ஐபிஎல் போட்டியில் சென்னை சூப்பர் கிங்ஸ் அணிக்காக விளையாடி வரும் மொயீன் அலி, டி20 உலகக் கோப்பைக்கான இங்கிலாந்து அணியிலும் இடம்பெற்றுள்ளார்.இந்நிலையில் டெஸ்ட் கிரிக்கெட்டிலிருந்து ஓய்வு பெறுவதாக மொயீன் அலி அறிவித்துள்ளார். எனினும் இங்கிலாந்து அணிக்காக ஒருநாள், டி20 ஆட்டங்களில் தொடர்ந்து விளையாடவுள்ளார். இங்கிலாந்து அணிக்காக 64 டெஸ்டுகள், 112 ஒருநாள், 38 டி20 ஆட்டங்களில் இடம்பெற்றுள்ளார் மொயீன் அலி. டெஸ்ட் கிரிக்கெட்டில் 2914 ரன்களும் 195 விக்கெட்டுகளும் எடுத்துள்ளார்.

இந்த நிலையில் இது குறித்து மொயீல் அலி வெளியிட்டுள்ள அறிவிப்பில்,  எனக்கு இப்போது 34 வயதாகிவிட்டது. என் விருப்பத்துக்கேற்ப கிரிக்கெட் ஆட்டங்களை நீண்ட காலம் விளையாட நினைக்கிறேன் என்றும் டெஸ்ட் கிரிக்கெட் அற்புதமானது. டெஸ்ட் கிரிக்கெட்டை ரசித்து விளையாடினேன். ஆனால் அதன் தீவிரத்தன்மையால் சில நேரங்களில் அதிக உழைப்பு தேவைப்படுகிறது. டெஸ்ட் கிரிக்கெட்டில் போதுமான அளவு விளையாடிவிட்டேன் என நினைக்கிறேன்.

இங்கிலாந்து இஸ்லாமியர்கள் கிரிக்கெட்டில் ஈடுபட இனி நான் ஊக்கமாக இருப்பேன் என நினைப்பதாக கூறியுள்ளார். இங்கிலாந்து வீரராக இல்லாவிட்டாலும் ஆம்லா எனக்கு அப்படித்தான் ஊக்கமளித்தார். என்னுடைய பெற்றோர், குடும்பத்தினர் என் கிரிக்கெட் பயணத்தில் மிகவும் ஒத்துழைத்தார்கள். அவர்களுக்கு நன்றி என்று கூறியுள்ளார்.

3-வது ஒருநாள் போட்டியில் ஆஸ்திரேலியாவை வீழ்த்தியது இந்தியா ஷபாலி வர்மா, யாஸ்டிகா பாட்டியா இந்திய பெண்கள் அணி மூன்று வகை கிரிக்கெட் தொடரிலும் விளையாடி வருகிறது. இதில் மூன்று போட்டிகள் கொண்ட ஒரு நாள் தொடரில் முதல் இரண்டு போட்டியில் ஆஸ்திரேலியா அணி வெற்றி பெற்று தொடரை கைப்பற்றிய நிலையில், இரு அணீகளுக்கு இடையேனா கடைசி ஒருநாள் போட்டி நேற்று நடைபெற்றது.

இதில் முதலில் பேட்டிங் செய்த ஆஸ்திரேலியா 50 ஓவரில் 9 விக்கெட் இழப்பிற்கு 264 ரன்கள் எடுத்தது. அந்த அணியின் மூனே 52 ரன்களும், கார்ட்னெர் 67 ரன்களை எடுத்தனர். இந்திய அணி தரப்பில் கோஸ்வாமி 10 ஓவர்கள் வீசி 37 ரன்கள் மட்டுமே விட்டுக்கொடுத்து 3 விக்கெட் வீழ்த்தினார். பூஜா வாஸ்ட்ரகார் 46 ரன்கள் கொடுத்து 3 விக்கெட் வீழ்த்தினார்.

பின்னர் 265 ரன்கள் அடித்தால் வெற்றி என்ற இலக்குடன்  களம் இறங்கிய இந்திய அணி, தொடக்க வீராங்கனை ஷபாலி வர்மா சிறப்பாக விளையாடி 56 ரன்கள் சேர்த்தார். 3-வது வீராங்கனையாக களம் இறங்கிய யாஸ்டிகா பாட்டியா 69 பந்தில் 64 ரன்கள் விளாசினார்.தீப்தி ஷர்மா 30 பந்தில் 31 ரன்களும், ஸ்னே ராணா 27 பந்தில் 30 ரன்களும் சேர்க்க இந்தியா 49.3 ஓவரில் 8 விக்கெட் இழப்பிற்கு 266 ரன்கள் எடுத்து 2 விக்கெட் வித்தியாசத்தில் வெற்றி பெற்றது. இதன் மூலம் தொடர்ந்து 26 ஒருநாள் போட்டிகளில் வென்று வெற்றிநடை போட்ட ஆஸ்திரேலிய பெண்கள் அணியின் பயணத்தை முடித்து வைத்தது இந்தியா மகளிர் அணி.

