அசாம் |  திப்ருகரில் உள்ள ஜவஹர் நவோதயா வித்யாலயா பள்ளி, கர்ப்பிணி ஆசிரியை ஒருவர் அளித்த புகாரைத் தொடர்ந்து 22 மாணவர்களை இடைநீக்கம் செய்துள்ளது. கடந்த செவ்வாயன்று நடந்த நிகழ்வால், எந்த வித உடல் காயங்கள் ஏற்படவில்லை என்றாலும், மனதளவில் பெரும் காயமடைந்துள்ளார் ஐந்து மாத கர்ப்பிணியாக இருந்த ஆசிரியை.

திப்ருகர் காவல்துறை கண்காணிப்பாளர் ஸ்வேதாங்க் மிஸ்ரா தெரிவித்த தகவல்கள் படி, சுமார் 40 குழந்தைகள், அவர்களது குறைவான மதிப்பெண்களைப்ப் அற்றி புகாரளிக்க, அவர்களது பெற்றோரை அழைத்ததால், அந்த ஆசிரியையை சத்தமிட்டு துஷ்பிரயோகம் செய்துள்ளனர்.

இது பெரும் சர்ச்சையைக் கிளப்பியுள்ளது. தனியாக சிக்கிக் கொண்ட ஆசிரியைச் சுற்றி வளைக்கப்பட்ட போது, அவரை சக ஊழியர்கள் காப்பாற்றியதாகக் கூறப்படுகிறது.

மேலும் படிக்க | போதைப் பொருள் எதிர்ப்பு விழிப்புணர்வுக்காக நூதன பிரச்சாரம்...அசத்திய மாணவர்கள்..

ரெசிடன்ஷியல் பள்ளியான சம்பவம் நடந்த பள்ளி, இந்த சம்பவத்திற்கு தலைமை தாங்கியதாகக் கூறப்படும் 22 மாணவர்களை இடைநீக்கம் செய்தது. அவர்கள் வீடுகளுக்கு திருப்பி அனுப்பப்பட்டனர். உள்ளூர் நிர்வாகம் விசாரணைக்கு உத்தரவிட்டுள்ளது. இதற்கிடையில், மற்ற மாணவர்களை அணிதிரட்டிய இரண்டு மாணவர்களை பள்ளி அதிகாரிகள் அடையாளம் கண்டுள்ளனர்.

இந்நிலையில், பாதிக்கப்பட்ட ஆசிரியை ஒரு மருத்துவ மையத்திற்கு அழைத்துச் செல்லப்பட்டுள்ளார். மாணவர்கள் மீது முறையான புகார் எதுவும் அளிக்கப்படவில்லை என்பது குறிப்பிடத்தக்கது.

--- பூஜா ராமகிருஷ்ணன்

மேலும் படிக்க | நாகை பள்ளியில் 3 நிமிடத்திற்கும் மேல் ஓடிய ஆபாச வீடியோ..! புகார் அளித்த மாணவியை மிரட்டிய பள்ளி முதல்வர்

இந்தியாவில் வேலையில்லா திண்டாட்டத்தை எதிர்கொள்ள பல பட்டதாரிகள் வெளிநாடுகளுக்கு சென்று அங்குள்ள வேலைகள் செய்து தங்களது வீடுகளுக்கு பணமனுப்பி வருகின்றனர். வளரும் நாடான இந்தியாவில் இருந்து பணக்கார நாடுகளாகக் கூறப்படும் அமெரிக்கா, இங்கிலாந்து, சிங்கப்பூர் போன்ற நாடுகளில் வேலை செய்து வரும், திறம் வாய்ந்த இந்தியர்கள், தங்களது வீடுகளுக்கு, மாதாந்திர கணக்கிலோ, அல்லது வருடாந்திர கணக்கிலோ தங்களது வீடுகளுக்கு அனுப்பி வருகின்றனர்.

இவர்களோடு, மற்ற நாடுகளிலும் இந்தியர்கள் வேலை செய்து வருவது குறிப்பிடத்தக்கது. இந்நிலையில், அவர்கள் இந்தியாவிற்கு பணமனுப்பும் அளவு தற்போது முன்பை விட அதிகரித்துள்ளதாக உலக வங்கி தகவல்களை வெளியிட்டுள்ளது.

மேலும் படிக்க | உலகப் பொருளாதாரத்தில் பின்னடைகிறதா இந்தியா?!!!

