ஜெர்மனி நடைபெற்ற ஜி7 மாநாட்டில் கலந்துகொண்ட பின்னர் பிரதமர் மோடி இன்று ஐக்கிய அரபு அமீரகம் சென்றுள்ளார். அங்கு அவருக்கு சிறப்பான வரவேற்பு கொடுக்கப்பட்டதாக வெளியுறவு துறை அமைச்சகத்தின் செய்தி தொடர்பாளர் அரிந்தம் பக்ச்சி தனது அதிகாரப்பூர்வ ட்விட்டர் பக்கத்தில் தெரிவித்துள்ளார்.

இந்தியா, ஐக்கிய அரபு அமீரக நாடுகள் சர்வதேச அளவில் நல் உறவை பாதுகாத்து வருவதுடன், வர்த்தக தொடர்பை வளர்த்து வருகின்றன. ஐக்கிய அரபு அமீரகத்தின் இரண்டாவது மிகப்பெரிய வர்த்தக பங்குதாரர் இந்தியா தான். முதலாவது பங்குதாரர் அமெரிக்கா என்பது குறிப்பிடத்தக்கது. FTA எனப்படும் சுதத்திர ஒப்பந்தத்தில், இரு நாடுகளும் கையெழுத்திட்டு இருப்பதால் இந்த ஆண்டு இரு நாடுகளுக்கும் மிக முக்கியமான ஒன்றாக பார்க்கப்படுகிறது.

இந்நிலையில் ஜெர்மனி சென்று ஜி7 மாநாட்டில் கலந்து கொண்டு பின்னர் ஐக்கிய அரபு அமீரகம் சென்ற பிரதமர் மோடிக்கு சிறப்பான முறையில் வரவேற்பளிக்க, ஐக்கிய அரபு அமீரக அதிபரும், அபுதாபியின் ஆட்சியாளருமான ஷேக் முகமது பின் சயீத் அல் நஹ்யான், அரச குடும்பத்தின் மூத்த உறுப்பினர்களுடன், பிரதமருடனான உரையாடலுக்காக அபுதாபி விமான நிலையத்திற்கு கூறியிருந்தனர்.

மேலும், ஐக்கிய அரபு அமீரகத்தின் மூன்றாவது அதிபராக தேர்ந்தெடுக்கப்பட்டு அபுதாபியின் ஆட்சியாளராக பதவியேற்ற ஷேக் முகமது பின் சயீத் அல் நஹ்யானுக்கு பிரதமர் மோடி வாழ்த்து தெரிவித்தார். இந்தியாவுக்கும் - ஐக்கிய அரபு அமீரகத்துக்கும் இடையேயான விரிவான கூட்டாண்மையை மேலும் ஆழப்படுத்தவும் பன்முகப்படுத்தவும் இரு தலைவர்களும் தங்கள் உறுதிப்பாட்டை இந்த சந்திப்பில் மீண்டும் வலியுறுத்தினர். அதோடு பிரதமர் மோடி, கடந்த மாதம் ஷேக் கலீஃபா பின் சயீத் அல் நஹ்யான் காலமானதற்கு தனது தனிப்பட்ட இரங்கலையும் தெரிவித்தார்.

ஒ.என்.ஜி.சி. நிறுவனத்திற்கு சொந்தமான பவன் ஹான்ஸ் ஹெலிகாப்டர், 2 விமானிகள் மற்றும் ஏழு பணியாளர்களுடன் அரபிக்கடலின் மேல் பறந்து கொண்டிருந்தது. அப்போது அவசரமாக தரையிறங்க முயன்றபோது, திடீரென ஹெலிகாப்டர் நடுக்கடலில் விழுந்து விபத்துக்குள்ளானது.

மும்பைக்கு மேற்கே உள்ள சாகர் கிரண் எனும் எண்ணெய் கிணறு பகுதியிலிருந்து ஒன்றரை கிலோ மீட்டர் தூரத்தில் விபத்து நடந்த நிலையில், விபத்துக்குள்ளானவர்கள் உடனடியாக படகுகள் மூலம் மீட்கப்பட்டனர்.  நானாவதி மருத்துவமனையில் அவர்கள் சேர்க்கப்பட்ட நிலையில், நான்கு பேர் ஏற்கெனவே உயிரிழந்து விட்டதாக மருத்துவர்கள் தெரிவித்தனர். ஒ.என்.ஜி.சி. நிறுவன பணியாளர்கள் மூன்று பேர் மற்றும் ஒப்பந்த பணியாளர் ஒருவரும் விபத்தில் உயிரிழந்ததாக தெரிவிக்கப்பட்டுள்ளது.

அமெரிக்கா, இங்கிலாந்து, கனடா, ஜப்பான், பிரான்ஸ், இத்தாலி, ஜெர்மனி ஆகிய நாடுகள் ஜி-7 நாடுகள் என்று அழைக்கப்படுகின்றன. ஆண்டுதோறும் இந்த அமைப்பின் மாநாடு நடப்பது வழக்கம்.

இந்த ஆண்டுக்கான மாநாடு, ஜெர்மனியின் எல்மாவ் நகரில் 2 நாட்கள் நடத்த திட்டமிடப்பட்டது. நேற்று மாநாடு தொடங்கியது. இதில் அமெரிக்க ஜனாதிபதி ஜோ பைடன் உள்பட 7 நாடுகளின் (அமெரிக்கா, இங்கிலாந்து, ஜெர்மனி, பிரான்ஸ், கனடா, இத்தாலி, ஜப்பான்) தலைவர்களும் கலந்து கொண்டனர். இதில் சிறப்பு விருந்தினராக பிரதமர் மோடி பங்கேற்றார்.

