அமெரிக்கா, ரஷ்யா, சீனாவைத் தொடர்ந்து விண்வெளிக்கு மனிதர்களை அனுப்பும் திட்டத்தை இஸ்ரோ தீவிரமாக செயல்படுத்தி வருகிறது. முதற்கட்டமாக இந்தாண்டு டிசம்பர் மாதம் இதற்கான சோதனை நடைபெறும் என இஸ்ரோ அறிவித்திருந்தது.

இந்நிலையில் கொரோனா ஊரடங்கால் உதிரிபாகங்கள் வாங்குவதில் தாமதம் ஏற்பட்டுள்ளதாகவும், இதனால் ககன்யான் திட்டம் இந்தாண்டு நடைபெற வாய்ப்பே இல்லை என்றும் இஸ்ரோ தலைவர் சிவன் தெரிவித்துள்ளார். 

இத்திட்டத்திற்காக நாடு முழுவதும் உள்ள நூற்றுக்கணக்கான தொழில்துறையினரிடம் இருந்து பொருட்கள் வாங்கப்பட்டு வருவது குறிப்பிடத்தக்கது.

வடகிழக்கு மாநிலங்களான அசாம் மற்றும் மிசோரம் மாநிலங்களுக்கு இடையே நீண்டகாலமாக எல்லை பிரச்சினை இருந்து வருகிறது.

இந்த நிலையில், மிசோரத்தை ஒட்டியுள்ள அசாம் மாவட்டமான சச்சாரில் உள்ள லைலாபூர் கிராமத்தில் அசாம் அரசு அதிகாரிகள் மீது, கல் மற்றும் கம்புகளைக் கொண்டு மிசோரம் மக்கள் தாக்குதல் நடத்தும் வீடியோ வெளியாகியுள்ளது. 

இந்த நிலையில், இரு மாநில எல்லைப் பிரச்சினை குறித்து மத்திய உள்துறை அமைச்சர் அமித் ஷா, உடனடி நடவடிக்கை எடுக்க வேண்டுமென மிசோரம் முதலமைச்சர் சோரம்தங்கா தனது ட்விட்டர் பக்கத்தில் கோரிக்கை விடுத்துள்ளார்.

இமாச்சலபிரதேசத்தில் நிலச்சரிவு காரணமாக பாறைகள் உருண்டு விழுந்ததில் சுற்றுலா பயணிகள் 9 பேர் பரிதாபமாக உயிரிழந்தனர்.

இதில் ஜெய்ப்பூரைச் சேர்ந்த இளம் பெண் ஆயுர்வேத மருத்துவர் தீபா ஷர்மாவும் ஒருவர். இந்த நிலையில் தீபா ஷர்மா உயிரிழப்பதற்கு முன் அவர் டுவிட்டரில் பதிவிட்ட பதிவுகள் தற்போது வைரலாகி வருகிறது.

அதில் தனது புகைப்படங்களுடன் இயற்கை அன்னையின்றி வாழ்க்கை ஒன்றுமில்லை எனவும் பொதுமக்கள் அனுமதிக்கப்பட்ட இந்தியாவின் கடைசி எல்லையில் நிற்கிறேன் எனவும் பதிவிட்டுள்ளார்.இது தற்போது வைரலாகி வருகிறது.