‘பைபார்ஜாய்’ புயல் இன்று மாலை தீவிர புயலாக வலுப்பெறும் என இந்திய வானிலை ஆய்வு மையம் கணித்துள்ளது.

தென்கிழக்கு மற்றும் அதனை ஒட்டிய மத்திய கிழக்கு அரபிக்கடலில் மையம் கொண்டிருந்த காற்றழுத்த தாழ்வு மண்டலம் புயலாக வலுப்பெற்றது.  'பைபார்ஜாய்' எனப்பெயரிடப்பட்ட இப்புயல் வலுப்பெற்று வடக்கு நோக்கி நகர வாய்ப்புள்ளதாக தெரிவிக்கப்பட்டது. 

இதையும் படிக்க : வெளுத்து வாங்கிய கோடை மழையால்...ஒரு பெண் உயிரிழப்பு!

இதன் மூலம் கேரளா முதல் மராட்டிய மாநிலம் வரையிலான மேற்கு கடற்கரைப் பகுதிகளில் மழை தீவிரமடையும் என்றும் தெரிவிக்கப்பட்டுள்ளது. மேலும் 'பைபார்ஜாய்' புயல், மேற்கு நோக்கி நகர்ந்து 6 மணி நேரத்திற்குள் தீவிர புயலாக வலுவடையும் என இந்திய வானிலை ஆய்வு மையம் கணித்துள்ளது.

மல்யுத்த வீராங்கனைகளுக்கு பாலியல் தொல்லை கொடுத்த பாஜக எம்.பி'ஐ கைது செய்ய வலியுறுத்தி ஐக்கிய விவசாயிகள் முன்னணி சார்பில் கண்டன ஆர்ப்பாட்டம் நடைபெற்றது.

மல்யுத்த வீராங்கனைகளுக்கு பாலியல் தொல்லை கொடுத்த பாஜக எம்.பி பிரஜன் பூஷன் சரண்சிங்கை கைதுசெய்யக் கோரி போராட்டம் நடத்திய மல்யுத்த வீரர்கள் மீது தாக்குதல் நடத்திய டெல்லி காவல் துறையை கண்டித்து நாடு தழுவிய கண்டன ஆர்ப்பாட்டம் சென்னை வள்ளுவர் கோட்டத்தில் நடைபெற்றது. 

ஐக்கிய விவசாயிகள் முன்னணி சார்பில் நடத்தப்பட்ட இந்த கண்டன ஆர்ப்பாட்டத்தில் 50க்கும் மேர்ப்பட்டோர் கலந்து கொண்டு, ஒன்றிய அரசுக்கு எதிரான வாசகங்கள் அடங்கிய பதாகைகளை ஏந்தி கோசங்களை எழுப்பினர். 

மல்யுத்த வீராங்கனைகளுக்கு ஆதரவாக தமிழ்நாடு முழுவதும் உள்ள மாவட்ட தலைநகரங்களில் ஐக்கிய விவசாயிகள் முன்னணி சார்பில் இன்று போராட்டம் நடைபெற்று வருவதாகவும், பாஜகவின் சனாதான கருத்துகளை முறியடித்து ஒன்றிய அரசை தோற்கடிக்கும் வகையில் மல்யுத்த வீராங்கனைகளுக்கு பாலியல் தொல்லை கொடுத்த பாஜக எம்.  பி பிரஜன் பூஷன் சரண்சிங்கை கைது செய்யவேண்டும் என்றும், பாஜக எம்.பி'ஐ கைது செய்யும் வரை எங்களின் போராட்டம் தொடரும் என்றும் மாநில ஐக்கிய விவசாயிகள் முன்னணியின் ஒருங்கினைப்பாளர் பாலகிருஷ்ணன் தெரிவித்தார். 

இதையும் படிக்க    | " பள்ளிகள் திறக்கும் தேதியை தள்ளி வைத்ததை ரத்து செய்ய வேண்டும் " - புதிய தமிழகம் கட்சி தலைவர் கிருஷ்ணசாமி .

ஒடிசாவில் கோரமண்டல் விரைவு ரயில் உள்பட 3 ரயில்கள் விபத்துக்குள்ளானதில் 7 பிரிவுகளின் கீழ் வழக்குப்பதிவு செய்யப்பட்டுள்ளது. 

ஒடிசாவில் கடந்த 2-ந்தேதி நிகழ்ந்த ரயில் விபத்தில் 275-க்கும் மேற்பட்டோர் உயிரிழந்த நிலையில், ஆயிரத்திற்கும் மேற்பட்டோர் காயமடைந்தனர். இரயில் போக்குவரத்து துறையின் அலட்சியத்தால்தான் இவ்விபத்து நிகழ்ந்தது என்றும் இதற்கு பொறுப்பேற்று மத்திய இரயில்வே அமைச்சர் பதவி விலக வேண்டும் என்ற பல்வேறு அரசியல் கட்சிகள் வலியுறுத்தி வந்தன. இந்நிலையில் இரயில் விபத்து சதி வேலையாக இருக்கலாம் எனவும் இது குறித்து சிபிஐ விசாரணை நடத்தப்படும் என்றும் மத்திய இரயில்வே துறை அமைச்சர் அஸ்வினி வைஷ்னவ் தெரிவித்திருந்தார்.

