பிரதமர் மோடி உடனான சந்திப்பை தொடர்ந்து தவிர்த்து வரும் - தெலுங்கானா முதல்வர் சந்திரசேகர ராவ்..

மோடியின் வருகையை யொட்டி அவருடனான சந்திப்பை தவிர்க்கும் விதமாக தெலங்கானா முதல்வர் சந்திரசேகர ராவ் பெங்களூரு சென்றுள்ளது பெரும் சர்ச்சையை கிளப்பியுள்ளது.

பிரதமர் மோடி உடனான சந்திப்பை தொடர்ந்து தவிர்த்து வரும் - தெலுங்கானா முதல்வர் சந்திரசேகர ராவ்..

மத்திய பாஜக அரசை தெலுங்கானா முதல்வர் சந்திரசேகர ராவ் தொடர்ந்து கடுமையாக விமர்சித்து வருகிறார். மேலும் 2024 நாடாளுமன்ற தேர்தலில் பாஜகவுக்கு மாற்றாக மாநில கட்சிகளை ஒன்றிணைக்கும் முயற்சியிலும் சந்திரசேகர ராவ் ஈடுபட்டு வருகிறார்.

இந்த நிலையில் ஹைதராபாத்தில் உள்ள கல்லூரி ஒன்றின் 20வது பட்டமளிப்பு விழாவில் பிரதமர் மோடி பங்கேற்கிறார். இந்நிலையில், மோடியின் வருகையையொட்டி அவருடனான சந்திப்பை தவிர்க்க, சந்திரசேகர ராவ் பெங்களூரு சென்றுள்ளதாக தகவல் வெளியாகியுள்ளது.

ஏற்கனவே ஒருமுறை மோடி வருகையின்போது உடல் நலனை காரணம் காட்டி சந்திரசேகர ராவ் மோடியை சந்திப்பதை தவிர்த்திருந்த நிலையில் தற்போது மீண்டும் தவிர்த்துள்ளது குறிப்பிடத்தக்கது.