நிதிஷ் குமார் பீகார் மாநிலத்தில் தேசிய ஜனநாயக கூட்டணி உதவியுடன் முதலமைச்சராக பொறுப்பில் இருந்தார்.  இரண்டு நாள்களுக்கு முன்னர் கூட்டணியிலிருந்து விலகி மகாகத்பந்தன் கூட்டணியில் இணைந்தார்.  பீகாரின் ராஷ்டிரிய ஜனதா தளம், காங்கிரஸ் மற்றும் சில வட்டார கட்சிகளின் கூட்டிணைவே மகாகத்பந்தன்.

மேலும் படிக்க: வெற்றி பெறுமா மகாகத்பந்தன் 2.0?

பிரிவிற்கான காரணம் தெரியாமல் இருந்த நிலையில் ஐக்கிய ஜனதா தளத்தின் முக்கிய உறுப்பினர்கள் அதற்கான காரணங்களை கூறியுள்ளனர்.  சோனியா காந்தி ஜூன் மாதத்தின் தொடக்கத்தில் கொரோனாவால் பாதிக்கப்பட்டபோது  அவரின் உடல்நிலை குறித்து பீகார் முதலமைச்சர் நிதிஷ் குமார்  தொலைபேசியில் அழைத்து பேசினார் என உறுப்பினர்கள் கூறியுள்ளனர். 

இந்த சர்ப்பத்தில் இருவரும் தேசிய ஜனநாயக கூட்டணியை விட்டு வெளியேறுவதைக் குறித்து பேசியதாகவும் அவர்கள் தெரிவித்துள்ளனர்.  இதனைத் தொடர்ந்து நிதிஷ் ஜூலை மாதத்தின் கடைசியில் கொரோனா தொற்றால் பாதிக்கப்பட்டார்.  வீட்டில் தனிமைப்படுத்தப்பட்ட காலத்தில் சோனியாவும் நிதிஷும் மகாகத்பந்தன் கூட்டணியின் மறு இணைவை குறித்து அதிக அளவில் பேச்சுவார்த்தை நடத்தியதாகவும் கூறியுள்ளனர்.

அனைத்தும் திட்டமிட்டப் படியே செயல்படுத்தப்படது என ஐக்கிய ஜனதா தளத்தின் உறுப்பினர் தெரிவித்துள்ளார்.  நிதிஷ் தேசிய ஜனநாயக கூட்டணியை விட்டு விலகுவது திடீரென நடந்தது இல்லை எனவும் நன்கு திட்டமிடப்பட்டு செயல்படுத்தப்ப்ட்டது எனவும் அவர் மேலும் கூறியுள்ளார். 

இதையும் படிக்க: நிதிஷின் அரசியல் எதிர்காலம்என்ன?

ஜம்மு காஷ்மீரில் பயங்கரவாதிகள் நடத்திய தாக்குதலில் தமிழக வீரர்கள் உட்பட 3 வீரர்கள் வீர மரணம் அடைந்துள்ளனர்.

இந்திய இராணுவ முகாமை நோக்கி வந்த தீவிரவாதிகள்:

ஜம்மு காஷ்மீரில், ராஜோரி மாவட்டம் பர்கலில் உள்ள இந்திய இராணுவ முகாமை நோக்கி தாக்குதல் நடத்துவதற்காக தீவிரவாதிகள் நெருங்குவதை பாதுகாப்புக்காக நிறுத்தி வைக்கப்பட்ட  காவலர்கள் கண்டறிந்தனர். இதனால்  இராணுவ வீரர்கள் அனைவரும் முன்னெச்சரிக்கையாக இருந்தனர்.

தாக்குதல் நடத்திய தீவிரவாதிகள்:

இராணுவ முகாமை நோக்கி வந்த பயங்கரவாதிகள், இராணுவ முகாமின் போஸ்ட்டுக்குள் நுழைவதற்காக இரண்டு கையெறி குண்டுகளை வீசியுள்ளனர். இதனால் எச்சரிக்கை காவலர்கள் அப்பகுதியை சுற்றி வளைத்து, தீயணைக்கும் போராட்டத்தில் ஈடுபட்டனர். பின்னர் அவர்களை பின் தொடரவும் செய்தனர்.

