மத்தியப் பிரதேச மாநிலம் ஜபல்பூர் தனியார் மருத்துவமனையில் ஏற்பட்ட பயங்கர தீ விபத்தில் 10க்கும் மேற்பட்டோர் உடல் கருகி பரிதாபமாக உயிரிழந்தனர்.

தனியார் மருத்துவமனையில் பயங்கர தீ விபத்து:

ஜபல்பூரில் இயங்கி வரும் தனியார் மருத்துவமனையில் இன்று பிற்பகம் திடீரென தீ விபத்து ஏற்பட்டது. இந்த தீ மளமளவென பரவி மருத்துவமனை முழுவதும் பற்றி எரிந்தது. இந்த தீயில் சிக்கி 10க்கும் மேற்பட்டோர் உயிரிழந்தனர். படுகாயமடைந்த 3க்கும் மேற்பட்டோர் வேறு மருத்துவமனைகளுக்கு இடம் மாற்றப்பட்டுள்ளனர். 

உயிரிழந்தவர்களில் பெரும்பாலானோர் மருத்துவமனை ஊழியர்கள்:

விபத்தில் உயிரிழந்தவர்களில் பெரும்பாலானோர் மருத்துவமனை ஊழியர்கள் என்பது தெரியவந்துள்ளது.

ஒரு அவசர வழி மட்டுமே இருந்ததால் தப்பிக்க முடியாமல் உயிரிழப்பு:

மருத்துவமனையில் ஒரே ஒரு அவசர வழி மட்டுமே இருந்ததால் தப்பித்து ஓட முடியாமல் உயிரிழப்பு ஏற்பட்டுள்ளது.

பலம் மணி நேரம் போராடி தீயை அணைத்த வீரர்கள்:

இந்நிலையில் விபத்து நடைபெற்ற இடத்திற்கு கூடுதல் தீயணைப்பு வாகனங்கள் அனுப்பப்பட்டு தீ கட்டுக்குள் கொண்டுவரப்பட்டுள்ளது. மேலும் தீ விபத்து குறித்து விசாரணைக்கு உத்தரவிடப்பட்டுள்ளது.

5ஜி ஸ்பெக்ட்ரத்திற்கான ஏலம் தொடங்கி 6 நாட்களாக நடந்து வருகிறது. இந்த நிலையில் ஆறாவது நாள் முடிவில், 1.50 லட்சம் கோடி ரூபாய் வரை ஏலம் போயுள்ளதாக தகவல் வெளியாகி உள்ளது.  

5ஜி ஸ்பெக்ட்ரம் ஏலம், ஜூலை 26 ஆம் தேதி தொடங்கி நடந்து வருகிறது. அதானி டேட்டா நெட்வொர்க்ஸ் மற்றும் அம்பானியின் ரிலையன்ஸ் ஜியோ நிறுவனம், பாரதி ஏர்டெல், வோடோஃபோன் ஐடியா ஆகிய நிறுவனங்களும் இந்த ஏலத்திற்கு பங்கேற்றுள்ளன. 
 

பல்வேறு குறைந்த, நடுத்தர மற்றும் அதிக அளவிலான அலைவரிசைகளில் ஸ்பெக்ட்ரம், ஏலம் நடந்து வருகிறது.  இது குறித்து, "இந்த 2022 ம் ஆண்டுக்கான ஏலத்தில் கலந்துகொள்ள விண்ணப்பித்துள்ள நிறுவனங்கள் 600 MHz, 700 MHz, 800 MHz, 900 MHz, 1800 MHz, 2100 MHz, 2300 MHz, 3300 MHz மற்றும் 26 GHz  அலைவரிசைகளை பயன்படுத்திக்கொள்ளலாம்" என தொலைத் தொடர்புத் துறை தெரிவித்திருந்தது. இந்த ஏலத்தில் மொத்தம், 72,097.85 MHz ஸ்பெக்ட்ரம் விற்பனைக்கு வந்துள்ளது. .

