ஜிம்பாப்வே அணிக்கு எதிரான ஒருநாள் போட்டியில், இந்திய அணி 10 விக்கெட்டுகள் வித்தியாசத்தில் அசத்தல் வெற்றி பெற்றது. 

ஜிம்பாப்வே VS இந்தியா:

ஜிம்பாப்வே சுற்றுப்பயணம் மேற்கொண்டுள்ள இந்திய அணி, மூன்று போட்டிகள் கொண்ட ஒருநாள் கிரிக்கெட் தொடரில் விளையாடுகிறது. இதில் முதல் போட்டி, ஹராரேவில் தொடங்கியது. டாஸ் வென்ற இந்திய அணியின் கேப்டன் கே.எல். ராகுல், பந்துவீச்சை தேர்வு செய்தார். அதன்படி களமிறங்கிய ஜிம்பாப்வே வீரர்கள், இந்திய அணியின் ஆக்ரோஷ பந்துவீச்சை சமாளிக்க முடியாமல், அடுத்தடுத்து விக்கெட்டுகளை பறிகொடுத்தனர்.  இதனால், 40 புள்ளி 3 ஓவர்களில், அந்த அணி 189 ரன்களுக்கு அனைத்து விக்கெட்டுகளையும் இழந்தது. 

இந்தியா வெற்றி:

இதையடுத்து 190 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணி, ஜிம்பாப்வே பந்துவீச்சை எளிதாக எதிர்கொண்டு ரன்களை எடுத்தது. தொடக்க ஆட்டக்காரர்கள் ஷிகர் தவான், சுப்மன் கில் இருவரும் தங்கள் விக்கெட்டை பறிகொடுக்காமல், நிலைத்து நின்று ஆடினர். இறுதியில், 30 புள்ளி 5 ஓவர்களில், விக்கெட் இழப்பின்றி 192 ரன்களை எட்டிய இந்திய அணி, 10 விக்கெட்டுகள் வித்தியாசத்தில் வெற்றி பெற்றது. சுப்மன் கில் 82 ரன்களும், தவான் 81 ரன்களும் எடுத்தனர். இந்த வெற்றியின் மூலம் மூன்று போட்டிகள் கொண்ட தொடரில் இந்திய அணி ஒன்றுக்கு பூஜ்யம் எனும் கணக்கில் முன்னிலை பெற்றுள்ளது. 

தென் ஆப்ரிக்காவில் ஐபிஎல் அணிகள்: தென் ஆப்பிரிக்கவில் நடைபெறவுள்ள டி20 கிரிக்கெட் தொடரில் ஐபிஎல் அணிகள் விளையாடவுள்ளதாக அறிவிப்புகள் வெளியாகியுள்ளன. தென் ஆப்பிரிக்காவில் டி20 கிரிக்கெட் தொடர் தொடங்கவுள்ளது. இதில், ஐபிஎல்லில் விளையாடிய அணிகள் களம் காண உள்ளன.

சூப்பர் கிங்ஸ்: அதன்படி சென்னை அணி நிர்வாகம் ஜோகனஸ்பர்க் சூப்பர் கிங்ஸ் எனும் பெயரிலும், மும்பை அணி நிர்வாகம் மும்பை கேப்டன் எனும் பெயரிலும், ராஜஸ்தான் அணி பார்ல் ராயல்ஸ் எனும் பெயரிலும், டெல்லி அணி நிர்வாகம் பிரிட்டோரியா கேபிடல்ஸ் எனும் பெயரிலும் அணிகளை களமிறக்க உள்ளன. இந்நிலையில், ஹைதராபாத் அணி நிர்வாகமும் சன்ரைசர்ஸ் ஈஸ்டர் கேப் எனும் பெயரிலும் தங்கள் அணியை களமிறக்க உள்ளதாக தகவல்கள் வெளியாகியுள்ளன. 

