டெல்லி காவல்துறையின் விசாரணை முடியும் வரை மல்யுத்த வீரர்கள் பொறுமையாக இருக்க வேண்டும் என மத்திய விளையாட்டுத்துறை அமைச்சர் அனுராக் தாக்கூர் வேண்டுகோள் விடுத்துள்ளார்.

மல்யுத்த வீரங்கணைகளுக்கு பாலியல் தொல்லை கொடுத்ததாக பிரிஜ் பூஷண் சரண் சிங் மீது புகார் தெரிவித்ததையடுத்து, தன் மீது வீரர்கள் கொடுத்துள்ள புகார் உண்மை என நிரூபிக்கப்பட்டால் தூக்கில் தொங்க கூட தயார் என பிரிஜ் பூசணும், ஆதரம் இல்லாததால், அவரை கைது செய்ய முடியாத நிலையில் இருப்பதாக காவல்துறையும் கூறி வருகிறது. ஆனாலும், வீராங்கனைகள் தொடர்ந்து போராட்டங்களில் ஈடுபட்டு வருகின்றனர். 

இதையும் படிக்க : ”இனி கல்லூரிகளிலும் ஒரே பாடத்திட்டம், ஒரே நாளில் முடிவு” - பொன்முடி அறிவிப்பு!

இந்த நிலையில், வீரர்கள் சற்று பொறுமையாக இருக்க வேண்டும் எனவும், எவ்வித தீங்கு விளைவிக்கும் நடவடிக்கையும் எடுக்கக் கூடாது எனவும் மத்திய அமைச்சர் அனுராக் தாக்கூர் வேண்டுகோள் விடுத்துள்ளார். 

மல்யுத்த சம்மேளனத் தலைவரும், பாஜக எம்.பி.யுமான பிரிஜ் பூஷன் சரண் சிங் நீது புலியால் குற்றசாட்டு கூறி மல்யுத்த வீரர் வீராங்கனைகள் கடந்த ஒரு மாத காலமாக போராட்டத்தை மேற்கொண்டு வருகைன்றனர். நிலையில் தற்போது வரை பிரிஜ் பூஷன் சிங் கைது செய்யப்படாத நிலையில், புதிய பாராளுமன்ற கட்டடத்தின் திறப்புவிழாவானது வெகு விமரிசையாக நடைபெற்றது. அரசின் கவனத்தை ஈர்க்க மல்யுத்த வீரர்கள் புதிய பாராளுமன்ற கட்டடம் நோக்கி அமைதி பேரணியாக சென்றனர். அப்போது புதிய பாராளுமன்ற கட்டட திருப்பு விழா நிகழ்வின்போது எந்த வித இடையூறும் நீர்ந்துவிட கூடாது என்று, பாதுகாப்புக்காக நிறுத்தப்பட்டிருந்த காவல்துறையினர் அவர்களை குண்டுக்கட்டாக கைது செய்தனர். 

இந்நிலையில் பிரிஜ் பூஷன் சிங்கை கைது செய்யப்படாததாலும்,  தங்களுக்கான நியாயம் கிடைக்காமல் இருப்பதாலும், அதிருப்தியடைந்த மல்யுத்த வீரர்கள், தாங்கள் அட்டிற்காக அயராது உழைத்து ஆசையாக வாங்கிய பதக்கங்களை கங்கை ஆற்றில் வீசப்போவதாக அறிவித்தனர். 

அதன்படி அவர்கள் கங்கை ஆற்றில் தங்களது பதக்கங்களை வீசுவதற்காக சென்றனர்.  அப்போது ஹரித்துவார் மக்கள் அவர்களை சமாதானப்படுத்தி, அவர்கள் கடுமையாக  போராடி, நாட்டிற்கு பெருமை சேர்க்கும் விதமாக வாங்கிய பதக்கங்களை கங்கையில் வீசினால் மதிப்பிற்குரிய இரண்டு பதக்கங்களை நாடு இழந்து விடும் எனக்கூறி அவர்களுக்கு ஆறுதல் கூறி அந்த முடிவை கைவிடுமாறு கேட்டுக்கொண்டனர். இதனால் மல்யுத்த வீரர்கள் கண்களது முடிவை கைவிட்டனர். 

தற்போது அவர்களின் இந்த முடிவின் மாற்றத்தை பாஜக எம்பி. பிரிஜ் பூஷன் சிங் விமர்சித்துள்ளார். இது குறித்து அவர் கூறுகையில், " கங்கையில் பதக்கங்களை வீசுவது போல் சென்று, எதுவும் செய்யாமல் திரும்பியது போராட்ட உக்திகளில் ஒன்று ", என  தெரிவித்துள்ளார். மேலும், இந்நிலையில் புகார் குறித்து போலீசார் விசாரித்து வருவதாகவும், குற்றச்சாட்டில் உண்மை இருந்தால் டெல்லி போலீசார் தன்னை கைது செய்திருப்பர் எனவும் பிரிஜ் பூஷன் தெரிவித்துள்ளார். 

