சபரிமலை ஐயப்பனை தரிசனம் செய்யும் பக்தர்களின் வசதிக்காக கோவை வழியாக சபரிமலைக்கு இன்று முதல் சிறப்பு ரயில்கள் இயக்கப்படுகிறது. 

சபரிமலை ஐயப்பன் கோயிலில் மண்டல பூஜை மற்றும் மகர விளக்கு தரிசனத்தை காண ஒவ்வொரு ஆண்டும்  தமிழகத்தில் இருந்து ஏராளமானோர் செல்வது வழக்கம். அவர்களின் வசதிக்காக சிறப்பு பேருந்துகள் இயக்கப்பட்டு வருகிறது. அதேபோன்று பக்தர்களின் வசதிக்காக, கூட்ட நெரிசலை தவிர்க்க கோவை வழியாக சபரிமலைக்கு இன்று முதல் சிறப்பு ரயில் இயக்கப்படுகிறது.  

அதன்படி, தெலுங்கானா மாநிலம் செகந்திராபாத்தில் இருந்து சேலம், ஈரோடு, திருப்பூர், கோவை வழியாக கோட்டயத்திற்கு சிறப்பு ரயில்கள் இயக்கப்படுகிறது.  செகந்திராபாத் - கோட்டயம் சிறப்பு ரயில் இன்று மாலை 6.50 மணிக்கு செகந்திராபாத் ரயில் நிலையத்தில் புறப்பட்டு நெல்லூர், ரேணிகுண்டா, காட்பாடி, ஜோலார்பேட்டை வழியாக நாளை பிற்பகல் 12.22 மணிக்கு சேலம் வந்தடையும். பின்னர் அங்கிருந்து ஈரோடு, கோவை, திருச்சூர், எர்ணாகுளம் வழியாக இரவு 9 மணிக்கு கோட்டயம் சென்றடையும். இதேபோல் மறுமார்க்கத்திலும் சிறப்பு ரயில் இயக்கப்படுகிறது. 

இதையும் படிக்க : இன்று தொடங்குகிறது 2- ஆம் நிலை காவலருக்கான எழுத்துத் தேர்வு...!  

கர்நாடகா | பெங்களூர் அருகே எலஹங்கா பகுதியில் சந்தீப் என்பவர் தனது மனைவியுடன் இரு சக்கர வாகனத்தில் சென்றுள்ளார். அப்போது இரு சக்கர வாகனத்தில் சென்ற நபரை கர்நாடக அரசு பேருந்து முந்தி செல்ல முயன்று உள்ளது. இதனால் சந்தீப்க்கும், பேருந்து ஓட்டுநர் ஆனந்துக்கும் இடையே தகராறு ஏற்பட்டு உள்ளது.

மேலும் படிக்க | ஊருக்குள் புகும் வனவிலங்குகள்...! அலுவலகத்தை அடித்து நொறுக்கிய பொதுமக்கள்..!

இதில் சந்தீப் தனது நடுவிரலை உயர்த்தி பேருந்து ஓட்டுனைரை செய்கையில் திட்டி உள்ளார். இதனால் இருவருக்கும் இடையே தகராறு ஏற்படவும் சந்தீப் பேருந்தில் ஏறி ஓட்டுனர் இடம் வாக்குவாதத்தில் ஈடுபட்டு உள்ளார். இதனால் ஆத்திரம் அடைந்த ஓட்டுநர் ஆனந்த் சந்தீப்பை பேருந்துக்குள் வைத்து கடுமையாக தாக்கினார்.

மேலும் படிக்க | கல்லூரி பேருந்தில் மாணவிக்கும் ஆசிரியைக்கும் மோதல்..வைரலாகி வரும் வீடியோ...

பேருந்து ஓட்டுநர் ஆனந்த் தாக்கும் வீடியோ சமூக வலைதளத்தில் வைரலான நிலையில் பேருந்து ஓட்டுநர் ஆனந்தை கர்நாடக அரசு பேருந்து கழகம் பணியிடை நீக்கம் செய்து நடவடிக்கை எடுத்து உள்ளது. மேலும் இருவரும் ஒருவர் மீது ஒருவர் காவல் நிலையத்தில் புகார் அளித்து உள்ளர்.

மேலும் படிக்க | விஜய் படக்குழு மேல் புகார்... பத்திரிக்கையாளர் மேல் தாக்குதல் நடத்தியதால் பரபரப்பு...

