பிள்ளைகள் தங்களை முறையாக கவனிக்கவில்லை என மூத்த குடிமக்கள் அளிக்கும் புகாரை சாதாராணமக எடுத்துக் கொள்ளாமல், முறையாக விசாரணை நடத்தி, அவர்களின் வாழ்க்கை மற்றும் சொத்துகளை பாதுகாப்பது மாவட்ட ஆட்சியரின் கடமை என சென்னை உயர் நீதிமன்றம் தெரிவித்துள்ளது.

திருப்பூரைச் சேர்ந்த பாட்ஷா - ஷகிரா பேகம் தம்பதிக்கு இரண்டு ஆண், இரண்டு பெண் பிள்ளைகள் உள்ளனர். பெற்றோரை கவனிப்பதாக மூத்த மகன் முகமது தயான் அளித்த  உத்தரவாதத்தின் அடிப்படையில்,  ஷகிரா பேகம் தனது சொத்தை, தயான் பெயரில் எழுதி வைத்தார்.

இந்த நிலையில், தன்னையும் தன் கணவரையும் முறையாக கவனிக்கவில்லை என்றும், தங்களுக்கான மருத்துவ செலவை  மகள் வழங்கியதால், தயான் பெயரில் எழுதி வைத்த சொத்து பத்திரத்தை ரத்து செய்யக்கோரி திருப்பூர் ஆர்.டி.ஓக்கு ஷகிரா பேகம் விண்ணப்பித்தார்.

இந்த விண்ணப்பம் மீது விசாரணை நடத்திய ஆர்.டி.ஓ. பத்திர பதிவை ரத்து செய்து உத்தரவிட்டார். இந்த உத்தரவை எதிர்த்து முகமது தயான் சென்னை உயர் நீதிமன்றத்தில் மனு தாக்கல் செய்தார். அந்த மனுவில், தன்னுடைய தாய் மற்றும் தந்தையை முறையாக கவனித்ததாக தெரிவித்துள்ளார்.

இந்த மனுவை விசாரித்த நீதிபதி எஸ்.எம்.சுப்ரமணியம், மூத்த குடிமக்கள் பராமரிப்பு சட்டப்படி, மூத்த குடிமக்கள் கண்னியமான வாழ்க்கையை வாழ அனைத்து வசதிகளையும் செய்துகொடுக்க வேண்டும் என சுட்டிக்காட்டி உள்ளார்.

உணவு, உறைவிடம் மட்டுமே இயல்பான வாழ்க்கைக்கு போதுமானது அல்ல என்றும், அன்பும், அக்கறையும், கண்ணியத்துடன் நடத்தபட வேண்டும் என கூறிய நீதிபதி, இதை நிறைவேற்ற தவறியதாக சந்தேகம் எழுந்தால், இஷ்டதானமாக எழுதி வைத்த பத்திரத்தை ரத்து செய்ய அதிகாரிகளுக்கு அதிகாரம் உள்ளதாக கூறி மனுவை தள்ளுபடி செய்து உத்தரவிட்டார்.

மேலும், பாதுகாப்பு மற்றும் கண்ணியத்துடன் கூடிய இயல்பான வாழ்க்கையை பெற்றோருக்கு உறுதி செய்ய வேண்டியது பிள்ளைகளின் கடமை என தெரிவித்த நீதிபதி, பிள்ளைகள் தங்களை முறையாக கவனிக்கவில்லை என மூத்த குடிமக்கள் அளிக்கும் புகாரை சாதாராணமக எடுத்துக் கொள்ளாமல, முறையாக விசாரணை நடத்தி மூத்த குடிமக்களின் வாழ்க்கை மற்றும் சொத்துகளை பாதுகாப்பது மாவட்ட ஆட்சியரின் கடமை எனவும் நீதிபதி தெரிவித்துள்ளார்.

இதையும்  படிக்க   |  சுங்கச் சாவடி கட்டண உயர்வு: தமிழ்நாடு முழுவதும் தேமுதிக சார்பில் ஆர்ப்பாட்டம்!

கன்னியாகுமரி மாவட்டத்தில் 6 நாட்கள் விநாயகர் சிலைகளை வைத்து வழிப்படவும், ஊர்வலமாக எடுத்து செல்லவும் அனுமதி கோரிய வழக்கில், மாவட்ட ஆட்சியர் மற்றும் காவல்துறை பதிலளிக்க உயர்நீதிமன்ற மதுரை கிளை உத்தரவிட்டுள்ளது. 

