தலைநகர் டெல்லியில் பெண் முகத்தில் கரியை பூசி பெண்கள் வீதி வீதியாக அழைத்து வந்த அதிர்ச்சி சம்பவம் டெல்லியில் நடைபெற்றுள்ளது.

டெல்லியை சேர்ந்த இளம்பெண் ஒருவரை காதலித்து வந்த இளைஞர் அண்மையில் தற்கொலை செய்து கொண்டுள்ளார்.

இதற்கு பழிதீர்க்கும் வகையில் அந்த பெண்ணை கடத்திய இளைஞரின் குடும்பத்தினர், பெண்ணின் முகத்தில் கரி பூசி, செருப்பு மாலை அணிவித்து வீதி வீதியாக அழைத்து சென்றுள்ளனர். இந்த பெண்ணிடம் விசரணை நடத்திய மகளிர் ஆணைய தலைவி, இளம்பெண் பலாத்காரம் செய்யப்பட்டதாகவும் குற்றம் சாட்டியுள்ளார்.

कस्तूरबा नगर में 20 साल की लड़की का अवैध शराब बेचने वालों द्वारा गैंगरेप किया गया, उसे गंजा कर, चप्पल की माला पहना पूरे इलाक़े में मुँह काला करके घुमाया। मैं दिल्ली पुलिस को नोटिस जारी कर रही हूँ। सब अपराधी आदमी औरतों को अरेस्ट किया जाए और लड़की और उसके परिवार को सुरक्षा दी जाए। pic.  twitter.com/4ExXufDaO3

— Swati Maliwal (@SwatiJaiHind) January 27, 2022

இந்தியாவில், கொரோனாவுக்கு எதிராக கடந்தாண்டு முதல் தடுப்பூசிகள் செலுத்தப்பட்டு வருகின்றன. இதற்கென இந்திய தயாரிப்பிலான பாரத் பயோடெக் நிறுவனத்தின் கோவாக்சின் மற்றும் சீரம் நிறுவனத்தின் கோவிஷீல்டு தடுப்பூசிகள் பயன்படுத்தப்பட்டு வருகின்றன.

மேலும், அனைவருக்கும் தடுப்பூசி கிடைத்திடும் வகையில், டோஸ் ஒன்றுக்கு 205 ரூபாய் செலுத்தி, மத்திய அரசே இந்த தடுப்பூசிகளை மொத்தமாக கொள்முதல் செய்து, மாநிலங்களுக்கு விநியோகித்து வருகிறது.

இதுதவிர தனியார் மருத்துவமனைகளில், கோவாக்சின் தடுப்பூசி செலுத்துவோரிடம்  ஆயிரத்து 200 ரூபாயும், கோவிஷீல்டு தடுப்பூசி செலுத்த வருவோரிடம் 750 ரூபாயும் வசூலிக்க மத்திய அரசு விலை நிர்ணயித்துள்ளது.

இந்தநிலையில் தற்போது அதிகப்படியாக உற்பத்தி செய்யப்பட்டுள்ள இவ்விரு தடுப்பூசிகளை சந்தைமயப்படுத்த மத்திய அரசு முன்வந்துள்ளது. 

இதற்கான ஒப்புதலை நிபந்தனையுடன் தற்போது மத்திய மருந்து கட்டுப்பாட்டு வாரியம் வழங்கியுள்ளது. அதன்படி வெளிமார்க்கெட்டில்  இந்த தடுப்பூசிகளின் டோஸ் ஒன்றுக்கு 275 ரூபாயை நிர்ணியக்க மத்திய அரசு முடிவு  செய்துள்ளது.  இதன் மூலம் தடுப்பூசி நிறுவனங்களுக்கு டோஸ் ஒன்றுக்கு 33 சதவீதம் லாபம் கிடைக்கும் என எதிர்பார்க்கப்படுகிறது. 

நாடாளுமன்றத்தில் ஆண்டுதோறும் தாக்கல் செய்யப்படும் மத்திய பட்ஜெட்டானது அதிகமான பக்கங்களில் அச்சிடப்பட்டு துணிப்பைகளில் கட்டப்படும். இந்த அச்சிடும் பணிகள் பட்ஜெட் தாக்கல் செய்வதற்கு சுமார் 2 வாரங்களுக்கு முன்பே தொடங்கி விடும்.

