அதானி விவகாரம் தொடர்பாக பிரதமரிடம் காங்கிரஸ் கட்சி எழுப்பிய 100 கேள்விகளை புத்தகமாக  வெளியிடப் பட்டுள்ளது. 

பங்குச்சந்தையில் மோசடி செய்து கோடிக்கணக்கில் பணத்தை ஈட்டியதாக ஹிண்டர்ன்பெர்க் ஆய்வு நிறுவனம் அதானி குழுமம் மீது குற்றம்சாட்டி கடந்த ஜனவரி மாதம் அறிக்கை வெளியிட்டது. இதை ஒட்டி அதானி குழுமத்தின் மீது நாடாளுமன்ற கூட்டுக் குழு விசாரணை நடத்த வேண்டுமென காங்கிரஸ் கோரியது. இதற்கு பாஜக எதிர்ப்பு தெரிவிக்கவே அதானி விவகாரம் தொடர்பாக தினமும் ஒரு கேள்வியை பிரமருக்கு காங்கிரஸ் கட்சி எழுப்பி வந்தது. 

இந்நிலையில் ஜனவரியில் இருந்து பிரதமரிடம் எழுப்பப்பட்ட 100 கேள்விகளை புத்தகமாக அச்சிட்டு காங்கிரஸ் கட்சி வெளியிட்டுள்ளது.  இதற்காக டெல்லியில் ஏற்பாடு செய்யப்பட்டிருந்த நிகழ்வில் காங்கிரஸ் பொதுசெயலாளர் ஜெய்ராம் ரமேஷ் இந்நூலை வெளியிட்டுள்ளார். இதைத் தொடர்ந்து புதிய நாடாளுமன்றத்தில் நடைபெறும் மழைக்கால கூட்டத் தொடரிலும் அதானி விவகாரம் தொடர்பாக கேள்விகள் எழுப்பப்படும் எனவும் அவர் பேட்டியளித்தது குறிப்பிடத்தக்கது.

सुप्रीम कोर्ट की कमेटी ने अपनी रिपोर्ट में 'Piquant' शब्द का इस्तेमाल किया।

कमेटी के कहने का अर्थ था कि SEBI ने पुराना नियम हटाकर गलत किया। यानी पहले Dilute हुआ, फिर Delete हुआ।

लेकिन इस नियम के हटने का एक ही लाभार्थी था- वो है अडानी।

: @Jairam_Ramesh जी pic.twitter.com/wLnWdlfT9F

— Congress (@INCIndia) June 1, 2023

இதையும் படிக்க:சீமானின் டிவிட்டர் கணக்கு முடக்கம்...! முதலமைச்சர் கண்டனம்...!!

கர்நாடகா: சாமராஜநகரில் அருகே பயிற்சியில் ஈடுபட்டிருந்த விமானம் விபத்துக்குள்ளானது.

இன்று மதியம், சாமராஜநகரில் உள்ள போகபுரா கிராமம் அருகே வழக்கம் போல் இந்திய விமானப்படையின் கிரண் ரக பயிற்சி விமானம் பயிற்சியில் ஈடுபட்டிருந்தது. இந்த விமானத்தை தேஜ்பால் மற்றும் பூமிகா ஆகிய விமானிகள் இயக்கினார்கள். 

போகபுரா கிராமம் அருகே சென்றபோது, விமானம் விபத்துக்குள்ளாகி கீழே விழுந்து நொறுங்கியது. விமானம் விபத்துக்குள்ளாவதை அறிந்து சுதாரித்துக்கொண்ட விமானிகள் அதற்கு முன்னரே வெளியேறிவிட்டனர். இதனால் நல்வாய்ப்பாக விமானிகள் உயிர் சேதம் இல்லாமல் தப்பினர். 

சம்பவ இடத்திற்கு வந்த விமானப்படையின் மீட்புக்குழு, விபத்துக்குள்ளான விமானத்தை அப்புறப்படுத்தி விமானிகள் இருவரையும் மீட்டு பெங்களூர் அனுப்பிவைத்தது. 

சம்பவ இடத்தில் திரண்ட பொது மக்கள் விமானத்தை அப்புறப்படுத்த காவலர்களுக்கு உதவினர்.

