பொம்மைகள்:

முன்பெல்லாம் சிறுவர்கள் தான் கையில் எந்நேரமும் பொம்மைகள் வைத்து விளையாடுவர். ஆனால் இன்று இளம் பெண்கள் கரடி பொம்மை இன்றி இருப்பது கடினம் தான். உறங்கும் போதும் தங்களது மெத்தைகளில் பல வகையான பொம்மைகள் இருக்க வேண்டும் என்ற மனநிலைக்கு இளம் பெண்கள் வந்துள்ளனர். 

பல வகைகளில்:

இதற்காக பல வண்ணங்களில், பல வடிவங்களில் பஞ்சுகளால் கொண்டு பொம்மைகள் தயாரிக்கப்பட்டு குறைந்த விலை முதல் ஆயிரம், லட்சம் ரூபாய் வரை பொம்மைகள் சந்தையில் விற்பனைக்கு வருகிறது. 

சிகரெட் துண்டில் இருந்து பொம்மைகள்:

சிலர் குப்பைகள் என தூக்கி எறியப்படும் பொருட்களை கொண்டு சிற்பங்களை செய்து அசத்துவர். அந்த வகையில் டெல்லியை சேர்ந்த நபர் ஒருவர் தூக்கி எறியப்படும் சிகரெட் துண்டின் கடைசி பாகத்தை கொண்டு பொம்மைகளை தயாரித்து வருகிறார். 

இளம் வயது தொழிலதிபர்:

டெல்லியை சேர்ந்த நமன் குப்தா என்கிற தொழிலதிபர் பயன்படுத்தப்பட்ட சிகரெட்டுக்குப் பின்புறம் உள்ள பஞ்சினை கொண்டு பொம்மைகளை தயாரித்து வருவது அனைவரது கவனத்தையும் ஈர்த்துள்ளது.  

சுகாதாரமான முறையில் பொம்மைகள்:

மெது மெதுவாக இவரது தொழிலை கண்டு வியந்த பிற மாநிலங்களை சேர்ந்தவர்களும் இவரை பின்தொடர்ந்து பொம்மைகளை தயாரிக்க ஆரம்பித்துவிட்டனர். நொய்டா, உத்தரபிரதேசம் போன்ற மாநிலங்களின் ஆயிரம் கிலோவுக்கு மேல் சேகரமாகும் சிகரெட் குப்பைகளைக் கொண்டு சுகாதாரமான முறையில் பொம்மைகள் தயாரிக்கப்படுகின்றன.

புதிய பெயர் சூட்ட முடிவு:

2024 மக்களவைத் தேர்தலில் தெலங்கானா முதலமைச்சர் சந்திரசேகரராவ் தேசிய அளவில் முக்கியத்துவம் பெறுவதற்கான நடவடிக்கைகளில் ஈடுபட்டு வருகிறார். இதன் ஒரு பகுதியாக தனது கட்சியை தேசிய கட்சியாக மாற்றி, புதிய பெயரை சூட்டவும் முடிவு செய்தார். 

பொதுக்கூட்டம்:

இந்நிலையில் தேசிய கட்சி அறிவிப்புக்கான பொதுக்கூட்டம், அம்மாநிலத் தலைநகர் ஐதராபாத்தில் நடைபெற்றது. பிரமாண்டமாக நடைபெற்ற இந்த பொதுக் கூட்டத்தில் கர்நாடக முன்னாள் முதலமைச்சர் குமாரசாமி மற்றும் விடுதலை சிறுத்தைகள் கட்சித் தலைவர் தொல்.திருமாளவன் உள்ளிட்டோரும் ஆயிரக்கணக்கான தொண்டர்களும் கலந்து கொண்டனர்.

பாரத் ராஷ்ட்ர சமிதி:

இந்தக் கூட்டத்தில் தனது கட்சியை தேசியக் கட்சியாக அறிமுகம் செய்து வைத்த சந்திரசேகர ராவ், பாரத் ராஷ்ட்ர சமிதி என்ற புதிய பெயரை சூட்டினார். அப்போது அக்கட்சித் தொண்டர்கள் பட்டாசு வெடித்தும், ஆரவாரம் செய்தும் மகிழ்ச்சியை வெளிப்படுத்தினர். 

தேர்தல் ஆணையம் அங்கீகரிக்குமா?

இந்நிலையில் தேசிய கட்சியாக மாற்றப்பட்டது குறித்து தேர்தல் ஆணையத்துக்கு கடிதம் மூலம் தெரிவிக்கப்பட்டுள்ளது. விரைவில் தேர்தல் ஆணையம், பாரத் ராஷ்ட்ர சமிதியை தேசியக் கட்சியாக அங்கீகரிக்கும் என எதிர்பார்க்கப்படுகிறது. 

