இந்தியா- நியூசிலாந்து அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி மும்பை வான்கடே மைதானத்தில் நடைபெற்றது. இதில் டாஸ் வென்று முதலில் பேட் செய்த இந்திய அணி முதல் இன்னிங்சில் 325 ரன்களுக்கு ஆல் அவுட் ஆனது. பின்னர் ஆடிய நியூசிலாந்து அணி 62  ரன்களில் சுருண்டது. இதையடுத்து நியூசிலாந்துக்கு ‘பாலோ-ஆன்’ வழங்காத இந்திய அணி 263 ரன்கள் முன்னிலையுடன் 2-வது இன்னிங்சை தொடர்ந்து ஆடியது. இந்திய அணி 70 ஓவர்களில் 7 விக்கெட் இழப்பிற்கு 276 ரன்கள் அடித்து இருந்த போது டிக்ளேர் செய்தது. இதன் மூலம் நியூசிலாந்து அணிக்கு 540 - ரன்கள் வெற்றி இலக்காக நிர்ணயிக்கப்பட்டது. இந்த நிலையில், நியூஸிலாந்து அணி தனது இரண்டாவது இன்னிங்ஸில் 167 ரன்களுக்கு ஆல் அவுட் ஆனது.

இதனால், 372 ரன்கள் வித்தியாசத்தில் அபார வெற்றி பெற்ற இந்திய அணி, 2 போட்டிகள் கொண்ட டெஸ்ட் தொடரை 1-0 என வென்றது. ஆட்ட நாயகனாக மயாங்க் அகர்வாலும், தொடர் நாயகனாக தமிழக வீரர் ரவிச்சந்திரன் அஷ்வினும் தேர்வு செய்யப்பட்டனர்.

இந்த வெற்றியின் மூலம் 2 போட்டிகள் கொண்ட தொடரை 1-0  என்ற கணக்கில் இந்தியா கைப்பற்றியது. மேலும், சொந்த மண்ணில் தொடர்ச்சியாக 14 டெஸ்ட் தொடர்களை வென்று சாதனைப் படைத்துள்ளது. அதேபோல் இந்திய டெஸ்ட் அணி விராட் கோலி தலைமையில் ஆதிக்கும் செலுத்தி வருகிறது. 2014-ம் ஆண்டு முதல் இந்திய டெஸ்ட் கிரிக்கெட் அணி கேப்டனாக பொறுப்பேற்று 66 போட்டிகளில் அணியை வழி நடத்தியுள்ளார். இதில் 39 போட்டிகளில் இந்திய அணி வெற்றி பெற்றுள்ளது. 16 போட்டிகளில் தோல்வி அடைந்துள்ளது. 11 போட்டிகள் டிராவில் முடிந்துள்ளது.

இந்தியா - நியூசிலாந்து அணிகளுக்கு இடையிலான இரண்டாவது டெஸ்ட் கிரிக்கெட் போட்டி மும்பை வான்கடே மைதானத்தில் நடைபெற்று வருகிறது. நேற்று முன் தினம் தொடங்கிய இந்த போட்டியில் முதலில் பேட்டிங் செய்த இந்திய அணி, 325 ரன்கள் குவித்தது. இதனையடுத்து களமிறங்கிய நியூசிலாந்து அணி முதல் இன்னிங்ஸில் 62 ரன்களில் அனைத்து விக்கெட்டு களையும் இழந்து பாலோ-ஆன் ஆனது. ஆனால் 263 ரன்கள்  முன்னிலை பெற்றிருந்த நிலையில், இந்திய அணி பாலோ-ஆன் கொடுக்காமல் 2-வது இன்னிங்சை தொடங்கியது. நேற்றைய 2-வது நாள் ஆட்ட முடிவில் இந்திய அணி, விக்கெட் இழப்பின்றி 69 ரன்கள் சேர்த்தது.

3-வது நாள் ஆட்டம் இன்று தொடங்கிய நிலையில், மயங்க் அகர்வால் சிறப்பாக விளையாடி அரைசதம் கடந்த நிலையில், அடுத்து வந்த வீரர்களும் சிறப்பாக விளையாடி ஸ்கோரை உயர்த்தினர். இந்நிலையில், 7 விக்கெட் இழப்புக்கு இந்திய அணி, 276 ரன்கள் எடுத்திருந்தபோது 2-வது இன்னிங்சை டிக்ளேர் செய்தது. இதன் மூலம் இந்திய அணி,  2 இன்னிங்ஸிலும் சேர்த்து மொத்தமாக 539 ரன்கள் முன்னிலைப் பெற்றுள்ளது.  

540 ரன்கள் அடித்தால் வெற்றி என்ற இமாலய இலக்குடன் 2வது இன்னிங்சை தொடங்கிய நியூசிலாந்து அணி 3வது நாள் ஆட்ட நேர முடிவில் 5  விக்கெட் இழப்பிற்கு 140 ரன்கள் எடுத்துள்ளது. அதிகபட்சமாக டேரில் மிட்செல் 60 ரன்கள் எடுத்து ஆட்டமிழந்தார். இந்த இன்னிங்சில் அஷ்வின் 3 விக்கெட்டுகளை எடுத்து அசத்தினார். 

நியூஸிலாந்து அணி வெற்றி பெற இன்னும் 400 ரன்கள் தேவைப்படுகிறது. கைவசம் 5  விக்கெட்கள் அந்த அணிக்கு உள்ளன. இன்னும் 2 நாட்கள் ஆட்டம் பாக்கி இருப்பதால் தற்போதைய நிலையில் இந்தியா அணியின் வெற்றி வாய்ப்பு பிரகாசமாக உள்ளது.