என்கவுண்டர்:

இதையடுத்து, தீவிரவாதிகள் இராணுவ வீரர்கள் மீது பயங்கர தாக்குதல் நடத்தினர். அவர்களுக்கு சரி சமமாக நம் இந்திய இராணுவமும் தாக்குதல் நடத்தியது. இந்த தாக்குதலில், இந்திய இராணுவம் இரண்டு தீவிரவாதிகளை என்கவுண்டரில் சுட்டுகொன்றது. 

தற்கொலை தாக்குதல்:

இந்த தாக்குதலில் தீவிரவாதிகள் தற்கொலை தாக்குதலை கையில் எடுத்தனர். அந்த தாக்குதலை முறியடிக்கும் போது இந்திய இராணுவத்தைச் சேர்ந்த 6 வீரர்கள் காயமடைந்தனர். 3 பேர் உயிரிழந்துள்ளனர்.

வீர மரணம்:

இந்திய இராணுவ முகாமை நோக்கி பயங்கர தாக்குதல் நடத்திய தீவிரவாதிகளுடன் சண்டையிட்டு இந்திய ராணுவத்தின் உயர்ந்த நிலைப்பாட்டை நிலைநிறுத்தியுள்ளனர் வீரம் மிக்க இராணுவ வீரர்கள். இந்த தாக்குதலின்போது, தமிழக வீரர் உட்பட 3 வீரர்கள் வீர மரணம் அடைந்துள்ளனர். ராஜஸ்தானை சேர்ந்த சப் ராஜேந்திர பிரசாத், ஹரியானாவை சேர்ந்த ரைபிள்மேன் மனோஜ் குமார், தமிழ்நாட்டை சேர்ந்த ரைபிள்மேன் லட்சுமணன்  உள்ளிட்ட மூன்று பேர் நாட்டுக்காக உயிர் தாகம் செய்துள்ளனர். நாட்டுக்காக தன் உயிரை இழந்த இவர்களின் பெருமையை காலம் என்றும் பறைசாற்றும்....

புதுச்சேரி நகராட்சி மற்றும் கொம்யூன் பஞ்சாயத்துகளில் பணிபுரியும் ஊழியர்கள் மற்றும் ஓய்வு பெற்ற ஊழியர்களுக்கு அரசே நேரடியாக சம்பளம் மற்றும் ஓய்வூதியம் வழங்க வேண்டும், ஏழாவது ஊதியக்குழுவின் பரிந்துரையை அரசு ஊழியர்களுக்கு வழங்கியது போல் முன்கூட்டியே வழங்க வேண்டும் உள்ளிட்ட பல்வேறு கோரிக்கைகளை வலியுறுத்தி புதுச்சேரி மாநில நகராட்சி கொம்யூன் பஞ்சாயத்து ஊழியர்கள் மற்றும் ஓய்வூதியதாரர்கள் சார்பில் பேரணி ஆர்ப்பாட்டம் நடைபெற்றது, 

சுதேசி பஞ்சாலை அருகே தொடங்கிய பேரணியில் புதுச்சேரி, காரைக்கால், மாஹே, ஏனாம் பிராந்தியங்களை சேர்ந்த 500-க்கும் மேற்பட்ட ஊழியர்கள் கலந்துகொண்டு ஊர்வலமாக அண்ணாசாலை, நேரு வீதி, மிஷன் வீதி வழியாக சென்று, சட்டமன்றத்திற்கு அருகே சென்ற போது போலிசார் தடுப்புகள் அமைத்து அவர்களை தடுத்து நிறுத்தினர். மேலும், பேரணியில் .கலந்துகொண்ட ஊழியர்கள் தங்களது கோரிக்கைகளை வலியுறுத்தி கோஷங்களை எழுப்பினர். அரசு உடனடியாக தங்களின் கோரிக்கைகளை நிறைவேற்றவில்லை என்றால் அடுத்தகட்டமாக போராட்டம் தீவிரமடையும் என எச்சரிக்கை விடுத்துள்ளனர்.

பிரதமர் நரேந்திர மோடியின் "கருப்பு மேஜிக்" கருத்து குறித்து காங்கிரஸ் முன்னாள் தலைவர் ராகுல் காந்தி இன்று பதிலளித்துள்ளார்.  இதுபோன்ற மூடநம்பிக்கை கருத்துகளைப் பற்றி பேசி பிரதமர் பதவியின் கண்ணியத்தைக் குறைப்பதை நரேந்திர மோடி நிறுத்த வேண்டும் என்று கூறியுள்ளார்.