மேகதாது அணையை கட்டுவோம் என கூறியதற்கு தமிழ்நாட்டில் கடும் எதிர்ப்பு கிளம்பிய நிலையில் தமிழர்களிடம் வெறுப்போ பகைமையோ இல்லை என கர்நாடக துணை முதலமைச்சர் டி.  கே.சிவகுமார் பதிலளித்துள்ளார்.

கர்நாடக துணை முதலமைச்சராக டி.  கே.சிவகுமார் பதவியேற்றுள்ள நிலையில், அவருக்கு நீர் பாசனம், பெங்களூர் நகர வளர்ச்சி துறை உள்ளிட்ட துறைகள் ஒதுக்கப்பட்டன. இதனை தொடர்ந்து நீர்பாசனத்துறை அதிகாரிகளுடன் பேச்சுவார்த்தை நடத்திய டி  கே சிவக்குமார் மேகதாது திட்டத்தை முன்னுரிமை அடிப்படையில் அமல்படுத்த வேண்டும் என உத்தரவிட்டார். 

இதற்கு முதலமைச்சர் மு.க.ஸ்டாலின், நீர்வளத்துறை அமைச்சர் துரைமுருகன், எதிர்கட்சித் தலைவர் எடப்பாடி பழனிச்சாமி, முன்னாள் முதலமைச்சர் ஓ.பன்னீர்செல்வம், தமிழ் மாநில காங்கிரஸ் தலைவர் ஜி.  கே.வாசன், தேமுதிக பொருளாளர் பிரேமலதா உள்ளிட்ட பலர் கண்டனம் தெரிவித்திருந்தனர். இந்நிலையில் இதுகுறித்து செய்தியாளர்களிடம் விளக்கமளித்துள்ள டி.  கே.சிவகுமார், இரு மாநிலங்களும் சகோதரத்தன்மையுடன் மேகதாது விவகாரத்தை அணுக வேண்டும் எனவும் தமிழ்நாட்டிற்கு எதிராக செயல்படும் எண்ணம் கிடையாது எனவும் குறிப்பிட்டார். 

இத்திட்டம் மூலம் கர்நாடகா குடிநீர் பெறுவதோடு மின்சார உற்பத்தியும் செய்ய முடியும் எனவும், அணையில் தேக்கி வைக்கப்படும் நீரால் தமிழ்நாடு விவசாயிகள் பயன்பெறுவர் எனவும் அவர் கூறினார். தனது டுவிட்டர் பக்கத்திலும் இதுகுறித்து விளக்கமளித்த அவர், மேகதாது அணை விவகாரம் தொடர்பாக தமிழ்நாடு அரசிடம் முறையிடுவேன் எனவும் தமிழர்களுடன் பகைமையோ வெறுப்போ இல்லை எனவும் அவர் கூறியுள்ளார்.

இதையும் படிக்க:சீமானின் டிவிட்டர் கணக்கு முடக்கம்...! முதலமைச்சர் கண்டனம்...!!

அவசர சட்டத்திற்கு எதிராக, கடந்த மாதம் 23ம் தேதி நாடு தழுவிய சுற்றுப்பயணத்தை தொடங்கிய கெஜ்ரிவால், இன்று தமிழக முதல்வர் ஸ்டாலினை சந்திக்கிறார்.

சமீபத்தில், ஐ.ஏ.எஸ் அதிகாரிகளை நியமிக்கவும், இடமாற்றம் செய்யவும் மாநில அரசுக்கே உரிமைகள் உள்ளது எனவும் அமைச்சரவை எடுக்கும் முடிவுகளுக்கு ஆளுநரும் உட்பட்டவர் எனவும் உச்ச நீதிமன்றம் தீர்ப்பு அளித்தது.

இந்த தீர்ப்பை தொடர்ந்து, மத்திய அரசு, அதிகாரிகளை நியமிக்கவும், இடமாற்றம் செய்யவும் துணை  ஆளுநருக்கு அதிகாரத்தை வழங்கி, அவசர சட்டத்தை கொண்டு வந்தது. மேலும் இதை சட்டமசோதாவாக பாராளுமன்றத்தில் நிறைவேற்றவும் மத்திய அரசு திட்டமிட்டுள்ளது 

மத்திய அரசின் இந்த திட்டத்தை தோற்கடிக்கும் வகையில், டெல்லி முதல்வர் கெஜ்ரிவால், நாடு முழுவதும் எதிர்க்கட்சி தலைவர்களின் ஆதரவை கோரி வருகிறார்.  இதனை தொடர்ந்து, அவசர சட்டத்திற்கு எதிராக, கடந்த மாதம் 23ம் தேதி நாடு தழுவிய சுற்றுப்பயணத்தை தொடங்கினார்.

