ஹிப் ஹாப் ஆதியின் வீரன் படத்திற்கு குழந்தைகளுக்கு இலவச டிக்கெட் என அறிவிக்கப்பட்டிருந்ததை நம்பி படம் பார்க்க வந்த குழந்தைகள் ஏமாற்றம் அடைந்துள்ளனர்.

நடிகர் மற்றும் இசையமைப்பாளரான ஹிப் ஹாப் தமிழா ஆதியின் நடிப்பில் உருவாகியுள்ளது வீரன் திரைப்படம். இத்திரைப்படம் கடந்த ஜூன் 2ம் தேதி முதல் தமிழ்நாடெங்கும் திரைக்கு வந்தது. இந்த படம் சூப்பர் ஹீரோ கதாபாத்திரத்தை அடிப்படையாகக் கொண்டது. மதுரை அண்ணா நகர் பகுதியில் உள்ள சினிப்ரியா  திரையரங்கில் சத்தியஜோதி தயாரிப்பு நிறுவனம் சார்பில் குழந்தைகளுக்கு இலவசமாக வீரன் திரைப்படத்தின் காலை 10:30 காட்சி டிக்கெட்டுகள் விநியோகம் செய்யப்படுவதாக அறிவிக்கப்பட்டது. 

இதனால் 300க்கும் அதிகமான குழந்தைகள் தங்களது பெற்றோருடன் குவிந்தனர்.  ஆனால் முறையான அறிவிப்பு இல்லாததால் அதிக அளவில் குவிந்த குழந்தைகளுக்கு திரைப்படத்திற்கான டிக்கெட் விநியோகம் செய்யப்படவில்லை. இதனால் திரைப்படத்தை காண முடியாமல் குழந்தைகள் ஏமாற்றம் அடைந்தனர். இதனையொட்டி தயாரிப்பு நிறுவனம் சார்பில் முறையான அறிவிப்பு வழங்கப்படாததால் இவ்வளவு பேர் இங்கு குவிந்ததாக குற்றம் சாட்டினர். 

இதையும் படிக்க:ரயில் பாதையில் டயர் கிடந்த விவகாரம்: குற்றவாளிகளை கண்டுபிடிக்க முடியாமல் திணரும் போலீஸ்!

வார விடுமுறை ஞாயிற்றுக்கிழமையான இன்று உதகை அரசு தாவரவியல் பூங்காவில் கொட்டும் மழையிலும் சுற்றுலா பயணிகள் குவிந்துள்ளனர். 

மலைகளின் அரசி என்று அழைக்கப்படும் நீலகிரி மாவட்டத்தில் கோடை சீசன் முடிவடைந்துள்ள நிலையில் தற்போது தென்மேற்கு பருவமழை துவங்கியுள்ளது. இதனால் கடந்த சில நாட்களாக உதகை மற்றும் அதனை சுற்றியுள்ள பகுதிகளில் பிற்பகல் முதல் சுமார் ஒரு மணி நேரத்திற்கு மேலாக கன மழை பெய்து வருகிறது.

இந்நிலையில் வார விடுமுறையான இன்று உதகை அரசு தாவரவியல் பூங்கா, படகு இல்லம், தொட்டபெட்டா சிகரம் உள்ளிட்ட சுற்றுலா தலங்களில் சுற்றுலா பயணிகளின் கூட்டம் அதிகரித்து காணப்பட்டது. இதனை அடுத்து காலை முதல் மேகமூட்டத்துடன் கூடிய காலநிலை நிலவி வந்த நிலையில் பிற்பகல் முதல் சுமார் ஒரு மணி நேரத்திற்கு மேலாக உதகை மற்றும் அதனை சுற்றியுள்ள பகுதிகளில் கனமழை பெய்தது.

குறிப்பாக அரசு தாவரவியல் பூங்காவில் கொட்டும் மழையில் பூங்காவை சுற்றுலா பயணிகள் கண்டு ரசித்தனர்.

இதையும் படிக்க:"கோரமண்டல் ரயில் தான் விபத்திற்கு காரணம்" இரயில்வே உயரதிகாரி விளக்கம்!

