தமிழ்நாட்டில் உள்ள கோயில்களில் புனிதம் மற்றும் பாதுகாப்பை காரணம் காட்டி செல்போன் பயன்படுத்த தடை விதித்து சென்னை உயர்நீதிமன்றம் உத்தரவிட்டுள்ளது. 

நீதிமன்ற கோரிக்கை:

தூத்துக்குடி மாவட்டத்தில் தற்போதுள்ள அருள்மிகு சுப்பிரமணிய சுவாமி கோவில் வளாகத்தில் செல்போன்களை தடை செய்ய உரிய நடவடிக்கை எடுக்க சம்பந்தப்பட்ட துறை மற்றும் உரிய அதிகாரிகளுக்கு உத்தரவிட வேண்டும் என மனுதாரர் எம்.சீதாராமன் நீதிமன்றத்தில் கோரிக்கை விடுத்திருந்தார். 

மனுவில் கூறப்பட்டவை:

மனுதாரரின் கோரிக்கை என்னவென்றால், அருள்மிகு சுப்பிரமணிய சுவாமி கோவில் ஒரு பழங்கால சமய ஸ்தலமாகும் எனவும் அங்கு அமைதியான முறையில் இலவச தரிசனத்திற்கு ஏற்பாடு செய்யப்பட்டுள்ளது. எனவும் கூறியுள்ளார்.  ஆனால் தீபாராதனை, பூஜை மற்றும் பிற சடங்குகளின் போது வீடியோ எடுப்பதற்கும் புகைப்படம் எடுப்பதற்கும் கேமராவைப் பயன்படுத்துவது வழிபாட்டைப் பாதிக்கிறது எனத் தெரிவித்துள்ளார்.

மேலும், முருகப்பெருமானின் ஆறு அதிஷ்டானங்களில் இக்கோயிலும் ஒன்று எனவும் ஆகம விதிகளின்படி, சிலைகளை படம் எடுப்பது நெறிமுறையற்றது எனவும் கூறியுள்ள மனுதாரர் இதுதவிர கோவிலின் பாதுகாப்பு மற்றும் அதில் உள்ள மதிப்பு மிக்க பொருட்களும் ஆபத்தில் உள்ளன எனவும் தெரிவித்துள்ளார்.

நீதிமன்ற உத்தரவு:

அரசியல் சாசனத்தின் 25வது பிரிவின் கீழ், அனைத்து மக்களுக்கும் சுதந்திரமாக மதத்தை பின்பற்றுவதற்கும், பிரச்சாரம் செய்வதற்கும் உரிமை வழங்கப்பட்டுள்ளது எனத் தெரிவித்த நீதிபதிகள் அமர்வு இந்த உரிமையைப் பயன்படுத்துவதற்கான இடமாக கோயிலும் இருக்கலாம் ஆனால் கோயில் வளாகங்கள் சில விதிகளைக் கொண்டிருக்கிறது எனவும் தெரிவித்துள்ளது.  

தொடர்ந்து இது மத சுதந்திரத்தில் தலையிடுவது அல்ல எனவும் தமிழ்நாடு கோயில் நுழைவு ஆணையச் சட்டம், 1947, கோயிலில் ஒழுக்கத்தை பேண சில விதிமுறைகள் உருவாக்கப்பட வேண்டும் எனக் கூறியுள்ளது.   எனவே, செல்போன் தடையை கடிதம் மூலம் அமல்படுத்தலாம் என உத்தரவிட்டது சென்னை உயர்நீதிமன்றம்.

-நப்பசலையார்

இதையும் படிக்க:  செய்றதலாம் செஞ்சுட்டு...பதறிய முதலமைச்சர்...நடந்தது என்ன?!!

திருவண்ணாமலை கிரிவலப் பாதையில் ஒலிபெருக்கி மூலம் விளம்பரம் செய்தாலோ அல்லது உண்டியல் வைத்து வசூல் செய்தாலோ கடுமையான நடவடிக்கை எடுக்கப்படும் என அமைச்சர் எ.வ வேலு தெரிவித்துள்ளார்.

