விஜய் டிவியில் ஒளிபரப்பாகிய பிக்பாஸ் நான்காவது சீசனில் போட்டியாளர்களாக கலந்துகொண்டு பிரபலமானவர்கள் ஷிவானி மற்றும் பாலாஜி முருகதாஸ்.நான்காவது சீசனில் போட்டியாளர்கள் பலரும் ஒற்றுமையாக ஒரு அணியாக தான் விளையாடி கொண்டிருந்தனர். அவரை எதிர்த்து பிக்பாஸ் வீட்டிற்குள் ஒரு அணியாக அனைத்து போட்டியாளர்களும் இருந்து வந்தனர்.  அனைத்து சீசன்களிலும் வழக்கமாக வரும் வதந்திகளை போலத்தான் இந்த நான்காவது சீஸனிலும் ஷிவானி மற்றும் பாலாஜி இடையே காதல் என்று பலர் கூறிவந்தனர். ரசிகர்கள் மட்டுமல்லாமல் நிகழ்ச்சியில் இருந்த சக போட்டியாளர்களும் கூட சில நேரங்களில் இதே தான் கூறி வந்தனர். 

இந்த நிலையில் பிக் பாஸ் வீட்டுக்குள் சிறப்பு விருந்தினராக வந்த அவருடைய ஷிவானியின் அம்மா கூட பாலாஜியின் மீது தன்னுடைய மொத்த வெறுப்பையும் பார்வையாலே காட்டி இருந்தார். இந்த நான்காவது சீசன் வைரலாவதற்க்கு இவர்கள் ஒரு காரணம் தான். ஆனால் பிக் பாஸ் நிகழ்ச்சியில் விட்டு வெளியே வந்த பிறகு நாங்கள் நண்பர்கள் என்று சொல்லும் அளவிற்கு போட்டியாளர்கள் அனைவரும் ஒன்றாக வலம் வருகிறார்கள். 

 நேற்று பாலாஜியின் பிறந்தநாளுக்கு அவருடைய நண்பர்கள் மட்டுமல்லாமல், திரைத்துறையினரும், ரசிகர்களும் வாழ்த்துக்களை கூறி வருகின்றனர். ஆனால் இன்றைய பிறந்தநாளுக்கு நேற்று இரவு பாலாஜி அவருடைய நண்பர்கள் உடன் பிறந்த நாள் பங்க்ஷனை சிறப்பாக கொண்டாடி இருக்கிறார். அதில் பலர் கலந்துகொண்டு இருந்தாலும் ஷிவானி அவருடைய அம்மாவுடன் கலந்துகொண்ட போட்டோஸ்கள் சமூக வலைத்தளத்தில் வைரலாக பரவி வருகிறது.

தமிழ் சினிமாவின் உச்சநட்சத்திரமான தளபதி விஜய் தற்போது இயக்குனர் நெல்சன் இயக்கத்தில் பீஸ்ட் திரைப்படத்தில் நடித்து வருகிறார்.பிரமாண்டமாக உருவாகியுள்ள பீஸ்ட் படத்தின் மீதான எதிர்பார்ப்பு பெரியளவில் உள்ளது, இப்படத்தின் வெளியிட்டிற்காக ரசிகர்களை அனைவரும் காத்து கொண்டு இருக்கின்றனர்.

மேலும் சமீபத்தில் இயக்குனர் நெல்சன் பீஸ்ட் படத்தின் 100 நாள் ஷூட்டிங் நிறைவையொட்டி ஷூட்டிங் ஸ்பாட் புகைப்படத்தை வெளியிட்டு இருந்தார்.அதில் தளபதி விஜய்யுடன் அனைத்து நடிகர்களும் இசையமைத்தபடி போஸ் கொடுத்திருந்தனர், அந்த புகைப்படமும் இணையத்தில் வைரலானது. 

இந்நிலையில் பீஸ்ட் திரைப்படத்தில் நடிகர் சிவகார்த்திகேயன் பாடல் ஒன்றை எழுதியுள்ளதாக கூறப்படுகிறது.அந்த பாடலின் முதல் வார்த்தை 90'ஸ் Kid என தொடங்கலாம் என தகவல் வெளியாகியுள்ளது.முதல் சிங்கள் பாடலாக வெளியாகவுள்ள அப்பாடலின் அப்டேட் எப்போது வெளியாகும் என ரசிகர்கள் பலரும் ஆர்வாமாக காத்திருக்கின்றனர்.

