பாலியல் வன்கொடுமையாளர்களை பாதுகாக்கும் கீழ்த்தரமான அரசியலைச் செய்ய வெட்கமாக இல்லையா என பிரதமர் மோடியை நோக்கி காங்கிரஸ் மூத்த தலைவர் ராகுல்காந்தி கேள்வியெழுப்பியுள்ளார்.

பில்கிஸ் பனோ வழக்கு:

கடந்த 2002ம் ஆண்டு நடைபெற்ற குஜராத் கலவரத்தில், 5 மாத கர்ப்பிணியாக இருந்த பில்கிஸ் பனோ என்ற இஸ்லாமியப்பெண் கூட்டு பாலியல் வன்கொடுமைக்கு உள்ளாக்கப்பட்டு 3 வயது குழந்தை உள்பட 7 பேர் கொல்லப்பட்டனர். இதில் குற்றம் சாட்டப்பட்ட 11 பேரையும் 15 ஆண்டுகால சிறை வாசத்துக்குப்பின் குஜராத் அரசு சமீபத்தில் விடுவித்தது.

அறிக்கை வெளியிட்ட பெண்:

தொடர்ந்து, விடுதலை ஆன  11 பேருக்கும் அவரவர்  குடும்பத்தார் ஆரத்தி எடுத்து வரவேற்கப்பட்ட நிலையில், நீதித்துறை மீதான தனது நம்பிக்கை அசைக்கப்பட்டு விட்டதாக பில்கிஸ் பனோ அறிக்கை வெளியிட்டார்.

மேலும் படிக்க: https://www.malaimurasu.com/posts/india/Congress-does-black-magic-for-victory-PM-reviews

சர்ச்சைக்கருத்து:

இந்நிலையில் விடுதலை முடிவை முன்மொழிந்த பரிந்துரைக் குழுவில் இடம்பெற்ற சி.கே.ராவோல்ஜி என்ற பாஜக எம்எல்ஏ, 11 பேரும் பிராமணர்கள் என்பதால் நல்லவர்கள் என சர்ச்சைக்கருத்து வெளியிட்டார். 

ராகுல் விமர்சனம்:

இதைத்தொடர்ந்து உன்னாவ் வன்புணர்வு வழக்கில் குற்றவாளியான பாஜக எம்எல்ஏ ஆதரிக்கப்பட்டதையும், கத்துவாவில் 8 வயது சிறுமி கொல்லப்பட்ட வழக்கில் வன்புணர்வாளர்களை ஆதரித்து பேரணி சென்றதையும் ராகுல்காந்தி தனது ட்விட்டர் பக்கத்தில் நினைவு கூர்ந்துள்ளார். மேலும், தற்போது ”கூட்டு பாலியல் வழக்கில் கைதான 11 பேர் உச்சபட்ச மரியாதையுடன் விடுவிக்கப்பட்டதாகவும்,  வன்புணர்வாளர்களை காப்பதுமே பாஜகவின் வேலையா? ” எனவும் கேள்விகளை எழுப்பி அவர் குற்றம் சாட்டியுள்ளார். ஏற்கனவே, பாஜக மீது மத அரசியல் செய்வதாக குற்றச்சாட்டு எழுந்து வரும் நிலையில், தற்போது பாஜக எம்.எல்.ஏ, பிராமணர்கள் என்றாலே நல்லவர்கள் என்று கூறியிருப்பது அரசியல் வட்டாரங்களில் பெரும் சர்ச்சையை ஏற்படுத்தி வருகிறது.

उन्नाव- भाजपा MLA को बचाने का काम
कठुआ- बलात्कारियों के समर्थन में रैली
हाथरस- बलात्कारियों के पक्ष में सरकार
गुजरात- बलात्कारियों की रिहाई और सम्मान!

अपराधियों का समर्थन महिलाओं के प्रति भाजपा की ओछी मानसिकता को दर्शाता है।

ऐसी राजनीति पर शर्मिंदगी नहीं होती, प्रधानमंत्री जी?

