கர்நாடகாவில் வீட்டின் சுவற்றில் தாமரை சின்னத்திற்கு மத்திய உள்துறை அமைச்சர் அமித் ஷா வர்ணம் பூசிய புகைப்படம் இணையத்தில் வைரலாகி வருகிறது.

கர்நாடக சட்டசபைக்கு வருகிற மே மாதம் தேர்தல் நடக்கிறது. இதையொட்டி ஆளும் பாஜக உள்பட அரசியல் கட்சிகள் தீவிரமாக களப்பணியாற்றி வருகின்றன.  இந்த நிலையில், மத்திய உள்துறை அமைச்சர் அமித் ஷா பெலகாவி மாவட்டம் கித்தூரில் பாஜக சார்பில் நடைபெற்ற பொதுக்கூட்டத்தில் கலந்து கொண்டு பாஜகவுக்கு ஆதரவு திரட்டினார். தொடர்ந்து, தார்வாட் பகுதியில் வீட்டின் சுவற்றில் தாமரை சின்னத்திற்கு அவர் வர்ணம் பூசி பிரச்சாரத்தில் ஈடுபட்டார்.

புற்றுநோய் குறித்து விழிப்புணர்வு ஏற்படுத்தும் வகையில் தனியார் மருத்துவமனை சார்பாக சென்னை, பெசண்ட் நகர் பகுதியில் நடத்தப்பட்ட மாரத்தான் ஓட்டத்தில் ஏராளமானோர் உற்சாகத்துடன் பங்கேற்றனர்.

புற்றுநோய்:

புற்றுநோய் குறித்து விழிப்புணர்வு ஏற்படுத்தும் வகையில் சென்னை, பெசண்ட் நகரில் உள்ள ஆல்காட் நினைவுப் பள்ளி அருகே தனியார் (காவேரி) மருத்துவமனை சார்பில் 10 கி.மீ மற்றும் 5 கி.மீ தூரத்திற்கு மாரத்தான் ஓட்டம் ஏற்பாடு செய்யப்பட்டிருந்தது.

சுமார் 500க்கும் மேற்பட்டோர் பங்கேற்ற இந்த மாரத்தான் ஓட்டத்தை காவேரி மருத்துவமனையின் செயல் இயக்குநா் அரவிந்தன் செல்வராஜ் தொடங்கி வைத்தார்.

விழிப்புணர்வு:

தொடர்ந்து செய்தியாளர்களை சந்தித்த காவேரி மருத்துவமனையின் செயல் இயக்குநா் அரவிந்தன் செல்வராஜ்,

 புற்றுநோய் விழிப்புணர்வுக்காக இந்த மாரத்தான் ஓட்டம் நடத்தப்படுகிறது. இதன் மூலம் பெறப்படும் முன்பதிவு கட்டணம் ஏழை எளிய மக்களின் புற்றுநோய் சிகிச்சைக்காக பயன்படுத்தப்படும். புற்றுநோயை ஆரம்ப நிலைகளை கண்டறிந்தால் குணப்படுத்துவது எளிது.  நகரங்களை தொடர்ந்து கிராமங்களிலும் புற்றுநோய் குறித்து விழிப்புணர்வு ஏற்படுத்தப்படும் எனத் தெரிவித்தார்.

-நப்பசலையார்

இதையும் படிக்க:    இந்தியாவை நோக்கி திரும்பும் உலக நாடுகளின் பார்வை.....

இந்தியாவின் வளர்ச்சியை நோக்கிய பயணத்தை இயக்கும் சக்தியாக இந்தியாவின் இளைஞர் சக்தி உள்ளதாக பிரதமர் நரேந்திர மோடி கூறியுள்ளார். 