இந்நிலையில், முதல் நாள் ஏலத்தில், ஒரு லட்சத்து 45 ஆயிரம் லட்சம் கோடி ஏலம் போனது. பின்னர், அடுத்தடுத்த நாட்களில் தொடர்ந்து ஏலம் நடந்து வரும் நிலையில், நேற்று 6 வது நாள் முடிவில், 37 சுற்றுகள் நடந்து 5ஜி அலைக்கற்றைக்கான ஏலத்தொகை 1 லட்சத்து 50 ஆயிரத்து 130 கோடியை தாண்டியுள்ளது. இன்னும் முடிவு எட்டப்படாததால் 7-வது நாளாக இன்றும் 5ஜி அலைக்கற்றை ஏலம் தொடரும் என தெரிவிக்கப்பட்டுள்ளது. 

பில் கேட்ஸ் நன்கொடை : 

கடந்த புதன்(13.07.2022) அன்று மைக்ரோசாப்ட் நிறுவனர் பில் கேட்ஸ் தனது சொத்தில் 20 பில்லியன் டாலர்களை,தனது லாப நோக்கற்ற நிறுவனமான பில் & மெலிண்டா கேட்ஸுக்கு நன்கொடையாக வழங்குவதாக அறிவித்திருந்தார். தனது நன்கொடை குறித்து ஒரு அறிக்கையில், அதிகமாக நன்கொடைகள் வழங்குவதன் மூலம், தற்போது மக்கள் எதிர்கொள்ளும் சில துன்பங்களைத் தணிக்க முடியும் என்று தான் நம்புவதாகவும், ஒவ்வொரு நபருக்கும் ஆரோக்கியமான மற்றும் பயனுள்ள வாழ்க்கையை வாழ்வதற்கான வாய்ப்பை வழங்குவதற்கான அறக்கட்டளையின் தேவையை நிறைவேற்ற உதவ முடிவதாகவும் பில் கேட்ஸ் கூறி இருந்தார். 

4 - வது இடம் பிடித்த அதானி : 

பில் கேட்ஸின் இந்த நன்கொடையை தொடர்ந்து, போர்ப்ஸ் வெளியிடடுள்ள உலக பணக்காரர்களின் பட்டியலில் 102 பில்லியன் டாலர் மதிப்புடன் 5 - வது இடத்தை பிடித்துள்ளார், பில் கேட்ஸ்.  போர்ப்ஸ் - இன் தரவு படி, ஸ்பேஸ் எக்ஸ் நிறுவன தலைவர் எலான் மஸ்க் உலக பணக்காரர்களின் பட்டியலில் 230 பில்லியன் டாலர் மதிப்புடன் முதல் இடம் பிடித்துள்ளார்.  அதே நேரம் கௌதம் அதானி, 114 பில்லியன் டாலர் மதிப்புடன் 4 - வது இடத்தை பிடித்துள்ளார். ரிலையன்ஸ் இண்டஸ்ட்ரீஸ் நிறுவனத்தின் தலைவர் முகேஷ் அம்பானி, 88 பில்லியன் டாலர் மதிப்புடன் 10 - வது இடத்தில் உள்ளார். இந்த ஆண்டு பிப்ரவரி மாதத்தில், அதானி, அம்பானியை முந்தி சென்று ஆசிய பணக்காரர்களில் ஒருவராக இடம்பிடித்தவர், தற்போது உலக பணக்காரர்களில் 4 வது இடம் பிடித்துள்ளார் என்பது குறிப்பிடத்தக்கது.

உக்ரைனின் தானியங்களை நம்பி கொண்டிருந்த பல உலக நாடுகள், அங்கு நடக்கும் போரின் எதிரொலியால் உணவு பற்றாக்குறையால் அவதிப்படுகின்றனர். இதனால் பல்வேறு நாடுகளுக்கு இந்தியா இதுவரை ஒன்று புள்ளி 8 மில்லியன் டன் கோதுமையை அனுப்பி வைத்துள்ளது. 

