ஜிஎஸ்டி வரியால் விலை உயரும் அபாயம்? ஜிஎஸ்டி கவுன்சில் கூட்டத்தில் இறுதி முடிவு எடுக்கப்படும் என தகவல்

மக்கள் வாங்கும் ஒவ்வொரு பொருட்களுக்கும், 3, 5, 7, 8 உள்ளிட்ட வரி விகிதங்கள் அடிப்படையில் ஜிஎஸ்டி வரிகள் வசூலிக்கப்படுகின்றன.

இந்தநிலையில் 5 சதவீத வரிவிகிதத்தின் கீழ் வரும் பொருட்களை பிற வரி விகிதங்களுக்கு மாற்ற ஜிஎஸ்டி கவுன்சில் பரிந்துரைத்து வருகிறது. இதன் மூலம் ஆண்டு ஜிஎஸ்டி வருவாய் அதிகரிக்கும் என சொல்லப்படுகிறது.

குறிப்பாக 5 சதவீத வரிவிகிதங்களில் உள்ள பொருட்களை 3, 7 அல்லது 8 சதவீத வரிவிகிதங்கள் பட்டியலில் கொண்டு வர திட்டமிட்டப்பட்டுள்ளது.

மேலும் 5 சதவீத வரிவிகிதத்தில் உள்ள பொருட்களுக்கு கூடுதலாக ஒரு சதவீக வரி உயர்வு அறிவித்தாலும், ஆண்டுக்கு 50 ஆயிரம் கோடி வருவாய் கிடைக்கும் என நிபுணர்கள் தெரிவிக்கின்றனர்.

இந்தநிலையில் 5 சதவீத வரிவிகிதத்தில் பெரும்பாலும் உணவு பொருட்களே வருவதால் அவற்றை எந்த வரிவிகிதத்தில் சேர்ப்பது என்பது குறித்த இறுதி முடிவு அடுத்த மாதம் நடைபெறும் ஜிஎஸ்டி கவுன்சில் கூட்டத்தில் எடுக்கப்பட உள்ளது.

மேலும் வரி விகிதத்தில் அடங்காத, பொட்டலமிடப்படாத உணவு பொருட்களை 3 சதவீதம் வரிப்பட்டியலில் கொண்டு வரவும் திட்டமிடப்பட்டுள்ளதாக தகவல் வெளியாகியுள்ளது.

எனினும் மத்திய, மாநில அரசுகளின் நிதி அமைச்சர்களுடனான கலந்துரையாடலுக்கு பிறகே ஜிஎஸ்டி கவுன்சில் கூட்டத்தில் இறுதி முடிவு எடுக்கப்படும் என சொல்லப்படுகிறது.