கொரோனா காலகட்டத்தில் நடைபெறும் முக்கிய விளையாட்டு நிகழ்வான ஒலிம்பிக் ஜப்பான் தலைநகர் டோக்கியோவில் நடைபெற்று வருகின்றன, ஒலிம்பிக் 2020 போட்டிகள் நேற்று கோலாகலமாக தொடங்கின. கொரோனா காரணமாக, ரசிகர்கள் இன்றி போட்டிகள் நடைபெற்று வருகின்றன. நேற்று காலை முதல் பல்வேறு பிரிவிலான போட்டிகள் தொடங்கி நடைபெற்று வருகின்றன. 

சீனா, டோக்கியோ ஒலிம்பிக் தொடரில் நேற்று, முதல் தங்கத்தை வென்றிருக்கிறது. பெண்கள் 10 மீட்டர் ஏர் ரைபிள் இறுதிப் போட்டியில் சீனாவின் யாங் கியான் தங்கம் வென்றதுடன் புதிய சாதனையும் படைத்துள்ளார். சீனாவின் கியான் பெற்ற மொத்த புள்ளிகள் 251 புள்ளி 8 ஆகும். இதுதான் ஒலிம்பிக் தொடரில் 10 மீட்டர் ஏர் ரைபிள் பிரிவின் அதிகபட்ச புள்ளிகளாகும்.   

ஒலிம்பிக் போட்டியில் சீனா தற்போதைய நிலவரப்படி  3 தங்கபதக்கம் வென்றுள்ளது. ஜப்பான், இகுவடார், ஈரான், தென் கொரியா, கொசோவோ ஆகிய நாடுகள் தலா ஒரு தங்கபதக்கம் வென்றுள்ளன.பெண்கள் 49 கிலோ பளு தூக்குதல் போட்டியில் இந்திய வீராங்கனை மீராபாய் சானு வெள்ளிப்பதகக்கம் வென்றுள்ளார். டேபிள் டென்னிஸ் பெண்கள் ஒற்றையர் பிரிவில் இந்திய வீராங்கனை சுதிர்தா முகர்ஜி சுவீடனின் லின்டா பெர்ஜிஸ்டிரோமுவை 4-3 என்ற செட் கணக்கில் வீழ்த்தி அடுத்த சுற்றுக்கு முன்னேறினார்.

இந்தியா - நெதர்லாந்துக்கு இடையேயான பெண்கள் ஹாக்கி போட்டியின் முதல் சுற்றில், இந்திய அணி தனது முதல் கோலை பதிவு செய்தது, இரு அணிகளும் 1-1 என்ற கணக்கில் சமனில் உள்ளன.இந்திய குத்துச்சண்டை வீரர் விகாஸ் கிரிஷன், முதல் சுற்றிலேயே தோல்வியடைந்து வெளியேறியது ரசிகர் மத்தியில் ஏமாற்றத்தை ஏற்படுத்தி உள்ளது.

டோக்கியோ ஒலிம்பிக்கில் வெள்ளி வென்ற மீராபாய் சானுவுக்கு ஒரு கோடி ரூபாய் பரிசுத் தொகையாக வழங்கப்படும் என்று மணிப்பூர் முதலமைச்சர் பிரேன் சிங் அறிவித்துள்ளார்.

ஒலிம்பிக் தொடரின் தொடக்க விழா நேற்று முன்தினம் முடிவடைந்ததையடுத்து நேற்று காலை முதல் ஒலிம்பிக் போட்டிகள் விறுவிறுப்பாக தொடங்கியது. ஒலிம்பிக் பளுதூக்கும் போட்டியில் பெண்களுக்கான 49 கிலோ பளுதூக்குதல் பிரிவில் இந்தியாவிலிருந்து பங்கேற்ற ஒரே வீராங்கனையான மீராபாய் சானு வெள்ளிப் பதக்கத்தைக் கைப்பற்றினார். 

கடந்த 2000 ஆம் ஆண்டில் கர்ணம் மல்லேஸ்வரி ஒலிம்பிக்கில் பளுதூக்குதலில் வெண்கலப்பதக்கம் வென்றபின் தற்போது பளுதூக்குதலில் 2-வது வீராங்கனையாக சானு பதக்கம் வென்றுள்ளார். 49 கிலோ எடைப்பிரிவில் பளுதூக்குதலில் பங்கேற்ற மீராபாய் சானு மொத்தம் 202 கிலோ தூக்கி 4 விதமான முயற்சிகளிலும் அசத்தி வெள்ளியை உறுதி செய்தார்.  டோக்கியோ ஒலிம்பிக்கில் போட்டியில் பளுதூக்குதல் பிரிவில் பங்கேற்க இந்திய அளவில் தகுதி பெற்ற முதல் வீராங்கனையும் மீராபாய் சானுதான். அதுமட்டுமல்லாமல் பளுதூக்குதல் பிரிவில் பெண்கள் பிரிவில் பங்கேற்ற ஒரே வீராங்கனையும் சானு மட்டும்தான். கடந்த 2016-ம் ஆண்டு ரியோ ஒலிம்பிக்கில் தோல்வி அடைந்த சானு, டோக்கியோ ஒலிம்பிக்கில் பதக்கத்துடன் நாடு திரும்புகிறார். 

