ரஷ்ய அதிபர் புதின் நீண்ட நாட்களாக உடல் நலக்குறைவால் அவதிப்பட்டு வருகிறார்.  அவரது உடல்நிலை கவலைக்கிடமாக இருப்பதாக கூறப்படுகிறது.  சமீபத்தில் ஒரு கியூபா தலைவருடனான சந்திப்பின் போது, ​​நாற்காலியைப் பிடித்தபடி புதின் மிகவும் பதற்றத்துடன் காணப்பட்டார்.

ரஷ்ய  அதிபர் விளாடிமிர் புதினுக்கு உடல்நலக்குறைவு குறித்த செய்திகள் பலமுறை ஊடகங்களில் வந்துகொண்டே இருக்கின்றன.  இதற்கிடையில், ரஷ்ய அதிபர் புதின் மாஸ்கோவில் உள்ள அவரது அதிகாரப்பூர்வ இல்லத்தில் படிக்கட்டுகளில் இருந்து தவறி கீழே விழுந்ததாக சில தகவல்கள் தெரிவிக்கின்றன.  அவர் படிக்கட்டுகளில் ஏறியபோது, ​​அவர் தவறி விழுந்ததாக அறிக்கையில் கூறப்பட்டுள்ளது.  இந்த விபத்தில் அவரது முதுகு தண்டுவடத்தில் காயம் ஏற்பட்டதாக தெரிவிக்கப்பட்டுள்ளது. 

விபத்துக்குப் பிறகு அவரை அவரது தனிப்படை காவலர்கள் தூக்கிச் சென்றதாகவும், அவருக்கு சிகிச்சை அளிக்கப்பட்டதாகவும் மருத்துவ அறிக்கை கூறுகிறது.   மருத்துவர்கள் பரிசோதித்ததில், அவருக்கு பலத்த காயம் எதுவும் இல்லை என தெரிய வந்துள்ளது.  இரவில் அவரது உடல்நிலை சீராக இருந்தது மட்டுமல்லாமல், அவரால் தனியாக நடக்க முடிந்தததாகவும் கூறியுள்ளனர் மருத்துவர்கள்.  இருப்பினும், முதுகெலும்பின் கீழ் கோசிக்ஸ் பகுதியில் வலி காரணமாக, அவர் உட்காருவதில் சிரமப்படுவதாகவும் தெரிவிக்கப்பட்டுள்ளது. 

-நப்பசலையார்

இதையும் படிக்க:    "பெண்களுக்கு வாக்களிப்பது....” சர்ச்சை கருத்து கூறிய அகமது சித்திக்!!!

ஹூக்ளியின் இடது கரையில் கண்டெடுக்கப்பட்ட பீரங்கிகள் முதலாம் உலகப் போருக்கு முந்தையவை என்றும், அவை கப்பல்களை வெடிக்கச் செய்வதற்காக உருவாக்கப்பட்டவை என்றும் கேப்டன் ஜாய்தீப் சக்ரவர்த்தி கூறியுள்ளார்.

கொல்கத்தாவில் உள்ள ஹூக்ளி ஆற்றின் கரையில் இந்திய கடற்படை வீரர்கள் பழைய பீரங்கிகளை கண்டுபிடித்துள்ளனர்.  ஹூக்ளியின் இடது கரையில் ஒரு ஆபரேஷனில் ஈடுப்பட்டிருந்தபோது இந்திய கடற்படை வீரர்கள் இந்த துப்பாக்கிகளை கண்டுபிடித்துள்ளனர்.  

முதலாம் உலகப் போரில் பயன்படுத்தப்பட்ட ஐந்து பீரங்கிகள் கொல்கத்தாவில் உள்ள ஆற்றின் கரையில் இருந்து கடற்படையினரால் மீட்கப்பட்டுள்ளதாக கடற்படையின் பெங்கால் பகுதி தலைமையகத்தின் மூத்த அதிகாரி ஒருவர் தெரிவித்துள்ளார். 

ஹூக்ளியின் இடது கரையில் கண்டெடுக்கப்பட்ட பீரங்கிகள் முதலாம் உலகப் போருக்கு முந்தையவை என்றும், அவை கப்பல்களை வெடிக்கச் செய்வதற்காக உருவாக்கப்பட்டவை என்றும் கேப்டன் ஜாய்தீப் சக்ரவர்த்தி கூறியுள்ளார்.  இந்த துப்பாக்கிகள் இங்குள்ள இந்திய கடற்படையின் பெங்கால் பகுதியின் தலைமையகமான ஐஎன்எஸ் நேதாஜி சுபாஷ் அருங்காட்சியகத்தில் பார்வையாளர்களுக்காக காட்சிக்கு வைக்கப்பட்டுள்ளன.

-நப்பசலையார்

இதையும் படிக்க:     சும்மா தான்யா சொன்னேன்...மோடி குறித்த கருத்தில் பின் வாங்கிய கார்கே!!!