இந்திய கோதுமைக்கு சர்வதேச அளவில் கிராக்கி:

இந்திய கோதுமைக்கு சர்வதேச அளவில் கிராக்கி ஏற்பட்டுள்ளது. உக்ரைனின் தானியங்களை நம்பியிருந்த உலக நாடுகள், அங்கு நிலவும் போர் சூழல் காரணமாக தங்கள் கவனத்தை வேறு நாடுகள் பக்கம் திசை திருப்பியுள்ளன. இதனிடையே உலக நாடுகளுக்கு உதவ இந்தியா முன்வந்தது.   ஆனால் சமீபத்தில் கோதுமை உற்பத்தி குறைந்தததால் தனியார் கோதுமை ஏற்றுமதிக்கு இந்தியா தடை விதித்தது. இருப்பினும் உலக நாடுகளின் கோரிக்கையை ஏற்று, மீண்டும் கோதுமை ஏற்றுமதியை இந்தியா  தொடங்கியுள்ளது. அதன்படி 12க்கு மேற்பட்ட நாடுகள் இந்தியாவிடம் இருந்து கோதுமையை வாங்கி பயன்படுத்தி வருகின்றன. 

உலக நாடுகளுக்கு 1 புள்ளி 8 மில்லியன் டன் கோதுமையை இதுவரை இந்தியா ஏற்றுமதி செய்துள்ளது:

இந்த நிலையில் கடந்த மே 13ம் தேதி முதல் இதுவரை வங்கதேசம், ஓமன், ஆப்கானிஸ்தான் உள்ளிட்ட உலக நாடுகளுக்கு 1 புள்ளி 8 மில்லியன் டன் கோதுமை ஏற்றுமதி செய்யப்பட்டுள்ளதாக மத்திய உணவு பாதுகாப்பு துறை அதிகாரி  சுதான்ஷு பாண்டே தெரிவித்துள்ளார். 

5ஜி ஸ்பெக்ட்ரம் ஏலம், வருகிற ஜூலை 26 ஆம் தேதி தொடங்க திட்டமிடப்பட்டுள்ளது. அதானி டேட்டா நெட்வொர்க்ஸ் மற்றும் அம்பானியின் ரிலையன்ஸ் ஜியோ நிறுவனம் கலந்துகொள்ள உள்ளது. மேலும், ஏர்டெல், வோடோஃபோன் ஐடியா ஆகிய நிறுவனங்களும்இந்த ஏலத்திற்கு விண்ணப்பித்துள்ளதாக மத்திய தொலைதொடர்பு நிறுவனம் தெரிவித்துள்ளது. 
 
பல்வேறு குறைந்த, நடுத்தர மற்றும் அதிக அளவிலான அலைவரிசைகளில் ஸ்பெக்ட்ரம், ஏலம் நடத்தப்பட உள்ளது. இது குறித்து, "இந்த 2022 ம் ஆண்டுக்கான ஏலத்தில் கலந்துகொள்ள விண்ணப்பித்துள்ள நிறுவனங்கள் 600 MHz, 700 MHz, 800 MHz, 900 MHz, 1800 MHz, 2100 MHz, 2300 MHz, 3300 MHz மற்றும் 26 GHz  அலைவரிசைகளை பயன்படுத்திக்கொள்ளலாம்" என தொலைத் தொடர்புத் துறை தெரிவித்துள்ளது. விண்ணப்பதாரர்கள் தங்கள் விண்ணப்பங்களை திரும்பப் பெற ஜூலை 19 ம் தேதி வரை அவகாசம் வழங்கப்பட்டுள்ளது. இந்த ஏலத்தில் மொத்தம், 72,097.85 MHz ஸ்பெக்ட்ரம் விற்பனைக்கு வருகிறது. இதன் மதிப்பு 4.3 லட்சம் ரூபாயாகும்.

அதானி குழுமம் சனிக்கிழமையன்று (09.07.2022) ஸ்பெக்ட்ரம் வாங்குவதற்கான போட்டியில் இருப்பதாகக் கூறியிருந்தது குறிப்பிடத்தக்கது. மேலும், இது விமான நிலையங்கள் முதல் தரவு மையங்கள் வரை அதன் வணிகங்களை ஆதரிக்க ஒரு தனியார் நெட்வொர்க்கை உருவாக்கப் பயன்படுத்தப்படும் என்றும் கூறியிருந்தது. உலகளவில், 700MHz (கவரேஜ்), 3.5GHz (5G கவரேஜ் மற்றும் திறன்) மற்றும் 26GHz (திறன் மற்றும் குறைந்த தாமதம்) ஆகிய மூன்று பேண்டுகளில் 5G சேவைகள் தொடங்கப்பட்டுள்ளன.