அதன்படி, கடந்த 2021ம் ஆண்டு பணம் அனுப்பும் விகிதம் 36 சதவீதமாக அதிகரித்த நிலையில், இந்தாண்டு 12 சதவீதம் கூடுதலாக அதிகரிக்கும் எனவும் கூறப்பட்டுள்ளது. இதுவரை இல்லாத அளவு இந்தாண்டு அதிகமாக இந்தியப் புலம்பெயர்ந்தோர் தம் நாடுகளுக்கு பணம் அனுப்பியதாகவும் உலக வங்கி தெரிவித்துள்ளது. 

இதன் மூலம், வெளிநாடுகளில் வசிக்கும் இந்தியர்கள் 2022ம் ஆண்டு இறுதிக்குள் உலகளவில் 10 ஆயிரம் கோடி ரூபாய்க்கு மேல் இந்தியாவுக்கு அனுப்ப வாய்ப்புள்ளதாக உலக வங்கி தெரிவித்தது குறிப்பிடத்தக்கது. இப்படியாக அனைத்து பணங்களும் சரிவர இந்தியாவிற்கு வந்தடைந்தால், இந்தாண்டிலேயே இந்தியாவின் கடன்கள் அனைத்தும் அடைக்கப்படும் என ஒரு சிலர் இது குறித்து கமெண்ட் செய்து வருகின்றனர்.

--- பூஜா ராமகிருஷ்ணன்

மேலும் படிக்க | கொரோனா எதிரொளி.. வறுமைக்கு தள்ளப்பட்ட 79% இந்தியர்கள் - உலக வங்கி அறிக்கை

புதுச்சேரியில் நேற்று உயிரிழந்த மணக்குள விநாயகர் கோவில் லட்சுமி யானை அடக்கம் செய்யப்பட்ட இடத்தில் பக்தர்கள் பால் ஊற்றியும், பூக்கள் தூவியும் அஞ்சலி செலுத்தி வருகின்றனர். மணக்குள விநாயகர் கோயிலின் நடை இன்று திறக்கப்பட்டு பக்தர்கள் வழிபட்டு வருகின்றனர்.

லட்சமி யானை :

கடந்த 1997-ஆம் ஆண்டு 6 வயதாக இருக்கும் போது லட்சுமி என்ற பெண் யானை, புதுச்சேரி மணக்குள விநாயகர் கோயிலுக்கு கொண்டு வரப்பட்டது. இந்த யானை அன்றுமுதல் இன்றுவரை கோயிலுக்கு வரும் பக்தர்கள், வெளிமாநில மற்றும் வெளிநாட்டு சுற்றுலாப் பயணிகளின் அன்புக்கு பாத்திரமாக இருந்து வந்தது. மேலும், தந்தத்துடன் கூடிய லட்சுமி யானை, காலில் கொலுசு அணிந்தும், நெற்றிப் பட்டம் அணிந்தும் ஆசி வழங்கும் அழகே தனிதான்.கோயில் வாசலில் லட்சுமி யானை நின்று  பொதுமக்களுக்கு ஆசிர்வாதம் செய்தும் அன்பை வெளிப்படுத்தியும் வந்திருந்தது.

லட்சுமி உயிரிழப்பு :

புதுச்சேரியில் மிகவும் பிரசித்திப் பெற்ற மணக்குள விநாயகர் கோவில் யானை லட்சுமி நேற்று காலை நடைபயிற்சி மேற்கொண்ட போது திடீரென மயங்கி விழுந்து உயிரிழந்தது. 32  வயதான லட்சுமி யானையின் உயிரிழப்பு புதுச்சேரி மக்களை மிகுந்த சோகத்தில் ஆழ்த்திய நிலையில், லட்சுமி யானையின் உடல்  வனத்துறை அருகே உள்ள இடத்தில் நேற்று இரவு அடக்கம் செய்யப்பட்டு எல்லோர் மனதிலும் நீங்கா இடம் பெற்ற லட்சுமி யானை பிரியாவிடை பெற்றது.

லட்சுமியின் உடலுக்கு அஞ்சலி :

மணக்குள விநாயகர் கோயில் யானையின் உடலுக்கு புதுச்சேரி துணை நிலை ஆளுநர் தமிழிசை சவுந்திரராஜன், முன்னாள் முதலமைச்சர் நாராயணசாமி உள்ளிட்டோர்  மாலை அணிவித்து மரியாதை செலுத்தினர்.இதனால், சோகத்தில் ஆழ்ந்த பக்தர்கள், பொதுமக்கள் உள்ளிட்டோர் யானை லட்சுமியின் உடலுக்கு மாலை அணிவித்து மரியாதை செலுத்தினர். பாகன் சக்திவேல் கதறி அழுத காட்சிகள் காண்போரை கண்கலங்க வைத்தது.