இந்தியாவுக்கு முதல் பதக்கத்தை பெற்று தந்துள்ள மீராபாய் சானுவிற்கு குடியரசுத் தலைவர் ராம்நாத் கோவிந்த் மற்றும்  பிரதமர் மோடி ஆகியோர் வாழ்த்து தெரிவித்துள்ளனர். மீராபாய் சானுக்கு வாழ்த்து தெரிவித்துள்ள தமிழக முதலமைச்சர் மு.க.ஸ்டாலின், ஒலிம்பிக்கின் முதல் நாளிலேயே இந்தியாவுக்கு ஒரு பிரகாசமான ஆரம்பம் என புகழாரம் சூட்டியுள்ளார். இதேபோல், இந்திய பிரபலங்கள் , கிரிக்கெட் பிரபலங்கள் என பலர் வாழ்த்து தெரிவித்து வருகின்றனர்.

இந்நிலையில் டோக்கியோ ஒலிம்பிக்கில் வெள்ளிப் பதக்கம் வென்றதற்காக மீராபாய் சானுவுக்கு வாழ்த்து தெரிவித்த மணிப்பூர் மாநில முதலமைச்சர் பிரேன் சிங், மகத்தான சாதனை புரிந்ததற்காக அவருக்கு பரிசுத்தொகையாக ஒரு கோடி ரூபாய் வழங்கப்படும் என்று அறிவித்துள்ளார்.

ஜப்பானில் நடைபெற்று வரும் டோக்கியோ ஒலிம்பிக் திருவிழாவில், பெண்களுக்கான 10 மீட்டர் ஏர் ரைஃபிள் துப்பாக்கி சுடுதல் போட்டி நடைபெற்றது. தகுதி சுற்றில் இந்தியா சார்பில் தமிழகத்தின் இளவேனில் வாலறிவன் மற்றும் அபூர்வி சந்தேலா கலந்து கொண்டனர். மொத்தமாக 626 புள்ளி 5 புள்ளிகள் எடுத்த இளவேனில் வாலறிவன், 16-ம் இடத்தையே பிடித்தார்.

முதல் 8 வீராங்கனைகள் மட்டுமே இறுதிப்போட்டிக்கு முன்னேற முடியும் என்பதால் அவர் இறுதிப்போட்டி வாய்ப்பை இழந்தார். இதைப்போல மற்றொரு வீராங்கனை அபூர்வி சந்தேலா, 621 புள்ளி 9 புள்ளிகள் பெற்று 36-ம் இடத்தைப் பிடித்து இறுதிப்போட்டி வாய்ப்பை இழந்தார்.

ஆண்களுக்கான 10 மீட்டர் ஏர் பிஸ்டல் போட்டியின் தகுதி சுற்றில் முதலிடம் பிடித்த சவுரப் சவுத்ரி, இறுதி போட்டிக்கு முன்னேறினார். அவருக்கு பதக்கம் நெருங்கி வருவதாக எதிர்பார்க்கப்பட்ட நிலையில், இறுதி போட்டியில் 137 புள்ளி 4 புள்ளிகள் மட்டுமே எடுத்து, 7-வது இடத்தை பிடித்திருந்தார். இதனால் இந்தியாவின் சவுரப் சவுத்ரி தோல்வி அடைய, இந்தியாவுக்கு பதக்க வாய்ப்பும் கை நழுவி போனது. 

வில்வித்தை கலப்பு அணிகளுக்கான காலிறுதி போட்டியில், கலப்பு இரட்டையர் பிரிவில், இந்திய அணியான தீபிகா குமாரி- பிரவீன் ஜாதவ் ஜோடி, தென்கொரியாவின் ஆன் சான் - கிம் ஜி டியோக் இணையிடம் பலப்பரீட்சை நடத்தியது. 4 செட் கொண்ட இந்த போட்டியில், ஒவ்வொரு செட்டிற்குள் 2 புள்ளிகள் வழங்கப்படும். தொடக்கத்தில் இருந்து ஆதிக்கம் செலுத்திய  தென்கொரிய அணி 3 செட்டையும், இந்திய அணி 1 செட்டை மட்டுமே கைப்பற்றியது. இதனால் 6 க்கு 2 என்ற புள்ளி கணக்கில் இந்தியாவின் தீபிகா குமாரி- பிரவீன் ஜாதவ் ஜோடி தோல்வியை தழுவியது.

ஒலிம்பிக் பேட்மிண்டன் போட்டியின் ஆண்களுக்கான ஒற்றையர் பிரிவின் தகுதி சுற்றில் இந்தியாவின் சாய் பிரனீத் அதிர்ச்சி தோல்வி அடைந்தார். இஸ்ரேல் வீரர் சில்பர்மேன் மிஷாவிடம் 17 க்கு 21, 15 க்கு 21 என்ற நேர்செட் கணக்கில் தோல்வியை தழுவினார்.

