பெரும்பாலன மக்கள் ஜாதகத்தில் நம்பிக்கையில்லாதவரே அனால் கிரகங்களின் மாற்றம் பூமியில் அறிவியல் ரீதியாக கிரகிக்க முடியாத சில மாற்றங்களை ஏற்படுத்திகிறது என்பது நிதர்சனமான உண்மை அப்படி சென்ற வருடம் 2020 போல் இல்லை என்றாலும் எதோ ஒரு மாதிரி மார்கமாக சென்றுவிட்டது அப்படி 2022 என்ன செய்ய காத்துக்கொண்டிருக்கிறதோ என்று பலர் எதிர்பார்த்து காத்திருக்கும் நிலையில் சிலருக்கு தங்கள் காதல் வாழ்க்கையை பற்றிய கேள்வி அதிகமாக எழுகிறது.

அப்படி காதலில் இருப்பவர்கள் தங்கள் உறவை அடுத்த நிலைக்கு எடுத்துச் செல்வதற்கும் புத்தாண்டிற்காக காத்திருக்கலாம். ஆனால் வரப்போகும் ஆண்டின் கிரக மாற்றங்கள் அனைவருக்கும் சாதகமானதாக இல்லை. உண்மைதான், சிலரின் காதல் இந்த ஆண்டு வெற்றிபெற்று திருமணத்தில் முடிய வாய்ப்புள்ளது. ஆனால் சிலரின் காதல் தோல்வியில் முடியவும், சிலர் தங்கள் காதலை வெளிப்படுத்த வாய்ப்பே கிடைக்காமல் போகவும் வாய்ப்புள்ளது. அதன்படி சில ராசிக்காரர்கள் இந்த ஆண்டு சிங்கிளாகவே காலத்தை கடத்தப் போகிறார்கள். அது என்னென்ன ராசிகள் என்று இந்த பதிவில் பார்க்கலாம். 

மேஷம் 
இந்த ஆண்டு உங்களுக்கு தனிப்பட்ட வாழ்க்கையில் மிகவும் கடினமான ஒன்றாக இருக்கப்போகிறது. கிரக மாற்றங்கள் உங்களுக்கு சாதகமாக இல்லாததாலும், உங்கள் காதல் வாழ்க்கை முற்றிலும் குழப்பத்தில் உள்ளதாலும் இந்த ஆண்டு நீங்கள் பல தலைவலிகளை சந்திக்க வேண்டியிருக்கும். இந்த ஆண்டு உங்களுக்கு வளமான ஆண்டாக இருந்தாலும், நீங்கள் உங்களுக்கான சரியான துணையை கண்டுபிடிப்பீர்கள் என்று ஆசைபட வேண்டாம். ஆண்டின் இறுதியில் உங்கள் காதல் வாழ்க்கையில் மாற்றங்கள் ஏற்படலாம். உங்கள் பழைய காயங்களை குணப்படுத்தி காதலில் உங்களின் தேவை என்னவென்பதை புரிந்து கொள்ள இந்த காலக்கட்டத்தை பயன்படுத்துங்கள். வீம்புக்கென்று எந்த காதல் உறவையும் ஏற்படுத்திக் கொள்ளாதீர்கள், அது உங்கள் காயத்தை அதிகரிக்கும். 

மிதுனம் 
இந்த ஆண்டின் கிரக மாற்றங்கள் உங்களுக்கு குறிப்பாக ஆண்டின் தொடக்கத்தில் காதல் உறவுகள் வளர உகந்ததாக இல்லை. நீங்கள் காதலிக்க விரும்பினால், இந்த ஆண்டு கடினமான ஆண்டாக இருக்க வாய்ப்புள்ளது, ஆனால் நீங்கள் சிங்கிளாக இருக்க விரும்பினால், 2022 அதைச் செய்ய ஒரு சிறந்த ஆண்டாக இருக்கும். இரட்டை ஆளுமை கொண்ட உங்களுக்கு இந்த ஆண்டு புதிய நண்பர்கள் மற்றும் உறவுகளை உருவாக்குவது மிகவும் கடினமாக இருக்கும். இந்த ஆண்டு உங்கள் தொழில் வாழ்க்கையில் கவனம் செலுத்துங்கள். தேவையில்லாத காதல் விவகாரங்களில் ஈடுபட்டு தோல்வியை தழுவாதீர்கள். 