மீண்டும் பக்தர்கள் தரிசனம் :

கோயில் வாசலில் லட்சுமி யானை நின்று ஆசிர்வாதம் செய்தும் அன்பை வெளிப்படுத்திய இடத்தில் பக்தர்கள் பொதுமக்கள் பூக்களை தூவி அஞ்சலி செலுத்தினர்.அதேபோன்று லட்சுமி யானை புதைக்கப்பட்ட இடத்திலும் காலையில் இருந்து ஏராளமான பொதுமக்கள் பால் ஊற்றியும், பூக்களை தூவியும் கண்ணீருடன் அஞ்சலி செலுத்தி வருகின்றனர். 25 ஆண்டுகள் மணக்குள விநாயகர் ஆலயத்தில் இருந்து மக்களின் மனங்களை கவர்ந்த யானை லட்சுமி இறந்தாலும் மக்களின் மனங்களில் நீங்கா இடம்பிடித்துள்ளது.இந்நிலையில் லட்சுமி யானை உயிரிழந்ததால் நடை மூடப்பட்ட பிரசித்தி பெற்ற மணக்குள விநாயகர் ஆலயத்தின் நடை இன்று மீண்டும் திறக்கப்பட்டு பக்தர்கள் வழிபட்டு வருகின்றனர்.

குஜராத்தில் இன்று முதற்கட்ட தேர்தல் வாக்குபதிவு  தொடங்கியுள்ள நிலையில், பிரதமர் மோடி தேர்தல் பிரச்சாரத்தில் இதுவரை இல்லாத பேரணியை நடத்தவுள்ளார்.

சாலை பயணம்:

இன்று குஜராத்தில் தொடங்கியுள்ள முதல்கட்ட தேர்தல் வாக்குபதிவு மாலை 5 மணியுடன் நிறைவடையவுள்ள நிலையில், இன்று மாலை சாலை மார்க்கமாக 50 கி.மீ பயணம் மேற்கொண்டு மக்களை சந்திக்கவுள்ளார் பிரதமர் மோடி, இதற்காக பாதுகாப்பு ஏற்பாடுகள் பலப்படுத்தப்பட்டுள்ளன. 

தொடக்கம்:

அகமதாபாத்தில் உள்ள நரோதா காமில் பகுதியிலிருந்து இன்று மாலை 3.30 மணிக்கு தொடங்கும் இந்த பயணம், தக்கர் பாபாநகர், நிகோல், பாபுநகர், அம்ரைவாடி, மணிநகர், டானிலிம்டா, ஜமால்பூர், காடியா, எல்லிஸ்பிரிட்ஜ், வெஜல்பூர், கட்லோடியா, நாரன்புரா, சபர்மதி மற்றும் காந்திநகர் சவுத் சீட் வழியாக சென்று இரவு 9.45 மணிக்கு பயணம் முடிவடைகிறது.. இதற்காக இந்த பகுதிகளில் நேற்று ஒருமுறையும், இன்று காலை மற்றொரு முறையும் சோதனை மேற்கொள்ளப்பட்டுள்ளது.

இரண்டாம்கட்ட தேர்தல்:

குஜராத்தில் மீதம் உள்ள தொகுதிகளுக்கு டிசம்பர் 5 ஆம் தேதி தேர்தல் நடைபெறவுள்ளது. இதற்கான பிரச்சாரம் மேற்கொள்ள டிசம்பர் 3 ஆம் தேதி வரை அனுமதி அளிக்கப்பட்டுள்ளது. இரண்டாம் கட்ட தேர்தல் பிரச்சாரத்திற்காகவே இந்த பேரணி நடத்தப்படவுள்ளது. இது வரை தேர்தல் பிரச்சாரத்தில் மேற்கொள்ளாத புதிய பிரச்சார முறையை மேற்கொள்ளவுள்ளார் பிரதமர் மோடி. 

இதையும் படிக்க: இனி இப்படி தான் பொங்கல் பரிசு வழங்கப்படுமா..!!

7 பேரணிகள்:

இன்று நடைபெறும் இந்த பேரணிகளைப் போலவே 7 பேரணிகளை நடத்த திட்டம் வகுக்கப்பட்டுள்ளது. இந்த பிரச்சாரங்களை முடித்தபின்னர் டிசம்பர் 5 ஆம் தேதி அகமதாபாத்தின் ராணி பகுதியில் உள்ள வாக்குச்சாவடியில் வாக்களிக்கிறார் மோடி.

