காங்கிரஸ் கட்சியின் கோட்டையாக இருந்த பஞ்சாபை கடந்த சட்டமன்ற தேர்தலில் ஆம் ஆத்மி முதல் முறையாக கைப்பற்றியது. இதையடுத்து பகவந்த் சிங் மான் முதல்வராக பதவியேற்றதை தொடர்ந்து பல சீர்திருத்த நடவடிக்கைகள் முன்னெடுக்கப்பட்டன.

அதன்படி தேவையின்றி பிரபலங்களுக்கு வழங்கப்பட்டு வந்த பாதுகாப்பு முறைப்படுத்தப்பட்டது. அதன்படி பாடகர் சித்து மூஸ்வாலாவுக்கு வழங்கப்பட்ட பாதுகாப்பு திரும்ப பெறப்பட்டதன் ஒரு நாள் கழித்து அவர் கேங்ஸ்டர் கும்பலால் படுகொலை செய்யப்பட்டார்.

இது ஆளும் ஆம் ஆத்மி அரசுக்கு பெரும் கரும்புள்ளியாக அமைந்தது.  இந்த நிலையில் ஆளும் ஆம் ஆத்மி தலைமையில் பஞ்சாப் சட்டபேரவையின் முதல் பட்ஜெட் கூட்டத்தொடர் தொடங்கியுள்ளது. நிதியமைச்சர் ஹர்பல் சிங் சீமா சட்டப்பேரவையில் பட்ஜெட்டை தாக்கல் செய்ய உள்ளார். இது மக்களிடையே பெரும் எதிர்பார்ப்பை ஏற்படுத்தியுள்ளது.

நாட்டின் பொருளாதார வளர்ச்சியை உருவாக்கும் சக்திகளின் பட்டியலில், இரும்பு, தாமிரம், துத்தநாகம், அலுமினியம் போன்ற உலோகங்கள் முக்கிய காரணிகளாக உள்ளன.

இந்த நிலையில் இந்தியாவில் தாமிர உற்பத்தி தொழிற்சாலையை தொடங் பிரபல தொழிலதிபர் கவுதம் அதானி திட்டமிட்டுள்ளதாகவும் அதற்காக சுமார் 6 ஆயிரத்து 71 கோடி ரூபாயை எஸ்.பி.ஐ வங்கியிடம் இருந்து கடனாக பெற்றுள்ளதாகவும் தகவல் வெளியாகியுள்ளது.

குஜராத்தில் ஆண்டுக்கு சுமார் 10 லட்சம் டன் அளவுக்கு தாமிர உலோகத்தை உற்பத்தி செய்யும் திறன் பெற்ற தொழிற்சாலையை அமைக்க அதானி முடிவு செய்துள்ளதாகவும் கூறப்படுகிறது.

தமிழகத்தை பொருத்தவரை தாமிர உற்பத்தியில் ஈடுபட்டு வந்த ஸ்டெர்லைட் தொழிற்சாலைக்கு கடும் எதிர்ப்பு கிளம்பியதை தொடர்ந்து தற்போது அலையை விற்பனை செய்ய வேதாந்தா நிறுவனம் முன்வந்துள்ளது குறிப்பிடதக்கது. 

அசாமில் கடந்த 10 நாட்களுக்கும் மேலாக இடைவிடாமல் கனமழை பெய்து வருகிறது. இதனால் 30க்கும் மேற்பட்ட மாவட்டங்கள் கடும் பாதிப்புக்கு உள்ளாகியுள்ளனர். தற்போது மழை ஓரளவு ஓய்ந்து நிலைமை சீரடைந்து வரும் போதிலும் நேற்று மழை வெள்ளத்தில் சிக்கி 5 பேர் உயிரிழந்துள்ளனர்.

இதனால் அசாம் மாநிலத்தில் மழை வெள்ளத்துக்கு பலியானோர் எண்ணிக்கை 126 ஆக அதிகரித்துள்ளது. இவர்களில் 17க்கும் மேற்பட்டோர் நிலச்சரிவில் சிக்கி உயிரிழந்துள்ளனர். வெள்ள பாதிப்புக்கு 22 லட்சத்திற்கும் மேற்பட்ட மக்கள் பாதிக்கப்பட்டுள்ளனர். இதில் மிக மோசமான பாதிப்புக்கு உள்ளான பர்பெட்டா மாவட்டத்தில் சுமார் ஏழு லட்சம் பேர் வெள்ள பாதிப்புக்கு ஆளாகியுள்ளனர்.