சிம்மம் 
பன்முகத் திறமை கொண்ட சிம்ம ராசிக்காரர்களுக்கு 2022 காதலில் சிறப்பான ஆண்டாக இருக்கப்போவதில்லை. சூரியன் உங்கள் ராசியில் குழப்பத்தை ஏற்படுத்தும் இடத்திற்கு வருவதால் 2022-ல் காதல் உங்களுக்கு கடினமான செயலக மாறும்.  2022 ஆம் ஆண்டில், சிம்ம ராசிக்காரர்களின் 2022 ஆம் ஆண்டு காதல் கணிப்புகளின்படி காதலில் பிரச்சினைகள் ஏற்படலாம். ஜனவரி மற்றும் பிப்ரவரி மாதங்களில் உங்களுக்கும் உங்கள் துணைக்கும் இடையே மோதல்களை சந்திக்க நேரிடும். நீங்கள் மிகவும் முக்கியமானதாக நினைக்கும் உங்களின் சுதந்திரம் உங்களிடம் இருந்து பறிக்கப்படுவதாக நீங்கள் உணரலாம். எனவே நீங்கள் சிங்கிளாக இருப்பதே சிறந்தது என்ற முடிவிற்கு வர வாய்ப்புள்ளது. 

கும்பம் 
கும்ப ராசியினருக்கு, சனி உங்கள் ராசியில் இருப்பதால் காதலை இன்னும் கொஞ்சம் கட்டுப்படுத்தலாம். நீங்கள் ஒரு உறவைத் தேடுகிறீர்களானால், நீங்கள் சரியான நபர்களைச் சந்திக்காமல் போக வாய்ப்புள்ளது. நீங்கள் ஏற்கனவே உறவில் இருந்தால் உங்கள் உறவில் எந்த முன்னேற்றமும் இருக்காது. எந்தவொரு மாற்றத்திற்கும் அழுத்தம் கொடுக்காமல் அதன் போக்கில் விட்டுவிடுங்கள். அதுதான் உங்களுக்கு நல்லது. நீங்கள் மறக்க நினைக்கும் கடந்த கால உறவுகள் மீண்டும் உங்கள் வாழ்க்கையில் குறுக்கிட வாய்ப்புள்ளது. அதிலிருந்து இலாவகமாக தப்பிவிடுங்கள், இல்லையேல் பல சிக்கல்களை சந்திக்க நேரிடும். 

துலாம் 
துலாம் ராசிக்காரர்களின் காதல் தேடல் வருடத்தின் தொடக்கத்தில் சிறப்பாக இருக்கும். ஆனால் தாங்கள் தேர்ந்தெடுத்தவர்கள் தனக்கு சரியானவர்கள் இல்லை என்பதை விரைவிலேயே புரிந்து கொள்வார்கள். மேலும் தீவிரமான பிணைப்புக்கான ஆர்வமும் இவர்களிடம் இருக்காது. உங்களின் கடந்த கால உறவுகளில் நீங்கள் செய்த தவறுகள் என்ன, அதனை எதிர்காலத்தில் எப்படி தவிர்க்க வேண்டும் என்பதை சிந்திப்பதற்கான காலமிது. எந்தவொரு புதிய உறவையும் திடீரென ஏற்படுத்திக் கொள்ள வேண்டாம். ஏனெனில் அந்த புதிய காதலுக்காக நீங்கள் பல சமரசங்களை மேற்கொள்ள வேண்டியிருக்கும். காதலில் இருப்பவர்கள் தங்கள் தனிப்பட்ட விருப்பங்கள் குறித்து பல்வேறு விவாதங்களில் ஈடுபடலாம். தீவிரமான காதல் உறவு வேண்டுமென்று நினைப்பவர்கள் சிறிது காலம் காத்திருக்க வேண்டியது அவசியம்.

உலகில் மனிதனுக்கு இருக்கும் மிகப்பெரிய எதிரியே அவனுடையே மன பலவீனம் தான். ஒருவனுக்கு மன அழுத்தம் அதிகமாக அதிகமாக தற்கொலைகளும் அதிகரித்து வருகிறது.