கன்னியாகுமரி மாவட்டத்தை சேர்ந்த பிரதீப் குமார் உயர்நீதிமன்ற மதுரை கிளையில் தாக்கல் செய்த மனு:

செப்டம்பர் 19 ம் தேதி விநாயகர் சதுர்த்தி விழா கொண்டாடப்படுகிறது. கன்னியாகுமரி மாவட்டத்தில் குழித்துறை, பெருந்தெரு, கழுவன்திட்டை சந்திப்பு உள்ளிட்ட பல்வேறு பகுதிகளும் உள்ள விநாயகர் சிலைகளை செப்டம்பர் 19 முதல் 25 ம் தேதி வரை பூஜை செய்து வழிபட்ட பின்னர், பெருந்தெருவில் இருந்து சிலைகளை ஊர்வலமாக எடுத்து சென்று தாமிரபரணி ஆற்றில் கரைக்கபடும்.

இந்த நிகழ்வை நடத்த அனுமதி அளித்து உத்தரவிட கோரி மனு செய்திருந்தார். 

இந்த வழக்கு நீதிபதி நாகர்ஜூன் முன்பு விசாரணைக்கு வந்தது, வழக்கு குறித்து கன்னியாகுமரி மாவட்ட ஆட்சியர் மற்றும் காவல் கண்காணிப்பாளர் பதிலளிக்க உத்தரவிட்டு வழக்கை செப்டம்பர் 5 ம் தேதி க்கு தள்ளிவைத்தார்.

இதையும் படிக்க   |  நெல் கொள்முதல் ஊக்கத்தொகையை குவிண்டாலுக்கு இவ்வளவு உயர்த்த வேண்டும் - அன்புமணி வலியுறுத்தல்!

கோயில் ஆகம விதிப்படி தேர்ச்சி பெற்ற எந்த சாதியினரும் அர்ச்சகர் ஆகலாம் எனக் கூறிய உச்சநீதிமன்றம் இதுதொடர்பான மேல்முறையீட்டு மனுவை தள்ளுபடி செய்துள்ளது.

சேலம் சுகனேஸ்வரர் கோயிலில் அர்ச்சகர் பணியிடங்களுக்கு விண்ணப்பங்கள் கோரி கடந்த 2018ல் கோயில் நிர்வாக அதிகாரி அறிவிப்பு வெளியிட்டுள்ளார்.

இதற்கு எதிராக அங்கு பணிபுரியும் குருக்கள் தொடர்ந்த வழக்கில் சென்னை உயர்நீதிமன்ற தனி நீதிபதி, அனைத்துச் சாதியினரும் அர்ச்சகர் ஆகலாம் என்று தீர்ப்பு வழங்கினார்.

தொடர்ந்து மனுதாரர் உச்சநீதிமன்றத்தில் மேல்முறையீடு செய்த மனு,.. நீதிபதிகள்   எம்.  எம். சுந்தரேஸ்வர் மற்றும் பரிதிவாலா அமர்வுக்கு முன் விசாரணைக்கு வந்தபோது, கோயில் ஆகம விதிப்படி தேர்ச்சி பெற்ற எந்த சாதியினரும் அர்ச்சகர் ஆகலாம் எனக் கூறி மேல்முறையீட்டு மனுவை தள்ளுபடி செய்து உத்தரவிட்டனர்.

இதையும் படிக்க  | "கனிமொழி மீது அவதூறு பரப்பிய நபர்களை கைது செய்க" - திமுக வழக்குரைஞர் காசிராஜன் .

மெட்ரோ பணிகளால்  மூடப்பட்ட கடற்கரை சாலை:  கடற்கரையில் வியாபாரம்  செய்து வந்த மக்களின் வாழ்க்கையே கேள்விக்குறியானது.

மெட்ரோ பணிகளால் மூடப்பட்டிருக்கிற கடற்கரை சாலையில் குறிப்பிட்ட பகுதி அவ்வையார் சிலைக்கு பின்புறம் இருந்து வியாபாரம் செய்து வந்த கடற்கரையில் வியாபாரிகள் தங்கள் வாழ்க்கையை கேள்விக்குறியானது தங்களுக்கு மாற்று இடத்தில் கடை அமைத்து தரவும் தங்களின் வாழ்வாதாரத்தை காப்பாற்ற கோரியதும் மாற்று இடத்திற்கான ஏற்பாடுகளை யாரிடம் அணுகுவதென்ற கேள்விகளோடு அங்கே கடைநடத்திய மனிதர்களின் வாழ்க்கை பற்றிய தற்போதைய சிக்கல்களை  விளக்குகிறது இந்த செய்தி தொகுப்பு. 

