பா.ரஞ்சித்: தமிழ் சினிமாவை பொருத்தவரையிலும், ஒரு காலகட்டத்துல கிராமங்களில் உண்மையாக நடந்து கொண்டிருந்த சம்பவங்களையும், சாதிய பாகுபாடுகளையும் அப்படியே படமாக்கி கொண்டிருந்தனர். ஆனால் இவர்களுக்கு மட்டும் ஏன் இப்படி நடக்கிறது? ஏன் தாழ்த்தப்படும் மக்களின் வாழ்க்கையை யாருமே இங்கு கூறுவதில்லை என சிந்தித்து அதனை வரிசையாக படமாக கொடுத்து வருபவர் பா.ரஞ்சித். 

கவனிக்கப்பட்ட படங்கள்: மெட்ராஸ், கபாலி, காலா, சர்பட்டா பரம்பரை என வரிசையாக சினிமாவில் கவனிக்கப்பட்ட படங்களை கொடுத்தவர். ஒரு மனிதனின் வாழ்வில் ஏற்றத் தாழ்வும், அதனால் ஏற்படும் விளைவுகளையும் தனது படங்கள் மூலம் வெளிச்சம் போட்டு காட்டி வருபவர் ரஞ்சித். அதனாலேயே இவரது படங்கள் இளைஞர்களுக்கும், முற்போக்குவாதிகளுக்கும் மிகவும் பிடிக்கும். 

தயாரிப்பு நிறுவனம்: இயக்கத்தோடு மட்டும் நிற்காமல் தன்னைப் போன்ற படைப்பாளிகளின் படங்களை தயாரிக்கவும் ஆரம்பித்தார் பா.ரஞ்சித். நீலம் ப்ரொடக்‌ஷன்ஸ்  மூலம் பரியேறும் பெருமாள், குதிரைவால், ரைட்டர் போன்ற பல படங்களை தயாரித்தும் வருகிறார் பா.ரஞ்சித். 

நட்சத்திரம் நகர்கிறது: இந்த நிலையில், அவரது அடுத்த படைப்பாக உருவாகியிருக்கும் திரைப்படம் நட்சத்திரம் நகர்கிறது. துஷாரா விஜயன், காளிதாஸ் ஜெயராமன், டான்சிங் ரோஸ் ஷபீர் உட்பட பலர் நடிப்பில் உருவாகியுள்ள இப்படம் ரசிகர்களிடம் எதிர்பார்ப்பை ஏற்படுத்தியிருந்தது. 

டிரைலர் வெளியீடு: இம்மாதம் 31-ம் தேதி திரையரங்குகளில் வெளியாகவுள்ள நட்சத்திரம் நகர்கிறது படத்தின் டிரைலர் எவ்வித ஆராவாரமும் இன்றி அமைதியான முறையில் வெளியாகி இருக்கிறது. காதலுக்கு பின்னால் இந்த சமூகம் உருவாக்கும் கதைகள் என்ற தலைப்பின்  கீழ் இந்த டிரைலர் வெளியாகியுள்ளது. 

விமர்சனம்: பொதுவாகவே பா.ரஞ்சித்தின் கதை என்றாலே தாழ்த்தப்பட்ட, ஒடுக்கப்பட்ட மக்களின் குரல் அதில் நிச்சயம் இருக்கும் என்ற பார்வை தான் இதுநாள் வரை இருந்து வந்தது. ஆனால் இந்த டிரைலர் அந்தக் கோணத்தில் இருந்து சற்று மாறுபட்டுள்ளது. காதலையும், அதனை சுற்றி நடக்கும் கதைகளையும் கூறும் விதமாக உள்ளது டிரைலர். மேடை நாடகங்களை நடத்தும் ஒரு கும்பலும், அந்த கும்பலுக்குள் இருக்கும் மாறுபட்ட காதல் கதைகளும், அந்த காதலை சுற்றி சமூகம் கட்டமைக்கும் கதைகளையும் பற்றி கூறுகிறது நட்சத்திரம் நகர்கிறது படத்தின் டிரைலர். 

தீப்பறக்கும் வசனங்கள்: பெண்ணும் பெண்ணும், ஆணும் ஆணும் காதல் பன்னக் கூடாதா? தாலி கட்டுனா மட்டும் தான் காதல் தொடரும்னா? அவ்வளவு தானா அதன் மதிப்பு? காதல்ல எங்க வயசு வந்துச்சு? இப்படி பல வசனங்கள் டிரைலரில் வந்து செல்வது படத்தின் மீதான எதிர்பார்ப்பை மேலும் அதிகரித்திருக்கிறது. 