அதிலும் சிலர் எப்படிப்பட்ட துன்பத்தில் இருந்தாலும் அழுகையே வராது.அதேபோல், கடும் மன அழுத்தத்தில் இருப்பவர்களும் எளிதில் அழுதுவிட மாட்டார்கள். அவ்வாறிருப்பின்,ஒருவன் அழுகையை அடக்கினால் அவனுக்கு மேலும் மன அழுத்தம் அதிகமாகும்.

அதனால்,தற்கொலைகளும் அதிகரிக்கும்,எனவே, கவலை இருந்தால் கண்ணீர் விட்டு அழுவது மிகவும் முக்கியமான ஒன்று. இதனை கருத்தில் கொண்ட ஸ்பெயின் நாட்டினர் இப்படி, கவலை மற்றும் மன நல பிரச்சனையில் உள்ளவர்கள் அழுவதற்கு என்றே அங்கு தனி அறையை உருவாக்கியிருக்கிறார்கள். 

 ’அழுகை அறைக்கு வரவேற்கிறோம்’ என்று வினோதமான வாசகத்துடன் வரவேற்கிறது ஸ்பெயினின் மாட்ரிக் நகரில் அமைந்துள்ள அழுகை அறை.

மனநல பிரச்சினையால் அதிகரித்து வரும் தற்கொலைகளை தடுக்கும் வகையில் எடுக்கப்பட்ட  புதிய முயற்சி ஸ்பெயின் மக்களிடம் நல்ல வரவேற்பை பெற்றுள்ளது.

மன கவலையில் இருப்போர் மனம் திறந்து அழுவதற்காக ஏற்படுத்தப்பட்டுள்ள அறையில் உளவியல் மருத்துவர் உட்பட மனச்சோர்வடையும் போது அழைக்கக்கூடிய நபர்களின் பெயர்களுடன் கூடிய தொலைபேசிகள் உள்ளன.

அவர்களைத் தொடர்பு கொண்டு பேசி ஆறுதல் பெற்று கொள்ளலாம். வித்தியாசமான இந்த அழுகை அறைக்கு வரவேற்பு அதிகரித்தவண்ணம் உள்ளனர். மேலும்,மனதில் கவலை உள்ளவர்கள் பலர் இந்த அறைக்கு தேடி வந்து அழுது ஆறுதல் தேடிவருகின்றனர்.

சூட்டு கொப்பளம் பெரும்பாலும் உடலில் உஷ்ணம் அதிகரிக்கும் நேரத்தில் ஏற்படுகின்றது. குறிப்பாக வெயில் காலங்களில் குழந்தைகள் முதல் பெரியவர்கள் வரை சூட்டுக் கொப்பளங்களால் அதிக அளவு பாதிக்கப்படுகின்றனர். மேலும் சூட்டு கொப்பளம் தோலில் தோன்றும் போது பல்வேறு விதமான சங்கடங்களை சந்திக்க நேரிடுகின்றன. இதனால் பல அசௌகரியங்கள் உண்டாகின்றன. சூட்டுக் கொப்பளங்களைப் பற்றி மேலும் தகவல்களைத் தெரிந்து கொள்ளவும், எப்படி வீட்டில் இருக்கும் பொருட்களை வைத்து எளிதாகக் குணப்படுத்திக் கொள்ளலாம் என்று தெரிந்து கொள்ளவும் மேலும் படியுங்கள்;

ஏன் சூட்டு கொப்பளம் ஏற்படுகின்றது?

சருமத்தில் உள்ள மயிர்க்கால்கள் மற்றும் எண்ணெய் சுரப்பிகள் போன்ற பகுதிகளில் பாக்டீரியா உண்டாவதால் அதிகம் ஏற்படுகின்றது. இந்த பாதிப்பு ஏற்பட்ட இடத்தில் கட்டி உண்டாகி சில நாட்களில் சீல் ஏற்படும்.

சூட்டுக் கொப்பளம் பொதுவாக முகம், கழுத்து, அக்குள், தோள்கள் மற்றும் பிட்டம் ஆகிய இடங்களில் தோன்றும். இது கண்களிலும் கட்டியாகத் தோன்றும். பெரும்பாலும் இவை உடலின் பல்வேறு இடங்களில் தோன்றும்.