இடைத்தேர்தலில் பங்கேற்கும்:

தேசியக் கட்சி மாற்றத்துக்கு பிறகு, நவம்பர் 4ம் தேதி அம்மாநிலத்தின் முனுகோடு சட்டப்பேரவைக்கு நடைபெறும் இடைத் தேர்தலில் அக்கட்சி போட்டியிட உள்ளது.

தசரா  கொண்டாட்டம்:

கொரோனா காரணமாக கடந்த இரண்டு ஆண்டுகளாக நடைபெறாமல் இருந்த உலகப் புகழ்பெற்ற மைசூர் தசரா திருவிழா, கடந்த 26 ஆம் தேதி தொடங்கியது. இவ்விழாவை குடியரசுத் தலைவர் திரளபதி முர்மு தொடங்கி வைத்தார். 

முதலமைச்சர் பிராத்தனை:

கடந்த 10 நாட்களாக தசரா விழா கோலாகலமாக கொண்டாடப்பட்டது. இதன் நிறைவுப்பகுதியாக மைசூரில் யானைகள் ஊர்வலம் மற்றும் தீப்பந்த ஊர்வலம் உள்ளிட்ட நிகழ்ச்சிகள் மிகுந்த உற்சாகத்துடன் நடத்தப்பட்டன. அம்பாவிலாஸ் அரண்மனையின் வடக்கு வாயிலில் உள்ள கொடிமர பூஜை செய்த முதலமைச்சர் பசவராஜ் பொம்மை, கர்நாடக மக்களின் நல்வாழ்வுக்காக பிராத்தனை செய்தார். 

அம்மனின் ஊர்வலம்:

அதன்பின்னர், அம்பாவிலாஸ் அரண்மனை வளாகத்தின் முன்பகுதியில்  750 கிலோ எடை கொண்ட தங்க அம்பாறியில் சாமுண்டீஸ்வரி அம்மன் எழுந்தருளி பக்தர்களுக்கு அருள்பாளித்தார். அதனை தொடர்ந்து, அபிமன்யூ என்ற யானை சாமுண்டீஸ்வரி அம்மனை சுமந்தவண்ணம் ஊர்வலமாக சென்றது. 

அலங்கார வாகனங்கள்:

இதனை முதலமைச்சர் பசவராஜ் பொம்மை, மைசூரு மன்னர் யதுவீர கிருஷ்ணதத்த சாமராஜ உடையார் ஆகியோர் மலர் தூவி தொடங்கி வைத்தனர். ஊர்வலத்தில் யானைப்படை, கலைக்குழுக்கள், அலங்கார வாகனங்கள் அணிவகுத்து சென்றன. 

படைகளின் ஊர்வலம் :

யானை ஊர்வலம் தொடங்கப்பட்டதை குறிக்கும் வகையில், 21 குண்டுகள் முழங்கின. இந்த ஊர்வலத்தில் கர்நாடக மாநில ஆயுதப்படை, தீயணைப்புப் படை, பீரங்கப்பிடை உள்ளிட்ட 30க்கும் மேற்பட்ட படையினர் வீரநடைப் போட்டு அணிவகுத்து வந்தனர். 4 புள்ளி 5 கிலோ மீட்டர் தொலைவைக் கடந்து பண்ணி மண்டபத்தை அடைந்த யானைகள் ஊர்வலத்தை, லட்சக்கணக்கான மக்கள் கண்டு ரசித்தனர். 

நிறைவு விழா:

பணிமண்டபத்தில் தசரா விழாவின் நிறைவை குறிக்கும் வகையில், தீப்பந்த ஊர்வலத்தை ஆளுநர் தாவர்சந்த் கெலாட் தொடங்கி வைத்தார். இதனை பல்லாயிரக்கணக்கான மக்கள் கண்டு களித்தனர். 

இதையும் படிங்க: அந்த காலத்தில் இந்து மதமே இல்லை.. நம்மவரே சொல்லிட்டாரு..!

வாகன நெரிசல்:

நிறைவு விழாவையொட்டி, பலத்த போலீஸ் பாதுகாப்பு போடப்பட்டிருந்தது. தசரா விழா நிறைவடைந்து சுற்றுலாப் பயணிகள் அனைவரும் வாகனங்களில் ஊர் திரும்பியதால், முக்கிய சாலைகளில் கடும் வாகன நெரில் ஏற்பட்டு போக்குவரத்து பாதிக்கப்பட்டது.

