.png)
உலகின் 20 முக்கிய வளர்ந்து வரும் நாடுகளின் அமைப்பான ஜி-20 அமைப்பின் தலைமைப் பொறுப்பை இந்தியா சமீபத்தில் ஏற்றது. ஜி-20 உச்சி மாநாடு இந்தியாவில் செப்டம்பர் 2023 இல் நடைபெறும். இதற்கான ஏற்பாடுகளை இறுதி செய்ய பிரதமர் நரேந்திர மோடி தலைமையில் அனைத்துக் கட்சிக் கூட்டம் நேற்று நடைபெற்றது.
இதன் போது அரசியல் கட்சிகளின் முக்கிய தலைவர்கள் அனைவரையும் பிரதமர் ஒவ்வொருவராக சந்தித்து பேசினார். இதில் காங்கிரஸ் தலைவர் மல்லிகார்ஜுன் கார்கே முதல் ஆம் ஆத்மி கட்சியின் அரவிந்த் கெஜ்ரிவால் வரை இருந்தனர் என்பது குறிப்பிடத்தக்கது. இந்த கூட்டத்தில் வெளிவந்துள்ள புகைப்படங்களில், தலைவர்கள் பிரதமர் மோடியுடன் செலவிடும் தருணங்களைப் பார்க்கலாம்.
மல்லிகார்ஜுன் கார்கேவுடன்:
காங்கிரஸ் தலைவர் மல்லிகார்ஜுன கார்கேவிடம் பிரதமர் மோடி கலந்துரையாடினார்.
எதிர்க்கட்சி தலைவருடன்:
ஜி20 மாநாட்டில் பிரதமர் நரேந்திர மோடியுடன் இடதுசாரி கட்சித் தலைவர் சீதாராம் யெச்சூரியும் கலந்து கொண்டார். உரையாடலின் போது, இருவரும் சிரித்துக் கொண்டிருந்தனர்.
அரவிந்த் கெஜ்ரிவால் மற்றும் மமதா பானர்ஜியுடன்:
குஜராத் தேர்தலில் பாஜகவுக்கு சவால் விட்ட ஆம் ஆத்மி கட்சியின் ஒருங்கிணைப்பாளர் அரவிந்த் கெஜ்ரிவால், பிரதமர் மோடியை கைகூப்பி வரவேற்றார். அவருடன் மேற்கு வங்க முதலமைச்சர் மமதா பானர்ஜியும் உடனிருந்தார்.
மமதா பானர்ஜி மற்றும் ஜெகன் மோகன் ரெட்டியுடன்:
ஜி 20 கூட்டத்திற்கு முன், வங்காள முதலமைச்சர் மமதா பானர்ஜி மற்றும் ஆந்திரப் பிரதேச முதலமைச்சர் ஜெகன் மோகன் ரெட்டி ஆகியோர் பிரதமர் மோடியுடன் ஆழமாக கலந்துரையாடினர்.
மு.க.ஸ்டாலினுடன்:
ஜி20 மாநாட்டையொட்டி, தமிழ்நாடு முதலமைச்சர் மு.க.ஸ்டாலினுடன் பிரதமர் மோடி உரையாடினார்.
ஏக்நாத் ஷிண்டேவுடன்:
இந்த சந்திப்பின் போது மகாராஷ்டிர முதலமைச்சர் ஏக்நாத் ஷிண்டே பிரதமர் மோடியுடன் ஆலோசனை நடத்தினார். மகாராஷ்டிராவில் பாஜகவுடன் சிவசேனாவின் ஷிண்டே அணி கூட்டணி வைத்துள்ளது.
சந்திரபாபு நாயுடுவுடன்:
இந்த சந்திப்பின் போது தெலுங்கு தேசம் கட்சி தலைவர் சந்திரபாபு நாயுடு பிரதமர் மோடியை கைகூப்பி வரவேற்றார். அவருடன் பிரதமர் நீண்ட நேரம் கலந்துரையாடினார்.
-நப்பசலையார்