ஆயிரத்திற்கும் மேற்பட்ட படங்களுக்கு இசையமைத்து 40 ஆண்டுகள் தாண்டியும் தமிழ்  சினிமாவில் கோலொச்சி வரும் இசைஞானி ஞானி இளையராஜா கடந்த சில வருடங்களாக அவரின் செயலுக்காக அனைவரின் மத்தியிலும் பெரும் விமர்சனங்களுக்கு உள்ளாகிக் கொண்டிருக்கிறார் இருந்தும் தற்சமயம் வெற்றிமாறன் மிஷ்கின் போன்ற முன்னணி இயக்குனர்களுடன் விடுதலை, துப்பறிவாளன் 2, மாயோன், தமிழரசன், மதுரை மணிகுறவன், க்ளாப், மாமனிதன், கடவுள் 2, நினைவெல்லாம் நீயடா, முன்பதிவு உள்ளிட்ட பல படங்களுக்கு இசையமைத்து வருகிறார். அத்துடன் அவரின் இசையில் உருவாகியுள்ள பல்வேறு படங்களும் ரிலீஸுக்கு தயாராக உள்ளன.

இந்நிலையில் காக்கா முட்டை, குற்றமே தண்டனை, ஆண்டவன் கட்டளை ஆகிய படங்களை இயக்கிய மணிகண்டன். தற்போது கடைசி விவசாயி என்ற படத்தைஅவரே தயாரித்து இயக்கி வருகிறார். இந்தப் படத்தில் லீடிங் ரோலில் நல்லாண்டி என்ற முதியவரும் மற்றும் யோகி பாபு, பசுபதி, உள்ளிட்ட பல முக்கிய நடிகர்கள் நடித்துள்ளனர் மேலும் கவுரவ தோற்றத்தில் விஜய்சேதுபதியும் நடித்துள்ளார். விவசாயிகளின் அன்றாட வலிகளை பிரச்சனைகளை நேர்த்தியாக சொல்லும் வகையில் உருவாகியுள்ள இப்படத்திற்கு இசையமைப்பதிற்கு இளையராஜாவை இப்படக்குழு ஒப்பந்தம் செய்திருந்தது.

இந்நிலையில் இந்தப் படத்தின் பாதி பாகத்திற்கு மேல் இளையராஜா இசையமைத்து முடித்திருந்த நிலையில் படக்குழுவுக்கும் இளையராஜாவுக்கும் இடையே கருத்து வேறுபாடு ஏற்பட்டது. இதனை தொடர்ந்து இளையராஜாவுடன் பணியை தொடர விரும்பாத படக்குழு, படத்தில் இருந்து இளையராஜாவை நீக்கிவிட்டு அவருக்கு மாற்றாக சந்தோஷ் நாராயணனை வைத்து இசை தொடர்பான பணிகளை முடித்து விட்டனர்.

படத்தில் இருந்து நீக்கியது குறித்த தகவலை இளையராஜாவிடம் தெரிவிக்காமலே முழு படத்திற்கான இசை வேலைகளை முடித்துவிட்டு கடைசி விவசாயி படத்தின் டிரெய்லரில் ரிலீஸ் செய்திருந்தது படக்குழு. சமீபத்தில் அந்த டிரெய்லரை கண்ட இளையராஜா படத்தில் தனது இசை நீக்கப்பட்டு இருப்பதை அறிந்து அதிர்ச்சி அடைந்தார். தனது அனுமதியை பெறாமல் இசையை நீக்கியதுடன் வேறுஒரு இசையமைப்பாளரை வைத்து படத்துக்கு இசையமைத்தது தனக்கு கௌரவ பிரச்னை என்று கருதி, இசைக் கலைஞர்கள் சங்கத்தில் கடைசி விவசாயி படக்குழு மீது இளையராஜா புகார் அளித்துள்ளார். விஜய் சேதுபதி நடித்து வரும் படக்குழுவினர் மீது இசையமைப்பாளர் இளையராஜா புகார் அளித்திருப்பது தமிழ் சினிமா வட்டாரத்தில் பரபரப்பை ஏற்படுத்தியுள்ளது.