28 ஆம் ஆண்டில்..:

27 ஆண்டுகளாக குஜராத்தை ஆட்சி செய்து வரும் பாஜக இந்த முறையும் ஆட்சியைக் கைப்பற்ற பெரும் முயற்சி செய்து வருகிறது. படிதார்  போராட்டத்தை முன்னெடுத்த ஹர்திக் படேல் பாஜகவில் இணைந்திருப்பது கட்சிக்கு புதிய உத்வேகத்தை கொடுத்திருப்பதகக் கூறப்படுகிறது. அதேபோல் இந்த சாலை பேரணியும் மிகப்பெரிய அளவில் கைகொடுக்கும் என நம்பிக்கை தெரிவித்துள்ளனர் பாஜகவினர்.

காங்கிரஸ் vs ஆம் ஆத்மி:

குஜராத்தில் ஆட்சியைப் பிடிக்க பாஜக ஒரு புறம் பேரணி நடத்தவுள்ள நிலையில், ஆம் ஆத்மியிம் இதே போன்ற ஒரு பேரணியை நடத்த திட்டமிட்டுள்ளது. இந்த முறை ஆம் ஆத்மியுடன் தேர்தல் பிரச்சாரத்தில் இந்திய கிரிக்கெட் வீரர் ஹர்பஜன் இணையவுள்ளார். டெல்லி மற்றும் பஞ்சாபைப் போல குஜராத்திலும் ஆம் ஆத்மி ஆட்சியைப் பிடிக்கும் எனகிறனர் அக்கட்சியினர். குஜராத்தில் காங்கிரஸ் கைப்பற்ற வாய்பிருக்கும் 7 தொகுதிகளை ஆம் ஆத்மி கைப்பற்ற வாய்ப்பிருப்பதாக கூறப்படுகிறது. ஆகையால் இந்த தேர்தலில் ஆம் ஆத்மி பாஜகவை விட காங்கிரஸ்க்கு தான் அதிக போட்டியாக இருக்கும் என்கிறார்கள் அரசியல் விமர்சகர்கள்.

ஜி20 அமைப்பின் தலைமைப் பொறுப்பை இந்தியா இன்று அதிகாரப்பூர்வமாக ஏற்கிறது.

ஜி20 அமைப்பு:

இந்தியாவுடன் ஆஸ்திரேலியா, துருக்கி, இங்கிலாந்து, அமெரிக்கா உள்ளிட்ட நாடுகளும் ஐரோப்பிய கூட்டமைப்பு என வளரும் மற்றும் வளர்ந்த 20 நாடுகளும் கொண்ட கூட்டமைப்பாக ஜி20 அமைப்பு செயல்படுகிறது.

தலைமை பொறுப்பு:

இந்நிலையில் கடந்த 16ம் தேதி, ஜி20 அமைப்பின் தலைமைப் பொறுப்பு இந்தோனேசியாவிடம் இருந்து இந்தியாவுக்கு ஒப்படைக்கப்பட்டது. தொடர்ந்து அதிகாரப்பூர்வமாக இந்தியா இப்பொறுப்பை இன்று ஏற்கிறது.

இதையும் படிக்க: ”எம்.ஜி.ஆர் எனது பெரியப்பா...” நெகிழ்ந்த முதலமைச்சர்!!!

ஒரே பூமி, ஒரே குடும்பம்:

இதுதொடர்பாக அறிக்கை வெளியிட்டுள்ள பிரதமர் மோடி, ஒரே பூமி, ஒரே குடும்பம், ஒரே எதிர்காலம் என்ற கருப்பொருளை மையமாகக் கொண்டு பணிபுரிவோம் என தெரிவித்துள்ளார். மேலும், பூமியை ஆரோக்கியமாக வைத்திருக்க இயற்கையை பாதுகாக்கும் இந்திய பாரம்பரியத்தின் அடிப்படையில் நீடிக்கவல்ல மற்றும் சுற்றுச்சூழலுக்கு உகந்த வாழ்க்கை முறைகளை ஊக்கப்படுத்துவோம் எனவும் அவர் கூறியுள்ளார். 

மையப்பொருள்:

இந்தியாவின் ஜி20 பொறுப்பின் மையப்பொருள் என்பது அனைவரையும் உட்படுத்தியதாக லட்சியமிக்கதாக செயல்பாடுகள் சார்ந்ததாக உறுதியானதாக இருக்கும் எனவும், புனரமைத்தல், நல்லிணக்கம் மற்றும் நம்பிக்கையின் மையமாக இத்தலைமையை உருவாக்க பாடுபடுவோம் எனவும் அவர் கூறியுள்ளார்.