அணிவகுப்பு:

டெல்லியில் உள்ள கரியப்பா தேசிய மாணவர் படை  மைதானத்தில் நடைபெற்ற 2023 ஆம் ஆண்டிற்கான தேசிய மாணவர் படையின் அணிவகுப்பை பிரதமர் மோடி பார்வையிட்டார்.  இந்த அணிவகுப்பில் இந்தியாவின் அனைத்து மாநிலங்களைச் சேர்ந்த தேசிய மாணவர் படையைச் சேர்ந்த ஆண்கள், பெண்கள் என ஏராளமானோர் கலந்து கொண்டனர். 

வெளியிடப்பட்ட நாணயம்:

அணிவகுப்புக்குப் பின் தேசிய மாணவர் படையின் 75 ஆண்டைக் குறிக்கும் வகையில் 75 ரூபாய் நாணயத்தை வெளியிட்டார். 

கட்டமைக்கும் பணியில்:

தொடர்ந்து மாணவர் படையினரிடையே உரையாற்றிய பிரதமர், தேசிய மாணவர் படையின் 75 ஆண்டுகால பயணத்தில், இந்த படையில் இடம்பெற்று நாட்டைக் கட்டமைக்கும் பணியில் ஈடுபட்டவர்களை பாராட்டுவதாகக் கூறினார்.  

உலக நாடுகளின் பார்வை:

இந்தியாவில் உள்ள  இளைஞர்களின் எண்ணிக்கையால்  உலக நாடுகளின் பார்வை இந்தியாவை நோக்கி திரும்பியுள்ளதாகக் கூறினார்.  கடந்த எட்டு ஆண்டுகளில் காவல் துறை மற்றும் துணை ராணுவங்களில் இடம் பெற்ற பெண்களின் எண்ணிக்கை இரண்டு மடங்கு அதிகரித்துள்ளதாகக் கூறினார்.  மேலும், முப்படைகளிலும் பெண்களின் பங்களிப்பையும் நாம் காணமுடிவதாக பெருமிதம் கொண்டார். 

பிற நாடுகளை சேர்ந்த..:

இந்த அணி வகுப்பில் பிரேசில், அர்ஜெண்டினா, பிஜி, கஜகஸ்தான் உள்ளிட்ட 196 நாடுகளைச் சேர்ந்த அதிகாரிகளும் மாணவர்களும் பங்கேற்றனர்.   ஆயிரத்து 445 ஆண்கள் மற்றும்  710 பெண்கள் என இரண்டாயிரத்து 155 தேசிய மாணவர் படையினர் பங்கேற்றுள்ளனர்.  இதில் பாதுகாப்புத் துறை அமைச்சர் ராஜ்நாத் சிங், தேசிய மாணவர் படை தலைவர் லெஃப்டினண்ட் ஜென்ரல் குர்பிர்பால் சிங் உள்ளிட்டோர் பங்கேற்றனர்.  இதில் தேசிய மாணவர்  படையினரின் வண்ணமயமான கலை நிகழ்ச்சிகளும் நடைபெற்றன.

-நப்பசலையார்

இதையும் படிக்க:  புறக்கணித்த இடத்திலேயே பதவியேற்பு நிகழ்ச்சியை நடத்திய வரலாறு.....

குடியரசு தலைவர் மாளிகையில் அமைந்துள்ள முகலாய தோட்டத்தின் பெயரை மாற்றி மத்திய அரசு அறிவித்துள்ளது.

குடியரசு தலைவர் மாளிகையில் அமைந்துள்ள முகலாய தோட்டம் தற்போது அம்ரித் உத்யன் என பெயர் மாற்றம் செய்யப்பட்டுள்ளது. இந்தியாவின் 75வது சுதந்திர ஆண்டை முன்னிட்டு அம்ரித் உத்யன் என்று மாற்றம் செய்யப்பட்டுள்ளது.  இந்த அம்ரித் உத்யன் தோட்டத்தில் 12 வகையான துலிப் மலர்கள் உள்ளன. தொடர்ந்து, துலிப்ஸ் மற்றும் ரோஜா மலர்களை மக்கள் காணக்கூடிய வகையில், ஒவ்வொரு ஆண்டும் பொது மக்களுக்காக தோட்டம் திறந்துவிடப்படும். 