பட்ஜெட் ஆவணங்களில் நூற்றுக்கணக்கான பிரதிகள் அச்சிடப்படுவதால் ஏராளமான காகிதம் உள்ளிட்ட பொருட்களின் தேவை உள்ளது. காகித பயன்பாட்டை குறைக்கும் வகையில் டிஜிட்டல் முறையில் பட்ஜெட் ஆவணங்களை உருவாக்க மத்திய அரசு முடிவு செய்தது. 

இதனால் அச்சிடப்படும் பட்ஜெட் பிரதிகளின் எண்ணிக்கை மிகவும் குறைந்துள்ளன. இதன் விளைவாக கடந்த ஆண்டை போலவே இந்த ஆண்டும் மத்திய பட்ஜெட்டை டிஜிட்டல் முறையில் தாக்கல் மத்திய அரசு திட்டமிட்டுள்ளது.

ஆந்திரப் பிரதேச மாநிலத்தில் உள்ள மொத்த மாவட்டங்களின் எண்ணிக்கையை 13-லிருந்து 26 ஆக அதிகரிக்கப்பட்டுள்ளது. 

அதற்கான அதிகாரப்பூர்வ அறிவிப்பு அம்மாநில அரசிதழில் வெளியிடப்பட்டுள்ளது. ஆந்திர மாநிலத்தில் உள்ள 13 மாவட்டங்களை 26 மாவட்டங்களாக பிரிக்க முதல்வர் ஜெகன் மோகன் ரெட்டி தலைமையிலான அமைச்சரவை கடந்த ஆண்டு ஜுலை மாதம் ஒப்புதல் அளித்தது. 

தற்போது குடியரசு தினத்தையொட்டி மாவட்டங்களை பிரித்ததற்கான அதிகாரப்பூர்வ அறிவிப்பு அம்மாநில அரசிதழில் வெளியிடப்பட்டுள்ளது. 

குடியரசு தினவிழா அணிவகுப்பு நிகழ்ச்சியில் 5 ரஃபேல் விமானங்கள் ,17 ஜாகுவார், P8 போசைடன், சினுக், மிக் ரக விமானங்கள் என மொத்தம் 75 போர் விமானங்கள் அணிவகுப்பில் பங்கேற்கும் என்று இந்திய விமானப்படை ஏற்கெனவே அறிவித்திருந்தது.

இந்த நிலையில் வானில் வட்டமடிக்கும் மற்றும் சாகசத்தில் ஈடுபடும் விமானங்களின் காட்சியை பொதுமக்கள் தெளிவாக பார்த்து ரசிக்கும் வண்ணம் போர் விமானத்தில் காக்பிட் என்று சொல்லக்கூடிய விமானியின் அறையில் கேமராக்கள் பொருத்தப்பட்டு காட்சிகள் பதிவு செய்யப்பட்டுள்ளது. அதன் காட்சியை இந்திய ராணுவம் வெளியிட்டுள்ளது.

அதன்படி போர் விமானங்கள் இரண்டு துருவ் ஹெலிகாப்டர்கள் மற்றும் இரண்டு ஏஎல்எச் ருத்ரா ஹெலிகாப்டர்கள் வானில் வட்டமடித்ததன் வான் நோக்கு காட்சி இணையத்தில் வெளியாகியுள்ளது. 

இதேபோல் 17 ஜாகுவார் போர் விமானங்கள் வானில் 75 என்ற வடிவில் நீந்தி சென்றதன் வீடியோ காட்சியை இந்திய விமானப்படை வெளியிட்டுள்ளது. 

ஒரு ரஃபேல், இரண்டு ஜாகுவார், இரண்டு MiG-29 UPG, இரண்டு Su-30 MI என மொத்தம் 7 போர் விமானங்கள் 'பாஸ்' உருவாக்கத்தின் வான்நோக்கு காட்சியும் வெளியாகியுள்ளது. 

அம்புக்குறி அமைப்பில் பறக்கும் ஐந்து ரஃபேல் போர் விமானங்களின் காட்சியும் வெளியிடப்பட்டுள்ளது