வடகிழக்கு மாநிலங்களில் ஒன்றான அசாமில் கடந்த சில நாட்களாக பலத்த மழை பெய்து வருகிறது.

சாசர், கரிம்கஞ்ச், நாகோன், திமா கசாவோ உள்ளிட்ட 7 மாவட்டங்களில் கடுமையான மழை கொட்டி வருகிறது. இதனால் தாழ்வான பகுதிகளில் வெள்ளம் சூழ்ந்துள்ளதால் மக்களின் இயல்பு வாழ்க்கை பாதிக்கப்பட்டுள்ளது.

அங்குள்ள மலைப்பாங்கான மாவட்டமான திமா கசாவோவில் பல இடங்களில் நிலச்சரிவு ஏற்பட்டுள்ளது. இந்த வெள்ளத்தில் மூழ்கி பல கிராமங்கள் நீரில் மிதக்கின்றன. வெள்ளம் சூழ்ந்த பகுதியிலுள்ள மக்களை ரப்பர் படகுகள், ஹெலிகாப்டர்கள் மூலம் மீட்கும் பணி தொடர்ந்து வருகிறது. 

இந்நிலையில் இந்த வெள்ளத்தில் சிக்கி பலியானோர் எண்ணிக்கை 18 ஆக அதிகரித்துள்ளது. மேலும், 7.11 லட்சம் மக்கள் வெள்ளம் மற்றும் நிலச்சரிவால் பாதிக்கப்பட்டுள்ளதாக தகவல் வெளியாகியுள்ளது.

மேலும், மழை வெள்ளத்தாலும் நிலச்சரிவினாலும் பாதிக்கப்பட்ட கட்டிடங்களிலிருந்து மக்களை மீட்க கூடிய பணிகளை பேரிடர் மீட்பு குழுவினர் ஈடுபட்டு வருகின்றனர்.

டெல்லியில் வசந்த் விஹார் பகுதியில் உள்ள அடுக்கு மாடி குடியிருப்பில் மஞ்சு என்பவர் தனது இரண்டு மகள்களுடன் வசித்து வந்தார்.

இந்தநிலையில்  இன்று நீண்ட நேரமாக அவர்கள்  வீட்டிலிருந்து வெளியே வரததால் அக்கம்பக்கத்தினர் சென்று பார்த்த போது வீடு தாழிடப்பட்டிருந்ததுடன் ஜன்னல்கள் அனைத்தும் பாலிதீன் கவரால் மூடப்பட்டிருந்தது. இதனால் சந்தேகம் அடைந்து காவல்துறைக்கு தகவல் அளிக்கப்பட்டது.

விரைந்து வந்த போலீசார் கதவை உடைத்து உள்ளே சென்ற போது  கதவு அருகிலேயே சில குறிப்புத் தாள்கள் கிடந்தன. அதில் வீடு முழுக்க கார்பன் மோனாக்சைடு என்னும் விஷவாயு பரப்பி  தாங்கள் தற்கொலை செய்து கொண்டதாகவும்,  இது எளிதில் தீப் பிடிக்கும் என்பதால் கவனமாக உள்ளே வரவும் என எழுதியிருந்தது.

இதனால் அதிர்ச்சி அடைந்த காவல்துறையினர் தகுந்த பாதுகாப்புடன் உள்ளே சென்று பார்த்தபோது தாயும் மகள்களும் இறந்து கிடந்தனர். 

அவர்களின் உடல்கள கைப்பற்றி  பொலீசார் நடத்திய விசாரணயைில் வீட்டிற்குள் நிலக்கரியை தீ வைத்துக் கொளுத்தி, சமையல் எரிவாயுவை திறந்து வைத்ததால் உருவான கார் மோனாக்சைடை சுவாசித்து  தற்கொலை செய்து கொண்டது தெரிய வந்துள்ளது.

எனினும் தற்கொலைக்கான காரணம் குறித்து காவல்துறையினர் விசாரணை நடத்தி வருகின்றனர்.

முன்னாக கடந்த 2018 ஆம் ஆண்டு  டெல்லி புராரி பகுதியில் ஒரே குடும்பத்தைச் சேர்ந்த 11 பேர் தற்கொலை செய்து கொண்டனர். அந்த வரிசையில் தற்போது நச்சு வாயு புகை மூலம் தாய், இரு மகள்கள் தற்கொலை செய்து கொண்டுள்ள சம்பவம் பெரும் அதிர்ச்சியை ஏற்படுத்தியுள்ளது.

ரத்லம் மாவட்டத்தைச் சேர்ந்த பன்வர்லால் ஜெயின் என்ற 65 வயது முதியவர் காணாமல் போனதாக வந்த புகாரை அடுத்து அவரை தேடி வந்த போலீசார், நீமுச் என்கிற பகுதியில் அவரது உடலை சடலமாக கண்டறிந்தனர். அவர் மனநலம் பாதிக்கப்பட்டவர் என கூறப்படுகிறது.