நடிகர் விஜயகுமார் மற்றும் மஞ்சுளா அவர்களின் மகளான வனிதா 1995இல் விஜய் நடித்த சந்திரலேகா என்ற படத்தின் மூலம் நடிகையாக அறிமுகமானார். அதன்பிறகு மாணிக்கம் என்ற ஒரு படத்தில் நடித்தார் அவர். இரண்டு படங்களும் பெரிய அளவில் அவருக்கு பெயரை பெற்றுத் தரவில்லை. அதனால் சினிமாவில் இருந்து ஒதுங்கி நடிகர் ஆகாஷ் என்பவரை 19 வயதிலேயே திருமணம் செய்து கொண்டார் வனிதா. அவர்களது அவர்கள் திருமணம் 2000 வருடத்தில் நடைபெற்றது. அதன் பிறகு 2007இல் அவரிடம் இருந்து விவாகரத்து பெற்றுக் கொண்டார் வனிதா. பின்னர் ஆந்திராவை சேர்ந்த ஆனந்தராஜ் என்ற ஒருவரை திருமணம் செய்து கொண்டு வாழ்ந்தார். அந்த திருமணமும் சில வருடங்களில் முடிவுக்கு வந்தது.

வனிதா, 40 வயதில் பீட்டர் பால் என்பவரை 3வது முறையாக திருமணம் செய்து கொண்டார். பீட்டர் பால் முதல் மனைவியை விவாகரத்து செய்யாமல் வனிதாவை திருமணம் செய்து கொண்டதும் மிகப்பெரிய சர்ச்சையை கிளப்பியது. அவரையும் பிரிந்த வனிதா விஜயகுமார் மீது பல்வேறு தரப்பிலும் இருந்து வந்தவண்ணம் இருந்தது.  இந்நிலையில் தான் சர்ச்சைக்குரிய வீடியோ ஒன்றை வெளியிட்டுள்ளார். நடிகை வனிதா தனது இன்ஸ்டாகிராம் பக்கத்தில் பீஃப் பிரியாணி செய்யும் வீடியோ வெளியிட்டு இருந்தார். மலபார் பீஃப் பிரியாணி செய்வது எப்படி என்று வீடியோ தயாரித்து அதன் யூ டியூப் பக்கத்தில் வனிதா வெளியிட்டு இருந்தார். இந்த வீடியோதான் தற்போது இன்ஸ்டாவில் பரபரப்பை ஏற்படுத்தி உள்ளது.

இந்த வீடியோ பார்த்த பலர் மலபார் பீஃப் பிரியாணி நன்றாக இருக்கும். அதை செய்வதும் எளிது. உங்களின் ரெசிபி நன்றாக இருக்கிறது. எளிதாக இருக்கிறது என்று பலர் கமெண்ட் செய்துள்ளனர். ஆனால் இந்த வீடியோவிற்கு பலர் எதிர்ப்பு தெரிவித்துள்ளனர்.

அதன்படி இப்படி பீஃப் சமைத்து அதை வீடியோவாக போடலாமா? நீங்கள் எல்லாம் இந்துவா? அதை பார்க்கவே கோபமாக வருகிறது. வனிதா நீங்கள் வெளியிட்ட மோசமான வீடியோ இதுதான் என்று சிலர் கமெண்ட் செய்துள்ளனர். வனிதாவை கடுமையாக விமர்சனம் செய்தும் சிலர் கமெண்ட் செய்து இருக்கிறார்.

தொடர்ந்து பலர் நெகட்டிவ் கமெண்ட் செய்து வருவதால் இந்த வீடியோவும் தற்போது வைரலாகி உள்ளது. இந்த நிலையில் வனிதா இந்த சர்ச்சைக்கு கூலாக பதிலடி கொடுத்துள்ளார். அதில், மக்களே சில். என்ன ஆச்சு உங்களுக்கு. என்னுடைய நண்பர்கள் வட்டத்தில் நிறைய மலையாளிகள், இஸ்லாமியர்கள், கிறிஸ்துவர்கள் உள்ளனர். இது வெறும் ரெசிபிதான்.

