பணம் கட்டினால் மாற்று சான்றிதழ்: ஹைதராபாத்தில் உள்ள ராமாந்தபூரில் பிரபல நாராயணா கல்வி குழுமத்தின் ஜூனியர் கல்லூரி ஒன்று செயல்பட்டு வருகிறது. இங்கு 12-ஆம் வகுப்பு முடித்த நாராயண சுவாமி என்ற மாணவர், மாற்று சான்றிதழ் கேட்டு விண்ணப்பித்துள்ளார். ஆனால், நிலுவை கட்டணம் செலுத்தினால் மட்டுமே மாற்று சான்றிதழ் தருவேன் என கல்லூரி முதல்வர் சுதாகர் ரெட்டி என்பவர் கறார் காட்டியதாக கூறப்படுகிறது. 

முதல்வரை தீயோடு கட்டிப்பிடித்த மாணவர்: ஆனால், பணம் செலுத்த முடியாத நிலையில் இருந்த அந்த மாணவர், முதல்வர் அறைக்கு சென்றவுடன், தான் வைத்திருந்த பாட்டிலை திறந்து பெட்ரோலை தன்மீது ஊற்றி தீ வைத்து கொண்டுள்ளார். பின்னர், எதிர்பாராத விதமாக முதல்வரையும் கட்டிப் பிடித்துள்ளார். 

3 பேர் படுகாயம்: அலறல் சத்தம் கேட்டு அங்கு வந்த ஆசிரியர்கள் உள்ளிட்டோர் உடனடியாக அவர்களை மீட்டு ஆம்புலன்ஸ் மூலம் மருத்துவமனைக்கு அனுப்பி வைத்தனர்.  இந்த தீ விபத்தில் முதல்வர், மாணவர் மற்றும் காப்பாற்ற முயன்றவர் என 3 பேர் படுகாயம் அடைந்தனர். தகவல் அறிந்து வந்த ராமானந்தபூர் போலீசார் இந்த விபத்து தொடர்பாக வழக்கு பதிவு செய்து விசாரணை மேற்கொண்டனர். 

மஹாராஷ்டிர மாநிலத்தின் ராய்கட் கடற்கரைக்கு அருகில் உள்ள  பகுதியில் நேற்று சந்தேகத்துக்கு  இடமாக ஒரு நவீன படகு நின்றது. இதை பார்த்து மக்கள் அதிர்ச்சி அடைந்தனர். படகில் யாரும் இல்லாததால் சந்தேகம் அடைந்து, போலீசாருக்கு தகவல் கொடுத்தனர்.

ராய்கட் போலீஸ் அதிகாரிகள் விரைந்து சென்று படகில் சோதனை நடத்தினர். அந்த படகி இருந்த பெட்டியில் ஏகே 47 ரக துப்பாக்கிகள் மூன்றும், அதற்கு பயன்படுத்தும் தோட்டாக்களும் இருந்தை கண்டு அதிர்ச்சி அடைந்தனர். அதைக் கண்டவுடன் யாராவது  அப்பகுதியில் ஊடுருவி இருப்பார்களோ என்று சந்தேகம் எழுந்தது.

விசாரணையை தீவிரப்படுத்தினர் காவல்துறையினர். இந்தப் படகு மோசமான வானிலை காரணமாக கைவிடப்பட்டு இங்கு வந்திருப்பது தெரிய வந்தது.  இது குறித்து அதிகாரிகள் கூறுகையில்,‘இங்கிலாந்து பதிவு செய்யப்பட்ட இந்த படகு, ஆஸ்திரேலிய பெண்ணுக்கு சொந்தமானது. ஓமனில் இருந்து ஐரோப்பாவுக்கு செல்லும்போது, கடந்த ஜூன் 26ம் தேதி மோசமான வானிலை காரணமாக படகில் இருந்தவர்கள் உதவி கோரினர். மஸ்கட் அருகே அவர்களை கடற்படையினர் மீட்டனர். கைவிடப்பட்ட இந்த படகு, இங்கு வந்து கரை ஒதுங்கியுள்ளது. படகு சேதமடைந்து உள்ளது,’என்று காவல்துறை அதிகாரிகள் தெரிவித்தனர்.இருப்பினும்  படகு குறித்த தீவிர விசாரணையில் போலீசார் ஈடுபட்டு வருகின்றனர்.