கர்நாடக மாநிலம் சிக்மகளூர் மாவட்டத்தில் உள்ள சந்தூர் கிராமத்தில் கடந்த ஒரு வாரத்திற்கு முன்பாக யானை தாக்கியதில் பெண் ஒருவர் பலியானார். இந்த நிலையில் அந்தப் பெண்ணின் குடும்பத்தாருக்கு ஆறுதல் கூற அந்த தொகுதி எம்எல்ஏ சென்றுள்ளார். அப்போது, தொகுதி மக்களை காப்பாற்ற மறந்ததாக கூறி அவர் மீது தாக்குதல் நடத்தினர்.

இந்த சம்பவம் பெரும் பரபரப்பை ஏற்படுத்திய நிலையில் மீண்டும் வனப்பகுதியில் இருந்து வெளியேறிய யானைகள் கூட்டம் ஊருக்குள் நுழைந்துள்ளது. அந்த சமயத்தில் யானைகளை மீண்டும் காட்டுக்குள் விரட்ட வனத்துறை அதிகாரிகள் யாருமே அந்த பகுதியில் இல்லை என கூறப்படுகிறது. இதனால் கிராம மக்கள் வீட்டை விட்டு வெளியே வர முடியாமல் யானைகளுக்கு பயந்து வீட்டுக்குள்ளேயே முடங்கி கிடந்தனர். பின்னர் யானைகள் கூட்டம் மீண்டும் வனப்பகுதிக்குள் சென்றது.   

இந்நிலையில், யானைகளால் பாதிக்கப்பட்டு வருவதாக பொதுமக்கள் குற்றம் சாட்டினர். மேலும் ஆத்திரமடைந்த கிராம மக்கள் அங்கு உள்ள வனத்துறை அலுவலகத்திற்கு சென்று அலுவலகத்தில் இருந்த அனைத்து பொருட்களையும் அடித்து நொறுக்கி சேதப்படுத்தி தங்கள் கோபத்தை வெளிப்படுத்தினர். மேலும் யாருக்கும் பயன்படாத நிலையில் உள்ள வனத்துறை அலுவலகம் எதற்கு என கூறி கிராம மக்கள் தாக்குதல் நடத்தினர்.

இதையும் படிக்க : நகைக் கடையில் திருடிய 3 சிறுவர்கள் கைது...

இந்திய அரசியல் சாசனத்தின் தந்தை

சுதந்திர இந்தியாவின் அரசியல் சாசன சட்டம், கடந்த 1949-ம் ஆண்டு நவ.26 அன்று ஏற்றுக்கொள்ளப்பட்டது. இந்திய அரசியலமைப்பு சாசனத்தின் தந்தை, டாக்டர் அம்பேத்கருக்கு மரியாதை செலுத்தும் வகையிலும்,  இந்திய அரசியலமைப்பின் முக்கியத்துவத்தை வலியுறுத்தும் வகையிலும், கடந்த 2015, நவம்பர் 26 ஆம் தேதி முதன்முதலாக மோடி அரசால் அரசியலமைப்பு நாள் அனுசரிக்கப்பட்டது.

இந்திய அரசியல் அமைப்பு சட்டத்தின் முகப்புரையில் கூறப்பட்டிருப்பது என்ன?

"நாம், இந்திய மக்கள், உறுதி கொண்டு முறைப்படி தீர்மானித்து, இந்தியாவை ஓர் இறையாண்மை சமூகத்துவ சமயசார்பற்ற ஜனநாயக குடியரசாக கட்டமைத்திட, மற்றும் இதன் எல்லா குடிமக்களுக்கும் சமூக, பொருளாதார மற்றும் அரசியல் நீதி; உறுதிசெய்திட; மற்றும் தனிநபர் கண்ணியத்தையும், தேசிய ஒற்றுமை மற்றும் ஒருமைபாட்டையும் உறுதிப்படுத்த அனைவரிடத்திலும் சகோதரத்துவ உணர்வை ஊக்குவித்திட இந்த 1949, நவம்பர் 26ஆம் நாள் நம்முடைய அரசியல் நிர்ணய சபையில் உருவாக்கப்பட்ட இந்த அரசியல் அமைப்பு முறைமையை, இதன்படி ஏற்று, சட்டமாக்கி நமக்கு தருவதாக இந்திய அரசியல் அமைப்பு சட்டத்தின் முகப்புரையில் கூறப்பட்டுள்ளது.