நான் 7 வயதில் இருந்து அமெரிக்காவில் வளர்ந்தவள். இதனால் எனக்கு பல நாட்டு உணவுகள் அறிமுகம். சிறிய வயதில் இருந்து பல வகை உணவுகளை சாப்பிட்டு இருக்கிறேன். நம்பிக்கை என்பது தனிப்பட்ட விஷயம். அதை பிறர் மீது திணிக்க கூடாது. உங்களுக்கு பிடிக்கவில்லை என்றால் வீடியோவில் என் மகள் சொன்னது போல உங்களுக்கு பிடித்த விஷயத்தை வைத்து இதே பிரியாணியை சமைத்துக் கொள்ளலாம் என்று வனிதா குறிப்பிட்டுள்ளார்.

மகராஷ்டிரா மாநிலத்தில் பிரபல மராத்தி தொலைக்காட்சியில் ஒளிபரப்பாகி வருவது 'சஹ்குடும்ப் சஹாபரிவார்' தொலைக்காட்சி தொடரில் துணை நடிகையான ஸ்வாதி பதாவே காவல்நிலையத்தில் பாலியல் புகார் ஒன்றை அளித்துள்ளார். அதில் தான் பணிபுரியும் நிகழ்ச்சியில் நந்திதா பட்கருக்கு டூப்பாக நடித்து வருகிறேன். நான் ஏற்கனவே பல நிகழ்ச்சிகளில் நடித்துள்ளேன். ஆனால் இந்த நிகழ்ச்சியில் மட்டும்தான் நான் ஒரு முண்ணனி நடிகைக்கு டூப்பாக நடிக்க வேண்டிய சூழ்நிலை ஏற்பட்டது. சில நேரத்தில் இந்த நிகழ்ச்சியின் சூட்டிங்கின்போது நந்திதா பட்கர் தாமதமாக வந்தால் அந்த சமயங்களில் அவரது கதா பாத்திரத்தில் நடிக்க வாய்ப்புக் கிடைத்தது.

இந்நிலையில் இந்நிகழ்ச்சியின் தயாரிப்பு நிர்வாகி என்னிடம் அணுகி, புனேயில் சூட்டிங் இருப்பது வசதியாக இருக்கிறதா எனக்கேட்டார். நான் அதற்கு ஆமாம் மிகவும் பிடித்திருக்கிறது என்றேன். பின்னர் சினிமாவில் நிறைய பேரை தெரியும் என்றும். நான் சம்மதித்தால் வாய்ப்புகள் வாங்கி தருவதாகவும் ஸ்வப்னில் என்னிடம் கூறினார். அப்படி பட வாய்ப்புகள் வேண்டுமென்றால் தனக்கு தேவையான ஒன்றை தரவேண்டும் என என்னிடம் கேட்டார். நான் அதற்கு பணம் தருகிறேன் என்றேன். ஆனால் அவர் பணம் வேண்டாம் என்றும் அவருடன் பாலியல் ரீதியாக உறவு கொள்ள வேண்டும் என்றும் கேட்டார். இதனால் நான் அதிர்ச்சி அடைந்தேன். நான் கிரைம் பட்ரோல் மற்றும் மராத்தி நிகழ்ச்சிகள் உட்பட பல இந்தி தொலைக்காட்சிகளில் நடித்துள்ளேன். ஆனால் இப்படி ஒரு அனுபவத்தை நான் எதிர்பார்க்கவில்லை. 

 ஸ்வப்னில் தன்னிடம் அணுகிய விதங்களை ஆதாரத்துடன் கோரேகான் காவல் நிலையத்தில் புகார் அளித்தேன். இதையடுத்து போலீசார் ஸ்வப்னில் லோகாண்டே மீது வழக்குப் பதிந்து அவரை கைது செய்துள்ளனர். இது எனக்கு மகிழ்ச்சி என ஸ்வாதி பதாவே தெரிவித்தார். இந்நிகழ்ச்சியின் நடிகர்கள் மற்றும் தயாரிப்பாளர்கள் தற்கொலைக்குத் தூண்டும் வகையில், பாலியல் தொல்லை தருவதாக மூத்த நடிகை அன்னபூர்ணா விட்டல் ஏற்கனவே குற்றம் சாட்டியிருந்தது குறிப்பிடத்தக்கது.