இதையடுத்து, போராட்டம் நடத்திய மல்யுத்த வீரர்களை கைது செய்ததற்கு உலக மல்யுத்த கூட்டமைப்பு கடும் கண்டனம் தெரிவித்துள்ளது.  புகார் தொடர்பான விசாரணையில் இதுவரை எந்த முடிவும் எட்டப்படாதது ஏமாற்றமளிப்பதாகவும், குற்றச்சாட்டு குறித்து முழுமையான மற்றும் பாரபட்சமில்லாத விசாரணை நடத்த வேண்டும் எனவும் வலியுறுத்தியுள்ளது. 

இதையும் படிக்க    | செங்கோல் கொடுத்ததற்கு ஆதாரம் இல்லை ; அது ஒரு கட்டுக்கதை - மூத்த பத்திரிகையாளர் பேச்சு.....

அதோடு, மல்யுத்த வீரர், வீராங்கனைகளின் நியாயமான கோரிக்கைகளுக்கு ஆதரவு அளிக்கப்படும் எனவும், அவர்களின் பாதுகாப்பு குறித்து உலக மல்யுத்த கூட்டமைப்பு மீண்டும் விசாரிக்கும் எனவும் கூறியுள்ளது. இந்திய ஒலிம்பிக் கமிட்டி மற்றும் இந்திய மல்யுத்த கூட்டமைப்புக்கு தேர்தல் நடத்தி உறுப்பினர்களை தேர்வு செய்ய 45 நாட்கள் கெடு விதித்துள்ள நிலையில், தவறினால் இடைநீக்கம் செய்ய நேரிடும் எனவும் எச்சரிக்கை விடுத்துள்ளது.

இதையும் படிக்க    | "2வது நாளாக ஆவின் பால் விநியோகம் பாதிப்பு" காரணம் என்ன?

மேகதாது திட்டத்தை அமல்படுத்துவதற்கான நடவடிக்கைகளை மேற்கொள்ள அதிகாரிகளுக்கு கர்நாடக துணை முதலமைச்சர் டிகே சிவக்குமார் உத்தரவிட்டுள்ளார்.

பெங்களூருவின் குடிநீர் தேவைகளை பூர்த்தி செய்ய காவிரி ஆற்றின் துணை ஆறான மேகதாதுவில் அணை கட்டுவதற்கு கர்நாடக அரசு முடிவெடுத்தது. இதற்காக மத்திய அரசின் ஒப்புதலை பெறும் முயறசியில் கர்நாடக அரசு அதிகாரிகள் ஈடுபட்டுள்ளனர். இதற்கு தமிழ்நாட்டு மக்களிடையே கடும் எதிர்ப்பு எழுந்தது. இருந்தும் கூட கடந்த ஆண்டு கர்நாடக நிதிநிலை அறிக்கையில் மேகதாது திட்டத்தை செயல்படுத்த1000 கோடி ரூபாய் ஒதுக்கீடு செய்யப்படுவதாக கர்நாடக அரசு அறிவித்தது. 

இந்நிலையில், மேகதாது திட்டத்தை அமல்படுத்துவதற்கான நடவடிக்கைகளை மேற்கொள்ள அதிகாரிகளுக்கு கர்நாடக துணை முதலமைச்சர் டிகே சிவக்குமார்  உத்தரவிட்டுள்ளார்.  நேற்று பெங்களூருவில் நீர்ப்பாசனத்துறை உயர் அதிகாரிகளுடன் ஆலோசனை மேற்கொண்ட அவர், கர்நாடக அரசின் நீர்ப்பாசன திட்டங்களுக்கு மத்திய அரசின் அனுமதியை பெற அதிகாரிகள் முயற்சி செய்ய வேண்டும் எனவும்,  மேகதாது திட்டங்களை முன்னுரிமை அடிப்படையில் அமல்படுத்த நடவடிக்கை எடுக்க வேண்டுமெனவும் வலியுறுத்தினார். மேலும் இத்திட்டத்திற்கு ஆக்கப்பூர்வமான பணிகளை மேற்கொள்ள தீவிரமாக உழைக்க வேண்டும் எனவும் தெரிவித்துள்ளார்.  

இதையும் படிக்க:அடுத்தக்கட்ட ஆளுமைகள்!

இந்திய மல்யுத்த வீரர்களும் வீராங்கணைகளும் தாங்கள் பெற்ற பதக்கங்களை கங்கையில் வீசும் போராட்டத்தை விவசாயிகளின் பேச்சுவார்த்தையை அடுத்து தற்காலிகமாக கைவிட்டுள்ளனர்.

இந்திய மல்யுத்தக் கூட்டமைப்பின் முன்னாள் தலைவரும் பாஜக எம்பியுமான பிரிஜ் பூஷன் மல்யுத்த வீராங்கணைகளுக்கு பாலியல் தொல்லை கொடுத்ததாக புகார் எழுந்தது. இதனையடுத்து அவர் மீது நடவடிக்கை எடுக்கக் கோரி முன்னணி மல்யுத்த வீராங்கணைகளான வினேஷ் போகத், சாக்‌ஷி மாலிக், சங்கீதா புனியா மற்றும் மல்யுத்த வீரர் பஜ்ரங் புனியா உள்ளிட்டோர் டெல்லி ஜந்தர் மந்தரில் கடந்த 38 நாட்களாக போராட்டம் நடத்தி வந்தனர்.