இதையும் படிக்க : தமிழ்நாடா..? தமிழ்நாய்டுவா...  ? மீண்டும் எழுந்த சர்ச்சை...சுட்டிக்காட்டிய இராமதாஸ்...!

அந்த வகையில், இந்த ஆண்டும்  ஜனவரி 31 ஆம் தேதி முதல் மார்ச் 26 ஆம் தேதி வரை மொத்தம் இரண்டு மாதங்களுக்கு திறக்கப்படவுள்ளது. அதன்படி, காலை 10 மணி முதல் மாலை 4 மணி வரை தோட்டம் திறந்திருக்கும் என்று கூறப்படுகிறது. அதில் குறிப்பாக, மார்ச் 28-ம் தேதி விவசாயிகளுக்கும், மார்ச் 29-ம் தேதி மாற்றுத்திறனாளிகளுக்கும், மார்ச் 30-ம் தேதி காவல்துறை மற்றும் ராணுவத்தினருக்காகவும் திறக்கப்படும் என்று தெரிவிக்கப்பட்டுள்ளது.

ஒற்றுமைப் பயணத்திற்கு உரிய பாதுகாப்பு வழங்கக் கோரி மத்திய உள்துறை அமைச்சர் அமித்ஷாவுக்கு காங்கிரஸ் தலைவர் மல்லிகார்ஜுன கார்கே கடிதம் எழுதியுள்ளார்.

இந்தியாவை ஒன்றிணைக்கும் வகையிலும், காங்கிரஸ் கட்சியை வலுப்படுத்தும் நோக்கத்திலும் இந்திய ஒற்றுமை பயணத்தை ராகுல்காந்தி முன்னெடுத்தார். குமர் முதல் காஷ்மீர் வரை செல்லும் பாரத் ஜோடோ யாத்ராவை கடந்த ஆண்டு செப்டம்பர் மாதம் 7 ஆம் தேதி தொடங்கிய ராகுல்காந்தி, வரும் ஜனவரி 30 ஆம் தேதி தனது நடைப்பயணத்தை முடிக்கவுள்ளார்.

இதையும் படிக்க : ஈரோடு(கி) இடைத்தேர்தல்: அமைச்சர் முத்துசாமியின் வீட்டில் குவியும் தேர்தல் பணிக்குழு உறுப்பினர்கள்...!

தற்போது ஜம்முகாஷ்மீரின் அவந்திபோரா பகுதியில் முன்னாள் முதலமைச்சர் மெகபூபா முக்தியுடன் ராகுல்காந்தி இன்றைய பயணத்தை தொடங்கிய நிலையில், பல்வேறு காரணங்களால் யாத்திரை தற்காலிகமாக நிறுத்தப்பட்டது.

இந்நிலையில் ஒற்றுமைப் பயணத்திற்கு உரிய பாதுகாப்பு வழங்கக் கோரி மத்திய உள்துறை அமைச்சர் அமித்ஷாவுக்கு காங்கிரஸ் தலைவர் மல்லிகார்ஜுன கார்கே கடிதம் எழுதியுள்ளார். அதில் வரும் 30ம் தேதி பிரம்மாண்ட முறையில் ஏற்பாடு செய்யப்பட்டுள்ள நடைப்பயணத்தின் நிறைவு விழாவில், பல்வேறு முக்கிய அரசியல் தலைவர்கள் பங்கேற்கவுள்ளதாக அமித்ஷாவிடம் கார்கே வலியுறுத்தியுள்ளார். நாள்தோறும் பங்கேற்பாளர்களின் எண்ணிக்கை அதிகரிக்கும் நிலையில், பாதுகாப்பு நடவடிக்கைகளை துரிதப்படுத்துமாறும் அவர் கேட்டுக்கொண்டுள்ளார்.