”பதவி கிடைக்காததால் அதிருப்தி அடையவில்லை” என்று பாஜக தலைவர் பங்கஜா முண்டே தெரிவித்துள்ளார்.  விரைவில்  மகாராஷ்டிரா சட்டமன்றத் தேர்தலில் போட்டியிடவும் தயாராகிறார். பாஜக மூத்த தலைவரான மறைந்த கோபிநாத் முண்டேவின் மகள் பீட் மாவட்டத்தில் உள்ள சன்வர்கான் காட்டில் பாரம்பரிய தசரா பேரணியில் உரையாற்றியுள்ளார்.

வாழ்க்கை ஒரு போர்க்களம்:

”போராட்டம் என்பது ஒவ்வொருவரின் வாழ்விலும் ஒரு அங்கம். சத்ரபதி சிவாஜி மகாராஜ் கூட போராட வேண்டியிருந்தது. மறைந்த கோபிநாத் முண்டே தனது அரசியல் வாழ்க்கை முழுவதும் போராட வேண்டியிருந்தது.” என்று கூறியுள்ளார்.

தலைவராக..:

”ஜனசங்க சித்தாந்தவாதியான தீன்தயாள் உபாத்யாயின் பாரம்பரியத்தை முன்னெடுத்துச் செல்ல தயாராக இருக்கிறேன். மத்திய உள்துறை அமைச்சர் அமித் ஷாவும், பாஜக தலைவர் ஜேபி நட்டாவும்  மக்களுக்காக உழைக்குமாறு எங்களைக் கேட்டுக் கொண்டுள்ளனர்.” எனவும் தெரிவித்துள்ளார்.

மேலும் தெரிந்துகொள்க: குடும்ப அரசியலை எதிர்க்கும் கட்சியில் குடும்ப அரசியலா...!!!!

மக்கள் கருத்து:

”மக்கள் அவர்களது தலைவருக்கு ஏதாவது கிடைக்க வேண்டும் என  நினைக்கின்றனர். அதில் தவறில்லை.” எனவும் பங்கஜா முண்டா பேசியுள்ளார்.  2019 சட்டமன்றத் தேர்தலுக்குப் பிறகு நான் எந்தப் பதவியையும் வகிக்கவில்லை. ஆனால் எனக்கு எவ்விதமான அதிருப்தியும் இல்லை. இருப்பினும், தனது உறவினரும் என்சிபி தலைவருமான தனஞ்சய் முண்டே தன்னை கடந்த முறை தோற்கடித்த பார்லியில் மீண்டும் போட்டியிட விரும்புகிறேன்” என பங்கஜா முண்டா தெளிவுபடுத்தினார். 

கட்சி பொதுவானது:

”கட்சி அமைப்பு எந்த ஒரு தனி நபருக்கும் உரியது அல்ல. நான் யார் மீதும் அதிருப்தி அடையவில்லை. கட்சி எனக்கு வாய்ப்பு கொடுத்தால், 2024 தேர்தலுக்கு தயாராகி விடுவேன்.” என்றும் அவர் கூறியுள்ளார்.

இதையும் படிக்க: கர்நாடகா வந்தடைந்த சோனியா காந்தி!!!

காங்கிரஸ் கட்சியின் முன்னாள் தலைவர் ராகுல் காந்தி கடந்த மாதம் 7ம் தேதி கன்னியாகுமரி முதல் காஷ்மீர் வரையிலான இந்திய ஒற்றுமை பயணத்தை கன்னியாகுமரியில் தொடங்கினார்.  

கேரளா, தமிழ்நாடு மாநிலங்களைக் கடந்து தற்போது பாஜக ஆளும் மாநிலமான கர்நாடகாவில் நடந்து கொண்டிருக்கிறது.  இந்திய ஒற்றுமை பயணத்தில் கலந்து கொள்வதற்காக காங்கிரஸின் இடைக்கால தலைவர் சோனியா காந்தி கர்நாடகா வந்தடைந்தார்.  

கர்நாடக மாநிலம் வந்தடைந்த சோனியா காந்தி பேகூர் கிராமத்தில் உள்ள பீம்னகோலி கோவிலில் வழிபாடு நடத்தினார். எச்.டி.  கோட் சட்டமன்றத் தொகுதிக்கு சோனியா காந்தி வருகை புரிந்துள்ளார்.  அவர் இந்திய ஒற்றுமை பயணத்தின் 29ம் நாள் பயணத்தில் இணைகிறார்.

இதையும் படிக்க: குஜராத்தின் போர்பந்தரில் ரூ.1000 கோடி மதிப்பிலான போதைப்பொருள் பறிமுதல்!!!