காஷ்மீர் மாநிலத்தில் வசிக்கும் மொழிக்குழு இனமான பஹாரி இன மக்களுக்கு, இனி பழங்குடியின மக்களுக்கு வழங்கப்படுவதைப் போல கல்வி, வேலை வாய்ப்பில் இட ஒதுக்கீடு வழங்கப்படும் என மத்திய உள்துறை அமைச்சர் அமித்ஷா கூறியுள்ளார்

மத்திய உள்துறை அமைச்சர் அமித்ஷா இரண்டு நாள் பயணமாக காஷ்மீர் சென்றுள்ளார். அங்கு பல்வேறு நிகழ்ச்சிகளில் கலந்து கொண்ட அமித்ஷா, ரஜோரி நகரில் நடைபெற்ற பொதுக்கூட்டத்தில் கலந்து கொண்டு உரையாற்றினார்.

அப்போது பேசிய அவர், காஷ்மீர் துணை நிலை ஆளுநர் அளித்துள்ள பரிந்துரையின் அடிப்படையில் காஷ்மீர் மாநிலத்தில் வசிக்கும், குஜ்ஜார், பகர்வால் மற்றும் பஹாரி இன மக்களுக்கு விரைவில் கல்வி மற்றும் வேலை வாய்ப்பில் இட ஒதுக்கீடு வழங்கப்படும் என்று கூறினார்.

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

தொடர்ந்து பேசிய அமித்ஷா, காஷ்மீருக்கான சிறப்பு அந்தஸ்து நீக்கப்பட்ட பிறகு இங்கு அனைவரும் தங்களது உரிமையை பெற முடிகிறது என்றதோடு, தற்போது புதிதாக வழங்கப்பட உள்ள இட ஒதுக்கீட்டால் பழங்குடியின மக்கள் பாதிக்கப்பட மாட்டார்கள் என்றும் கூறினார்.

எம்.பி.பி.எஸ், பி.டி.எஸ் மற்றும் பி.எஸ்.சி நர்சிங் ஆகிய மருத்துவ படிப்புகளில் இளநிலை மாணவர் சேர்க்கைக்கான கலந்தாய்வு வருகிற அக்டோபர் 10ம் தேதி தொடங்கவுள்ளதாக மத்திய அரசு அறிவித்துள்ளது. 

மருத்துவ கலந்தாய்வு தொடக்கம்:

எம்.பி.பி.எஸ், பி.டி.  எஸ் மருத்துவ படிப்புகளுக்கு நீட் தேர்வு மதிப்பெண் அடிப்படையில் இளநிலை மாணவர் சேர்க்கை நடந்து வருகிறது. அந்தவகையில், கடந்த மாதம் 7ம் தேதி நீட் தேர்வு  முடிவு வெளியான நிலையில், கலந்தாய்வு ஆன்லைனில் நடைபெறும் என மருத்துவ கல்வி இயக்கக அதிகாரிகள் தெரிவித்திருந்தனர்.

அதன்படி, நடப்பாண்டு நிகர்நிலை பல்கலைக்கழகங்கள், மத்திய பல்கலைக்கழகங்களுக்கான கலந்தாய்வு அக்டோபர் 10ம் தேதி தொடங்கவுள்ளதாக மருத்துவக் கலந்தாய்வு கமிட்டி அறிவித்துள்ளது. 

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

இதேபோல் அகில இந்தியா கோட்டாவின் கீழ் நிரப்பப்படும் 15 சதவீதம் மாணவர் சேர்க்கை அக்டோபர் 11ம் தேதி தொடங்கவுள்ளதாகவும், மாநில அளவிலான மருத்துவ கவுன்சிலிங் அக்டோபர் 17ம் தேதி தொடங்கி 28ம் தேதி நிறைவடையும் எனவும் குறிப்பிடப்பட்டுள்ளது. 

இதனைத்தொடர்ந்து, 2ம் கட்ட கலந்தாய்வு நவம்பர் 2 முதல் 10ம் தேதி வரையிலும், மாநிலங்களில் நவம்பர் 7 தொடங்கி 18ம் தேதி வரையிலும் நடைபெறும் என தெரிவிக்கப்பட்டுள்ளது. அதேபோன்று, இளநிலை மாணவர்களுக்கு நவம்பர் 15ம் தேதி முதல் வகுப்புகள் தொடங்கும் என்றும் கமிட்டி வெளியிட்ட அட்டவணையில் குறிப்பிடப்பட்டுள்ளது. ஆனால், இந்த கலந்தாய்வு அனைத்தும் ஆன்லைன் வாயிலாகவே நடைபெறும் என்று தெளிவுப்படுத்தப்பட்டுள்ளது.
  

பிலாஸ்பூரில் பொதுக்கூட்டம்:

இமாசலப்பிரதேசத்தின் பிலாஸ்பூரில் நடைபெறும் பொதுக்கூட்டத்திலும் எய்ம்ஸ் மருத்துவமனை திறப்பிலும் பிரதமர் மோடி கலந்து கொள்கிறார்.

குணநலன் சான்றிதழ்:

இந்நிலையில் இதில் பங்கேற்கும் அனைத்து பத்திரிகையாளர்களும் அடையாள அட்டைக்கு பதிலாக குணநலன் சான்றிதழை சமர்ப்பிக்க வேண்டும் என காவல்துறை உத்தரவிட்டுள்ளது.