அரசியல் அமைப்பு சட்டத்தை தனியொருவராக உருவாக்கிய அம்பேத்கர் 

அரசியல் அமைப்பு சட்ட வரைவினை உருவாக்குவதில் அம்பேத்கரின் முழுமையான பங்களிப்பு குறித்து, அக்குழுவில் ஒருவராக இருந்த அல்லாடி கிருஷ்ணசாமி அவர்கள், நாடாளுமன்றத்தில் ஒரு செய்தியினை பதிவு செய்கிறார். அச்செய்தி பின்வருமாறு:

இந்திய அரசியல் அமைப்பு சட்டத்தை தனியொரு மனிதராக உருவாக்கியவர் அண்ணல் அம்பேத்கர் மட்டுமே. இதனை அண்ணலின் பேரில் எனக்கு இருக்கும் அளவற்ற அன்பால் நான் கூறவில்லை.

இந்திய அரசியல் அமைப்பு சட்டத்தினை உருவாக்க டாக்டர் அம்பேத்கர் தலைமையில் என்னையும் உள்ளிட்ட ஏழு பேர் உறுப்பினராக நியமிக்கப்பட்டனர். உண்மையில் அச்சமயத்தில் நடந்தது என்னவென்றால், குழு நியமிக்கப்பட்ட சிறிது காலத்திலேயே எழுவரில் ஒருவர் இறந்து விட்டார்.

இரண்டு பேருக்கு குடியுரிமைக் கிடைத்துவிட்டக் காரணத்தால் அமெரிக்காவுக்கு பறந்து விட்டனர். மேலும் இரண்டு பேர் இக்குழுவில் பணியாற்றாமல், சர்தார் பட்டேலுக்கு உதவியாக மாநில இணைப்புக் குழுவில் பணியாற்ற சென்றுவிட்டனர். மீதம் இருந்தவர்கள் அம்பேத்கர் அவர்களும், நானும்தான். 

என் மனசாட்சியின்படி சொல்கிறேன், அரசியல் அமைப்பு சம்பந்தமாக கூட்டப்பட்ட எந்த ஒரு கூட்டத்திலும் நான் பங்கேற்கவுமில்லை, அதற்காக பணியாற்றவுமில்லை. உண்மையை சொன்னால், இந்திய அரசியல் அமைப்பு சட்டத்தை தனியொரு மனிதராக உருவாக்கியவர் அம்பேத்கர் மட்டும் தான் என்பதை நான் பதிவு செய்யவிரும்புகிறேன்.

அரசியலமைப்புச் சட்ட வரைவுக் குழு 1947, ஆகஸ்ட் 29 -ல் இந்திய அரசியல் நிர்ணய சபை ஒரு தீர்மானம் நிறைவேற்றியது.  அதன்படி இந்திய அரசியலமைப்புச் சட்டத்தை எழுத அம்பேத்கர் தலைமையில் ஏழுபேர் கொண்ட அரசியலமைப்புச் சட்ட வரைவுக்குழு (Drafting committee) உருவாக்கப்பட்டது.

அம்பேத்கர், கோபால்சாமி ஐயங்கார், அல்லாடி கிருஷ்ணசாமி, கே.எம். முன்ஷி, சையது முகமது சாதுல்லா, மாதவ ராவ், டி. பி. கைதான் ஆகியோர் இதன் உறுப்பினர்களாக இக்குழுவில் இடம்பெற்றனர். இக்குழு தனது அறிக்கையை 1948, பிப்ரவரி 21ல் ஒப்படைத்தது. 

மேலும் படிக்க: அம்பேத்கர் - காந்தி - புனா ஒப்பந்தம் ஒருப் பார்வை

அரசியல் சட்டம் குறித்து அம்பேத்கர்

ஒரு அரசமைப்பு சட்டம் என்னதான் மேன்மையாக இருந்தாலும், அதனை செயல்படுத்த வருபவர்கள் மோசமானவர்களாக இருப்பார்களேயானால் அந்த சட்டமும் மோசமானதாக மாறிவிடும். அதே வேளையில் செயல்படுத்துபவர்கள் மட்டும் நல்லவர்களாக இருப்பார்களேயானால் மோசமான அரசமைப்பு சட்டம் கூட மேன்மையான ஒன்றாக ஆகிவிடும். 

ஓர் அரசமைப்பு சட்டம் எப்படி இயங்குகிறது என்பது அந்த சட்டத்தை மட்டும் சார்ந்தது அல்ல, அரசமைப்புச் சட்டத்தின் வேலை என்பது அரசின் செயல்பாட்டிற்கு அவசியமான உறுப்புகளான சட்டம், நிர்வாகம் மற்றும் நீதித்துறை ஆகியவற்றை வழங்குவது மட்டுமே. அப்படி வழங்கப்பட்ட அந்த உறுப்புகள் எப்படி செயல்படுகின்றன என்பது அந்த அரசியல் சார்ந்த மக்களும் தங்களுடைய அரசியல் மற்றும் சமூக நலன்களைப் பேணுவதற்காக அந்த மக்கள் தேர்ந்தெடுத்துக் கொண்ட அரசியல் கட்சிகளையுமே சார்ந்தது.