கோவை ஆர்.எஸ்.புரம் பகுதியில் 5வது வாரமாக நடைபெறும் ஹேப்பி ஸ்டிரீட் நிகழ்ச்சியில் பல்வேறு பொதுமக்கள் கலந்து கொண்டனர்.

பரபரப்பாக இந்தியா இயங்கி வரும் ஸ்மார் சிட்டிகளில் மக்கள் மகிழ்ச்சியை கொண்டாடும் விதமாக  ஹேப்பி ஸ்டிரீட் ஒவ்வொரு ஆண்டும் கோடை ஞாயிறுகளில் கொண்டாடப்படுகிறது. கோவை மாநகராட்சி மற்றும் தனியார் அமைப்புகள் இணைந்து வாரம் தோறும் ஹேப்பி ஸ்டிரீட் நிகழ்ச்சியை நடத்தி வருகின்றன. ரேஸ் கோர்ஸ், ஆர்.எஸ்.புரம் உள்ளிட்ட இடங்களில் ஹேப்பி ஸ்டிரீட்  நிகழ்ச்சி நடத்தப்பட்டு வருகிறது. அதன்படி மூன்றாவது வாரமாக ஆர்.எஸ்.புரம் பகுதியி ல்ஹேப்பி ஸ்டிரீட்  நிகழ்ச்சி நடைபெற்றது.

இதில் ஏராளமான பொதுமக்கள் கலந்து கொண்டு பல்வேறு விளையாட்டுகளை விளையாடினர். மேலும் ஆடல்  பாடல் போன்ற கலை நிகழ்ச்சிகளும் அரங்கேறின. இதில் கலந்து கொண்ட சிலர்  சிலர் சிலம்பம், சைக்கிள் சாகசம் போன்ற தனித்திறமைகளை வெளிப்படுத்தினர்.

இதையும் படிக்கஇந்திய இரயில்வேயும், விபத்துகளும்!:

இசையுலகின் மேஸ்ட்ரோ என புகழப்படும் இளையராஜா இன்று 80-வது பிறந்தநாளைக் கொண்டாடி வருகிறார். திரையுலக பிரபலங்கள், ரசிகர்கள் தங்கள் வாழ்த்துக்களை தெரிவித்து வருகின்றனர்.  

இன்பம், துன்பம், தனிமை, அழுகை, பிரிவு, இறப்பு, ஞானம் என ஒரு மனிதனின் அத்தனை சூழ்நிலைக்குமே பொருந்திப் போகிறது இளையராஜாவின் இசை. 

1976-ம் ஆண்டு வெளியான அன்னக்கிளியில் தொடங்கி சமீபத்தில் வெளியான விடுதலை வரையிலும் சுமார் ஆயிரம் திரைப்படங்களுக்கு இசையமைத்து, 7 ஆயிரத்துக்கும் அதிகமான பாடல்களை வழங்கி தமிழ் திரையுலகில் தனக்கென ஒரு தனிப்பெரும் ராஜ்யத்தையே  உருவாக்கியுள்ளார் ராஜா. 1943 ஜூன் 2-ம் தேதியன்று ஞானதேசிகனாக பிறந்தவர், டேனியல் ராசையாவாக மாறி தமிழ் மக்கள் மத்தியில் இளையராஜா எனும் அடையாளத்தோடு மக்கள் மனதில் மாபெரும் அரியணையிட்டு அமர்ந்துள்ளார். 

இளையராஜாவை தமிழ் சினிமா மட்டுமல்ல; இந்திய சினிமாவே கொண்டாடி வருகிறது. இசையுலகில் சாதிக்க வேண்டும் என லட்சிய வெறியோடு சென்னை பட்டணத்தை அடைந்தவருக்கு பணமோ, பழக்கமோ எதுவும் கைகொடுக்கவில்லை. திறமையால் உயர்ந்தவருக்கு உதிரத்திலேயே செருக்கு ஏற்படலாம். அந்த செருக்கு கூட சிலருக்கு மட்டுமே பொருத்தமாய் இருந்திருக்கலாம். ஜல்லிக்கட்டு காளையின் கூர்மிகு கொம்பு போல.

