய்த்துறை அலுவலர்களின் பாதுகாப்பை உறுதி செய்ய கோரிக்கை

குறிப்பாக இந்த ஆர்ப்பாட்டத்தில் துறையூர் பச்சைமலை அடிவாரத்தில் கனிம வள கொள்ளையை தடுத்து நிறுத்திய ஆய்வாளர் தாக்கப்பட்ட சம்பவத்தை கண்டித்தும் இச்சம்பவத்தில் ஈடுபட்டவர்களை குண்டர் தடுப்பு சட்டத்தின் கீழ் கைது செய்ய வலியுறுத்தியும் இது போன்ற குற்ற செயல்களுக்கு உறுதுணையாக இருக்கும் ஊராட்சி மன்ற தலைவர்களின் பதவியை பறிக்கவும் வலியுறுத்தப்பட்டன. மேலும் தமிழக முதல்வர் இதில் உடனடியாக தலையிட்டு வருவாய்த்துறை அலுவலர்களின் பாதுகாப்பை உறுதி செய்ய கோரிக்கை விடுக்கப்பட்டது.அதேசமயம் சங்கத்தின் சார்பாக கண்டனத்தை பதிவு செய்யும் வகையில் அலுவலர்கள் மாவட்ட ஆட்சியர் அலுவலகத்தில் கருப்பு பட்டை அணிந்து பணியாற்றி வருகின்றனர் என்பது குறிப்பிடத்தக்கது.

மேலும் படிக்க | பயிற்சி மருத்துவரை தாக்கிய நோயாளி...! ராஜீவ் காந்தி அரசு மருத்துவமனையில் பரபரப்பு..