சமூக நலன் சார்ந்த நிகழ்ச்சியை நாள் தோறும் ஒளிபரப்ப வேண்டும் என்று தனியார் தொலைக்காட்சிகளுக்கு மத்திய தகவல் ஒலிபரப்பு அமைச்சகம் வழிகாட்டு நெறிமுறைகளை வழங்கியுள்ளது.  

மத்திய அரசின் வழிகாட்டு நெறிமுறைகள் :

பொதுமக்களுக்கு விழிப்புணர்வை ஏற்படுத்தும் வீடியோக்களை தனியார் தொலைக்காட்சிகள் நாள்தோறும் 30 நிமிடம் ஒளிபரப்ப வேண்டும் என்று மத்திய அரசு வழிகாட்டு நெறிமுறைகளை வெளியிட்டுள்ளது. இது தொடர்பாக மத்திய தகவல் ஒளிபரப்புத்துறை அமைச்சகம், வெளியிட்டுள்ள நெறிமுறையில், ”பொதுமக்களுக்கு விழிப்புணர்வை ஏற்படுத்தும் வீடியோக்களை தனியார் தொலைக்காட்சிகளில் ஒளிபரப்புவது தொடர்பாக அவற்றின் உரிமையாளர்கள் மற்றும் அவற்றுக்கான கூட்டமைப்புகளிடம் ஆலோசனை மேற்கொள்ளப்பட்டது. அதில் பெறப்பட்ட கருத்துக்களின் அடிப்படையில் இந்த வழிகாட்டு நெறிமுறை வகுக்கப்பட்டுள்ளது.

அதன்படி, தனியார் தொலைக்காட்சிகள் நாள்தோறும் 30 நிமிடங்கள் அளவுக்கு பொதுமக்களுக்கு விழிப்புணர்வை ஏற்படுத்தும் வீடியோக்களை ஒளிபரப்ப வேண்டும். இந்த வீடியோக்களை மொத்தமாக ஒளிரப்ப வேண்டும் என்ற அவசியம் இல்லை. சிறு சிறு பகுதிகளாக பிரித்தும் ஒளிபரப்பலாம். 

இதையும் படிக்க : என் தரப்பு வாதத்தையும் கேட்க வேண்டும்...முன்கூட்டியே கேவியட் மனு தாக்கல் செய்த சசிகலா!

கல்வி மற்றும் இலக்கியம், விவசாயம் மற்றும் கிராமப்புற மேம்பாடு, சுகாதாரம் மற்றும் குடும்ப நலம், அறிவியல் தொழில்நுட்பம், பெண்கள் நலம், சமூகத்தில் வலிமை குன்றியவர்களின் நலம், சுற்றுச்சூழல் மற்றும் புராதன கலாச்சார பாதுகாப்பு, தேசிய ஒருமைப்பாடு உள்ளிட்ட தலைப்புகளில் தேசிய முக்கியத்துவம் வாய்ந்ததாகவும், சமூக நலன் சார்ந்ததாகவும் வீடியோக்கள் இருக்க வேண்டும்.

இந்த வீடியோக்கள் ஒளிபரப்பப்பட்டதற்கான அறிக்கையை சேவை ஒளிபரப்பு இணையதளத்தில் மாதம்தோறும் பதிவேற்ற வேண்டும்'' என மத்திய அரசின் வழிகாட்டு நெறிமுறைகளில் தெரிவிக்கப்பட்டுள்ளது.

ஒற்றுமைப் பயணத்திற்கு மக்கள் அளித்த அபரிமிதமான அன்பால் கண்கலங்கி நிற்பதாக நிறைவுக் பொதுக்கூட்டத்தில் ராகுல்காந்தி நெகிழ்ச்சியுடன் தெரிவித்தார். 

கன்னியாகுமரி முதல் காஷ்மீர் வரை பாரத் ஜோடா என்ற பெயரில் ராகுல்காந்தி தலைமையில் காங்கிரஸ் பாதயாத்திரையை நடத்தியது. 145 நாட்களில் மொத்தம் 3 ஆயிரத்து 500 கிலோமீட்டர் தூரம் நடைபெற்ற இந்தப் பேரணியின் நிறைவு விழாவாக ஸ்ரீநகரில் இன்று பொதுக்கூட்டம் நடைபெற்றது. முன்னதாக காங்கிரஸ் தலைவர் மல்லிகார்ஜூன கார்கேவுடன் தேசியக்கொடியை ஏற்றிய ராகுல்காந்தி, தங்கை பிரியங்காவுடன் பனிக் கட்டிகளை வீசி உற்சாகமாக விளையாடினார்.