தீபத்திருநாள்:

திருவண்ணாமலை திருக்கார்த்திகை தீபத் திருவிழா கடந்த 27ஆம் தேதி கொடி ஏற்றத்துடன் தொடங்கி வெகு விமர்சையாக நடைபெற்று வருகிறது. இந்த விழாவின் முக்கிய நிகழ்வாக, வருகிற டிசம்பர் 6ஆம் தேதி அதிகாலை 4 மணி அளவில் கோவில் கருவறையில் பரணி தீபமும், அதனைத் தொடர்ந்து 2668 அடி உயரம் கொண்ட மலை மீது மகா தீபமும் ஏற்றப்பட உள்ளது. இந்த விழாவை காண தமிழகம் மற்றும் வெளி மாநிலம், வெளிநாடுகளில் இருந்து லட்சக்கணக்கான பக்தர்கள் திருவண்ணாமலைக்கு வருகை தந்து தீப தரிசனம் செய்து கிரிவலம் வந்து வழிபடுவார்கள்.

ஆய்வுக்கூட்டம்:

இந்த நிலையில் இன்று திருவண்ணாமலை மாவட்ட ஆட்சியர் அலுவலகத்தில் தமிழக பொதுப்பணி மற்றும் நெடுஞ்சாலைத்துறை அமைச்சர் எ. வ. வேலு தலைமையில் திருக்கார்த்திகை தீப திருவிழா முன்னேற்பாடு பணிகள் மற்றும் பாதுகாப்பு அம்சங்கள் குறித்தான ஆய்வுக்கூட்டம் நடைபெற்றது. இதில் மாவட்ட ஆட்சியர் பா முருகேஷ் மாவட்ட நிர்வாகம் சார்பில் செய்யப்பட்ட பக்தர்களுக்கு தேவையான அனைத்து அடிப்படை வசதிகள் குறித்தும் விளக்கினர். தொடர்ந்து மாவட்ட காவல் கண்காணிப்பாளர் கார்த்திகேயன் பாதுகாப்பு அம்சங்கள் குறித்தும் அமைச்சரிடம் விளக்கி கூறினார்.   

இதையும் படிக்க: பாஜக VS காங்கிரஸ் VS ஆம் ஆத்மி: முடிவடைந்த தேர்தல் பிரச்சாரம்...சூடுபிடிக்க போகும் அரசியல் களம்!

அதிகாரிகளுக்கு உத்தரவிட்ட எவவேலு:

இதனைத் தொடர்ந்து பல்வேறு ஆலோசனை மற்றும் உத்தரவுகளை வழங்கிய பொதுப்பணித்துறை அமைச்சர் எ.வ.வேலு, வருகிற டிசம்பர் 6 ஆம் தேதி பாபர் மசூதி இடிக்கப்பட்ட தினம் என்பதால், பாதுகாப்பு விவகாரத்தில் விழிப்புடன் இருக்க வேண்டும் எனவும், மாவட்ட நிர்வாகத்தால் உரிய அனுமதி வழங்கப்பட்ட இடத்தில் மட்டுமே அன்னதானம்  வழங்க அனுமதிக்க வேண்டும் எனவும், அனுமதி இல்லாமல் அன்னதானம் வழங்கும் நபர்கள் மீது உரிய நடவடிக்கை எடுக்க வேண்டும் எனவும் அதிகாரிகளுக்கு உத்தரவிட்டார்.

தொடர்ந்து பேசிய அவர், கிரிவலப் பாதையின் புனிதம் கெடும் வகையில் வியாபாரம் நோக்கத்தோடு ஒலிபெருக்கி மூலம் விளம்பரம் செய்தாலோ அல்லது உண்டியல் வைத்து வசூல் செய்தாலோ அவர்கள் மீது கடுமையான நடவடிக்கை எடுக்க வேண்டும் என அதிகாரிகளுக்கு அமைச்சர் எ.வ வேலு உத்தரவு பிறப்பித்தார். 

நியூசிலாந்தில் நடந்து முடிந்த, காமன்வெல்த் சாம்பியன்ஷிப் பவர் லிப்டிங் போட்டியில் சென்னை மாங்காடு பகுதியைச் சேர்ந்த அமுத சுகந்தி ஐந்து தங்கப்பதக்கம் மற்றும் ஒரு வெள்ளி பதக்கத்தை வென்று சாதனை 

 காமன்வெல்த் சாம்பியன்ஷிப் போட்டி :

நியூசிலாந்து நாட்டின்,ஆக்லாந்து நகரில் காமன்வெல்த் பவர் லிப்டிங் சாம்பியன்ஷிப் போட்டிகள் கடந்த மாதம் 27ல் துவங்கி,இம்மாதம் 4ம் தேதி வரை நடைபெற்ற நிலையில் இந்தியா உட்பட பல்வேறு நாடுகளைச் சேரந்தவர்கள் இப்போட்டியில் பங்கேற்றுள்ளனர்.தமிழ்நாடு பவர் லிப்டிங் சங்கம் சார்பில்,சென்னையைச் சேர்ந்த வீராங்கனை அமுத சுகந்தி உட்பட 13 வீரர்கள் இப்போட்டியில் பங்கேற்றுள்ளனர்.குறிப்பாக, வலுத்தூக்கும் போட்டியில் அமுத சுகந்தி பங்கேற்று நான்கு முறை 'ஸ்டாங்உமன்"  என்ற பட்டத்தை பெற்றுள்ளார்.

