நீலகிரி | மலைகளின் அரசி என அழைக்கப்படும் மலை மாவட்டமான நீலகிரி  மாவட்டத்தில் ஆண்டுதோறும் ஏப்ரல்,  மே மாதங்களில் நிலவும் குளுகுளு கோடை சீசனை அனுபவிக்க உள்நாடு மட்டுமின்றி வெளிநாடுகளில் இருந்து ஏப்ரல், மே ஆகிய இரு மாதங்களில் 15 லட்சத்திற்கும் அதிகமான சுற்றுலா பயணிகள் வந்து செல்வர்.

அவ்வாறு இதமான காலநிலையை அனுபவிக்க உதகைக்கு வரும் சுற்றுலாப் பயணிகளை மகிழ்விக்கும் வகையில் மாவட்ட நிர்வாகம் மற்றும் தோட்டக்கலைத்துறை சார்பில் மே மாதம் முழுவதும் கோடை விழா நடத்தப்படும். 

மேலும் படிக்க | சுற்றுலா பயணிகளிடம் இருந்து 1 டன் ப்ளாஸ்டிக் பறிமுதல் செய்த அதிகாரிகள்...

அதேபோல் இந்த ஆண்டு  கோடை விழா நடத்தப்படுவது குறித்த  உதகை கூடுதல் மாவட்ட ஆட்சியர் அலுவலகத்தில் அனைத்து துறை அதிகாரிகளுடன் நீலகிரி மாவட்ட ஆட்சியர் அம்ரித் தலைமையில் ஆலோசனை கூட்டம் நடைபெற்றது. தோட்டக்கலை துறை இயக்குனர் டாக்டர். பிருந்தாதேவி காணொளி காட்சி மூலம் ஆலோசனை கூட்டத்தில் பங்கேற்றார். மேலும் தோட்டக்கலைத் துறை இணை இயக்குனர் சிமிலா மேரி, மாவட்ட வருவாய் அலுவலர் கீர்த்தி பிரியதர்ஷினி உட்பட அரசுத்துறை அதிகாரிகள் பங்கேற்றனர்.

மேலும் படிக்க | உப்பு ஹட்டுவ பண்டிகையை கோலாகலமாகக் கொண்டாடிய படுகர்...

ஆலோசனைக் கூட்டத்திற்கு பிறகு பேட்டியளித்த மாவட்ட ஆட்சியர் எஸ்.பி.அமிரித் 

உதகையில் கோடை விழாவின் முக்கிய நிகழ்ச்சியான உலக புகழ்பெற்ற அரசு தாவரவியல் பூங்காவில் 125வது மலர் கண்காட்சி மே 19ம் தேதி துவங்கி 23ம் தேதி வரை 5 நாட்கள் நடைப்பெற உள்ளது. 

கோடை விழாவின் முதல் நிகழ்ச்சியாக கோத்தகிரி நேரு பூங்காவில் மே 6, 7 ஆகிய 2 நாட்கள் 12வது காய்கறி கண்காட்சியும், ரோஜா பூங்காவில் ஆகிய 13,14, 15 ஆகிய மூன்று நாட்கள் 18 வது ரோஜா கண்காட்சியும், குன்னூர் சிம்ஸ் பூங்காவில் 27, 28 ஆகிய இரண்டு நாட்கள்  63வது பழக்கண்காட்சியும், கூடலூரில் 10 வது வாசனை திராவிய கண்காட்சி 12, 13, 14 ஆகிய மூன்று நாட்கள் நடைபெறும் என தெரிவித்தார். 

உதகை அரசு தாவரவியல் பூங்காவில் 5 நாட்கள் நடைபெறும் 125வது மலர் கண்காட்சிக்காக  பூங்காவில் 170 ரகங்களில் 5 லட்சம் மலர்களை உற்பத்தி செய்யும் பணி மிக தீவிரமாக நடைபெற்று வருவதாக தெரிவித்தார்.