இளமைப் பருவத்தில் மனதில் பூத்த காதலை சொல்லவே தயங்கிய பலருக்கும் தூது சென்றது இளையராஜாவின் பாடல்கள். ஆழ்மனதின் வேர்களில் உள்ள அடிநாதத்தில் உள்ள பசுமையான காதலை வெளியே சொல்லின இளையராஜாவின் பாடல்கள். இன்றைய சூழ்நிலையில் திரையுலகில் எத்தனையோ மியூசிக் கம்போசர்கள் இதுதான் இசை என ரசிகர்களின் ரசனையை மாற்றி வருவதுண்டு. ஆனால் இளையராஜா ஒரு கம்போசராக அல்லாமல் தன்னை மேஸ்ட்ரோவாகவே நிலைநாட்டியுள்ளார். 

இசையுலகில் அறிமுகமாகி 50 ஆண்டுகளாகியும் தலை சிறந்த இசையமைப்பாளராக தரணியாண்ட ராஜாவுக்கு இன்று 80-வது பிறந்தநாள். தன் வாழ்நாளில் ஏற்றம் ஒன்றையே கண்டு வந்த இசைஞானிக்கு திரைத்துறையினர் ரசிகர்கள் வாழ்த்துக்களை தெரிவித்து வருகின்றனர். 

இதையும் படிக்க     | ”இ, ளை, ய, ரா, ஜா ஆகிய ஐந்தும் திரையிசையின் அபூர்வ ஸ்வரங்கள்” அரசியல் தலைவர்கள் வாழ்த்து!

மாமன்னன் படத்தின் இசை வெளியீட்டு விழாவில் 'மாமன்னன்' திரைப்படம் அல்ல நிஜம் என நடிகா் வடிவேலு தொிவித்துள்ளாா். 

இயக்குநர் மாரி செல்வராஜ் இயக்கத்தில் உதயநிதி ஸ்டாலின், வடிவேலு, கீர்த்தி சுரேஷ், பகத் பாசில் உள்ளிட்டோர் நடித்துள்ள "மாமன்னன்" திரைப்படம் வரும் ஜூன் 29ஆம் தேதி வெளியாகவுள்ளது. இந்நிலையில் சென்னை நேரு உள்விளையாட்டு அரங்கில் இப்படத்தின் இசை வெளியீட்டு விழா நேற்றைய தினம் (01.06.2023) நடைபெற்றது. 

இந்நிகழ்ச்சியில் நடிகர்கள் கமல்ஹாசன், சிவகார்த்திகேயன், கவின், விஜய் ஆண்டனி, சூரி, இசையமைப்பாளர் ஏ.ஆர்.ரஹ்மான்,  சந்தோஷ் நாராயணன், போனிகபூர், இயக்குநர்கள் வெற்றிமாறன், மிஷ்கின், பாண்டிராஜ், ஏஆர் முருகதாஸ், பா ரஞ்சித், ஹெச் வினோத், விக்னேஷ் சிவன், எஸ்ஜே சூர்யா உள்ளிட்ட பலரும் கலந்துகொண்டனர்.

இதையும் படிக்க : மாமன்னன் இசை வெளியீட்டு விழா...!

மேலும் இதுவரை காமெடி மற்றும் குணச்சித்திர நடிகராக பார்த்த நடிகர் வடிவேலு, இந்த படத்தில் முற்றிலும் மாறுபட்ட கேரக்டரில் நடித்துள்ளார். படத்தில் இருந்து வெளியான ஃபர்ஸ்லுக் போஸ்டர்கள் பெரும் எதிர்பார்ப்பை ஏற்படுத்தியுள்ளது.

நிகழ்ச்சியில் பேசிய நடிகா் வடிவேலு, நடிகா் கமல்ஹாசனிடம் கற்று கொண்டதை தான் மாமன்னன் படத்தில் வெளிப்படுத்தியுள்ளதாக தொிவித்தாா். தொடா்ந்து பேசிய அவா், 'மாமன்னன்' திரைப்படம் வெறும் படம் அல்ல நிஜம் எனவும், இந்த படத்தில் ஏ.ஆா்.ரகுமான் தான் பாடல் பாட வைத்தாா் எனவும் குறிப்பிட்டாா். மேலும் அவா் வாங்கிய ஆஸ்கார் விருதில் தனக்கு சிலவற்றை கொடுத்தது போல் இருந்ததாகவும் அவா் நகைச்சுவையாக தொிவித்தாா்.