ஆகஸ்டு போராட்டம்:

விலைவாசி உயர்வுக்கு எதிராக ஆகஸ்ட் 5-ம் தேதி கருப்பு ஆடை அணிந்து காங்கிரஸ் நாடு முழுவதும் போராட்டம் நடத்தியது. இதை விமர்சித்த பிரதமர் மோடி, கருப்பு மேஜிக் மீது நம்பிக்கை கொண்டவர்கள் இனி ஒருபோதும் மக்களின் நம்பிக்கையை பெற முடியாது என்று மோடி விமர்சனம் தெரிவித்திருந்தார்.

மேலும் படிக்க: தலைநகரை முடக்கிய காங்கிரஸ்...!

அதற்கு பதிலளிக்கும் விதமாக ராகுல் காந்தி, நாட்டில் பணவீக்கம் அல்லது வேலையில்லாத் திண்டாட்டத்தை பிரதமரால் பார்க்க முடியவில்லையா என்று கேள்வி கேட்டுள்ளார்.

ராகுல் கண்டனம்:

பிரதமர் பதவியின் கண்ணியத்தைக் குறைப்பதை நிறுத்துங்கள் எனவும் ஆட்சியின் கருப்புச் செயல்களை மறைக்க 'கருப்பு மேஜிக்' போன்ற மூடநம்பிக்கைகளைப் பற்றி பேசி நாட்டை தவறாக வழிநடத்தாதீர்கள் என்று ராகுல் காந்தி டிவிட்டரில் இந்தியில் பதிவிட்டுள்ளார்.

மக்களின் பிரச்சினைகளுக்கு பதிலளிக்க வேண்டும் எனவும் ராகுல் காந்தி கூறியுள்ளார்.

ப. சிதம்பரம் கண்டனம்:

கருப்பு ஆடை அணிபவர்கள் மக்களின் நம்பிக்கையை ஒருபோதும் பெற முடியாது என பிரதமர் மோடி கூறியுள்ளார்.  ஆனால் ஈ. வெ. ரா. பெரியார் வாழ்நாள் முழுவதும் கருப்பு சட்டை அணிந்து தமிழ்நாட்டு மக்களின் முழு நம்பிக்கையையும் பெற்றிருந்தார் என காங்கிரஸ் மூத்த தலைவர் ப. சிதம்பரம் அவர்களும் ட்விட்டர் பக்கத்தில் தெரிவித்துள்ளார்.

மோடி விமர்சனம்:

900 கோடி மதிப்பிலான இரண்டாம் தலைமுறை எத்தனால் ஆலையை நாட்டுக்கு அர்ப்பணிக்க வீடியோ கான்பரன்சிங் மூலம் பானிபட்டில் நடைபெற்ற விழாவில் கலந்து கொண்டு உரையாற்றினார் பிரதமர் மோடி.   நாடு முழுவதும் ஆகஸ்டு 5 சிலர் கருப்பு மேஜிக் செய்ய முற்பட்டனர் எனவும் அவர்கள் அவ்வாறு செய்வதன் மூலம் மக்களுக்கு அவர்கள் மேல் நம்பிக்கை வர வைக்க முடியும் என்றெண்ணினர் எனவும் கூறினார்.  ஆனால் ஒருபோதும் அது நடக்கது என பிரதமர் பேசியிருந்தார்.

ஆனால், மாந்திரீகம், சூனியம், மூடநம்பிக்கை போன்றவற்றில் ஈடுபடுவதன் மூலம் மக்களின் நம்பிக்கையை மீண்டும் பெற முடியாது என்பது அவர்களுக்குத் தெரியாது என்று மேலும் மோடி கூறியுள்ளார்.

இதையும் படிக்க: பிரதமர் கனவு காண்கிறாரா பீகார் முதலமைச்சர்.....!!!

மகாராஷ்டிராவில் ஆபரேஷன் லோட்டஸ்:

மகாராஷ்டிராவில் மெகா விகாஸ் கூட்டணியிலான சிவசேனா ஆட்சி உத்தவ் தாக்கரே தலைமையில் நடைபெற்று வந்தது.  இந்நிலையில் பாஜகவின் தூண்டுதல் அடிப்படையில் ஏக்நாத் ஷிண்டே தலைமையில் எம்.எல்.ஏக்கள் உத்தவ் தாக்கரேக்கு எதிராக கிளர்ச்சி செய்தனர்.  அதன் பின்னர் பாஜகவுடன்  கூட்டணி அமைத்து ஜூன் 30ம் தேதி சிவசேனாவின் ஏக்நாத் ஷிண்டே முதலமைச்சராகவும் பாஜகவின் தேவேந்திர பட்னாவிஸ் துணை முதலமைச்சராகவும் பதவியேற்று கொண்டனர்.