நவம்பர் 25 1949 ல் அரசமைப்புச் சட்டத்தை அறிமுகப்படுத்தி, நாடாளுமன்ற மைய மண்டபத்தில் அண்ணல் அம்பேத்கர் ஆற்றிய உரையின் ஒரு பகுதி.

- அறிவுமதி அன்பரசன்

ஆச்சர்யத்தில் ஆழ்த்தும் விஞ்ஞானிகள்

இந்திய விண்வெளி ஆராய்ச்சி மையமான இஸ்ரோ விஞ்ஞானிகள் பல பிரமாண்டங்களை நிகழ்த்தி இந்த உலகை ஆச்சரியங்களில் ஆழ்த்துவதில் வல்லவர்கள். அதன்படி, இன்று பகல் 11.56 மணிக்கு ஆந்திராவின் ஸ்ரீஹரிகோட்டாவில் உள்ள சதீஷ் தவான் ஏவு தளத்திலிருந்து விண்ணுக்கு செலுத்தப்படும் பி.எஸ்.எல்.வி - சி 54 ராக்கெட்டும் அப்படி ஒரு பிரம்மாண்டம் தான்.

14 மாடி அளவு உயரம்

ராக்கெட்டுகளில் XL அளவு வகை ராக்கெட் ஆக உள்ள PSLV - C 54 கிட்டத்தட்ட 14 மாடி அளவு உயரம் கொண்டது. 321 டன் உந்துவிசையுடன் பூமியிலிருந்து கிளம்பும் இந்த பிரம்மாண்டம், தன்னுள்ளாக 9 செயற்கைக்கோள்களை எடுத்துக் கொண்டு 740 கிலோமீட்டர் தொலைவில் உள்ள புவி சுற்றுவட்ட பாதையில் அவற்றை நிலை நிறுத்தப் போகிறது.

பி.எஸ்.எல்.வி-யின் 56வது பயணம்

அதன்படி,போலார் சேட்டிலைட் லாஞ்சிங் வெகிக்கள் என அழைக்கப்படும் PSLV வகை ராக்கெட்டுகள் இந்திய விண்வெளி ஆராய்ச்சி நிறுவனமான இஸ்ரோவால் வடிவமைக்கப்பட்டு உருவாக்கப்பட்ட ராக்கெட்டாகும். மிகவும் நம்பகத் தன்மையான ராக்கெட் ஆக அறியப்படும் பி.எஸ்.எல்.வி வகை ராக்கெட்டின் 56 ஆவது பயணம் இது என்பது குறிப்பிடத்தக்கது.

நேனோ வகை செயற்கை கோள்கள்

மேலும், புவியில் இருந்து ஏவப்பட்ட உடனேயே  அண்டார்டிகா கண்டத்தை நோக்கியே விண்வெளிக்கு பயணம் செய்யும் இந்த வகை ராக்கெட்டுகள் மிகவும் துல்லியமாக செயற்கைக்கோள்களை நிலை நிறுத்த வல்லவை. அதன்படி, இதன் உள்ளாக மொத்தமாக ஒன்பது  செயற்கைக்கோள்கள்  வைத்து ஏவப்பட உள்ளது. அதில் 8 செயற்கை கோள்கள் நேனோ வகையை சேர்ந்த கோள்களாக உள்ளன.

பூட்டான் - இந்தியா கூட்டு தயாரிப்பு

முதலாவதாக எர்த் அப்சர்வேஷன் வகை செயற்கைக்கோளான ஓஷன் ஷர்ட் 3 மிகவும் முக்கியமான செயற்கைக்கோளாக உள்ளது. சுமார் ஒரு காரின் அளவான 1117 கிலோ எடை கொண்ட இந்த ராக்கெட் இந்திய கடற்பரப்பை கண்காணிப்பதற்காக விண்வெளிக்கு அனுப்பப்படுகிறது.

மேலும் படிக்க: நம்பகத்தன்மையற்ற நாடு அமெரிக்கா...எச்சரிக்கை விடுத்த முன்னாள் தளபதி..காரணம் என்ன?

மேலும், பூட்டான் - இந்தியா நாட்டின் கூட்டு தயாரிப்பில் உருவாக்கியுள்ள ins - 2B மற்றும் ஸ்விட்சர்லாந்து ஆகிய நாடுகளை சேர்ந்த எட்டு நேனோ செயற்கை கோள்களும் நாளை விண்ணுக்கு அனுப்பப்பட உள்ளன.

- லெனின் பிரபா