பத்தாயிரம் பந்துகளுக்கும் மேல் வீசிய பெண் கிரிக்கெட் வீரரான ஜூலியன் கோஸ்வாமி, இந்திய அணிக்காக பல சாதனைகளைப் படைத்திருக்கிறார். 12 டெஸ்ட்டுகள், 68 சர்வதேச டி20, 203 சர்வதேச ஒரு நாள் போட்டிகள் என பல போட்டிகளில் ஜூலியன் இந்திய அணிக்காக ஆடியிருக்கிறார். 

இது வரை, டெஸ்ட் போட்டிகளில் 44 விக்கெட்டுகளையும், மகளிர் சர்வதேச ஒரு நாள் போட்டிகளில் 2534 விக்கெட்டுகளையும், மகளிர் சர்வதேச டி20 போட்டிகளில் 56 விக்கெட்டுகளையும் எடுத்து உலகளவில் தனக்கென்று கிரிக்கெட்டில் ஒரு இடம் பிடித்த ஜூலியன் கோஸ்வாமி தனது  ஓய்வை அறிவித்த நிலையில், பலரும் தங்களது வாழ்த்துகளையும் கருத்துகளையும் பதிவிட்டு வருகின்றனர். 

மேலும் படிக்க | கண்ணீருடன் விடைபெற்ற ஜூலன் கோஸ்சுவாமி.. வெற்றியை சமர்ப்பித்த இந்திய வீராங்கனைகள்..! 

இந்நிலையில், அவரது பையோபிக்-கில் நடித்த நடிகை அனுஷ்கா ஷர்மா தனது கருத்துகளை வெளிப்படுத்தியுள்ளார். தனது இன்ஸ்டாகிராம் பக்கத்தில், “ஒரு முன்னுதாரணம், ஒரு ஜாம்பவான் நீங்கள். உங்களது பெயர் வரலாற்றில் எப்போதும் பொறிக்கப்பட்டிருக்கும். இந்திய கிரிக்கெட்டில், மகளிருக்காக புதிய பாதையை உருவாக்கிய ஜூலியனுக்கு நன்றி” என கமெண்ட் செய்திருக்கிறார். 

இந்த பதிவு தற்போது படு வைரலாகி வருகிறது. 

இந்தியா-ஆஸ்திரேலியா:

இந்தியாவில் சுற்றுப்பயணம் மேற்கொண்டுள்ள ஆரோன் பிஞ்ச் தலைமையிலான ஆஸ்திரேலிய அணி, 3 போட்டிகள் கொண்ட டி-20 தொடரில் விளையாடி வருகிறது. 

1-1 என சமன்:

இதன் முதல் போட்டியில் ஆஸ்திரேலிய அணியும், 2வது போட்டியில் இந்திய அணியும் வெற்றி பெற்று தொடரில் 1-1 என்ற கணக்கில் சமநிலையில் உள்ளன.

கடைசி போட்டி இன்று:

இந்நிலையில், இவ்விரு அணிகள் மோதும் 3வது மற்றும் கடைசி டி-20 போட்டி, ஹைதராபாத்தில் இன்று இரவு 7 மணிக்கு தொடங்குகிறது. இப்போட்டியில் வெற்றிபெறும் அணி, தொடரை கைப்பற்றும் என்பதால் இன்றைய ஆட்டத்தில் அனல் பறக்கும் என எதிர்பார்க்கப்படுகிறது. 

இந்தியா வெல்லுமா?

எனினும், பலம் வாய்ந்த ஆஸ்திரேலிய அணியை வீழ்த்தி இந்தியா தொடரை வெல்லுமா? என்ற எதிர்பார்ப்பு ரசிகர்களிடையே அதிகரித்துள்ளது. 

இந்தியா-இங்கிலாந்து:

இந்தியா - இங்கிலாந்து மகளிர் அணிகளுக்கு இடையிலான 3 போட்டிகள் கொண்ட ஒருநாள் கிரிக்கெட் தொடரில், முதல் இரு ஆட்டங்களிலும் இந்தியா வெற்றி பெற்று 2-0 என்ற கணக்கில்  தொடரையும் கைப்பற்றியது. 

டாஸ் வென்ற இங்கிலாந்து:

இந்நிலையில், இவ்விரு அணிகள் மோதிய கடைசி மற்றும் 3வது ஒருநாள் போட்டி, லண்டன் லார்ட்ஸ் மைதானத்தில் நடைபெற்றது. இதில் டாஸ் வென்ற இங்கிலாந்து அணி பந்துவீச்சை தேர்வு செய்தது. 

டக் அவுட்டான 5 வீராங்கனைகள்:

அதன்படி, முதலில் பேட்டிங் செய்ய தொடங்கிய இந்திய மகளிர் அணி, 45 புள்ளி 4 ஓவரில் 169 ரன்களுக்கு ஆல் அவுட்டானது. அதிகபட்சமாக தீப்தி சர்மா ஆட்டமிழக்காமல் 68 ரன்களும், ஸ்மிருதி மந்தனா 50 ரன்களும் எடுத்தனர். இந்திய அணி தரப்பில் 5 வீராங்கனைகள் டக் அவுட்டாகி ஏமாற்றம் அளித்தனர்.

