எதிரிநாடுகளின் வான் இலக்குகளைத் துல்லியமாகத் தாக்கி அழிக்கும் ஆகாஷ் ஏவுகணை ஏற்கனவே இந்திய ராணுவத்தில் இணைக்கப்பட்டுள்ளது.

இந்நிலையில் குறைந்த வெப்பநிலையில், மிக உயரமான பகுதிகளிலும் துல்லியமாக செயல்படும் வகையில் மேம்படுத்தப்பட்ட  ஆகாஷ் ஏவுகணை இன்று பரிசோதித்து பார்க்கப்பட்டது. 

ஒடிசாவின் சந்திப்பூரில் இருந்து ஏவப்பட்ட இந்த ஏவுகணை நிர்ணயிக்கப்பட்ட இலக்கை வெற்றிகரமாகத் தாக்கி அழித்தது. 

தெலங்கானா மாநிலம் மகபூபாத் மாவட்டத்தில் பெய்து வரும் தொடர் கனமழையால், அங்குள்ள அரசு மருத்துவமனையின் அவசர சிகிச்சைப்பிரிவுக் கட்டிடம் சேதமடைந்து பால் சிலிங் பெயர்ந்து விழுந்தது.

நல்லவாய்ப்பாக அங்கிருந்த நோயாளிகள் யாருக்கும் எந்த பாதிப்பும் ஏற்படவில்லை என மருத்துவமனை ஊழியர்கள் தெரிவித்தனர்.

மேலும் பாதுகாப்பு கருதி அவசர சிகிச்சைப் பிரிவில் இருந்த நோயாளிகள் வேறு பிரிவிற்கு மாற்றப்பட்டனர்.  இச்சம்பவத்தால் அங்கிருந்த நோயாளிகள் மற்றும் அவர்களுடைய உறவினர்கள் பீதி அடைந்தனர்.

புதுச்சேரி ராகவேந்திரா நகரைச் சேர்ந்தவர் மனோகரன், இவர் டைல்ஸ் கடை நடத்தி வருகிறார். இவரது மனைவி ஜெயந்தி, இவருக்கு முகநூல் முலமாக வெளி நாட்டை சேர்ந்த   எரிக்வால்கர் என்பவர் அறிமுகமாகி  தன்னை டாக்டர் என கூறி ஜெயந்தியுடன் பேசி வந்துள்ளர். 

அப்போது ஜெயந்தியின் மகள் பிறந்த நாளை முன்னிட்டு எரிக் வால்கர் தங்க நகை உள்ளிட்ட விலை உயர்ந்த பரிசு பொருள் அனுப்பியுள்ளதாக கூறப்படுகிறது. இதனை அடுத்து கடந்த ஜூலை மாதம் 26ம் தேதி, டில்லி விமான நிலையத்திலிருந்து பேசுவதாக ஜெயந்திக்கு போஃன் வந்துள்ளது. 

அதில் பேசிய பெண் ஒருவர் தான் விமான நிலைய அதிகாரி என்றும் இங்கிலாந்தில் இருந்து ஜெயந்திக்கு பார்சல் வந்துள்ளதாகவும் தெரிவித்த அவர் விலை உயர்ந்த பொருட்கள் இருப்பதால் அதற்கு அபராதம் செலுத்தினால் பொருளை விடுவிப்பதாக கூறி ஒரு வங்கி என்னை கொடுத்துள்ளார்,

அந்த பெண் கூறிய வங்கி கணக்கு எண்ணில் ஜெயந்தி ரூ.13 லட்சத்தி 65 ஆயிரம் பணத்தை 4 தவணையாக செலுத்தி உள்ளார்,  பணம் செலுத்தியும் பரிசு பொருள் ஏதும்  விடுவிக்கப்படாததை அறிந்த ஜெயந்தி தாம்  ஏமாற்றப்பட்டதாக உணர்ந்து புதுச்சேரி சைபர் க்ரைம் போலீசில் புகார் அளித்துள்ளார்,

அவர் அளித்த புகாரின் பேரில் போலீசார் வழக்கு பதிவு செய்து விசாரணை மேற்கொண்டனர் அப்போது ஜெயந்தியிடம் மோசடி செய்த கும்பல் டெல்லியில் இருந்து பணத்தை ஏமாற்றி இருப்பது தெரியவந்தது. அதனைதொடர்ந்து டெல்லி சென்ற போலீசார், அங்கிருந்த நைஜீரியா நாட்டை சேர்ந்த இஷிகோ பேட்ரிக், ஆண்டனி ஆகிய இருவரையும் கைது செய்தனர்

கைது செய்யப்பட்ட இருவரும் புதுச்சேரி நீதிமன்றத்தில் ஆஜர்ப்படுத்தப்பட்டு பின்னர் சிறையில் அடைக்கப்பட்டனர்.