இதைத்தொடர்ந்து கொட்டும் பனிக்கு மத்தியில் நடைபெற்ற கூட்டத்தில் முன்னாள் முதலமைச்சர்கள் மெகபூபா முஃப்தி, உமர் அப்துல்லா, கம்யூனிஸ்ட் கட்சியின் டி.ராஜா, திமுக எம்பி திருச்சி சிவா உள்ளிட்டோர் பங்கேற்றனர். 

இதையும் படிக்க : ஈரோட்டில் கணக்கில் வராத ரூ 4 லட்சம் ரூபாய் தேர்தல் ஆணையத்தால் பறிமுதல்...

அப்போது பேசிய திருச்சி சிவா, அரசியலமைப்புச் சட்டத்தில் உள்ள மதச்சார்பின்மை என்ற வார்த்தையை இப்பேரணி வலியுறுத்தியதாகக் கூறினார். தொடர்ந்து பேசிய காங்கிரஸ் தலைவர் மல்லிகார்ஜூன கார்கே, இந்த யாத்திரை தேர்தலுக்கானதல்ல - வெறுப்புணர்வுக்கு எதிரானது எனக் கூறினார். 

இறுதியாகப் பேசிய ராகுல்காந்தி, ஆரம்பத்தில் இவ்வளவு தூரம் நடக்க முடியுமா என தயங்கியதாகவும், மக்களின் ஆதரவாலேயே அது சாத்தியமானதாகவும் தெரிவித்தார். இம்மாநிலத்தில் பிரமாண்ட பேரணியில் ஈடுபட்டதன் மூலம் பாஜகவின் எந்த தலைவராலும் செய்ய முடியாததை காங்கிரஸ் கட்சி நடத்திக் காட்டியிருப்பதாகவும் கூறினார். மக்களின் அபரிமிதமான ஆதரவால் கண்கலங்கி நிற்பதாகவும், இத்தனை அன்புக்கு மத்தியில் இந்தக்குளிர் பெரிதாகத் தெரியவில்லை எனவும் தெரிவித்தார்.

கர்நாடகாவில் மேடையில் பாடிக்கொண்டிருந்த பிரபல பாடகர் மீது தண்ணீர் பாட்டில் வீசிய இருவர் கைது செய்யப்பட்டுள்ளனர். 

ஹம்பி உட்சவ் திருவிழா :

கர்நாடக மாநிலம் விஜயநகர் மாவட்டத்தில் உள்ள உலக பிரசித்தி பெற்ற சுற்றுலாத் தலமான ஹம்பி நகரில், ஹம்பி உட்சவ் திருவிழா கொண்டாடப்பட்டது. இந்த விழாவை விஜயநகர பேரரசின் பெருமைகளை பறைசாற்றும் விதமாக அந்த பேரரசு இருந்த காலத்திலிருந்தே இவ்விழா கொண்டாடப்பட்டு வருகிறது. அதுமட்டுமல்லாமல், இந்த விழாவிற்கு நாடு முழுவதிலும் இருந்து தலைசிறந்த கலைஞர்கள் பங்கேற்று கலை நிகழ்ச்சிகள் நடத்துவது வழக்கம்.

இதையும் படிக்க : ஈரோட்டில் கணக்கில் வராத ரூ 4 லட்சம் ரூபாய் தேர்தல் ஆணையத்தால் பறிமுதல்...

பாடகர் மீது பாட்டில் வீசிய இளைஞர்கள் :

அந்தவகையில் நேற்று இரவு நடைபெற்ற ஹம்பி உட்சவ் திருவிழாவில், பத்மஸ்ரீ விருது பெற்ற பாடகர் கைலாஷ் கேர் பங்கேற்று பல்வேறு பாடல்களை பாடிக்கொண்டிருந்தார். அப்போது அவர் கன்னட மொழி பாடல்களை பாடாத காரணத்தினால் இரண்டு இளைஞர்கள் தங்கள் கையிலிருந்த தண்ணீர் பாட்டிலை அவர் மீது தூக்கி வீசினர். இதையடுத்து அந்த இளைஞர்கள் இருவரையும் போலீசார் கைது செய்து விசாரணை நடத்தி வருகின்றனர்.