மேலும் படிக்க | டாஸ்மாக் கடையை மூடி சீல் வைத்து ரூ.10 ஆயிரம் அபராதம் விதிக்கப்பட்டது...

ராமநாதபுரத்தில் மிகவும் பிரசித்தி பெற்ற பழமையான கோயில்களில் ஒன்றான அருள்மிகு வழி விடு முருகன் திருக்கோவிலில்  ஆண்டுதோறும் பங்குனி உத்திர பெருவிழா கடந்த 82 ஆண்டுகளாக  சிறப்பாக நடைபெற்று வருகிறது.  10 நாட்கள் நடைபெறும் விழாவில் முதல் நாள் நிகழ்ச்சியாக காப்பு கட்டும் வைபவம்  இன்று அதிகாலை 4.30 மணிக்கு தொடங்கியது.

கணபதி பூஜை, ஹோமம்  நடத்தப்பட்டு    கலசங்களில் புனித நீர்  ஊர்வலமாக எடுத்து வரப்பட்டு  பால், பன்னீர், சந்தனம் உள்ளிட்ட திரவியங்களால் மூலவர் வழிவிடு முருகனுக்கு சிறப்பு  அபிஷேகம் நடைபெற்றது. தொடர்ந்து கோவில் வளாகத்தில் உள்ள கொடிமரத்திற்கு    சிறப்பு அபிஷேகம், தீபாராதனைகள்  நடைபெற்று கொடி ஏற்றப்பட்டது. 

மேலும் படிக்க | 25 ஆண்டுகளுக்குப் பிறகு நடைபெற்ற கும்பாபிஷேகம்...

தொடர்ந்து வழிவிடு முருகனுக்கு  தீப ஆராதனைகள் நடைபெற்று காப்பு கட்டும்  நிகழ்ச்சி நடைபெற்றது. இந்நிகழ்ச்சியில் ஆயிரக்கணக்கான பக்தர்கள் கலந்து கொண்டு தரிசனம் செய்தனர். தொடர்ந்து  பங்குனி உத்திர விழாவில் பால்குடம் காவடி எடுக்க நேர்த்திகடன் செலுத்தும் பக்தர்கள்  காப்பு கட்டிக்கொண்டனர்.

கடந்தாண்டு ஐந்தாயிரத்திற்கும் மேற்பட்டவர்கள் காப்பு கட்டி நேர்த்திகடன் செலுத்தியதாகவும் இந்தாண்டு மேலும் அதிகரிக்கும் என கோவில் தர்மகர்த்தா ஜெயக்குமார் தெரிவித்தார். தினசரி வழிவிடு முருகனுக்கு சிறப்பு அபிஷேகம் நடத்தப்படும் மாலையில் சண்முகர் அர்சணை, ஆன்மீக சொற்பொழிவுகள், பக்தி இசை நிகழ்ச்சிகள் நடத்தப்படும் என தெரிவித்தார்.

மேலும் படிக்க | கூப்பிடு பிள்ளையார் திருக்கோயில் கும்பாபிஷேகம் ...

ஏப்ரல் மாதம் ஐந்தாம் தேதி பங்குனி உத்திர பெருவிழா நடைபெறும் அன்றைய தினம் நொச்சி வயல் ஊரணி கரையிலிருந்து காப்பு கட்டி விரதமிருந்த பக்தர்கள் பால்குடம், காவடிகள் எடுத்து நகரின் முக்கிய வீதிகளின் வழியாக எடுத்து வந்து  நேர்த்திக்கடனை செலுத்துவர்.

அன்று இரவு 7 மணிக்கு  கோவில் முன்பாக பூக்குளி உற்சவம் நடைபெறும். மறுநாள் உற்சவ  வழிவிடு முருகன் வண்ணமலர்கள் ,மின் விளக்குகளால் அலங்கரிக்கப்பட்டு நாதஸ்வர இசையுடன் வீதி உலா நடைபெறும்.