சூட்டுக் கொப்பளம் ஏற்பட்டால் என்ன செய்யக் கூடாது?

இந்த சூட்டுக் கொப்பளம் ஏற்பட்டால், அவற்றை உடைத்து விடுவதோ அல்லது கிள்ளி விடுவதோ கூடாது. அவை தானாகக் குணமடைய வேண்டும்.  அப்படி இல்லாமல் உடைத்து விட்டால், அது மேலும் உடலில் பரவி, அதிகமாகிவிடும் வாய்ப்புள்ளது.

சூட்டுக் கொப்பளம் குணமாக எவ்வளவு நேரம் தேவைப்படும்?

இவை குறைந்தது 2 நாட்கள் முதல் 3 வாரங்கள் வரை இருக்கும். இதுவே கண்களில் ஏற்பட்டால், கண் கட்டி என்று அழைக்கப்படுகின்றது. பெரும்பாலும், இந்த வகை சூட்டுக் கொப்பளங்களைக் குணப்படுத்த மருந்துகள் தேவை இல்லை. உங்கள் வீட்டிலேயே இருக்கும் இயற்கைப் பொருட்களைக் கொண்டு குணப்படுத்தி விடலாம்.

எப்போது மருத்துவச் சிகிச்சை எடுத்துக் கொள்வது?

சூட்டுக் கொப்பளம் ஏற்பட்டு அதன் தாக்கம் அதிகரிக்கும் போது, நீங்கள் நிச்சயம் மருத்துவ உதவி பெற வேண்டும்.

உங்களுக்கு நீரழிவு நோய் மற்றும் நோய் எதிர்ப்புச் சக்தி குறைவாக இருந்தால், மருத்துவரின் உதவியைப் பெற வேண்டும்.

பெரும்பாலும் கட்டிகளுக்கு உடனடியாக மருத்துவ அவசர சிகிச்சை தேவை இல்லை. எனினும், நீங்கள் அதிகம் பலவீனமாக இருந்தால், மருத்துவரின் உதவி தேவை.

சர்க்கரை நோயாளிகள் (நீரிழிவு நோய் / sakkarai noi / Diabetes in Tamil) எந்த விஷயத்தில் கவனமாக இருக்க வேண்டும் என்பதை தற்போது காணலாம்…

 உடற்பயிற்சி

தினமும் போதுமான அளவிற்கு உடற்பயிற்சி மேற்கொள்ளுதல் வேண்டும். இதனால் உடல் எடை கட்டுப்பாட்டில் இருக்கும். இதனால் இன்சுலின் சுரப்பு அதிகரிக்க வாய்ப்புள்ளது. மேலும் உடற்பயிற்சியை மேற்கொள்வதன் மூலம் தசைகள் ரத்தத்தில் உள்ள சர்க்கரையைக் கிரகித்து தேவையான சக்தியைப் பயன்படுத்திக் கொள்ளும். இதனால் ரத்தத்தில் சர்க்கரை அளவு கட்டுப்பாட்டுடன் இருக்கும்.

கார்போஹைட்ரேட் சத்து நிறைந்த உணவு வேண்டாம்

அதிக அளவு கார்போஹைட்ரேட் சத்து நிறைந்த உணவுகளை உட்கொள்ளும் பொழுது இன்சுலின் செயல்பாடு மிக மோசமாகிவிடும். இதனால் ரத்தத்தின் சர்க்கரை அளவு மிகவும் அதிக அளவு அதிகரித்துவிடும். அதனால் இந்த வகை உணவுகளை எடுத்துக் கொள்ளாமல் தவிர்ப்பது நல்லது. இனிப்பு வகைகள் சாப்பிட ஏற்றது இல்லை.

உடல் எடை

உடல் எடையை எப்பொழுதும் சீரான அளவில் வைத்துக்கொள்ள முயற்சி செய்யுங்கள். இது மிகவும் அவசியம். 

நார்ச்சத்து

நார்ச்சத்து நிறைந்த உணவுகளை அதிகளவு எடுத்துக் கொள்ளுதல் வேண்டும். இது ரத்தத்தின் சர்க்கரை அளவைக் கட்டுக்குள் வைக்க உதவும். 