The winning moment when @JhulanG10 hit straight down to the ground to trigger wild celebrations! #TeamIndia #AUSvIND pic.twitter.com/GoDQFCupcq

— BCCI Women (@BCCIWomen) September 26, 2021

ஐ.பி.எல். போட்டியின் நேற்றய 39-வது ஆட்டத்தில் மும்பை இந்தியன்ஸ் அணியுடன் ராயல் சேலஞ்சர்ஸ் பெங்களூரு அணி மோதியது. இதில் டாஸ் வென்ற மும்பை அணியின் கேப்டன் ரோகித் சர்மா முதலில் பந்துவீச்சை தேர்வு செய்தார். இதையடுத்து பெங்களூரு அணியின் தொடக்க ஆட்டக்காரர்களாக விராட் கோலி மற்றும் தேவ்தத் படிக்கல் களமிறங்கினர். 

நட்சத்திர வீரர் படிக்கல் டக் அவுட் ஆகி ஏமாற்றம் அளித்தார். பவர்பிளே முடிவில் பெங்களூரு அணி 1 விக்கெட் இழப்புக்கு 48 ரன்கள் எடுத்தது. சிறப்பாக ஆடிய விராட் கோலி 40 பந்துகளில் அரைசதம் கடந்து அசத்தினார். இறுதியாக 20 ஓவர்கள் முடிவில் ராயல் சேலஞ்சர்ஸ் பெங்களூரு அணி 6 விக்கெட்டுகள் இழப்புக்கு 165 ரன்கள் எடுத்தது. 

இதனையடுத்து 166 ரன்கள் என்ற இலக்கை நோக்கி மும்பை இந்தியன்ஸ் அணி களமிறங்கியது. தொடக்க ஆட்டக்காரர்களாக களமிறங்கிய ரோகித் சர்மா மற்றும் குவிண்டன் டிகாக் நிதானமான ஆட்டத்தை வெளிப்படுத்தினர். இந்த நிலையில் 24 ரன்களில் குவிண்டன் டிகாக் கேட்ச் ஆகி வெளியேறினார். 

இதன் பிறகு மும்பை அணிக்கு மளமளவென விக்கெட்டுகள் சரிய ஆரம்பித்தது. இஷான் கிஷன் 9 ரன்களிலும்,  அடுத்து வந்த சூர்யகுமார் யாதவ் 8 ரன்களிலும் வெளியேறினர். குருனால் பாண்டியா 8 ரன்களில் பவுல்ட் ஆனார்.  இதைத் தொடர்ந்து ஹர்ஷத் பட்டேல் 17-வது ஓவரில் ஹர்திக் பாண்டியா, பொல்லார்ட், ராகுல் சாஹர் ஆகியோரின் ஹாட்ரிக் விக்கெட்டுகளை வீழ்த்தி அசத்தினார். இறுதியாக 18 புள்ளி ஒரு ஓவர்களில் மும்பை அணி அனைத்து விக்கெட்டுகளை இழந்து 111 ரன்கள் மட்டுமே எடுத்தது. இதன் மூலம் பெங்களூரு அணி 54 ரன்கள் வித்தியாசத்தில் அபார வெற்றி பெற்றது. 

முன்னதாக நடைபெற்ற மற்றோரு லீக் போட்டியில் சென்னை சூப்பர்கிங்ஸ், கொல்கத்தா அணிகள் மோதின. பரபரப்பான ஆட்டத்தில் சென்னை அணி 2 விக்கெட் வித்தியாசத்தில் த்ரில் வெற்றி பெற்றது. சென்னை அணிக்கு கடைசி 2 ஓவர்களில் 26 ரன்கள் தேவைப்பட்டது. அதிரடியாக விளையாடிய ஜடேஜா சென்னை அணியை வெற்றி பெற செய்தார். இந்த வெற்றியின் மூலம், புள்ளி பட்டியலில் மீண்டும் முதலிடம் பிடித்த சென்னை சூப்பர் கிங்ஸ் பிளே ஆப் சுற்றுக்கு முன்னேறியது.

நடப்பு ஐ.பி.எல் தொடரின் 38-வது லீக் ஆட்டத்தில் தோனி தலைமையிலான சென்னை சூப்பர் கிங்ஸ் அணியும், மோர்கன் தலைமையிலான கொல்கத்தா நைட் ரைடர்ஸ் அணியும் மோதின. டாஸ் வென்ற கொல்கத்தா அணி முதலில் பேட்டிங்கை தேர்வு செய்தது. 