இதைத்தொடர்ந்து பன்வர்லாலுக்கு அவர்தம் குடும்பத்தினர் இறுதிச்சடங்கு செய்த நிலையில், சமீபத்தில் வைரலான வீடியோவைக் கண்டு அதிர்ச்சியடைந்தனர். அதில் பாஜக தொண்டர் தினேஷ் குஷ்வாஹா என்பவர், பன்வர்லாலிடம், உன் பெயர் முகமது தானே எனக்கேட்டு தொடர்ந்து கடுமையாக தாக்குவது பதிவாகியிருந்தது. 

இதன் பின்னரே பன்வர்லால் உயிரிழந்ததும் தெரிய வந்தது. இந்நிலையில் அவரின் குடும்பத்தினர் அளித்த புகாரின் பேரில் தினேஷ் குஷ்வாஹா கைது செய்யப்பட்டார். இந்த சம்பவத்துக்கு கண்டனம் தெரிவித்து மத்தியப்பிரதேசத்தில் எதிர்கட்சிகள் பாஜகவை கடுமையாக சாடி வருகின்றனர்.

பீகார் மாநிலத்தில் கடந்த வியாழக்கிழமை தொடங்கி கனமழை வெளுத்து வாங்கி வருகிறது. இதனால் ஏற்பட்ட வெள்ளப்பெருக்கால் பாட்னா, கத்தியார்  உள்ளிட்ட 16 மாவட்டங்கள் கடுமையாக பாதிக்கப்பட்டுள்ளன.

பலரது வீடுகள் சேதமடைந்துள்ளதுடன், ஆயிரம் ஹெக்டேர் பரப்பளவிலான விளைநிலங்களும் வெள்ள நீரில் மூழ்கியுள்ளன. மின்னல் தாக்கியும், வெள்ள பாதிப்பில் சிக்கியும் இதுவரை 34 பேர் உயிரிழந்துள்ளனர்.

உயிரிழந்தவர்களின் குடும்பத்தினருக்கு தலா 4 லட்சம் ரூபாய் நிதியுதவி வழங்க முதலமைச்சர் நிதீஷ் குமார் உத்தரவிட்டுள்ளார். மேலும், வெள்ள பாதிப்பு குறித்து முழுமையாக ஆய்வு மேற்கொண்டு, பயிர்கள் மற்றும் வீடுகள் சேதத்திற்கு உரிய இழப்பீடு வழங்கப்படும் என முதலமைச்சர் உறுதியளித்துள்ளார்.

அண்மை காலமாக சமையல் எரிவாயு சிலிண்டரின் விலை தொடர்ந்து அதிகரித்து வருகிறது. இந்த மாதத்தில் மட்டும் 2 முறை சமையல் எரிவாயு சிலிண்டர் விலை உயர்த்தப்பட்டது. அதன்படி சென்னையில் வீட்டு உபயோகத்திற்கான சமையல் கேஸ் சிலிண்டரின் விலை 3 ரூபாய் உயர்ந்து 1 ஆயிரத்து 18 ரூபாய் 50 காசுக்கு விற்பனையாகிறது. இதனால், இல்லத்தரசிகள் கடும் இன்னலுக்கு ஆளாகியுள்ளனர்.   

இந்த விலை உயர்வுக்கு கடும் கண்டனம் தெரிவித்து வரும் எதிர்க்கட்சிகள், சிலிண்டர்களுக்கான மானியத்தை மத்திய அரசு நிறுத்தியதே விலை ஏற்றத்துக்கு காரணம் என குற்றம்சாட்டின.

இந்நிலையில், இந்த ஆண்டு "பிரதம மந்திரி உஜ்வாலா யோஜனா" திட்டத்தின் கீழ் 9 கோடி பயனாளர்களுக்கு வருடத்திற்கு தலா 12 சிலிண்டர் எனும் வீதம் ஒவ்வொரு சிலிண்டருக்கும் 200 ரூபாய் மானியம் வழங்கப்படும் என மத்திய நிதியமைச்சர் நிர்மலா சீதாராமன் அறிவித்துள்ளார்.

இதற்கு வரவேற்பு தெரித்துள்ள பிரதமர் மோடி, உஜ்வாலா யோஜனா திட்டம் கோடிக்கணக்கான இந்தியர்களுக்கு, குறிப்பாக பெண்களுக்கு உதவியுள்ளது என்றும் உஜ்வாலா மானியம் குறித்த முடிவு குடும்ப பட்ஜெட்டை பெரிதும் எளிதாக்கும் என்றும் பெருமிதத்துடன் குறிப்பிட்டுள்ளார்.