மகளின் முதல் பிறந்தநாளிற்கு ஒரு லட்சம் பானிபூரி இலவசமாக வழங்கி பாராட்டு பெற்றுள்ளார் பானிபூரி வியாபாரி.

பிறந்தநாள்:

இன்றைய காலத்தில் பிறந்தநாள் கொண்டாட்டம் ஒரு பண்டிகை நாள் போல கொண்டாப்படுகிறது. வித்தியாசம் காட்ட வேண்டும் என பல வழிகளை கையில் எடுத்து வருகின்றனர். தாங்கள் செய்யும் தொழில் மூலம் என்ன செய்யமுடியும் என யோசித்த ஒரு பானிபூரி வியாபாரி தனது மகளின் முதல் பிறந்தநாளை வித்தியாசமாக கொண்டாடியுள்ளார்.

21 ஸ்டால்கள்:

மத்திய பிரதேச மாநிலம் போபாலை சேர்ந்தவர் பானிபூரி வியாபாரி ஆன்சல் குப்தா. இவரது மகள் அனோகிக்கு சமீபத்தில் ஒரு வயது பூர்த்தி அடைந்தது. அதை பிரமாண்டமாகக் கொண்டாட முடிவு செய்த குப்தா, போபாலில் உள்ள மைதானத்தில் 21 ஸ்டால்கள் அமைத்து, 1 லட்சத்து ஆயிரம் பானிபூரிகளை இலவசமாக வழங்கியுள்ளார். 

விழிப்புணர்வு வாசகங்கள்:

அந்த மைதானத்தில், பெண் குழந்தைகளை வளருங்கள்; பெண் குழந்தைகளுக்கு கல்வி கற்பியுங்கள் என்ற விழிப்புணர்வு வாசகம் அடங்கிய நோட்டீஸ் வழங்கப்பட்டுள்ளது. 

अनोखी का अनोखा जन्मदिन आप भी बधाई दीजिए. 

मुखर्जी नगर कोलार में गुप्ता चाट भंडार चलाने वाले भाजपा कार्यकर्ता अंचल गुप्ता ने अपनी बेटी अनोखी गुप्ता के जन्मदिन पर नागरिको को मुफ़्त में 1 लाख फ़ुल्की खिलायी. @narendramodi @ChouhanShivraj @OfficeofSSC pic.twitter.com/WC1gxG79lO

— Rameshwar Sharma (@rameshwar4111) August 17, 2022

முதலமைச்சர் பாராட்டு:

இந்த நிகழ்ச்சியில், உள்ளூர் எம்.ஏல்.ஏ. ரமேஷ்வர் சர்மா மற்றும் ஆயிரக்கணக்கான பொதுமக்கள் கலந்துகொண்டு குழந்தைக்கு வாழ்த்துகளைத் தெரிவித்துள்ளனர். இந்த விழிப்புணர்வு நிகழ்ச்சி குறித்து அறிந்த மத்திய பிரதேச மாநில முதலமைச்சர் சிவராஜ் சிங் சவுகான், சமூக வலைதளத்தில் ஆன்சல் குப்பதாவுக்கு பாராட்டு தெரிவித்துள்ளார்.

கிரிக்கெட் ஆர்வலர்களிடையே பேட்டிங்கிற்காக நற்பெயரை வாங்கியவர் 33 வயதான விராட் கோலி. ஐந்து நாட்கள் தரவரிசையில் இந்திய அணியை முதலிடத்திற்கு கொண்டு சென்றவர்.  

இந்திய ஊடகங்களால் ’கிங்’ கோலி என அழைக்கப்பட்டவர் சில வருடங்களாக அவருடைய மோசமான ஆட்டங்களை வெளிப்படுத்தி வருகிறார்.  டி20 உலக கோப்பையில் மோசமான ஆட்டத்தை வெளிப்படுத்திய பின்னர் கடந்த ஆண்டு அனைத்து போட்டிகளிலும் கேப்டன் பதவிகளிலிருந்து விலக்கப்பட்டார்.

கோலி பேட்டி:

செய்தியாளர்களிடம் பேசிய விராட் கோலி அவருடைய விளையாட்டு வாழ்க்கையின் அழுத்தம் சில நேரங்களில் அவரது மனநலத்தில் எதிர்மறையான தாக்கத்தை ஏற்படுத்தியதாக கூறியுள்ளார். 

கோலியை ஆதரிக்கும் நேசிக்கும் நபர்கள் நிறைந்த அறையில் கூட அவர் தனிமையாக உணர்ந்ததாக கூறியுள்ளார்.  இந்த அனுபவம் பலரது வாழ்க்கையில் நிச்சயம் நடந்திருக்கும் எனவும் அவர் பேசியுள்ளார்.