மேலும் படிக்க | விழுந்த மரம் எழுந்து நின்ற அதிசயம்... சாமியாக கும்பிடும் கிராம மக்கள்...

வேலூர் | கே வி குப்பம் அதன் சுற்றுவட்டார பகுதிகளில் கடந்த சனிக்கிழமை இரவு சூறாவளி காற்றுடன் ஆலங்கட்டி மழை பெய்து  மின் கம்பங்கள் தென்னை வாழை உள்ளிட்ட மரங்கள் சேதம் அடைந்தன. இந்நிலையில் கேவி குப்பம் அடுத்த வேப்பங்கநேரி ஊராட்சிக்கு உட்பட்ட ரயில்வேகேட் ஒட்டிய பகுதியில்  படவேட்டு அம்மன் ஆலயம் உள்ளது. 

இந்த படவேட்டு அம்மன் ஆலயம் அருகில் சுமார் நூறு ஆண்டுகள் பழமை வாய்ந்த அரசமரம் உள்ளது. சூறாவளி காற்றுடன் பெய்த ஆலங்கட்டி கனமழையால் கோவில் அருகே இருந்த  அரசமரம் வேரோடு சாய்ந்து கீழே விழுந்தது. வேரோடு சாய்ந்த அரசமரத்தை ஊராட்சி நிர்வாகத்தின் மூலம் நேற்று முன்தினம் மர கிளைகளை வெட்டும் பணியில் ஈடுபட்டு மரத்தின் அடிப்பகுதியை வெட்டாமல் விட்டுச் சென்றனர். 

மேலும் படிக்க | ஊருக்குள் புகுந்த காட்டு யானைகளை விரட்டிய அதிகாரிகள்... 

நேற்று காலை படவேட்டு அம்மன் கோயிலுக்குச் சென்ற பக்தர்கள் வேரோடு சாய்ந்து தரையில் கிடந்த அரச மரம் தானாக எழுந்து நின்றது கண்டு கிராம மக்கள் ஆச்சிரம் அடைந்தனர். இந்நிலையில் வேருடன் சாய்ந்து தரையில் கிடந்த அரசமரம் தானாக எழுந்து நின்ற சம்பவம் சுற்றுவட்டார கிராமப் பகுதியில் இன்று காட்டுத் தீ போல் பரவியது. 

தகவல் அறிந்த சுற்று வட்டார கிராம பகுதியில் இருந்து வந்த ஏராளமான பெண்கள் சாய்ந்து விழுந்து எழுந்து நின்ற அரச மரத்திற்கு மஞ்சள் குங்குமம் வைத்து கற்பூரம் ஏற்றியும் அருள் வந்து ஆடியும் வழிபாடு செய்து வருகின்றனர். 

இதனிடையே கனமழையால் சாய்ந்து கீழே விழுந்த மரத்தின் கிளைகள் வெட்டபட்டதால் மரத்தின் எடை குறைந்து மரம் தானாக எழுந்து நின்றதால் கிராமமக்கள் மரத்திற்கு மஞ்சள் குங்குமம் வைத்து சாமி வழிபாடு செய்யும் சம்பவம் அப்பகுதியில் பெரும் பரபரப்பை ஏற்படுத்தி உள்ளது. 

மேலும் படிக்க | பாரம்பரிய மீன்பிடி திருவிழா... திரளான மக்கள் பங்கேற்பு... 

வாஷிங்டனில் காலிஸ்தானிய போராட்டத்தின் போது இந்திய பத்திரிகையாளர் தாக்கப்பட்ட நிகழ்வு அரங்கேறியுள்ளது.

சீக்கிய மதத்தைச் சேர்ந்தவர்கள் தனியாக வசிப்பதற்காக, பஞ்சாப்பை தனிநாடாகக் கேட்டு காலிஸ்தான் அமைப்பு செயல்பட்டு வருகிறது. இதற்கிடையில் காலிஸ்தானிய தலைவரான பஞ்சாப்பின் அம்ரித்பால் சிங் சமீபத்தில் கைது செய்யப்பட்டு தப்பியோடியதும் பரபரப்பை ஏற்படுத்தியது.