777 சர்வதேச போட்டிகள்: அதன்படி, ஐசிசியில் முழுநேர உறுப்பினராக உள்ள 12 நாடுகளின் அணிகள், 173 டெஸ்ட் போட்டிகள், 281 ஒரு நாள் போட்டிகள் மற்றும் 323 டி20 போட்டிகள் என மொத்தம் 777 சர்வதேச கிரிக்கெட் போட்டிகளில் விளையாட உள்ளன. 

இந்தியாவுக்கு 33 டெஸ்ட் போட்டிகள்: இந்த காலகட்டத்தில் இந்திய அணி மட்டும் 33 டெஸ்ட் போட்டிகளில் விளையாடும் என தெரிவிக்கப்பட்டுள்ளது. இதில் 2 ஐசிசி உலக டெஸ்ட் சாம்பியன்ஷிப் மற்றும் ஐசிசி நடத்தும் உலகக் கோப்பை தொடர்கள் நடைபெற உள்ளன. 

இணையும் இந்தியா-இலங்கை: 2025ம் ஆண்டு சாம்பியன்ஸ் டிராபி தொடர் மீண்டும் நடைபெறும் என தெரிவிக்கப்பட்டுள்ளது. மேலும் 2026 ஆம் ஆண்டிற்கான டி20 உலக கோப்பையை இந்தியாவும் இலங்கையும் இணைந்து நடத்த உள்ளன.

2முறை இந்தியா-ஆஸ்திரேலியா மோதல்: இந்த அட்டவணையின் சிறப்பம்சமாக இந்தியா - ஆஸ்திரேலியா அணிகள் மோதும் பார்டர்-கவாஸ்கர் டிராபி டெஸ்ட் தொடரானது, 
5 டெஸ்ட் போட்டிகள் கொண்ட தொடராக 2 முறை நடைபெற உள்ளது. 

30 வருடங்களுக்கு பிறகு நடைபெறும் தொடர்: கடந்த 30 வருடங்களுக்கு பிறகு தற்போதுதான் 2 முறை பார்டர் – கவாஸ்கர் டிராபி தொடர் நடைபெற இருக்கிறது. நடப்பு 5 ஆண்டு கிரிக்கெட் போட்டிகளுக்கான எண்ணிக்கையுடன் ஒப்பிடும்போது, எதிர்வரும் 2023-27ம் ஆண்டுக்கான போட்டிகளின் எண்ணிக்கை அதிகரிக்கப்பட்டுள்ளது குறிப்பிடத்தக்கது.

3 ஒரு நாள் போட்டி: ஜிம்பாப்வேயில் சுற்றுப்பயணம் மேற்கொண்டுள்ள கே.எல்.ராகுல் தலைமையிலான இந்திய கிரிக்கெட் அணி, அந்நாட்டு அணியுடன் 3 ஒரு நாள் போட்டிகள் கொண்ட தொடரில் பங்கேற்கிறது. இதன் முதல் போட்டி ஹராரேயில் இந்திய நேரப்படி இன்று நண்பகல் 12.45 மணிக்கு தொடங்குகிறது. 

மீண்டும் அணிக்கு திரும்பிய வீரர்கள்: காயத்தில் இருந்து குணமடைந்து நீண்ட இடைவெளிக்கு பிறகு கே.எல்.ராகுலும், வேகப்பந்து வீச்சாளர் தீபக் சாஹரும் அணிக்கு திரும்பி உள்ளனர். இப்போட்டியில், ஷிகர் தவானும் சுப்மன் கில்லும் தொடக்க வீரர்களாக களமிறங்க வாய்ப்புள்ளது. 

வெற்றி முனைப்பில் இந்தியா: சஞ்சு சாம்சன், இஷான் கிஷன் ஆகியோரில் ஒருவர் விக்கெட் கீப்பராக இடம்பெறுவர் என எதிர்பார்க்கப்படுகிறது.  இப்போட்டியில் வெற்றி பெற்று தொடரை வெற்றியுடன் தொடங்கும் முனைப்பில் இந்திய அணி உள்ளது. 