ஆந்திரா மாநிலம் கிருஷ்ணா மாவட்டம் அருகே உள்ள மசூலிபட்ணம் அரசு மருத்துவமனையில்  கடந்த வாரம் இந்துஜா (29) என்ற பெண் பிரசவத்துக்காக  சேர்க்கப்பட்டார். அங்கு அவருக்கு பெண் குழந்தை பிறந்தது.இந்த நிலையில் நேற்று முன் தினம் அடையாளம் தெரியாத பெண் ஒருவர் இந்துஜாவிடம் வந்து நான் உண் கணவரின் உறவினர் என கூறி அறிமுகம் செய்து  கொண்டார்.

மாலை வரை மருத்துவமனை வளாகத்தில் அந்த பெண் சுற்றி வந்ததாக கூறப்படுகிறது. இந்தநிலையில் இந்துஜா ஊசி போட்டு கொள்வதற்காக குழந்தையை அந்த  பெண்ணிடம் கொடுத்து சென்றுள்ளார். அதனை சாதகமாக பயன்படுத்திக்கொண்ட அந்த பெண் குழந்தையுடன் மருத்துவமனையில் இருந்து தப்பி சென்றுள்ளார்.  ஊசி போட்டுவிட்டு திரும்பி வந்து பார்த்த இந்துஜா குழந்தையுடம் அந்த பெண் காணாமல் போனதை கண்டு அதிர்ச்சியடைந்தார்.

இது தொடர்பாக போலீசாருக்கு தகவல் அளிக்கப்பட்டது. தகவலின்பேரில் மருத்துவமனைக்கு வந்த போலீசார், தனிப்படை அமைத்து குழந்தையை கடத்தி சென்ற பெண்ணை தேடி வந்தனர். இதற்கிடையில் குழந்தையை திருடி சென்ற பெண் கிருஷ்ணா மாவட்டத்தில் உள்ள பண்டு பள்ளி கிராமத்தில் உள்ளதாக போலீசாருக்கு கிடைத்த தகவல் கிடைத்தது. தகவலின்பேரில் விரைந்து சென்ற போலீசார், அந்த பெண்ணை கைது செய்து குழந்தையை மீட்டு பெற்றோரிடம் ஓப்படைத்தனர்.

 a

ஆந்திராவின் கலிங்கப்பட்டிணத்திற்கு  கிழக்கு மற்றும் வடகிழக்கு திசையில் 85 கிலோமீட்டர் தொலைவிலும், ஒடிசாவின் கோபால்பூருக்கு தெற்கே 95 கிலோமீட்டர் தொலைவிலும் குலாப் புயல் மையம் கொண்டுள்ளது. மணிக்கு சுமார் 10 கிலோ மீட்டர் வேகத்தில் மேற்கு நோக்கி நகர்ந்து வரும் இந்தப் புயல் தற்போது கரையைக் கடக்கத் துவங்கியுள்ளது. 

புயலின் மையப் பகுதி கரையைக் கடக்கும் போது மணிக்கு 95 கிலோமீட்டர் வேகத்தில் காற்று வீசக் கூடும் என இந்திய வானிலை ஆய்வு மையம் தெரிவித்துள்ளது. புயல் காரணமாக ஆந்திரா மற்றும் ஒடிசா மாநிலங்களுக்கு ரெட் அலர்ட் எச்சரிக்கை விடுக்கப்பட்டுள்ளது. 

பலத்த மழை எச்சரிக்கை காரணமாக ஸ்ரீகாகுளம் பகுதியில் தாழ்வான இடங்களில் வசித்து வந்த மக்கள் பாதுகாப்பான இடங்களுக்கு அப்புறப்படுத்தப்பட்டுள்ளனர்.அம்மாநிலத்தின் விசாகப்பட்டினம், வைசாக் நகரம், ஸ்ரீகாகுளம் பகுதிகளில் கனமழை பெய்து வருகிறது.   

ஒடிசாவின் பல்வேறு பகுதிகளில் மழை பெய்து வரும் நிலையில் 11 மாவட்டங்களில் பள்ளி மற்றும் கல்லூரிகளுக்கு நாளை விடுமுறை அறிவிக்கப்பட்டுள்ளது. புயல் கரையைக் கடக்கும் பகுதிகளில் தேசியப் பேரிடர் மீட்பு படையினர் மற்றும் மாநில மீட்புப் படையினர் தயார் நிலையில் வைக்கப்பட்டுள்ளனர். 

இந்நிலையில் புயல் முன்னெச்சரிக்கை நடவடிக்கைகள் குறித்து ஆந்திர முதல்வர் ஜெகன்மோகன் ரெட்டியுடன் பிரதமர் மோடி தொலைபேசி மூலம் ஆலோசனை நடத்தினார். அம்மாநிலத்திற்கு தேவையான அனைத்து உதவிகளையும் செய்ய  மத்திய அரசு தயாராக இருப்பதாகவும் அவர் தெரிவித்தார்.