அனைத்து ஊடகங்களுக்கும் சர்ச்சை விதி:

தனியாருக்குச் சொந்தமான அச்சு, டிஜிட்டல், செய்தித்தொலைக்காட்சி ஊடகங்களுக்கு மட்டுமின்றி, அகில இந்திய வானொலி, தூர்தர்ஷன் உள்ளிட்ட அரசு ஊடகங்களுக்கும் இவ்விதி பொருந்தும் என தெரிவிக்கப்பட்டுள்ளது. 

கமிட்டி அமைப்பு:

சரிபார்ப்புக்காக அமைக்கப்பட்ட கமிட்டி, சான்றிதழ்களை சரிபார்த்த பின்னரே அனைவரும் அனுமதிக்கப்படுவர் எனவும் கூறப்பட்டுள்ளது பெரும் சர்ச்சையைக் கிளப்பியுள்ளது.

சுதந்திரம் பறிக்கப்படும் நிகழ்வு:

இந்நிலையில் இது ஊடகவியலாளர்களை அவமதிக்கும் செயல் எனவும், ஊடக சுதந்திரம் பறிக்கப்படும் நிகழ்வு எனவும் ஆம் ஆத்மி, காங்கிரஸ் உள்ளிட்ட கட்சிகள் குற்றம் சாட்டியுள்ளன.

உயிரை காவு வாங்கும் ஆன்லைன் ரம்மி:

ஆன்லைனில் ரம்மி விளையாடி வரும் நபர்களின் எண்ணிக்கை நாளுக்கு நாள் அதிகரித்து வருகிறது. இளைஞர்கள் மட்டுமல்லாது பெண்களும் இந்த விளையாட்டுக்கு அடிமையாகி, பணத்தை இழப்பதுடன் மன உளைச்சலுக்கும் ஆளாகி தற்கொலை செய்து கொள்வது தொடர் கதையாகி வருகிறது. 

ஆன்லைன் ரம்மிக்கு தடை சட்டம்:

இதனை தடுத்திடும் வகையில், ஆன்லைன் ரம்மி விளையாட்டுக்கு தடை விதித்து அவசர சட்டம் பிறப்பிக்க வேண்டும் என பல்வேறு  தரப்பினரும் தமிழக அரசை வலியுறுத்தி வருகின்றனர். அதன்படி, ஆன்லை ரம்மி விளையாட்டுக்கும் தடை விதிக்கும் அவசர சட்ட மசோதாவுக்கு தமிழக அமைச்சரவையும் ஒப்புதல் வழங்கியுள்ளது. ஆளுநரின் ஒப்புதல் பெறப்பட்டு விரைவில் அவசர சட்டம் அமல்படுத்தப்படும் என தமிழக அரசும் தெரிவித்துள்ளது.

விளம்பரங்களுக்கு தடை:

இந்தநிலையில், ஆன்லைன் சூதாட்டம் தொடர்பான விளம்பரங்களை வெளியிட வேண்டாம் என தொலைக்காட்சிகள், ஓடிடி தளங்கள், செய்தி இணையதளங்கள் மற்றும் பிற இணையதளங்களுக்கு  மத்திய தகவல் மற்றும் ஒலிபரப்புத்துறை அமைச்சகம் அறிவுறுத்தியுள்ளது. பொதுமக்கள் நலன் கருதி இந்த முடிவு எடுக்கப்பட்டுள்ளதாகவும் விளக்கம் அளித்துள்ளது. இந்த அறிவுறுத்தலை மீறுவோருக்கு அபராதம் விதிக்கப்படும் என்றும் மத்திய தகவல் மற்றும் ஒலிபரப்புத்துறை அமைச்சகம் எச்சரிக்கைவிடுத்துள்ளது.

புதிய தேசியக் கல்விக் கொள்கை அரசியல் ரீதியாகவே எதிர்க்கட்சிகள் எதிர்ப்பதாக மத்திய கல்வித்துறை அமைச்சர் தர்மேந்திர பிரதான் குற்றம் சாட்டியுள்ளார். 

புதிய கல்விக் கொள்கையை அமல்படுத்த நடவடிக்கை:

புதுச்சேரி மாநில பாஜக தலைமை அலுவலகத்தில் கட்சி நிர்வாகிகளுடன் மத்திய கல்வித்துறை அமைச்சர் தர்மேந்திர பிரதான் ஆலோசனை நடத்தினார். பின்னர் செய்தியாளர்களிடம் பேசிய அவர், புதிய கல்விக் கொள்கையை முழுமையாக அமல்படுத்த மத்திய அரசு நடவடிக்கை எடுத்து வருகிறது என்றார்.

இதையும் படிக்க: அமைச்சர்களுக்கு வாய் கொழுப்பு அதிகம்...ஓசியை அனுபவிப்பவர்கள் ஓசியை பற்றி பேசுகிறார்கள்...  !

அரசுப் பள்ளிகளை சி.பி.எஸ்.சியாக மாற்ற நடவடிக்கை:

புதிய கல்விக் கொள்கையில் பல்வேறு முக்கிய அம்சங்கள் உள்ளதாகவும், உள்ளூர் மொழிகளில் பாடம் எடுக்கப்படும் என்றும் குறிப்பிட்டார். கொள்கை ரீதியாக அல்லாமல் அரசியல் ரீதியாகவே எதிர்க்கட்சிகள் எதிர்ப்பதாக கூறிய அமைச்சர் தர்மேந்திர பிரதான், புதுச்சேரியில் உள்ள அனைத்து அரசுப் பள்ளிகளும் சி.பி.எஸ்.சி பள்ளிகளாக தரம் உயர்த்த மத்திய அரசு நடவடிக்கை எடுக்கும் எனத் தெரிவித்தார்.