பிரதமர் நரேந்திர மோடி சுதந்திர தின உரையின் போது குறிப்பிட்ட ஐந்து தீர்மானங்களியும் மனதி கொண்டு செயலாற்ற வேண்டும் என உத்திர பிரதேச முதலமைச்சர் வலியுறுத்தியுள்ளார்.

ஐந்து தீர்மானங்கள்:

1. இந்தியாவை வளர்ந்த நாடாக மாற்றுவது

2. அடிமைத்தனத்தை மாற்றுவது

3. இந்தியாவின் பாரம்பரியத்தில் பெருமை கொள்வது

4.  ஒற்றுமை மற்றும் ஒருமைப்பாடு

5. 2047க்குள் சுதந்திர போராட்ட வீரர்களின் கனவுகளை அடைய செய்வது

யோகி ஆதித்யநாத்:

பிரதமர் மோடி ஆகஸ்டு 15 அன்று மக்களுக்கு ஐந்து தீர்மானங்களை வழங்கியுள்ளார் எனவும்  தனிப்பட்ட முறையில் ஒவ்வொருவரும் இத்தீர்மானங்களை மனதி வைத்து கடமைகளை நிறைவேற்ற வேண்டும் எனவும் யோகி ஆதித்யநாத் பேசியுள்ளார்.  கடமையின் பாதையில் சென்றால் இந்தியா நிச்சயமாக வல்லரசாக மாறும் எனவும் வரும் நாட்களில் இந்தியா உலகை வழிநடத்தும் எனவும் கூறியுள்ளார் ஆதித்யநாத்.

இந்திய மக்கள் அனைவரும் இந்தியாவை வல்லரசாக்க இந்த ஐந்து தீர்மானங்களையும் மனதில் கொண்டு செயல்பட வேண்டும் எனவும் அழைப்பு விடுத்துள்ளார்.

கேரளாவில் வயநாடு தொகுதியில் உள்ள காங்கிரஸ் தலைவர் ராகுல் காந்தியின் அலுவலகத்தில் பணியாற்றிய ஊழியர்கள் உள்பட 4 காங்கிரஸ் தொண்டர்கள் மகாத்மா காந்தியின் உருவ படத்தை சேதப்படுத்தியதாக குற்றஞ்சாட்டப்பட்டு கைது செய்யப்பட்டுள்ளனர்.

வயநாடு எம்.பி அலுவலகத்தில் ஜுன் 24 அன்று தாக்குதல் நடத்திய சிபிஎம் கட்சியின் மாணவர் அமைப்பான இந்திய மாணவர் கூட்டமைப்பு (எஸ்எஃப்ஐ)உறுப்பினர்களுக்கு உதவுவதற்காக கட்சி தொண்டர்கள் மீது பொய்யான வழக்கு போடப்பட்டுள்ளதாக கேரளாவின் காங்கிரஸ் மாநில தலைவர்கள் குற்றம் சாட்டியுள்ளனர்.

கைது செய்யப்பட்டவர்களில் ராகுல் காந்தியின் தனி உதவியாளர் ரதீஷ் குமார், அலுவலக ஊழியர் ராகுல் உள்ளூர் காங்கிரஸ் தொண்டர்கள் நௌஷாத் மற்றும் முஜீப் ஆகியோர் அடங்குவர்.  இந்தத் தாக்குதல் தொடர்பாக இதற்கு முன்னர் எஸ்எஃப்ஐ தலைவர்கள் மற்றும் செயற்பாட்டாளர்கள் கைது செய்யப்பட்டனர்.

சிறப்பு பொருளாதார மண்டலம் அமைப்பது தொடர்பாக எழுந்த பிரச்சினையில் ராகுல் எவ்வித நடவடிக்கையும் எடுக்கவில்லை என்ற காரணத்தால் அவருடைய அலுவலகத்தில் எஸ்எஃப்ஐ உறுப்பினர்களால் தாக்குதல் நடத்தப்பட்டது. இந்த சம்பவத்திற்கு சிபிஎம் கட்சி பெரிய அளவில் எதிர்ப்பு தெரிவித்திருந்தது. 