அகமதாபாத்தில் உள்ள ஜமா மஸ்ஜிதின் ஷாஹி இமாம் ஷபீர் அகமது சித்திக், வாக்கெடுப்புக்கு முன்னதாக அவர் கூறிய கருத்து சர்ச்சையை ஏற்படுத்தியுள்ளது. முஸ்லிம் பெண்களுக்கு சீட்டு கொடுக்கும் அரசியல் கட்சிகள் இஸ்லாத்திற்கு எதிரானது.

குஜராத் தேர்தல்:

குஜராத்தில் சமீபகாலமாக அரசியல் நடவடிக்கைகள் அதிகரித்துள்ளன.  நாளை குஜராத் மாநிலத்தில் இரண்டாம் கட்ட வாக்குப்பதிவு நடைபெறவுள்ளது.   இரண்டாம் கட்டமாக குஜராத்தில் உள்ள 14 மாவட்டங்களில் உள்ள 93 சட்டமன்ற தொகுதிகளுக்கு வாக்குப்பதிவு நடைபெற உள்ளது.   

இஸ்லாத்திற்கு எதிரானது:

அதே நேரத்தில், அகமதாபாத்தில் உள்ள ஜமா மஸ்ஜித்தின் ஷாஹி இமாம், ஷபீர் அகமது சித்திக் வாக்களிப்பதற்கு முன் அவரது அறிக்கையால் சர்ச்சையை உருவாக்கியுள்ளார். ”முஸ்லிம் பெண்களுக்கு தேர்தலில் வாய்ப்பளிக்கும் அரசியல் கட்சிகள் இஸ்லாத்திற்கு எதிரானது எனக் கூறியுள்ளார்.  இது நமது மதத்தை பலவீனப்படுத்துவதாக உள்ளது” கூறியுள்ளார்.

-நப்பசலையார்

இதையும் படிக்க:   பாஜகவின் இரும்பு கோட்டையில் காங்கிரஸின் அசைக்க முடியாத கோட்டை!!!

மாநிலத்தில் சிறுபான்மை சமூகத்தைச் சேர்ந்தவர்களின் பெயர்கள் வாக்காளர் பட்டியலில் இருந்து நீக்கப்படுவதாக எழுந்த குற்றச்சாட்டு.

தேர்தல் ஆணையத்திற்கு கோரிக்கை:

கர்நாடகாவின் கிரேட்டர் பெங்களூரு மகாநகர பலிகே (பிபிஎம்பி) பகுதியில் தனியார் அமைப்பினர் வாக்காளர்களை மோசடி செய்த விவகாரத்தில், அங்கீகரிக்கப்படாத வாக்காளர்களின் பெயர்களை தேர்தல் ஆணையம் நீக்கிவிட்டு உண்மையான வாக்காளர்களின் பெயர்களை சேர்க்க வேண்டும் என்று முதலமைச்சர் பசவராஜ் பொம்மை கூறியுள்ளார்.   

குற்றத்தை மறைக்கவே:

அதே நேரத்தில், மாநிலத்தில் சிறுபான்மை சமூகத்தைச் சேர்ந்தவர்களின் பெயர்கள் வாக்காளர் பட்டியலில் இருந்து நீக்கப்படுவதாக எழுந்த குற்றச்சாட்டையும் முதலமைச்சர் நிராகரித்துள்ளார்.  அவர் மீதான குற்றச்சாட்டை மறைக்கவே தேர்தல் ஆணையத்திற்கு உத்தரவிட்டதாக அரசியல் விமர்சகர்கள் தெரிவித்துள்ளனர்.

விஷயம் என்ன:

இந்த விவகாரமானது கர்நாடக மாநிலத்தின் 162 சிவாஜிநகர், 169 சிக்பெட் மற்றும் 174 மகாதேவ்புரா ஆகிய மூன்று சட்டமன்றத் தொகுதிகளுடன் தொடர்புடையது என்று தகவல்கள் தெரிவிக்கின்றன.  இந்த மூன்று சட்டசபை தொகுதிகளும் பிபிஎம்பி பகுதிக்கு உட்பட்டவை.  

இந்த சட்டசபை தொகுதிகளின் வாக்காளர் பட்டியலில் தனி நபர்களால் வாக்காளர்களின் பெயர்களை இணைத்தல், நீக்கல் போன்ற தவறான செயல்கள் நடந்துள்ளதாக குற்றச்சாட்டுகள் எழுந்துள்ளது.   இந்த விவகாரத்தில் நடவடிக்கை எடுத்து, 100 சதவீத விசாரணை நடத்த இந்திய தேர்தல் ஆணையம் உத்தரவிட்டுள்ளது என்பது குறிப்பிடத்தக்கது.

-நப்பசலையார்

இதையும் படிக்க:   நீங்க மட்டும் தான் போவீங்களா...நாங்களும் போவோம்...காங்கிரஸை தெறிக்கவிட்ட பொம்மை!!!