அமைக்கப்படாத அமைச்சரவை:

முதலமைச்சராக பதவியேற்று 40 நாட்களாகியும் அமைச்சரவை அமைக்கப்படாமலே இருந்தது.  நேற்று வரை முதலமைச்சரும் துணை முதலமைச்சரும் இருவரை கொண்ட அமைச்சரவையே மகாராஷ்டிராவில் இருந்தது.  கடந்த வாரத்தில் நடைபெற்ற நிதி ஆயோக் கூட்டத்தில் மகாராஷ்டிர மாநிலம் மட்டுமே அமைச்சர்கள் இல்லாமல் பங்கேற்ற ஒரே மாநிலம்.  அமைச்சரவை அமைப்பது தொடர்பாக பிரதமர் மோடியையும் பாஜக தேசிய தலைவர் ஜே.பி. நட்டாவையும் சந்தித்து பதவியேற்ற உடனே பேச்சுவார்த்தை நடத்தினர்.  ஆனால் பேச்சுவார்த்தையில் எவ்வித உடன்பாடும் ஏற்படாததால் அமைச்சரவை அமைப்பது நிலுவையிலேயே இருந்தது.

ஓரங்கட்டப்படுகிறாரா முதலமைச்சர்:

அமைச்சரவையில் பெரும்பான்மை இடங்கள் முதலில் பாஜகவிற்கே ஒதுக்கப்பட்டிருந்தது.  பின்னர் துணை முதலமைச்சரின் கோரிக்கையின் அடிப்படையில் 50:50 என்ற நிலையில் அமைச்சரவை அமைக்கப்பட்டுள்ளது.  பாஜக சார்பில் 9 அமைச்சர்களும் ஏக்நாத் ஷிண்டே தலைமையிலான சிவசேனா குழுவில் 9 அமைச்சர்களும் என இடஒதுக்கீடு செய்யப்பட்டு நேற்று அனைத்து அமைச்சர்களும் ஆளுநர் கோஷ்யாரி முன்னிலையில் பதவி பிரமாணம் செய்து கொண்டனர்.

ஷிண்டே நிலை:

ஏக்நாத் ஷிண்டேவின் கோரிக்கை நிராகரிக்கப்பட்ட நிலையில் தேவேந்திர பட்னாவிஸின் 50:50 என்ற கோரிக்கை மட்டும் பாஜக தலைமை ஏற்று கொண்டது ஏன் என்ற கேள்வி எழுந்துள்ளது.  பெயரளவிற்கான பதவியில் இருப்பவருக்கான கோரிக்கைக்கு தரப்படும் மரியாதை முதலமைச்சருக்கு ஏன் தரப்படவில்லை என்ற கேள்வியும் விமர்சனங்களும் எழுந்துள்ளது.

கேள்விகுறியாகும் ஷிண்டேவின் அரசியல் எதிர்காலம்:

பாஜகவின் ஆட்சி கைப்பற்றும் திட்டம் நிறைவேறியதும் ஏக்நாத் ஷிண்டே ஓரங்கட்டப்படுகிறார் என்ற சந்தேகம் அனைவரிடமும் எழுந்துள்ளதாக தகவல்கள் தெரிவிக்கின்றன.  அமைச்சரவையில் இடம் அளிக்கப்படாத ஏக்நாத் ஷிண்டே குழு எம்.எல்.ஏக்கள் அதிருப்தியில் இருப்பதாகவும் செய்திகள் பரவி வருகின்றன.  இதனால் இந்த எம்.எல்.ஏக்கள் மீண்டும் உத்தவ் தாக்கரே அணியில் இணையலாம் என்ற கருத்தும் உருவாகியுள்ளது.  எம்.எல்.ஏக்களின் அதிருப்தியாலும் பாஜகவாலும் ஓரங்கட்டப்படும் ஷிண்டேவின் அரசியல் எதிர்காலம் என்ன என்ற கேள்வி அனைவரிடமும் எழும்பி வருகிறது.