நாகோன் மாவட்டத்தில் 5 லட்சத்து 13 ஆயிரம் பேரும், கச்சார் மாவட்டத்தில் 2 லட்சத்து 77 ஆயிரம் பேருக்கு வெள்ளத்தால் ஏற்பட்ட பாதிப்புக்கு ஆளாகியுள்ளனர். மாநிலம் முழுவதும் கிட்டதட்ட 74 ஆயிரத்து 706 ஹெக்டேர் நிலப்பிலான விளைநிலங்களில் வெள்ள நீர் புகுந்து நாசமடைந்துள்ளன.

கர்நாடக மாநிலம் பெங்களூர், மைசூர் சாலையில் உள்ள ஆர் ஆர் நகர் பகுதியை சேர்ந்தவர் ஸ்ரீ நாகேஷ். ஓய்வுபெற்ற பொறியாளரான இவர்,  தனது மனைவி, மற்றும் இரண்டு மகள்களுடன், பெங்களூருவில் உள்ள நித்யானந்தரின் பிடதி ஆசிரமத்தில் சேர்ந்துள்ளார்.  இந்த நிலையில், இளைய மகள் வருதுனியை தவிர மற்றவர்கள் ஆசிரமத்தை விட்டு வெளியேறினர்.

சிறிது காலம் கழித்து, ஆசிரமத்தில் சென்று தன் மகளை தன்னுடன் அனுப்பும்படி தந்தை கேட்டுள்ளார். இந்நிலையில் பெங்களூரு ஆசிரமத்தில் இருந்து வருதுனி வேறு இடத்திற்கு மாற்றி உள்ளதாக கூறியிருக்கின்றனர். இதற்கிடையே, திருவண்ணாமலை கிரிவலப்பாதையில் உள்ள நித்யானந்தா ஆசிரமத்தில் வருதுனியின் தந்தை நாகேஷ் வந்து பார்த்தபோது அவர் உள்ளே இருப்பதை கண்டுள்ளார்.

ஆனால் ஆசிரம நிர்வாகிகள் அவரது மகள் இங்கே இல்லை என்று கூறியதை அடுத்து, தன் மகளை மீட்டு தரக்கோரி திருவண்ணாமலை கிராமிய காவல்நிலையத்தில் நாகேஷ் புகார் அளித்துள்ளார்.

இந்த புகாரின் அடிப்படையில் கிராமிய காவல் நிலைய காவல் துறையினர் நித்தியானந்தா ஆசிரமத்தில் தீவிர சோதனையில் ஈடுபட்டனர். ஆனால் அங்கு நாகேஷ் மகள் இல்லை எனத் தெரியவந்தது. தொடர்ந்து  காவல்துறையினர் மற்றும் நாகேஷ் குடும்பத்தினர் ஆசிரமத்தில் இருந்து புறப்பட்டு சென்றனர். இதனால் அங்கு சிறிது நேரம் பரபரப்பு ஏற்பட்டது.

புதுச்சேரி மாநிலத்தில் பாமக ஆட்சிக்கு வந்த உடன் மதுக்கடைகள் அகற்றப்படும் என்று அக்கட்சி நிறுவனர் ராமதாஸ் உறுதியளித்துள்ளார்.

புதுச்சேரி மாநில பாட்டாளி மக்கள் கட்சியின் மாநில பொதுக் கூட்டம் கம்பன் கலையரங்கில் நடைபெற்றது. அப்போது பேசிய அவர், போகாத இடம் இல்லை, ஏறாத மாடிகள் இல்லை ஆனாலும் பாமக அட்சியை பிடிக்கவில்லை எனக் கூறியுள்ளார். 

கஞ்சாவை ஒழிக்க தீர்மானம்  நிறைவேற்றினால் மட்டும் போதாது என்ற அவர், மாதம் ஒரு முறை கஞ்சாவுக்கு எதிராக பாமக சார்பில் போராட்டம் நடத்த வேண்டும் எனவும் தெரிவித்துள்ளார்.

ஆட்சிக்கு வந்தால் மதுக்கடைகள் அகற்றல்  உள்ளிட்ட 7 முக்கிய தீர்மானங்கள் 1 மாத காலத்திற்குள் நிறைவேற்றப்படும் எனவும் ராமதாஸ் உறுதி அளித்தார்.