— Rahul Gandhi (@RahulGandhi) August 18, 2022

மணீஷ் சிசோடியா

டெல்லியில் ஜி.என்.சி.டி.டி. சட்டம், தொழில் பரிவர்த்தனை விதி, டெல்லி உற்பத்தி வரி சட்டம், டெல்லி உற்பத்தி வரி ஆகியன முற்றிலுமாக மீறப்பட்டுள்ளதாக, அண்மையில் தலைமைச் செயலர் புகார் அளித்திருந்தார். குறிப்பாக உற்பத்தி வரித்துறைக்கு பொறுப்பு வகிக்கும் துணை முதல்வர் மணீஷ் சிசோடியா, முறையற்ற வகையில் மதுபான லைசென்ஸ் வழங்குவதில் சலுகைகள் காட்டியதாகவும், இதனால் அரசுக்கு வருவாய் இழப்பு ஏற்பட்டுள்ளதாகவும் தெரிவிக்கப்பட்டது.

டெல்லி

மேலும் சிசோடியாவின் புதிய விதி நடைமுறைக்கு பாஜக, காங்கிரஸ் கடும் எதிர்ப்பு தெரிவித்து துணைநிலை ஆளூநரிடம் புகார் அளித்தன.  அதன்பேரில் இந்த விவகாரத்தில் சிபிஐ விசாரணை நடத்த  துணை நிலை ஆளுநர் வினய் குமார் சக்சேனா பரிந்துரை செய்திருந்தார். இதனால் அவரது வீட்டில் எந்நேரமும் சிபிஐ சோதனை நடத்த கூடும் என டெல்லி முதலமைச்சர் கெஜ்ரிவால் கூறியிருந்தார்.

சிபிஐ சோதனை

இந்த நிலையில் இன்று காலை, மணிஷ் சிசோடியா வீட்டில் சிபிஐ சோதனையை தொடங்கியுள்ளது. இதுதவிர மேலும் 3 அரசு அதிகாரிகளுக்கு சொந்தமான இடங்கள் உள்பட 21 இடங்களில் சோதனை நடைபெற்று வருகிறது. மதுபான உரிமம் வழங்குவதில் முறைகேடு நடைபெற்றது தொடர்பாக இந்த சோதனை நடைபெறுவதாகவும் கூறப்பட்டுள்ளது. 

கெஜ்ரிவால் கண்டனம்

இதற்கிடையே சோதனை நடைபெற்று வருவதை விமர்சித்து டுவிட் செய்துள்ள முதல்வர் கெஜ்ரிவால், டெல்லியின் உயர்தர கல்வி மாடலையும், அதன் அமைச்சரையும் பாராட்டி அமெரிக்க நாளிதழின் முகப்பு பக்கத்தில் இன்று கட்டுரை வெளியாகி உள்ளதாக குறிப்பிட்டார். உலக அரங்கில் இந்தியாவை பெருமை அடைய செய்த டெல்லி அமைச்சரின் வீட்டில்  சிபிஐ இந்த சோதனையை நடத்தி வருவதாகவும் அவர் கூறியுள்ளார். 

பீகார் முதலமைச்சராக 8வது முறையாக பொறுப்பேற்ற பின்பு ராஷ்டிரிய ஜனதா தளம் தலைவர் லாலு பிரசாத் யாதவை முதன் முறையாக சந்தித்தார் நிதிஷ் குமார்.

2020 பீகார் தேர்தல்:

பீகாரில் 2020ஆம் ஆண்டு நடைபெற்ற சட்டசபை தேர்தலில், பாஜக - ஐக்கிய ஜனதா தளம் கூட்டணி அமைத்து தேர்தலை எதிர்கொண்டன. இதில் பாஜக 77 இடங்களிலும், ஜனதா தளம் 45 இடங்களிலும் வெற்றி பெற்றன. எனினும், தேர்தலுக்கு முந்தைய ஒப்பந்தப்படி ஐக்கிய ஜனதா தளம் கட்சித் தலைவர் நிதிஷ்குமார் முதலமைச்சராக பதவியேற்றார்.

பாஜகவுடனான உறவு முறிவு:

கட்சியை பலவீனப்படுத்துவதற்கு பாஜக முயற்சித்து வருவதாக குற்றம்சாட்டி வந்த ஐக்கிய ஜனதா தளம், மத்திய அரசின் பல்வேறு கூட்டங்களை புறக்கணித்தது. அதேபோல் பிரதமர் மோடியுடனான சந்திப்பையும் கடந்த சில மாதங்களாக நிதிஷ் குமார் தவிர்த்து வந்தார். இதன்பின்னர் பாஜகவுடன் தொடர்ச்சியாக கருத்து முரண்பாடு நிலவி வந்த நிலையில், அக்கட்சியுடனான கூட்டணியை முறித்துக் கொண்டார் நிதிஷ்குமார்.