32-வது ஒலிம்பிக் திருவிழா, ஜப்பான் தலைநகர் டோக்கியோவில் நடைபெற்று வருகிறது. பளுதூக்கும் போட்டியின் பெண்களுக்கான 49 கிலோ எடைப்பிரிவில், பல நாடுகளை சேர்ந்த வீராங்கனைகள் பங்கேற்றனர். இதில் சிறப்பாக விளையாடிய இந்தியாவின் மீராபாய் சானு, ஸ்னாட்ச் பிரிவில் 87 கிலோ எடையையும், கிளீன் அண்ட் ஜெர்க் பிரிவில் 115 கிலோ எடையையும் தூக்கினார். இதன் மூலம் மொத்தம் 202 கிலோ எடையைத் தூக்கி 2-ம் இடம் பிடித்த அவர், வெள்ளி பதக்கத்தை வென்றுள்ளார். இதன் மூலம் டோக்கியோ ஒலிம்பிக் 2020-ல் இந்தியாவுக்கு முதல் பதக்கம் கிடைத்துள்ளது.

ஒலிம்பிக் பளுதூக்கும் போட்டியில் வெள்ளி பதக்கம் வென்ற மணிப்பூர் மாநிலத்தை சேர்ந்த மீராபாய் சானுக்கு குடியரசு தலைவர் ராம்நாத் கோவிந்த், பிரதமர் மோடி, அம்மாநில முதலமைச்சர் பிரண் சிங், தமிழக முதலமைச்சர் மு.க.ஸ்டாலின் உள்ளிட்டோர் வாழ்த்து தெரிவித்துள்ளனர்.  இது தொடர்பாக தமது டுவிட்டர் பக்கத்தில் பதிவிட்டுள் பிரதமர் மோடி, மீராபாய் சானுவின் அற்புதமான செயல் திறனால் இந்தியா மகிழ்ச்சி அடைவதாகவும், மீராபாய் சானுவின் வெற்றி ஒவ்வொரு இந்தியரையும் ஊக்குவிப்பதாகவும் கூறியுள்ளார். ஒலிம்பிக்கின் முதல் நாளிலேயே இந்தியாவுக்கு ஒரு பிரகாசமான ஆரம்பம் என மு.க.ஸ்டாலின் குறிப்பிட்டுள்ளார்.

இதனிடையே, டோக்கியோ ஒலிம்பிக்  பளுதூக்கும் போட்டியை வீட்டில் இருந்தபடி டி.வி.யில் கண்டு ரசித்த மீராபாய் சானுவின் உறவினர்கள் மற்றும் ஊர் மக்கள், மீராபாய் சானு வெள்ளி பதக்கம் வென்றதை கொண்டாடி மகிழ்ந்தனர்.

32-வது ஒலிம்பிக் திருவிழா, ஜப்பான் தலைநகர் டோக்கியோவில் நடைபெற்று வருகிறது. பளுதூக்கும் போட்டியின் பெண்களுக்கான 49 கிலோ எடைப்பிரிவில், பல நாடுகளை சேர்ந்த வீராங்கனைகள் பங்கேற்றனர். இதில் சிறப்பாக விளையாடிய இந்தியாவின் மீராபாய் சானு, ஸ்னாட்ச் பிரிவில் 87 கிலோ எடையையும், கிளீன் அண்ட் ஜெர்க் பிரிவில் 115 கிலோ எடையையும் தூக்கினார். இதன் மூலம் மொத்தம் 202 கிலோ எடையைத் தூக்கி 2-ம் இடம் பிடித்த அவர், வெள்ளி பதக்கத்தை வென்றுள்ளார். இதன் மூலம் டோக்கியோ ஒலிம்பிக் 2020-ல் இந்தியாவுக்கு முதல் பதக்கம் கிடைத்துள்ளது.

ஒலிம்பிக் பளுதூக்கும் போட்டியில் வெள்ளி பதக்கம் வென்ற மணிப்பூர் மாநிலத்தை சேர்ந்த மீராபாய் சானுக்கு பிரதமர் மோடி மற்றும் அம்மாநில முதலமைச்சர் பிரண் சிங் வாழ்த்து தெரிவித்துள்ளனர். இது தொடர்பாக தமது டுவிட்டர் பக்கத்தில் பதிவிட்டுள் பிரதமர் மோடி, மீராபாய் சானுவின் அற்புதமான நடவடிக்கையால் இந்தியா மகிழ்ச்சி அடைவதாகவும், மீராபாய் சானுவின் வெற்றி ஒவ்வொரு இந்தியரையும் ஊக்குவிப்பதாகவும் கூறியுள்ளார்.

இதேபோன்று தமிழக முதல்வர் மு.க. ஸ்டாலின் இந்தியாவிற்கு முதல் பதக்கத்தை வென்று கொடுத்த மீராபாய் சானு தனது டிவிட்டர் பகக்த்தில் வாழ்த்து தெரிவித்துள்ளார்.