இந்நிலையில், அவரது ட்விட்டர் பக்கத்தில், இன்று (வியாழக்கிழமை), "தமிழக முதல்வர் ஸ்டாலினை சந்தித்து டெல்லிக்கு எதிரான அவசர சட்டத்திற்கு எதிர்ப்பு தெரிவித்து, ஆதரவை கோருவதாக" புதன்கிழமை பதிவிட்டிருந்தார்.

அதன்படி, இன்று, கெஜ்ரிவால், தமிழக முதல்வரை சந்திக்க உள்ளார். பின்னர், ஜார்கண்ட் முதல்வர் ஹேமந்த் சோரனை, நாளை சந்திக்க திட்டமிட்டுள்ளார்.

மணிப்பூர் கலவரம் தொடர்பாக உயர்நீதிமன்ற முன்னாள் நீதிபதி தலைமையில் விசாரணைக்குழுவை அமைத்து மத்திய உள்துறை அமைச்சர் அமித்ஷா உத்தரவிட்டுள்ளார்.

மணிப்பூரில் தங்களுக்கு பழங்குடியின் அந்தஸ்து வேண்டி மெய்தி சமூகத்தினர் போராட்டம் நடத்திய நிலையில், இதற்கு குகி பழங்குடியினர் எதிர்ப்பு தெரிவித்தனர். இதையடுத்து வெடித்த கலவரத்தில் குடியிருப்புகள் கொளுத்தப்பட்டு, கடைகள் சூறையாடப்பட்டு 80க்கும் மேற்பட்டோர் உயிரிழந்தனர்.

இந்நிலையில் மாநில நிலை குறித்து ஆராய 3 நாள் பயணமாக மணிப்பூருக்குச் சென்ற மத்திய உள்துறை அமைச்சர் அமித்ஷா இம்பாலில் செய்தியாளர்களை சந்தித்தார். அப்போது கடும் பாதிப்புகளை ஏற்படுத்திய 6 சம்பவங்கள் தொடர்பாக CBI விசாரணை நடத்தும் எனக் கூறிய அவர், ஒட்டுமொத்த கலவரம் தொடர்பாக விசாரணை நடத்த, ஓய்வுபெற்ற உயர்நீதிமன்ற நீதிபதி தலைமையில் குழு அமைத்தும் உத்தரவிட்டார்.

இதையும் படிக்க : ”முதலாம் ஆண்டை போலவே, 2 ஆம் ஆண்டிலும் தமிழ்ப்பாடம் கட்டாயமாக்கப்பட வேண்டும்” ராமதாஸ் வலியுறுத்தல்!

கலவரத்தில் ஈடுபட்ட மெய்தி, குகி இன பிரதிநிதிகளுடனான பேச்சுவார்த்தை சுமூகமாக நடந்ததாகவும் அமித்ஷா கூறினார். இணையத்தில் பரவும் போலித் தகவல்களை நம்ப வேண்டாம் என மக்களை கேட்டுக்கொண்ட அவர், சட்டவிரோத ஆயுதங்களை சமூக விரோதிகள் ஒப்படைக்காவிட்டால் கடும் விளைவுகளை சந்திக்கக் கூடும் எனவும் எச்சரித்தார். ஆன்லைன் கல்வியும் தேர்வுகளும் திட்டமிட்டப்படி நடைபெறும் எனவும் பாதிக்கப்பட்டோரை கவனித்துக்கொள்ள, தலா 20 பேர் கொண்ட 8 மருத்துவக் குழுக்கள் அமைக்கப்படுவதாகவும் அவர் கூறினார். கலவரத்தில் மேலும் உயிரிழந்தோரின் குடும்பங்களுக்கு 5 லட்ச ரூபாய் மத்திய அரசு இழப்பீடாக வழங்கும் எனவும் அமித்ஷா உறுதியளித்தார்.