இதையும் படிக்க : அதிகாரத்திமிரின் உச்சம்! – கண்டனம் தெரிவித்துள்ள சீமான்

இந்நிலையில் வாஷிங்டனின் இந்தியத் தூதரகத்தின் வெளியே காலிஸ்தானியப் போராட்டத்தை செய்தியாக்கிக் கொண்டிருந்தபோது, லலித் ஜா என்ற இந்திய பத்திரிகையாளர் தாக்கப்பட்டுள்ளார். தடிகளால் தாக்கப்பட்ட அவருக்கு, அச்சுறுத்தும் வகையில் மிரட்டல் விடுக்கப்பட்டதாகவும் புகார் தெரிவிக்கப்பட்டுள்ளது குறிப்பிடத்தக்கது.

2023 -ம் ஆண்டுக்கான பத்ம விருதுகளை குடியரசுத் தலைவர் திரவுபதி  முர்மு வழங்கினார். தமிழ்நாட்டைச் சேர்ந்த இருளர் பழங்குடியின பாம்பு பிடி வீரர்கள் வடிவேல் கோபால், மாசி சடையன் ஆகியோருக்கு பத்மஸ்ரீ விருதுகளை வழங்கினார். 

சமீபத்தில் 2023 ஆண்டுக்கான பத்ம விருதுகள் 106 பேருக்கு அறிவிக்கப்பட்டன. அதில் தமிழ்நாட்டைச் சேர்ந்த 6 பேருக்கு பத்ம விருதுகள் அறிவிக்கப்பட்டது. அதனைத் தொடர்ந்து டெல்லியில் உள்ள குடியரசுத் தலைவர் மாளிகையில் பத்ம விருதுகள் வழங்கும் விழா நடைபெற்றது. 

இந்த விழாவில் பிரபல தபேலா இசைக் கலைஞர் ஜாகீர் உசேன், முன்னாள் மத்திய அமைச்சர்  எஸ் எம் கிருஷ்ணா, தொழிலதிபர் குமார் மங்கலம் பிர்லா,  மறைந்த பின்னணி பாடகி வாணி ஜெயராம் உள்ளிட்டோருக்கு பத்ம விபூஷன் விருதுகளை வழங்கினார். 

இதையும் படிக்க : சட்டப்பேரவையில் நாளை மீண்டும் ஆன்லைன் தடை சட்ட மசோதா தாக்கல்...!

இதையடுத்து, தமிழ்நாட்டைச் சேர்ந்த பாம்புபிடி வீரர்கள் வடிவேல் கோபால் , மாசி சடையன் ஆகியோருக்கு சமூக சேவைப் பிரிவில் பத்மஸ்ரீ விருதுகள் வழங்கினார். இதேபோல், தமிழ்நாட்டைச் சேர்ந்த கல்யாண சுந்தரம் பிள்ளைக்கு கலைப் பிரிவிலும், சமூக சேவைப் பிரிவில் மருத்துவர் கோபால்சாமி வேலுச்சாமிக்கும், பாலம் கல்யாணசுந்தரத்திற்கும் பத்மஸ்ரீ விருதுகள் வழங்கினார். புதுச்சேரியை சேர்ந்த மருத்துவர் நளினி பார்த்தசாரதிக்கும் பத்மஸ்ரீ விருதை வழங்கினார்.

இந்த விழாவில் பிரதமர் நரேந்திர மோடி, உள்துறை அமைச்சர் அமித் ஷா, குடியரசுத் துணைத் தலைவர் ஜெகதீப் தன்கர் மற்றும் மத்திய அமைச்சர்கள் பங்கேற்றது குறிப்பிடத்தக்கது.