ரேணுகாவின் வெறித்தன பந்துவீச்சு:

இதனையடுத்து, 170 ரன்கள் எடுத்தால் வெற்றி என்ற இலக்குடன் களமிறங்கிய இங்கிலாந்து அணி, இந்திய வீராங்கனை ரேணுகா சிங்கின் மிரட்டலான பந்துவீச்சை எதிர்கொள்ள முடியாமல் 43 புள்ளி 3 ஓவரில் 153 ரன்கள் மட்டுமே எடுத்து ஆட்டமிழந்தது. 

இந்தியா வெற்றி:

இதன்மூலம், 16 ரன்கள் வித்தியாசத்தில் வெற்றி பெற்ற இந்திய மகளிர் அணி, தொடரையும் 3-0 என்ற கணக்கில் முழுமையாக கைப்பற்றி அசத்தியுள்ளது. 

ரேணுகா, ஹர்மன்:

அதிகபட்சமாக 4 விக்கெட்டுகளை வீழ்த்தி அணியின் வெற்றிக்கு வித்திட்ட ரேணுகா சிங்கிற்கு ஆட்டத்திற்கான சிறந்த வீராங்கனை விருதும், தொடரில் மொத்தம் 340 ரன்கள் விளாசிய கேப்டன் ஹர்மன்பிரீத் கவுருக்கு தொடருக்கான சிறந்த வீராங்கனை விருதும் வழங்கப்பட்டது.

கண்ணீருடன் பிரியா விடை:

இதனிடையே, இந்த போட்டியுடன் இந்திய அணியின் மூத்த வேகப்பந்து வீச்சாளர் ஜுலன் கோஸ்வாமி ஓய்வு பெற்றார். அவருக்கு இந்த வெற்றியை சமர்ப்பித்த சக வீராங்கனைகள், ஜுலன் கோஸ்வாமிக்கு கண்ணீருடன் பிரியாவிடை அளித்தனர். 

ஆஸ்திரேலியா வெற்றி:

இந்தியாவில் சுற்றுப்பயணம் மேற்கொண்டுள்ள ஆஸ்திரேலிய அணிகள், 3 போட்டிகள் கொண்ட டி20 தொடரில் மோதி வருகிறது. இந்த தொடரின் முதல் போட்டி கடந்த 22-ம் தேதி மெகாலியில் நடைபெற்றது. இதில் 4 விக்கெட் வித்தியாசத்தில் வெற்றி பெற்று ஆஸ்திரேலியா 1-0 என்ற கணக்கில் முன்னிலையில் இருந்தது. 

8 ஓவர்களாக குறைப்பு:

இதனையடுத்து இரு அணிகளுக்கு இடையிலான இரண்டாவது போட்டி நேற்று நாக்பூரில் நடைபெற்றது. நாக்பூரில் நேற்று முன்தினம் பெய்த மழையால், ஆடுகளம் ஈரப்பதமாக இருந்ததால், டாஸ் போடுவதில் தாமதம் ஏற்பட்டு, போட்டி 8 ஓவர்களாக குறைக்கப்பட்டது. 

ஆஸ்திரேலியா 90 ரன்கள் குவிப்பு:

பின்னர் டாஸ் வென்ற இந்திய அணி, பந்துவீச்சை தேர்வு செய்தது. அதன்படி, முதலில் பேட்டிங் செய்ய தொடங்கிய ஆஸ்திரேலிய அணி, நிர்ணயிக்கப்பட்ட 8 ஓவரில் 5 விக்கெட் இழப்புக்கு 90 ரன்கள் எடுத்தது. அதிகபட்சமாக மேத்யூ வேட், ஆட்டமிழக்காமல் 43 ரன்கள் எடுத்தார். இந்திய அணி தரப்பில், அக்சர் பட்டேல் 2 விக்கெட்டுகளை வீழ்த்தினார்.

முன்னணி வீரர்கள் ஏமாற்றம்:

இதனையடுத்து, 91 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணிக்கு கே.எல்.ராகுல் 10 ரன்களிலும், கோலி 11 ரன்களிலும், சூர்யகுமார் யாதவ் ரன் எதுவும் எடுக்காமலும் ஆட்டமிழந்து ஏமாற்றம் அளித்தனர். ஹர்திக் பாண்டியா 9 ரன்களில் பெவிலியன் திரும்பினார். 

விளாசிய ரோஹித்:

ஆரம்பம் முதலே அதிரடியாக விளையாடிய ரோஹித் சர்மா சிக்சரும், பவுண்டரியுமாக விளாசி அணியை வெற்றிப் பாதைக்கு அழைத்து சென்றார். கடைசி ஓவரில் வெற்றிக்கு 9 ரன்கள் தேவைப்பட்ட நிலையில் தினேஷ் கார்த்திக், முதல் பந்தில் சிக்சரும், 2வது பந்தில் பவுண்டரியும் விளாச, 4 பந்துகள் மீதமிருந்த நிலையில் 92 ரன்கள் எடுத்து இந்திய அணி வெற்றி பெற்றது. 