அமுத சுகந்திக்கு  அமோக வரவேற்பு :

இந்நிலையில் வீராங்கனை அமுத சுகந்தி  பவர் லிப்டிங் போட்டியில் வென்று ஐந்து தங்கப்பதக்கம் மற்றும் ஒரு வெள்ளி பதக்கத்தை வெற்றி பெற்று  இன்று காலை சென்னை விமான நிலையம் வந்தடைந்தார். அப்போது அமுத சுகந்திக்கு உற்சாக வரவேற்பு அளிக்கப்பட்டது.பாஜக சார்பில் மகளிர் அணி தலைவி வானதி ஸ்ரீனிவாசன் அமுத சுகந்திக்கு சால்வை அணிவித்து வாழ்த்துக்களை தெரிவித்துள்ளார்.

 அமுத சுகந்தியின் நன்றி :

செய்தியாளர்களை சந்தித்த வீராங்கனை அமுத சுகந்தி கூறியது,நாங்கள் தமிழகத்திலிருந்து மொத்தம் 15 பேர் இப்போட்டியில் கலந்து கொண்டோம், எல்லோரும் மெடல் வென்றுள்ளோம், நான் பவர் லிப்டிங் போட்டியில் வெல்ல எனக்கு  உதவியாக இருந்த தமிழ்நாடு பவர் லிப்டிங் தலைவர் ராஜாஅவர்களுக்கு என் நன்றியை தெரிவித்துக் கொள்கிறேன்.நான் ஐந்து தங்க மெடல், ஒரு வெள்ளி மடல் வென்றுள்ளேன்,எனக்கு மிகவும் மகிழ்ச்சியாக உள்ளது.15 நாடுகள் கலந்து கொண்ட இப்போட்டியில்  நியூஸிலாந்து ,சவுத் ஆப்பிரிக்கா உடன் விளையாடிய போது எனக்கு சிறிது கடினமாக இருந்தது.நான் வெற்றி பெற்றதை முன்னிட்டு,தமிழ்நாடு முதல்வரை நேரில் சந்தித்து பாராட்டு வாங்கலாம் என்று நினைக்கிறேன்.மேலும் இந்தத் துறையில் பெண்கள் குறைவாக இருப்பதால் ,பெண்கள் இந்தத் துறையில் நிறைய சாதிக்க வேண்டும் என்று விரும்புகிறேன்.எனது இந்த வெற்றிக்கு துணையாக  இருந்த என்னுடைய கணவர் மற்றும் குடும்பத்தினருக்கு எனது நன்றியை தெரிவித்துக் கொள்கிறேன் என்று மனம் நெகிழ்ந்து கூறியுள்ளார்.

 வானதி ஸ்ரீனிவாசன் கூறியது :

காமன்வெல்த்தில் ஐந்து தங்கம், ஒரு வெள்ளி பதக்கங்களை வென்ற அமுத சுகந்தி அவர்களுக்கு எனது மனமார்ந்த வாழ்த்துக்கள் .ஒரு பெண்மணி இவ்வளவு பெரிய சாதனையை படைத்து பதக்கங்களை வென்று  தமிழ்நாட்டிற்கு பெருமை சேர்த்துள்ளார் . பாரதிய ஜனதா கட்சி சார்பாகவும், கட்சி நிர்வாகிகள்  சார்பாகவும் வீராங்கனை அமுத சுகந்திக்கு வாழ்த்துக்களை தெரிவித்துக் கொள்கிறேன் என்று பாரதிய ஜனதா கட்சியின் மகளிர் அணி தலைவி வானதி ஸ்ரீனிவாசன் செய்தியாளர்களிடம்  புகழாரம் சூட்டியுள்ளார்.

பாபர் மசூதி இடிப்பு நாளை முன்னிட்டு, ராமேஸ்வரம் பாம்பன் ரயில் பாலத்தில் போலீசார் தீவிர பாதுகாப்பு பணியில் ஈடுபட்டுள்ளனர்.