கொல்கத்தா அணியின் தொடக்க ஆட்டக்காரர் சுப்மன் கில் 8 ரன்களில் ரன் அவுட் ஆகி வெளியேற, மற்றொரு துவக்க ஆட்டக்காரர் வெங்கடேஷ் ஐயர் 18 ரன்னில் தாகூரின் பந்துவீச்சில் பெவிலியன் திரும்பினார். இதையடுத்து களமிறங்கிய திரிபாதி சிறப்பாக விளையாடி 45 ரன்கள் எடுத்தார். கொல்கத்தா அணி 20 ஓவர்களில் 6 விக்கெட் இழப்பிற்கு 171 ரன்கள் எடுத்தது.

172 ரன்கள் வெற்றி என்ற இலக்குடன் களமிறங்கிய சென்னை அணிக்கு தொடக்க ஆட்டக்காரர்கள் சிறப்பான அடித்தளத்தை அமைத்து கொடுத்தனர். இதனால், சென்னை எளிதாக வெற்றி பெறும் என்றிருந்த நிலையில், அடுத்தடுத்து விக்கெட்டுகளை இழந்து அணி தடுமாறியது.

கடைசி 2 ஓவரில் சென்னை அணியின் வெற்றிக்கு 26 ரன்கள் தேவைப்பட்ட நிலையில், ஜடேஜா அதிரடியாக விளையாடி அணியின் வெற்றிக்கு வழிவகுத்தார். 20 ஓவர் முடிவில் சென்னை அணி 8 விக்கெட் இழப்பிற்கு 172 ரன்கள் எடுத்து கடைசி பந்தில் த்ரில் வெற்றி பெற்றது.

ஐ.  பி.எல். கிரிக்கெட் தொடரின்  37-வது லீக் போட்டி சார்ஜாவில் நேற்றிரவு நடைபெற்றது. இந்த போட்டியில், பஞ்சாப் கிங்ஸ் அணியுடன் சன்ரைசர்ஸ் ஐதராபாத் அணி மோதியது. இதில் டாஸ் வென்ற ஐதராபாத்  பந்து வீச்சை தேர்வு செய்தது. இதனையடுத்து, பஞ்சாப் அணியின் தொடக்க ஆட்டக்காரர்களாக கேப்டன் கே.எல். ராகுல் மற்றும் மயங்க் அகர்வால் களமிறங்கினர். கே.எல். ராகுல் 21 ரன்கள் எடுத்திருந்த நிலையில் ஹோல்டர் பந்து வீச்சில் வெளியேறினார். 5 ரன்கள் எடுத்திருந்த அகர்வாலையும் ஹோல்டர் வீழ்த்தினார். அடுத்து வந்த கெயில் மற்றும் மார்க்ரம் அணியின் ஸ்கோரை உயர்த்த முயற்சித்தனர். ஆனால் 14 ரன்கள் எடுத்த கெயில் சுழற்பந்து வீச்சாளர் ரஷீத் கானிடம் எல்.  பி.ட  பிள்யூ. முறையில் அவுட் ஆனார். ஐதராபாத் அணியின் சிறப்பான பந்து வீச்சால் பஞ்சாப் வீரர்கள் யாராலும் அதிரடி ஆட்டத்தை வெளிப்படுத்தமுடியவில்லை.  இதனால் 20 ஓவர்கள் முடிவில் பஞ்சாப் கிங்ஸ் அணி 7 விக்கெட்டுகள் இழப்  பிற்கு 125 ரன்கள் மட்டுமே எடுத்தது. 

இதனையடுத்து, 126 ரன்கள் எடுத்தால் வெற்றி என்ற இலக்குடன் ஐதராபாத் அணி களமிறங்கியது. தொடக்க ஆட்டக்காரர் டேவிட் வார்னர், ஷமி பந்துவீச்சில் 2 ரன்களில் அவுட் ஆகி வெளியேற, அடுத்து வந்த கேன் வில்லியம்சன் ஷமியின் பந்துவீச்சில் பவுல்ட் ஆனார்.  சரியான பார்ட்னர்ஷிப் அமையாததால், நிர்ணயித்த இலக்கை ஐதராபாத் அணியால் அடைய முடியவில்லை. இறுதியாக 20 ஓவர்கள் முடிவில் ஐதராபாத் அணி 7 விக்கெட்டுகளை இழந்து 120 ரன்கள் மட்டுமே எடுத்தது. இதன் மூலம் பஞ்சாப் கிங்ஸ் அணி 5 ரன்கள் வித்தியாசத்தில் வெற்றி பெற்றது. 

முன்னதாக அபுதா  பியில் நடைபெற்ற லீக் போட்டி ஒன்றில், டெல்லி கே  பிட்டல்ஸ்-ராஜஸ்தான் ராயல்ஸ் அணிகள் மோதின.  இந்த போட்டியில் டெல்லி அணி 33 ரன்கள் வித்தியாசத்தில் வெற்றி பெற்று   பிளேஆப் சுற்றுக்கு முன்னேறியது. அதே சமயம் புள்ளி பட்டியலில் மீண்டும் டெல்லி கேப்  பிட்டல்ஸ் முதலிடத்தை   பிடித்தது.