இதையும் படிக்க: அகிம்சை நாயகன் சிலை மீது வன்முறை தாக்குதல்....ஏன் இந்த வெறுப்பு!!!!

கர்நாடகாவில் தற்போது பசவராஜ் பொம்மை தலைமையில் பாஜக ஆட்சி நடைபெற்று வருகிறது.  கடந்த சட்டமன்ற தேர்தலில் பாஜக வெற்றி பெற்று பி.எஸ். எடியூரப்பா முதலமைச்சராக பதவியேற்றார்.  ஆனால் நம்பிக்கை தீர்மானத்தில் தோல்வியுற்றதால் 21/2 நாள்களில் பதவியை ராஜினாமா செய்தார்.  அவரை தொடர்ந்து சித்தாராமையா முதலமைச்சரானார்.  அவரும் நம்பிக்கை தீர்மானத்தில் தோல்வியடைந்ததால் மீண்டும் எடியூரப்பா முதலமைச்சரானார்.  வயதைக் காரணங்காட்டி அதிருப்தி எழுந்ததால் முதலமைச்சர் பதவியை ராஜினாமா செய்தார்.

எதிர்ப்புகளும் சமாதானமும்:

முதலமைச்சர் பதவியிலிருந்து எடியூரப்பா விலகியது அல்லது விலக்கப்பட்டது அவரது விசுவாசிகள் மற்றும் லிங்காயத்துகள் இடையே கடும் எதிர்ப்பையும் கண்டனத்தையும் ஏற்படுத்தியது. அதனைத் தொடர்ந்து எடியூரப்பா அரசியலில் இருந்து ஓய்வு பெறுவதாக அறிவித்தார்.

ஆகஸ்டு முதல் வாரத்தில் மத்திய உள்துறை அமைச்சர் எடியூரப்பாவை நேரடியாக சந்தித்து பேசினார்.  அவரைத் தொடர்ந்து பிரதமர் மோடி தொலைபேசியில் எடியூரப்பாவுடன் பேசியுள்ளார்.   இந்நிலையில்  நாடாளுமன்ற குழு மறுசீரமைக்கப்பட்டு புது உறுப்பினர்கள் இணைக்கப்பட்டனர்.  நாடாளுமன்ற குழுவில் எடியூரப்பா பெயரும் இடம்பெற்றுள்ளது.  கர்நாடக முதலமைச்சர் நாடாளுமன்ற மற்றும் மத்திய தேர்தல் குழுவில் உறுப்பினராக சேர்க்கப்பட்டுள்ளார்.

புதிய பதவிகள் வழங்குவதன் மூலம் கட்சி எடியூரப்பாவை சமாதானம் செய்ய விரும்புகிறதா என்ற கேள்விக்கு எந்த பதவியையும் எதிர்பார்க்காமல் கட்சி பணியாற்றுவேன் என்பது கட்சி தலைமைக்கு தெரியும் என கூறியுள்ளார்.

தேர்தல் வியூகம்:

கடந்த மாதம் கர்நாடகாவின் முன்னாள் முதலமைச்சர் சித்தாராமையாவின் 75வது பிறந்தநாளைக் கொண்டாட சென்றபோது ராகுல் லிங்காயத்து அமைப்பின் தலைவரை சந்தித்து ஆசிபெற்றார்.  அப்போது லிங்காயத்துகளின் ஆதரவு காங்கிரசுக்கு இருப்பதாக விமர்சனம் எழுந்தது.  சித்தாராமையாவுக்கு ஆதரவு தெரிவிக்கும் வகையிலும் அதிக அளவில் மக்கள் விழா கூட்டத்தில் பங்கேற்றிருந்தனர்.

மேலும் படிக்க: இணைந்த கைகள்... திருப்பத்தை ஏற்படுத்துமா கர்நாடகா?

லிங்காயத்துகளின் ஆதரவினைத் திரும்ப பெறுவதற்காகவே எடியூரப்பாவிற்கு நாடாளுமன்ற குழுவில் இடம் அளிக்கப்பட்டுள்ளதாக விமர்சகர்கள் கருத்து தெரிவித்துள்ளனர்.

இதையும் படிக்க: மோடிக்கு குட்-பை… ராகுல் பக்கம் சாய்ந்த லிங்காயத்… அந்த ஒரு சம்பவம் இது தான்…