கடலையும் கடற்கரையும் நம்பி சென்னை மட்டுமல்லாது சென்னையில் இருந்து பல நூறு மயில்களில் இருந்து பல்வேறு தேசங்களில் இருந்து வரும் மக்களையும் சென்னை மெரினா கடற்கரை தாயாக அரவணைத்து காப்பாற்றி சிறு கடை நடத்துவதற்கும் வியாபாரம் செய்வதற்கும் சுண்டல் தொடங்கி பொம்மை என தொழில் செய்வதற்கான அன்னை மடியாக இருந்து வருகிறது.

இந்த நிலையில் சுமார் 2000க்கும் மேற்பட்ட கடைகள் சென்னை மெரினா கடற்கரையில் அவ்வையார் சிலைக்கு பின்புறம் இருந்து வருகிறது இந்த கடைகள் மெட்ரோ பணிகள் நடைபெறுவதன் காரணமாக அந்த சாலையில் எந்தவிதமான போக்குவரத்தும் இருக்கக் கூடாது என்று மெட்ரோ நிர்வாகத்தால் அறிவுறுத்தப்பட்டு அந்த வழி அடைக்கப்பட்டு இருக்கிறது. இதன் காரணமாக அங்கு இருக்கும் வியாபாரிகள் பாதிக்கப்பட்டு இருக்கிறார்கள் அந்த கடைகளை நம்பி தொழில் செய்யும் மக்களின் வாழ்வாதாரம் கேள்விக்குறியாகி உள்ளது.

அவ்வையார் சிலைக்கு பின்புறம் தொடங்கி சர்வீஸ் சாலையில் உள்ள எந்த விதமான போக்குவரத்தும் இருக்கக் கூடாது என்ற மெட்ரோ நிர்வாகத்தின் அறிவுறுத்தலின் பேரில் அனைத்து கடைகளும் அடைக்கப்பட்டு இருக்கிறது அந்த வழியே சென்று வந்த ஒன்று இரண்டு வாகனங்களும் இப்போது செல்வதற்கு தடை ஏற்பட்டிருக்கிறது.

அந்த கடைகளை வைத்திருந்த அவர்களின் வாழ்வாதாரம் பாதிக்கப்பட்டிருக்கிறது காரணம் ஊர் அளவு பாதை அடைக்கப்பட்டிருந்த சூழலில் ஒன்று இரண்டு வாகனங்கள் சென்று வந்தது அதன் மூலமாக அவர்கள் இந்த கடைகளின் மூலமாக வியாபாரத்தை நடத்தி வருமானம் ஈட்டி வந்தார்கள். இப்போது முழுவதுமாக அந்த சாலையின் இரு மரங்களும் அடைக்கப்பட்டு இருக்கிற காரணத்தால் ஒரு வாகனம் கூட உன் செல்ல முடியவில்லை நடந்து செல்பவர்களும் குறைவான அளவில் இருப்பதால் அங்கு இருக்கிறவர்கள் கடையை திறக்க கூடாது திறப்பதற்கான வழியும் இல்லை என்ற பட்சத்தில் மிகுந்த வேதனைக்கு உள்ளாகி இருக்கிறார்கள் அங்கு கடை நடத்தி வந்த மக்கள். 

கடைகள் நடத்துவதற்கு மாற்று இடத்தை ஏற்படுத்தி தருமாறு அரசிடமும் மெட்ரோ நிர்வாகத்திலும் இதன் மூலமாக கோரிக்கை வைத்திருக்கிறார்கள்.

இதையும் படிக்க    | தக்காளியின் தாக்கமே இன்னும் ஓயவில்லை ,... அதற்குள் ஷாக் கொடுக்கும் சின்ன வெங்காயத்தின் விலை..!

திருவண்ணாமலை மாவட்டம் கலசப்பாக்கத்தில் இயற்கை விவசாயிகள் கூட்டமைப்பின் சார்பில் மரபு விதை திருவிழா நடைபெற்றது. மரபு விதை திருவிழாவில், 70-க்கும் மேற்பட்ட திறந்தவெளி அரங்குகளில் வெள்ளை கேழ்வரகு, சிறுதானியங்கள் மூலம் செய்யப்பட்ட சிற்றுண்டி உணவுகள், இட்லி பொடி உள்ளிட்டவை இயற்கை விவசாயிகளால் விற்பனை செய்யப்பட்டன. 