6 ஆண்டுகளுக்கு பிறகு மோதல்: இரு அணிகளும் கடைசியாக மோதிய 5 ஒருநாள் போட்டிகளிலும் இந்தியாவே வெற்றி பெற்றுள்ளது. 6 ஆண்டுகளுக்கு பிறகு இந்தியா - ஜிம்பாப்வே அணிகளுக்கு இடையே ஒருநாள் போட்டி நடைபெறுவதால், இன்றைய ஆட்டத்தை ரசிகர்கள் ஆவலுடன் எதிர்நோக்கியுள்ளனர். 

தூத்துக்குடி மாவட்ட கூடப்பந்து கழகம் சார்பில், 12வது அகில இந்திய அளவிலான கல்லூரி கூடைப்பந்து போட்டி ஜிம்கானா கிளப் அரங்கில் துவக்கியது. ஆண்கள் மற்றும் பெண்களுக்கான இந்த போட்டியை, மாவட்ட ஆட்சியர் செந்தில்ராஜ் துவக்கி வைத்தார். இன்று தொடங்கி, வருகிற 20ம் தேதி வரை நடைபெற உள்ள இந்த போட்டியில், பல கல்லூரி மாணவர்கள் கலந்து கொண்டனர்.

ஆண்கள் பிரிவில் பெங்களூர் ஜெயின் பல்கலைக்கழகம், சென்னை எம்சிசி, சென்னை லயோலா கல்லூரி, கேரளா மாநிலம் வர்மா கல்லூரி, திருவனந்தபுரம் இவானியஸ் கல்லூரி, சென்னை சத்யபாமா யுனிவர்சிட்டி, கேரளா சென்ட் பெர்க்மான்ஸ் காலேஜ்,  மற்றும் எஸ் ஆர்எம் இன்ஸ்டிட்யூட் ஆஃப் சயின்ஸ் ஆப் டெக்னாலஜி கல்லூரி உள்ளிட்ட 8 அணிகளும், பெண்கள் பிரிவில், பெங்களூர் வைஷ்ணவி காலேஜ்,  சென்னை எஸ்ஆர்எம் யுனிவர்சிட்டி, கேரளா புனித ஜோசப் கல்லூரி  மற்றும் திருவனந்தபுரம்  இவானியஸ் கல்லூரி அணி, பெங்களுர் ஜெயின் கல்லூரி உள்ளிட்ட 6 அணிகள் கலந்து கொண்டன.

இன்று நடைபெற்ற பெண்களுக்கான முதல் போட்டியில் எம்ஒபி வைஷ்ணவா கல்லூரி சென்னை அணியும், செயிண்ட் ஜோசப் கேரளா கல்லூரி அணிகள் மோதின. மிகவும் விறுவிறுப்பாக நடைபெற்ற இப்போட்டியில் எம்ஒபி வைஷ்ணவா கல்லூரி சென்னை அணி 56 : 48 புள்ளிகள் கணக்கில் செயிண்ட் ஜோசப் கேரளா கல்லூரி அணியை வென்றது.

இதில் கேரளா வர்மா கல்லூரி அணியும் சென்னை சத்யபாமா கல்லூரி அணிகள் மோதின. இதில் 63 : 40 என்ற புள்ளிகள் எடுத்து கேரளா வர்மா கல்லூரி அணி வெற்றி பெற்றது. இறுதி போட்டி வரும் 20ம் தேதி நடைபெறுகிறது. இப்போட்டியில் வெற்றி பெறும் அணிகளுக்கு முதல் பரிசாக ஆண் மற்றும் பெண் அணிகளுக்கு தலா 25,000 ரூபாயும், இரண்டாம் இடத்தைப் பிடிக்கும் ஆண் பெண் அணிகளுக்கு தலா 20,000 ரூபாயும், மூன்றாம் இடத்தை பிடிக்கும் ஆண் மற்றும் பெண் அணிகளுக்கு தலா 15,000 ரூபாயும், நான்காம் இடத்தை பிடிக்கும் ஆண் மற்றும் பெண் அணிகளுக்கு தலா 10,000 ரூபாயும் வழங்கப்படுகிறது.