மகாகத்பந்தன் கூட்டணி:

பாஜகவுடனான கூட்டணியை முறித்துக்கொண்ட நிதிஷ்குமார், ராஷ்டிரிய ஜனதா தளம் மற்றும் காங்கிரஸ் மற்றும் சில உள்ளூர் கட்சிகளுடனான மகாகத்பந்தன் கூட்டணியில் மீண்டும் இணைந்து ஆட்சியை தக்க வைத்தார். அதன்பின் பீகார் மாநிலத்தில் 8-வது முறையாக முதலமைச்சராக நிதிஷ்குமார் பதவியேற்றுக் கொண்டார். அதனைத்தொடர்ந்து, ராஷ்டிரிய ஜனதா தளத்தின் தேஜஸ்வி யாதவ் துணை முதலமைச்சராக பதவியேற்றுக் கொண்டார். 

மேலும் படிக்க: வெற்றி பெறுமா மகாகத்பந்தன் 2.0?

நிதிஷ்-லாலு சந்திப்பு:

பாஜகவில் இருந்து பிரிந்து லாலு யாதவின் ஆர்.ஜே.டியுடன் இணைந்து ஆகஸ்டு 10ம் தேதி முதலமைச்சராக பதவியேற்ற பின்பு நேற்று இரவு லாலுவும் நிதிஷ் குமாரும் சந்தித்துள்ளனர்.  இந்த சந்திப்பின் போது துணை முதலமைச்சர் தேஜஸ்வி யாதவும் அவரது தாயாரும் முன்னாள் பீகார் முதலமைச்சருமான ராப்ரி தேவி சகோதரர் தேஜ் பிரதாப் யாதவ் ஆகியோரும் உடனிருந்தனர்.

ஒன்றாக இருக்கிறோம்:

சந்திப்பு முடிந்த பின்னர் செய்தியாளர்களை சந்தித்த நிதிஷ் குமார் ”நாங்கள் ஒன்றாக இருக்கிறோம்.  பல ஆண்டுகளாக ஒன்றாக இருக்கிறோம்.  எங்களுக்குள் பழைய உறவு உள்ளது.  இது புதியது அல்ல” என லாலுவுடனான உறவு குறித்து பேசியுள்ளார்.

மேலும் பாஜக குறித்த கேள்விகளுக்கு பதிலளிக்க விருப்பமில்லை என கூறிய நிதிஷ் “இப்போது அவர்கள் மனதில் தோன்றியதை பேசுவார்கள்.  அவர்கள் எதையும் சொல்லலாம்.  அதைக் குறித்து கவலையில்லை.  இனி இந்த அரசாங்கத்தின் கீழ் இன்னும் அதிகமான பணிகள் சிறப்பாக நடைபெறும்”  என தெரிவித்துள்ளார்.

இதையும் படிக்க:  ”ஒரு அடி நீள ஜடை உள்ளவர்கள் அறிவாளியாக முடியாது”- பாஜகவிற்கு பீகார் துணை முதலமைச்சர் பதிலடி

கிருஷ்ண ஜெயந்தி

ஒவ்வொரு ஆண்டும் ஆவணி மாதத்தில் வரக்கூடிய தேய்பிறை அஷ்டமி திதி அன்று கிருஷ்ண ஜெயந்தி விழா கொண்டாடுவது வழக்கம். அந்த வகையில், இந்த ஆண்டுக்கான கிருஷ்ண ஜெயந்தி விழா இன்று வெகு சிறப்பாகக் கொண்டாடப்படுகிறது. இதனையொட்டி, உத்தரப்பிரதேச மாநிலத்தில் கிருஷ்ணர் பிறந்த இடமாக கருதப்படும் மதுராவில் கொண்டாட்டம் களைகட்டியுள்ளது. அங்குள்ள கிருஷ்ணர் கோயில் மின்விளக்குகளால் அலங்கரிக்கப்பட்டு மின்னொளியில் ஜொலிக்கிறது. இரவு முதலே மதுராவில் குவிந்து வரும் ஆயிரக்கணக்கான பக்தர்கள், சிறப்பு வழிபாட்டில் பங்கேற்று பக்தி பாடல்களை பாடியும் ஆடியும் கிருஷ்ண ஜெயந்தி விழாவை கொண்டாடி வருகின்றனர்.