வருகிற டிசம்பர் 6 பாபர் மசூதி இடிப்பு தினம் என்பதால் ஆண்டுதோறும் தமிழகம் முழுவதும் முக்கிய இடங்களில் அசம்பாவிதங்கள் நடப்பதைத் தவிர்க்க முன்னெச்சரிக்கை நடவடிக்கையாகப் போலீஸார் பாதுகாப்பு பணியில் ஈடுபடுவது வழக்கம்.

அந்தவகையில் வருகிற டிசம்பர் 6 ஆம் தேதி பாபர் மசூதி இடிப்பு நாளை முன்னிட்டு, ராமேஸ்வரம் தீவு பகுதியில் உள்ள கோவில்கள், புனித ஸ்தலங்களில் பாதுகாப்பு ஏற்பாடுகள் பலப்படுத்தப்பட்டுள்ளது.

இதையும் படிக்க: தஞ்சை: பரவலாக பெய்த மழை...குஷியான பொதுமக்கள்!

இந்நிலையில், பழமை வாய்ந்த பாம்பன் ரயில் பாலத்திற்கு பாதுகாப்பு அச்சுறுத்தல் இருக்கும் காரணத்தால், பாலத்தில் துப்பாக்கி ஏந்திய போலீசார் பாதுகாப்பு பணியில் ஈடுபட்டனர். மேலும் வெடிகுண்டு சோதனையிடும்  கருவிகளைக் கொண்டு பாலத்தில் சோதனை நடத்தி வருகின்றனர்.

அதே சமயம், ரயில் பாலத்தில் ரயில்வே ஊழியர்கள் தவிர அன்னியர்கள், மீனவர்கள் செல்ல வேண்டாம் எனப் போலீஸார் எச்சரித்துள்ளனர். இதேபோல் ராமேஸ்வரம் ரயில் நிலையம் மற்றும் ராமேஸ்வரம் ராமநாத சுவாமி திருக்கோவில், அப்துல் கலாம் மணிமண்டபம் உள்ளிட்டவற்றில் போலீசார் தீவிர கண்காணிப்பு பணியில் ஈடுபட்டு வருகின்றனர்.

தமிழகத்தின் பல்வேறு மாவட்டங்களில் காலை முதல் பரவலாக மழை பெய்ததால், குளிர்ச்சியான சூழல் நிலவி வருகிறது. 

பரவலாக பெய்த மழை:

தஞ்சை மாவட்டத்தில் கடந்த 10 நாட்களாக வெயில் வாட்டி வந்த நிலையில், இன்று திடீரென திருவையாறு, கண்டியூர், திருக்காட்டுப்பள்ளி, கல்லணை உள்ளிட்ட பகுதிகளில் சுமார் ஒரு மணி நேரம் பரவலாக மழை பெய்தது. இதனால், வெப்பம் தணிந்து குளிர்ச்சியான சூழல் ஏற்பட்டுள்ளதால் மக்கள் மகிழ்ச்சி அடைந்தனர்.

இதையும் படிக்க: முதலமைச்சரின் நாளைய டெல்லி பயணம்...  பிரதமரை சந்திப்பாரா? மாட்டாரா?

பொதுமக்கள் மகிழ்ச்சி:

இதேப்போன்று,  திருவாரூர் மாவட்டத்தின் குடவாசல் தாலுக்கா மற்றும் அதன் சுற்றுவட்டார பகுதிகளான கொரடாச்சேரி ஒன்றியம் மற்றும் என்கண், திருக்கண்ணமங்கை, புதுக்குடி, அரசவனங்காடு, நன்னிலம் உள்ளிட்ட பல்வேறு பகுதிகளில்  மிதமான மழை பெய்தது. இதனால் அங்கு இதமான சூழல் நிலவி வருவதால் பொதுமக்கள் மற்றும் விவசாயிகள் மகிழ்ச்சியடைந்துள்ளனர்.

இதனைதொடர்ந்து கடலூர் மாவட்டம் பண்ருட்டி, திருப்பாதிரிப்புலியூர், கூத்தப்பாக்கம், பாதிரிக்குப்பம், கோண்டூர், சாவடி உள்ளிட்ட பகுதிகளில் கடந்த சில நாட்களாக வெப்பம் வாட்டி வதைத்து வந்தது. இந்த நிலையில், காலை முதல் தற்போது வரை பரவலாக மழை பெய்தது. இதனால், சாலைகளில் தண்ணீர் பெருக்கெடுத்து ஓடியது.