இது ஒரு தீவிரமான பிரச்சினை எனவும் எல்லா நேரங்களிலும் வலுவாக இருக்க முயற்சி செய்திருக்கிறோம் எனவும் கூறியுள்ளார்.

விளையாட்டு வீரர்கள் ஓய்வெடுத்து விளையாட்டின் அழுத்தங்களில் இருந்து மீண்டு நிலையான மனநிலையை அடைவது மிக முக்கியமானது என தெரிவித்துள்ளார்.

உலகின் அதிக சம்பள்ம் வாங்கும் விளையாட்டு வீரர்களில் ஒருவரான கோலி 2019க்கு பிறகு எந்த வடிவத்திலும் சதம் அடிக்கவில்லை.

சமீபத்திய மேற்கிந்திய தீவுகள் சுற்றுப்பயணத்தில் ஓய்வளிக்கப்பட்ட நிலையில் ஆசிய கோப்பைக்கான டி20  அணியில் இடம்பெற்றுள்ளார்.

நடிகர் நாசருக்கு காயம்: ஹைதராபாத்தில் உள்ள தெலங்கானா போலீஸ் அகாடமியில் நடைபெற்று கொண்டிருக்கும் தமிழ் திரைப்பட படப்பிடிப்பின் போது, நடிகர் நாசர் காயமடைந்ததாக தகவல் வெளியாகியுள்ளது. 

கால் தவறி விழுந்த நாசர்: ஹைதராபாத்தில், நாசர், சுகாசினி ஆகியோர் நடிக்கும் தமிழ் படத்தின் படப்பிடிப்பு தெலங்கானா போலீஸ் அகாடமியில் நடைபெற்று வருகிறது. அப்போது படிக்கட்டு ஒன்றின் மீது தாவி குதிக்கும் காட்சியில் நடித்து கொண்டிருந்த நாசர் கால் தவறி கீழே விழுந்து காயம் அடைந்துள்ளார். 

விரைவில் குணமடைவார்: அவரை உடனடியாக அருகில் உள்ள மருத்துவமனைக்கு படக்குழுவினர் அழைத்து சென்றுள்ளனர். அவரை பரிசோதித்த மருத்துவர்கள் லேசான காயம் மட்டுமே ஏற்பட்டிருப்பதாகவும், விரைவில் குணமடைந்து விடுவார் எனவும் தெரிவித்துள்ளனர். 

நடிகர் ரஜினிகாந்த், தமிழ் சினிமாவின் சூப்பர் ஸ்டாரான இவர், இதுவரை 165 க்கும் மேற்பட்ட திரைப்படங்களில் நடித்துள்ளார். முன்னதாக இவரது நடிப்பில் வெளியான அண்ணாத்த திரைப்படம் கலவையான விமர்சனங்களையே பெற்றது. சிறுத்தை சிவா இயக்கத்தில், ரஜினியோடு, கீர்த்தி சுரேஷ், நயன்தாரா, குஷ்பூ, மீனா என பலர் நடித்திருந்தனர். அடுத்ததாக இயக்குனர் நெல்சன் திலீப் குமார் இயக்கத்தில், தலைவர் 169 படத்தில் நடிக்க உள்ளார். பெரும் ரசிகர் பட்டாளத்தையே கொண்ட ரஜினிகாந்த், கலைமாமணி, பத்ம பூஷண், பத்ம விபூஷண், தாதா சாஹேப் பால்கே விருது போன்ற பல விருதுகளை வென்றவர். 

இந்நிலையில் முதலில் கே.பாலசந்தர் இயக்கத்தில், அபூர்வ ராகங்கள் என்ற திரைப்படத்தின் மூலம் தமிழ் சினிமா உலகிற்கு அறிமுகமானார். கமல்ஹாசன், சுந்தர்ராஜன், ஸ்ரீவித்யா, ஜெயசுதா ஆகியோர் நடித்த இந்த திரைப்படத்தில் ரஜினிகாந்த் பாண்டியன் என்ற கதாபாத்திரத்தில் நடித்திருந்தார். இந்த திரைப்படம் 1975 ம் ஆண்டு ஆகஸ்ட் 15ம் தேதி வெளியானது. நல்ல வரவேற்பை பெற்ற இந்த திரைப்படம் வெளியாகி 47 ஆண்டுகள் நிறைவடைந்துள்ளது. எனவே ரஜினிகாந்த் திரைத்துறையில் கால் பதித்து 47 ஆண்டுகளை நிறைவு செய்துள்ளார். 

76 years of independence