தலைவர்கள் வாழ்த்து

இதனிடயே, கிருஷ்ண ஜெயந்தியையொட்டி தமிழக ஆளுநனர் ஆர்.என்.ரவி, எதிர்க்கட்சி தலைவர் எடப்பாடி பழனிசாமி உள்ளிட்டோர் வாழ்த்து தெரிவித்துள்ளனர்.  தமிழக ஆளுநர் ஆர்.என்.ரவி வெளியிட்டுள்ள வாழ்த்து செய்தியில், கிருஷ்ண ஜெயந்தி நன்னாளில் உலகின் வழிகாட்டியாகப் பரிணமிக்கவுள்ள நம் தேசத்தின் விழுமிய இலட்சியத்தை நிறைவேற்றுவதற்கு, நம்மால் இயன்ற அனைத்தையும் செய்வதற்கு, நாம் அனைவரும் நம்மை அர்ப்பணிப்போம் என்று தெரிவித்துள்ளார். 

எதிர்க்கட்சி தலைவர் எடப்பாடி பழனிசாமி வெளியிட்டுள்ள வாழ்த்து செய்தியில், கீதையில் கண்ணன் உரைத்த உபதேசத்தை மனதில் கொண்டு அனைத்து மக்களின் நன்மைக்கு உழைப்போம் என்று கிருஷ்ணஜெயந்தி நன்னாளில் அனைவரும் உறுதியேற்போம் என குறிப்பிட்டுள்ளார்.

இதேபோல், அமமுக பொதுச் செயலாளர் டிடிவி தினகரன், சசிகலா மற்றும்  புதுச்சேரி துணைநிலை ஆளுநர் தமிழிசை சவுந்தரராஜன் உள்ளிட்ட பல்வேறு அரசியல் கட்சி தலைவர்களும் கிருஷ்ண ஜெயந்தி வாழ்த்து தெரிவித்துள்ளனர்.

ஆந்திரா,தெலுங்கானா, மகாராஷ்டிரா மாநிலங்களில் கடந்த ஜூலை 15-ம் தேதி முதல்  பெய்த கனமழையால் கிழக்கு கோதாவரி ஆற்றில் வெள்ள பெருக்கு ஏற்பட்டது. இதனால் ஆந்திரா மாநிலம், கோதாவரி ஆற்றங்கரை பகுதியில் உள்ள புதுச்சேரி யூனியன் பிரதேசத்தின், ஏனாம் பகுதிகளில் வெள்ளம் கரைபுரண்டு ஓடியது. 7 நாட்களாக வெள்ளநீர் சூழ்ந்ததால் பொதுமக்கள் பெரிதும் பாதிக்கப்பட்டனர்.

இந்த நிலையில் மீண்டும் ஆந்திரா,தெலுங்கானா மாநிலங்களில் கனமழை பெய்து வருகிறது. இதன் காரணமாக கோதாவரி ஆற்றில், தற்போது 15 லட்சம் கனஅடி நீர் வந்து கொண்டிருக்கிறது. இதனால் மீண்டும் வெள்ள பெருக்கு ஏற்பட்டுள்ளது. இந்நிலையில், ஏனாமின் தாழ்வான பகுதிகளான பாலயோகி நகர், குரு கிருஷ்ணாபுரம், கோன வெங்கட்ட ரத்னம் நகர், அய்யன்னா நகர், பரம்பேட்டா, பிரான்ஸ்டிப்பா, ராஜுவ் நகர் ஆகிய பகுதிகளில் உள்ள வீடுகளில் வெள்ள நீர் சூழ்ந்து உள்ளது. தொடர்ந்து ஆற்றில் வெள்ளப்பெருக்கு அதிகரித்து வருவதால் பொதுமக்கள் பாதுகாப்பான இடங்களுக்கு அழைத்துச் செல்லப்பட்டு முகாமில் தங்க வைக்கப்பட்டுள்ளனர்.