நாளை கடைசி போட்டி:

இதன்மூலம், 6 விக்கெட் வித்தியாசத்தில் ஆஸ்திரேலிய அணியை வீழ்த்திய இந்திய அணி, தொடரையும் 1-1 என்ற கணக்கில் சமன் செய்தது. இறுதிவரை ஆட்டமிழக்காமல் 20 பந்துகளில் 46 ரன்கள் விளாசி அணியின் வெற்றிக்கு வித்திட்ட ரோஹித் சர்மா, ஆட்டநாயகனாக தேர்வு செய்யப்பட்டார். இவ்விரு அணிகளுக்கு இடையிலான கடைசி மற்றும் 3வது டி-20 போட்டி, ஹைதராபாத்தில் நாளை நடைபெறவுள்ளது.

வாழ்க்கைக்கு உதாரணம்:

குழந்தைகள் பொதுவாக சிறு வயதில் அனைத்து விதமான விளையாட்டுகளையும் அதன் விதிமுறைகளை களைந்து ஒரு ஆர்வத்தில் விளையாடுவர். குறிப்பிட்ட வயதிற்கு பிறகு தான் அவர்களுக்கு ஒரு குறிப்பிட்ட விளையாட்டின் மீதான ஆர்வம் அதிகரிக்கும். அந்த விளையாட்டை பற்றிக் கொள்பவர்கள் தான் பின்னாளில் அந்த விளையாட்டில் ஜொலிக்க முடியும். இதற்கு சிறந்த உதாரணம் ரோஜர் பெடரர். 

உலகின் சிறந்த ஜூனியர் டென்னிஸ் ஆட்டக்காரர்:

ஸ்விட்ஸர்லாண்டில் பிறந்த ஒரு சிறுவன் தனது 12-வது வயதில் டென்னிஸ் தான் தனது வாழ்க்கை என முடிவெடுத்து, தன்னுடைய 14-வது வயதில் வாரத்திற்கு 6 மணி நேரம் பயிற்சி மேற்கொள்ள தொடங்கினார். 16 வயதில் டென்னிஸ்காக தனது படிப்பை தியாகம் செய்த சிறுவன், 1998-ம் ஆண்டு நடைபெற்ற ஒற்றையர் மற்றும் இரட்டையர் பிரிவில் ஜூனியர் விம்பிள்டன் பட்டத்தை வென்றான். அதே ஆண்டு ஆரஞ்சு பௌல் பட்டத்தையும் பெற்று, உலகின் சிறந்த ஜூனியர் டென்னிஸ் ஆட்டக்காரராக அங்கீகரிக்கப்பட்டான். 

தரவரிசையில் முதல் இடம்:

அது முதல் ஜூனியர் பிரிவில் இருந்து ஆடவர் பிரிவுக்கு முன்னேறி விளையாடத் தொடங்கினார் ரோஜர் பெடரர். விளையாட தொடங்கிய முதல் ஆண்டிலேயே தரவரிசையில் 100 இடத்திற்கு முன்னேறினார். அதனை தொடர்ந்து 2005-ம் ஆண்டு விம்பிள்டன் பட்டத்தையும், அமெரிக்க ஓபன் பட்டத்தையும் வென்று தரவரிசையில் முதல் இடத்தை பிடித்தார் ரோஜர். 

அதிக கிராண்ட்ஸ்லாம் வென்ற வீரர்களில் ஒருவர்:

அன்று முதல் தனது தரத்தை என்னென்றும் அவர் குறைத்துக் கொண்டதே இல்லை. முதல் இரண்டு இடத்தை எப்போது தக்க வைத்துக் கொண்டே இருந்தார். சர்வதேச டென்னிஸ் போட்டிகளில் அதிக கிராண்ட்ஸ்லாம் வென்ற வீரர்களில் ஒருவரான ரோஜர் தனது ஓய்வினை சமீபத்தில் அறிவித்தார். அதன் படி லண்டனின் இன்று தொடங்கும் லேவர் கோப்பை தொடருடன் அவர் டென்னிஸில் இருந்து ஓய்வு பெறுகிறார். 

இன்று கடைசி ஆட்டம்:

இந்திய நேரப்படி மாலை 5 மணியளவில் தொடங்கவுள்ள இப்போட்டியில், உலக அணியில் இடம்பெற்றுள்ள ரோஜர் பெடரர், இரட்டையர் பிரிவில் ரபேல் நடாலுடன் இணைந்து விளையாடவுள்ளார். இறுதி என்பதாலும், இரண்டு ஜாம்பவான்கள் ஒரே களத்தில் இறங்குவதாலும் இன்றைய போட்டி ரசிகர்களிடம் மிகுந்த எதிர்ப்பார்ப்பை ஏற்படுத்தியுள்ளது.