திருவண்ணாமலை மாவட்டம் கலசப்பாக்கத்தில் இயற்கை விவசாயிகள் கூட்டமைப்பின் சார்பாக மரபு விதை திருவிழா நடைபெற்று வருகிறது. இந்த விதை திருவிழாவில் திருவண்ணாமலை, வேலூர், காஞ்சிபுரம் உள்ளிட்ட பல்வேறு மாவட்டங்களைச் சேர்ந்த இயற்கை விவசாயிகள் 70க்கும் மேற்பட்ட திறந்தவெளி அரங்கம் அமைத்து இயற்கை விவசாயத்தின் மூலம் விளைவிக்கப்பட்ட விதை பயிர்களை பார்வைக்காகவும், விற்பனைக்காகவும் வைத்துள்ளனர். காலை முதல் இன்று மாலை வரை ஆயிரத்திற்கும் மேற்பட்டோர் விதை திருவிழாவில் கலந்து கொண்டு பாரம்பரிய விதை பயிர் வகைகளை வாங்கி பயனடைந்து வருகின்றனர்.

இயற்கை விவசாயிகள் கூட்டமைப்பின் சார்பில் அமைக்கப்பட்டுள்ள 70 திறந்தவெளி அரங்குகளில் கந்தசாலா, பவானி, கிச்சடிசம்பா, தங்க சம்பா, பனிபயிர், கருப்புகவுனி, காட்டுயானம், ஆத்தூர் கிச்சடி, இலுப்பை சம்பா உள்ளிட்ட நெல் பயிர் வகைகள், திணை, வரகு, வெள்ளை கேழ்வரகு, சாமை போன்ற அரிசி வகைகள், சிறுதானியங்கள் மூலம் செய்யப்பட்ட சிற்றுண்டி உணவுகள், கலப்படமற்ற உணவு எண்ணெய், மலைத்தேன், கீரை காய்கறி விதைகள், இயற்கை பெருங்காயம் ஊறுகாய், சிறுதானிய காபி பொடி, இட்லி பொடி உள்ளிட்டவை இயற்கை விவசாயிகளால் விற்பனை செய்யப்பட்டு வருகின்றன.

இயற்கை விவசாயிகளின் பொருளாதாரத்தை மேம்படுத்தும் விதமாகவும் அவர்களுக்கு சந்தை வாய்ப்பு ஏற்படுத்தி தரும் நோக்கத்துடனும் இந்த மரபு விதை திருவிழாவானது நடத்தப்பட்டு வருகிறது. மேலும் பொதுமக்கள் தங்களின் நோய்களுக்காக மருத்துவமனைக்கு சென்று செய்யப்படும் செலவு நாளுக்கு நாள் அதிகரித்து வருவதை முற்றிலும் குறைக்கும் நோக்கில் இந்த இயற்கை மரபு விதை மூலம் பயிற்று உணவினை பயன்படுத்துவதன் மூலம் நோய்களிலிருந்து விடுபட முடியும் என்பதை பொதுமக்களுக்கு உணர்த்தும் விதமாகவும் இந்த மரபு விதை திருவிழா நடத்தப்பட்டு வருவதாக இயற்கை விவசாயிகள் கூட்டமைப்பின் ஒருங்கிணைப்பாளர் ராஜேந்திரன் தெரிவித்தார்.

இயற்கை விவசாயிகளுக்கான சந்தை வாய்ப்பு மிகவும் குறைவாக இருப்பதை இந்த மரபு விதை திருவிழா நடத்தப்பட்டதின் முக்கிய நோக்கமாக கூறப்படுகிறது. ஏராளமான பொதுமக்கள் குழந்தைகளுடன் குடும்பத்துடன் மற்றும் நண்பர்களுடனும் வந்து விதை திருவிழாவில் அனைத்து ஸ்டால்களிலும் தங்களுக்கு தேவையான விதவைகளை ஆர்வமுடன் பார்த்து வாங்கி சென்றனர்.

இதையும் படிக்க     | " தக்காளியை ரோட்டில் கொட்டினோமே அப்போது ஏன் ரேஷன் கடைகளில் விற்கவில்லை" - விவசாயிகள் காட்டம்.