இதைத் தொடர்ந்து, தென்கிழக்கு வட்ட ரயில்வே அதிரிகாரி தலைமையிலான குழுவினர் இரயில் விபத்து தொடர்பான விசாரணையை தொடங்கி உள்ள நிலையில் சிபிஐ விசாரணை நடத்தவும் பரிந்துரை செய்யப்பட்டுள்ளது.  இதனிடையே, இந்த விபத்து தொடர்பாக  முதற்கட்டமாக 7 பிரிவுகளின் கீழ் அடையாளம் தெரியாத நபர்கள் மீது வழக்குப்பதிவு செய்யப்பட்டுள்ளது. 

இதையும் படிக்க:குடியரசு தலைவருக்கு சுரினாம் நாட்டின் உயரிய விருது!

குடியரசு தலைவர் திரௌபதி முர்முவிற்கு சுரினாமின் மிக உயர்ந்த விருதான "Grand Order of the Chain of the Yellow Star"-ஐ அந்நாட்டு அதிபர் சந்திரிகா பெர்சாத் வழங்கி கெளரவித்தார்.

6 நாள் அரசு முறை பயணமாக சுரினாம் நாட்டிற்கு சென்றுள்ள குடியரசுத் தலைவர் திரெளபதி முர்முவிற்கு தலைநகர் பரமரிபோவில் அந்நாட்டு ராணுவத்தினரால் சிறப்பு வரவேற்பு அளிக்கப்பட்டது. அதனை தொடர்ந்து அந்நாட்டு அதிபர் சந்திரிகா பெர்சாத்தை சந்தித்த திரெளபதி முர்மு, இருநாடுகளின் நல்லுறவை ஆழப்படுத்துவது, விவசாயம், தகவல் தொழில்நுட்பம் உள்ளிட்ட இருதரப்பு ஒத்துழைப்பு ஆகியவை குறித்து ஆலோசித்தார். 

அதனை தொடர்ந்து குடியரசு தலைவர் திரெளபதி முர்முவிற்கு சுரினாமின் மிக உயர்ந்த விருதான "Grand Order of the Chain of the Yellow Star"-ஐ அந்நாட்டு அதிபர் சந்திரிகா பெர்சாத் வழங்கி கெளரவித்தார். தொடர்ந்து பேசிய திரெளபதி முர்மு, சுரினாமுக்கு இந்திய வருகையின் 150வது ஆண்டு நினைவு தினத்தின் போது இந்த விருதைப் பெறுவது, அதை மேலும் சிறப்புறச் செய்வதாக தெரிவித்தார். இந்த மரியாதை இரு நாடுகளிலும் உள்ள பெண்களுக்கு அதிகாரம் மற்றும் ஊக்கத்தின் கலங்கரை விளக்கமாகச் செயல்பட்டால், அது இன்னும் அர்த்தமுள்ளதாக இருக்கும்" என்றும் கூறினார். மேலும் இரு நாடுகளுக்கும் இடையே சகோதரத்துவ உறவுகளை மேம்படுத்துவதில் முக்கிய பங்காற்றிய இந்திய-சுரினாமியர் சமூகத்தின் அடுத்தடுத்த தலைமுறையினருக்கும் இந்த கௌரவத்தை தாம் அர்ப்பணிப்பதாகவும் தெரிவித்தார். 

மேலும் படிக்க:"ரயில் விபத்தில் தமிழர்கள் யாருக்கும் பாதிப்பில்லை"தமிழ்நாடு அரசு மீட்புக் குழு!

பிரிஜ் பூஷனுக்கு எதிரான போராட்டத்தை வாபஸ் பெற்றதாக வெளியாகும் தகவலில் உண்மையில்லை என மல்யுத்த வீராங்கனை சாக்ஷி மாலிக் தெரிவித்துள்ளார்.

பாலியல் குற்றச்சாட்டுகளுக்கு உள்ளான இந்திய மல்யுத்த கூட்டமைப்பின் தலைவரும் பாஜக எம்பியுமான பிரிஜ் பூஷனை கைது செய்யக்கோரி டெல்லியில் போராட்டத்தில் ஈடுபட்டு வந்த வீராங்கனைகள் கைது செய்யப்பட்டு பின் விடுவிக்கப்பட்டனர். இதைத்தொடர்ந்து சர்வதேச போட்டியில் வென்ற பதக்கங்களை கங்கையில் வீசுவதாக அனைவரும் கூட்டாக அறிவித்ததும் குறிப்பிடத்தக்கது. இந்நிலையில் மத்திய உள்துறை அமைச்சர் அமித்ஷாவை டெல்லியில் உள்ள அவரது இல்லத்தில் வைத்து சாக்ஷி மாலிக், வினேஷ் பொகாட், பஜ்ரங் புனியா ஆகியோர் சந்தித்து பேச்சுவார்த்தையில் ஈடுபட்டனர்.  

இதைத்தொடர்ந்து அனைவரும் போராட்டத்தை கைவிட்டு ரயில்வே வேலைக்குத் திரும்புவதாக தகவல்கள் வெளியானது. இதனை முற்றிலும் மறுத்த சாக்ஷி மாலிக், நீதிக்கான போராட்டத்தில் இருந்து யாரும் பின்வாங்கப் போவதில்லை எனவும், போராட்டத்துடன் இணைந்தே தனது ரயில்வே பணியை தொடர்வதாகவும் ட்வீட் செய்துள்ளார். நீதி கிடைக்கும் வரை போராட்டம் தொடரும் எனவும், தவறான செய்திகளை பரப்ப வேண்டாம் எனவும் அவர் அதில் குறிப்பிட்டுள்ளார். 

இதையும் படிக்க:பவானிசாகர் அணையில் ரசாயன கழிவுநீர் கலப்பதை தடுக்க போராட்டம்!