ஒடிசா மாநிலம் புவனேஸ்வரில் ஜூனியர் ஹாக்கி உலகக் கோப்பை தொடர் விறுவிறுப்பாக நடைபெற்று வருகிறது. காலிறுதி ஆட்டத்தில், ஐரோப்பாவின் மிகவும் வலுவான அணியான பெல்ஜியத்துடன், நடப்பு சாம்பியனான இந்திய அணி பலப்பரீட்சை நடத்தியது. தொடக்கத்தில் ஆக்ரோஷமாக ஆடிய பெல்ஜியம் வீரர்கள், இந்திய வீரர்களுக்கு கடும் நெருக்கடி கொடுத்தனர்.

எந்த வாய்ப்பும் கொடுக்காமல் தொடர்ந்து ஆதிக்கம் செலுத்தினர். அதன் பின்னர் இந்திய வீரர்கள் சுதாரித்து ஆட, 21-வது நிமிடத்தில் கிடைத்த பெனால்டி கார்னர் வாய்ப்பில், இந்திய வீரர் சர்தானந்த் திவாரி கோல் அடித்து அசத்தினார்.  அதன் பின்னர் இறுதி வரை இரு அணிகளும் கோல் அடிக்கவில்லை. எனவே, 1 க்கு பூஜ்ஜியம் என்ற கோல் கணக்கில் வெற்றி பெற்ற இந்திய அணி, அரையிறுதிக்கு தகுதி பெற்றுள்ளது. வெள்ளிக்கிழமை நடைபெற உள்ள அரையிறுதிப் போட்டியில், ஜெர்மனி அணியுடன் இந்தியா பலப்பரீட்சை நடத்த உள்ளது என்பது குறிப்பிடத்தக்கது.

ஐபிஎல் கிரிக்கெட் அணிகள் தங்கள் அணியில் உள்ள வீரர்களில் யார்? யாரை? தக்கவைக்கிறது என்பதை அறிவிப்பதற்கான கெடு நிறைவடைந்தையடுத்து, அணியில் தக்கவைக்கப்படும் வீரர்களின் பட்டியலை இந்திய கிரிக்கெட் வாரியம் மற்றும் ஐபிஎல் நிர்வாகக்குழு அறிவித்து உள்ளது.

 
ராயல் சேலஞ்சர்ஸ் பெங்களூரு அணி விராட் கோலி, மேக்ஸ்வெல், முகமது சிராஜ் ஆகிய மூவரை தக்க வைத்துள்ளது. பெங்களூர் ராயல் சேலஞ்சர்ஸ் அணிக்காக இந்திய வீரர் பேட்ஸ்மேன் விராட் கோலி, வேகப்பந்து வீச்சாளர் சிராஜ், ஆல்ரவுண்டர் மேக்ஸ்வெல் ஆகியோரும் தக்கவைத்துள்ளனர். ஐ.பி.எல் ஏலத்திற்கு அந்த அணியிடம்  57 கோடி மீதம் உள்ளது.

மும்பை அணிக்காக கேப்டன் ரோகித் சர்மா, வேகப்பந்து வீச்சாளர் மும்பரா, பேட்ஸ்மேன் சூர்யகுமார் யாதவ், ஆல்ரவுண்டர் கிரன் பொள்ளாடு ஆகியோரும் தக்கவைக்கப்பட்டுள்ளனர். மும்பை இந்தியன் அணியில் 3 இந்திய வீரர்களும் ஒரு வெளிநாட்டு வீரர்களும் தக்கவைத்துள்ளனர். கிங்ஸ் லெவன் பஞ்சாப் அணிக்காக பேட்ஸ்மேன் மாயங் அகர்வால் , வேகப்பந்து வீச்சாளர் அர்சப்த் சிங் அது இருவரை தக்க வைத்துள்ளன.

அந்த வகையில் நடப்பு சாம்பியன் சென்னை சூப்பர் கிங்ஸ் அணியில் டோனி, ஜடேஜா, ருதுராஜ், மொயீன் அலி ஆகியோரை தக்கவைத்துள்ளது. இதில் ஜடேஜாவை 16 கோடி ரூபாய் கொடுத்தும், டோனியை 12 கோடி ரூபாய் கொடுத்தும், மொயீன் அலியை 8 கோடி ரூபாய் கொடுத்தும், ருதுராஜன் கெய்க்வாட்டை 6 கோடி ரூபாய் கொடுத்தும் தக்கவைத்துள்ளது.

மேலும் இது தோனியே எடுத்த முடிவாக இருக்கலாம். தற்போதைய ஃபார்மை கருத்தில் கொண்டு முதல் வீரராக ரீட்டெயின் செய்ய தகுதியடையவர் ஜடேஜா என தோனியே முடிவெடுத்திருக்கலாம்.

ஆனால், 2022 சீசனோடு தோனி ஓய்வுபெறும்பட்சத்தில் மினி ஏலத்தில் சென்னைக்கு கூடுதலாக 12 கோடி மட்டுமே கிடைக்கும். அதேநேரத்தில், இங்கே தோனியை 16 கோடிக்கு ரீட்டெயின் செய்திருக்கும்பட்சதில், தோனி ஓய்வு பெற்ற பிறகு மினி ஏலத்தில் சென்னைக்கு 16 கோடி கிடைத்திருக்கும்.

தோனி 2022 சீசனோடு ஓய்வு பெறும்பட்சத்தில் சென்னைக்கு 4 கோடி நஷ்டம் ஏற்படும் என்றும் அப்படி தோனி ஓய்வு பெறும் பட்சத்தில் சென்னை அணிக்கு அடுத்த கேப்டனாக ஜடேஜாவை நியமிக்க அதிக வாய்ப்புள்ளதாக தகவல் வெளியாகியுள்ளது.