ஜெர்மனியில் நடைபெற்ற இந்த மாநாட்டில், கனடா பிரதமர் ஜஸ்டின் ட்ரூடோ, அமெரிக்க அதிபர் ஜோ பைடன், பிரான்ஸ் அதிபர் இமானுவல் மேக்ரான் ஆகியோரை பிரதமர் மோடி சந்தித்தார்.  தொடர்ந்து, மாநாட்டில் காலநிலை, எரிசக்தி, சுகாதாரம் குறித்தும், பாலின சமத்துவம் பற்றியும் மோடி உரையாற்றினார். 

இந்த நிலையில், ஜெர்மனி பயணத்தை நிறைவு செய்த பிரதமர், அங்கிருந்து ஐக்கிய அமீரகத்திற்கு பயணம் மேற்கொண்டார். அபுதாபி விமான நிலையத்தில் வந்திறங்கிய பிரதமரை, அதிபர் ஷேக் முகமது பின் சையது அல் நஹ்யான் ஆரத்தழுவி வரவேற்றார். இதைத்தொடர்ந்து, நடைபெற்ற சந்திப்பில், ஐக்கிய அரபு அமீரகத்தின் முன்னாள் அதிபர் ஷேக் கலிஃபா பின் சையது அல் நஹ்யான் மறைவிற்கு, மோடி இரங்கல் தெரிவித்தார். தொடர்ந்து விமானநிலையம் சென்ற அவர், அபுதாபிலிருந்து டெல்லிக்கு புறப்பட்டார்.

கர்நாடகா உள்துறை அமைச்சர் அரக ஞானேந்திரா, தட்சிண கன்னடா மாவட்டத்தில் சட்டவிரோதமாக தங்கியுள்ள வெளிநாட்டினர் குறித்து காவல் நிலைய அளவிலான கணக்கெடுப்பு நடத்துமாறு தட்சிண கன்னடா மாவட்ட காவல்துறை மற்றும் மாநகர காவல் ஆணையரகத்திற்கு உத்தரவிட்டுள்ளார்.

விசா காலம் முடிந்து தங்கியிருக்கும் வெளிநாட்டுப் பிரஜைகள் மற்றும் சரியான ஆவணங்கள் இல்லாமல் தங்கியிருப்பவர்களைக் கண்டறிவதற்காக இந்தக் கணக்கெடுப்பு நடத்தப்படுகிறது. வெளிநாட்டினர் போலி ஆதார் அட்டைகள், ரேஷன் கார்டுகள் அல்லது வாக்காளர் அடையாள அட்டைகள் ஆகியவற்றைப் பெற்றுள்ளனரா என்பதை போலீஸார் கண்டறிய வேண்டும் என்றார் அமைச்சர்.

இது தொடர்பாக இரண்டு வாரங்களுக்குள் அறிக்கை சமர்ப்பிக்குமாறு காவல்துறைக்கு அமைச்சர் உத்தரவிட்டார்.

கடந்த திங்கள்கிழமை மாலை தட்சிண கன்னடா மாவட்டத்தில் உள்ள உயர் போலீஸ் அதிகாரிகளுடனான கூட்டத்திற்குத் தலைமை தாங்கிய பின்னர், ஞானேந்திரா செய்தியாளர்களிடம் கூறுகையில், சமீபத்தில் பெங்களூருவில் இதேபோன்ற ஒரு கணக்கெடுப்பு நடத்தப்பட்டது, சட்டவிரோதமாக தங்கியிருந்தவர்கள் கைது செய்யப்பட்டு தடுப்பு மையத்திற்கு அனுப்பப்பட்டனர். 

தட்சிண கன்னடாவில் சட்டம் ஒழுங்கு திருப்திகரமாக உள்ளது என்றார். பல வழக்குகளில் சாட்சிகள் விரோதமாக மாறுவதால் மாவட்டத்தில் தண்டனை விகிதம் குறைவாக உள்ளதால், இதுபோன்ற வழக்குகளை திறம்பட கையாள, அரசு வழக்கறிஞர்களுடன் ஒருங்கிணைந்து செயல்படுமாறு காவல்துறைக்கு அறிவுறுத்தினார்.

கூட்டத்தில் மேற்குப் பிராந்திய ஐஜி தேவஜோதி ரே, மங்களூரு நகர போலீஸ் ஆணையர் சஷி குமார், தட்சிண கன்னடா மாவட்ட காவல் கண்காணிப்பாளர் ஹிருஷிகேஷ் பகவான் சோனாவனே ஆகியோர் கலந்து கொண்டனர்.

- ஜோஸ்

மும்பை அருகே உள்ள குர்லா என்ற பகுதியில் நேற்று இரவு நான்கு மாடி கட்டடம் திடீரென இடிந்து விழுந்தது.

இதுகுறித்து தகவலறிந்து சம்பவ இடத்துக்கு சென்ற தீயணைப்பு துறையினர் இடிபாடுகளில் சிக்கிய நபர்களை மீட்கும் பணியில் ஈடுபட்டனர். இந்த விபத்தில் உயிரிழந்தோர் எண்ணிக்கை 10ஆக அதிகரித்த நிலையில், படுகாயம் அடைந்த நபர்கள் மருத்துவமனையில் தீவிர சிகிச்சை பெற்று வருகின்றனர். 

விபத்து குறித்து ஆய்வு செய்ய சம்பவ இடத்துக்கு சென்ற, அம்மாநில அதிகாரி ஒருவர் செய்தியாளர்களுக்கு அளித்த பேட்டியில், உயிரிழந்த நபர்களின் குடும்பங்களுக்கு 5 லட்சம் ரூபாய் நிதி உதவியும், படுகாயம் அடைந்தவர்களுக்கு இலவச சிகிச்சை அளிக்கப்படும் என்றும் கூறினார்.