நிகழ்ச்சியை நிறைவு செய்த பாடகர் :

இதற்கிடையில், பாடகர் தன் மீது தண்ணீர் பாட்டில் வீசப்பட்டதை கூட பொருட்படுத்தாமல் அனைத்து பாடல்களையும் பாடி தனது நிகழ்ச்சியை நிறைவு செய்தார். இருப்பினும், பிரபல பாடகர் மீது பார்வையாளர்கள் தண்ணீர் பாட்டிலை கொண்டு தாக்கிய சம்பவம் அப்பகுதியில் பரபரப்பை ஏற்படுத்தி உள்ளது.   

மத்திய பட்ஜெட் கூட்டத்தொடரை முன்னிட்டு  டெல்லியில்  அனைத்துக்கட்சிக் கூட்டம்  தொடங்கி நடைபெற்றது.

மத்திய பட்ஜெட் கூட்டத்தொடர் :

மத்திய பட்ஜெட் கூட்டத்தொடர் நாளை தொடங்கி பிப்ரவரி 13ம் தேதி வரை நடைபெறவுள்ளது. மக்களவை மற்றும் மாநிலங்களவையின்  கூட்டு கூட்டத்தில்  நாளை முதல் நாளில், குடியரசுத்தலைவர் திரவுபதி முர்மு உரையாற்றுகிறார். இதைத்தொடர்ந்து 2023 முதல் 2024ம் ஆண்டிற்கான பொது பட்ஜெட்டை, பிப்ரவரி 1ம் தேதி மத்திய நிதியமைச்சர் நிர்மலா சீதாராமன் தாக்கல் செய்கிறார். 

இதையும் படிக்க : ஈபிஎஸ்-யை மறுக்கும் தேர்தல் ஆணையம்...  உடனே நீதிமன்றம் சென்ற எடப்பாடி...உத்தரவிட்ட உச்சநீதிமன்றம்!

அனைத்துக் கட்சி கூட்டம் :

இந்நிலையில் பட்ஜெட் கூட்டத்தொடர் சுமூகமாக நடைபெறுவதை உறுதிசெய்யும் வகையில், அனைத்துக்கட்சிக் கூட்டத்திற்கு நாடாளுமன்ற விவகாரங்கள் துறை அமைச்சர் பிரகலாத் ஜோஷி அழைப்பு விடுத்தார். 

அதன்படி நாடாளுமன்ற இணைப்புக் கட்டிடத்தில் இன்று  அனைத்து கட்சி கூட்டம்  நடைபெற்றது. இதில் காங்கிரஸ், திமுக அதிமுக உள்ளிட்ட அனைத்து கட்சிகளின் பிரதிநிதிகள் கலந்து கொண்டனர். அப்போது நாடாளுமன்றத்தில் விவாதிக்க வேண்டிய முக்கியப் பிரச்னைகள் தொடர்பாக எதிர்கட்சிகள் வலியுறுத்தின.

டெல்லியில் கடந்த இருபது ஆண்டுகளில் இல்லாத அளவுக்கு கடந்தாண்டு 2022ல் 165 பேருக்கு தூக்கு தண்டனை விதிக்கப்பட்டுள்ளதாக தகவல்கள் வெளியாகியுள்ளது.

இந்நிலையில்,  2021ல் மரண தண்டனைக்கு அனுப்பப்பட்ட 146 கைதிகளை விட கடந்த ஆண்டு அதிகமாகும் என கூறப்பட்டுள்ளது. கிட்டத்தட்ட மூன்றில் ஒரு பங்கு மரண தண்டனை வழக்குகளில், குற்றவாளி பாலியல் குற்றத்தை செய்துள்ளார்.

இதனால் 2022 ஆம் ஆண்டின் இறுதியில், 539 பேர் மரண தண்டனைக்கு உட்படுத்தப்பட்டனர். இந்த எண்ணிக்கையானது நீதிமன்றங்களில் விசாரணை வளர்ந்து வரும் போக்கையும் பிரதிபலிக்கிறது என கூறப்படுகிறது.

மேலும் படிக்க | எம்.  ஜி.ஆர், ஜெயலலிதா கட்சியை மோடி அமித்ஷா கட்டுப்படுத்துகின்றனர்- தொல். திருமாவளன்...