இவர்களின் கோரிக்கைகளுக்கு மத்திய அரசு செவி சாய்க்காத நிலையில் கடந்த 27 ஆம் தேதி நாடாளுமன்ற  புதிய கட்டடம் நோக்கி பேரணி நடத்தினர். இதையடுத்து அவர்களை  போலீசார் தடுத்து நிறுத்தி கைது செய்ததுடன் வழக்கு பதிவு செய்த சம்பவம் பெரும் சர்ச்சையை கிளப்பியது. இதற்கு கடும் எதிர்ப்பு தெரிவித்த மல்யுத்த வீராங்கனைகள், நாட்டிற்காக விளையாடி வென்ற பதக்கங்களை கங்கையில் வீசப்போவதாக அறிவிப்பு வெளியிட்டனர்.

இந்த நிலையில் பதக்கங்களை கங்கையில் வீசுவதற்காக உத்தரகாண்ட் மாநிலம் ஹரித்துவார் கங்கை நதி ஓரத்தில்  பாதிக்கப்பட்ட மல்யுத்த வீரர் வீராங்கனைகள் திரண்டதால் பெரும் பரபரப்பு நிலவியது. ஆனால் அங்கு நுற்றுக்கணக்கான போலீசார் குவிக்கப்பட்டு சுற்றி வளைக்கப்பட்டுள்ளதால் அங்கு பெரும் பதற்றம் நிலவியது.  அதிகாரிகள் அவர்களுடன் பேச்சுவாரத்தையில் ஈடுபட்ட அதே நேரத்தில் அவர்களை கைது செய்யும் நடவடிக்கையை போலீசார் மேற்கொண்டனர். 

இதனிடையே, மல்யுத்த வீரர்கள் கூடியிருந்த இடத்திற்கு வந்த விவசாய சங்க தலைவர் நரேஷ் தியாகத் அவர்களுடன் பேச்சு வார்த்தை நடத்தினார். அப்போது, மல்யுத்த வீரர்களின் கோரிக்கை குறித்து விவாதிக்க ஐந்து  நாட்கள் கால அவகாசம் கோரினார். இதனை வீரர்கள் ஏற்றுக் கொண்டு போராட்டத்தை தற்காலிகமாக ஒத்தி வைத்தனர். இதனையடுத்து அவர்களிடமிருந்த பதக்கங்களை நரேஷ் தியாகத்  சேகரித்து எடுத்துச் சென்றார். உத்தர பிரதேசத்தை சேர்ந்த நரேஷ் திகாயத் பாஜகவின் விவசாயிகள் சங்கமான பாரதிய விவசாயிகள் சங்கத்தின் தலைவர் என்பது குறிப்பிடத்தக்கது.

இதையும் படிக்க:அடுத்தக்கட்ட ஆளுமைகள்!

டெல்லி பல்கலைக்கழகத்தி்ல் சாவர்க்கரின் வரலாறு பாடமாக கொண்டுவரப்பட உள்ளது.

டெல்லி பல்கலைக்கழகத்தில் ஆர்.எஸ்.எஸ் முன்னாள் தலைவர் சாவர்க்கரின் வரலாறை, பாடமாக இணைக்க அகடமிக் கவுன்சில் ஒப்புதல் அளித்துள்ளது. அதன்படி இளநிலை பட்டப்படிப்பு படிக்கும் மாணவர்களுக்கான ஆறாவது பருவத் தேர்வில், அரசியல் அறிவியல் பிரிவில் சாவர்க்கர் பற்றிய பாடம் இணைக்கப்படுவதாக தெரிவிக்கப்பட்டுள்ளது. 

முன்னதாக உருது கவிஞர் முகமது இக்பாலின் பாடத்தை நீக்கி அந்த இடத்தில் சாவர்க்கரின் பாடம் இணைக்கப்பட்டுள்ளது குறிப்பிடத்தக்கது. இந்நிலையில் "75 ஆண்டுகளாக இக்பாலின் பாடம் கற்பிக்கப்பட்டு வந்தது ஏன் எனத் தெரியவில்லை" என பல்கலைக்கழக துணைவேந்தர் யோகேஷ் சிங் தெரிவித்துள்ளார். முகமது இக்பால் இந்துஸ்தானின் கீதம் உள்ளிட்ட பல்வேறு உருது கவிதைகளை எழுதியவர் என்பது குறிப்பிடத்தக்கது. 

இதையும் படிக்க:"83 மதிப்பெண்ணுக்கும் 84 மதிப்பெண்ணுக்கும் ஒரு நூற்றாண்டு வித்தியாசம்" விளக்கமளித்த இளம் பெண்..! வாழ்த்திய முதலமைச்சர்..!!