தண்ணீர்

தேவையான அளவு தண்ணீர் அருந்த வேண்டும். இது உடலின் நீர்ச்சத்தைத் தக்க வைத்துக் கொள்ள உதவும்.. மேலும் அதிக அளவு சர்க்கரை சிறுநீர் வழியே வெளியேறி விடும்.

மன அழுத்தம் கூடாது

மன அழுத்தம் அதிகமாக இருக்கும்பொழுது கார்டிசால் போன்ற ஹார்மோன்கள் சுரக்கத் தொடங்கும்.இந்த ஹார்மோன்கள் ரத்தத்தின் சர்க்கரை அளவை மிகவும் அதிகப்படுத்தி விடும்.அதனால் எப்பொழுதும் நிலையான மனதோடு மகிழ்ச்சியாக இருத்தல் அவசியம்.

பரிசோதனை

ரத்தத்தில் சர்க்கரை அளவை அவ்வப்போது பரிசோதனை செய்து கொள்வது மிகவும் அவசியமாகும்.

தூக்கம்

தேவையான அளவு தூக்கம் மிகவும் முக்கியம். சரியான தூக்கம் உடலுக்குக் கிடைக்கவில்லை என்றால் ஹார்மோன்கள் சீரற்ற அளவு சுரக்கத் தொடங்கும். இதனால் ரத்தத்தின் சர்க்கரை அளவைக் கட்டுக்குள் வைக்க முடியாது. அதனால்
தூக்கத்தை தவிர்க்க வேண்டாம்.

பல் சொத்தை ஏற்படாமல் இருக்க சில வழிகள்

சுத்தமாகப் பராமரியுங்கள்

பற்களைச் சுத்தமாகப் பராமரிக்காவிட்டால் பற்களில் சொத்தை ஏற்படும். அதனால் பற்களைச் சுத்தமாகப் பராமரிப்பது மிக முக்கியம். காலை எழுந்தவுடனும் இரவு தூங்கும் முன்பும் மறக்காமல் பற்களைச் சுத்தமாகத் துலக்க வேண்டும். பற்களில் கறை படியாமல் பார்த்துக் கொள்வது மிக அவசியம். அதேபோல பற்களை அரைகுறையாகத் துலக்கக் கூடாது. சரியான வழியில் துலக்கினால் மட்டுமே இடுக்குகளில் புகுந்து அழுக்குகள் அனைத்தும் வெளியேறும்.

இவற்றைச் செய்யாதீர்கள்

குண்டூசி,ஹேர் பின் போன்ற கூர்மையான பொருட்களை வைத்து பற்களை நோண்ட வேண்டாம். இது பற்களையும் வேர்களையும் பாதிக்கும். சில சமயம் ஈறுகளில் புண் ஏற்பட்டு வீக்கம் வந்து விடும். சில சமயங்களில் சீழ் கூட பிடித்துவிடும்.  எனவே இவற்றைத் தவிர்ப்பது மிகவும் நல்லது.

அதேபோல வெற்றிலை ,பான்மசாலா ,புகையிலை போன்றவை பற்களின் ஆரோக்கியத்தைச் சிதைக்கும். இவை அனைத்துமே முற்றிலுமாக தவிர்ப்பது நல்லது.

பரிசோதனை

ஆறு மாதங்களுக்கு ஒருமுறை என்ற அளவில் பல் மருத்துவரைச் சந்தித்து பரிசோதனை மேற்கொள்ள வேண்டும். எந்த பிரச்சனையையும் முளையிலே கிள்ளி விட்டால் பெரிய பிரச்சனைகள் வராமல் தடுத்துக் கொள்ள முடியும்.

பழ வகைகள்

அன்னாசி ,ஆரஞ்சு மற்றும் திராட்சைப் பழங்களைத் தொடர்ந்து சாப்பிடுவதன் மூலம் பற்கள் ஆரோக்கியமாக இருக்கும். பற்களில் சொத்தை ஏற்படாமல் தடுக்கப்படும். இந்த பழ வகைகளில் நிறைந்துள்ள விட்டமின் சி சத்து பற்களை ஆரோக்கியமாக வைத்துக் கொள்ள அதிகளவு கைகொடுக்கும்.