நடிகை மீராமிதுன் தனது இருப்பிடத்தை  அடிக்கடி மாற்றி தலைமறைவாக இருந்து வருவதால் கைது செய்ய முடியாத நிலை உள்ளதாக  காவல் துறை தரப்பில் தெரிவிக்கப்பட்டுள்ளது. 

அவதூறு வழக்கில் கைதான மீராமிதுன்:

பட்டியலினத்தவர்கள் குறித்து சமூக வலைதளங்களில் அவதூறு கருத்துக்களை வெளியிட்டதாக, நடிகை மீரா மிதுன் மீதும்,  அதற்கு உடந்தையாக இருந்ததாக அவரது நண்பர் சாம் அபிஷேக் மீதும் வன்கொடுமை தடுப்பு சட்டத்தின் கீழ் சென்னை மத்திய குற்றப் பிரிவு போலீசார் கடந்த 2021ஆம் ஆண்டு வழக்கு பதிந்து இருவரையும் கைது செய்தனர்.

அடிக்கடி இருப்பிடத்தை மாற்றும் மீராமிதுன்:

பின்னர்  ஜாமீனில் விடுதலையான இவர்களுக்கு எதிராக  சென்னை முதன்மை அமர்வு நீதிமன்றத்தில் குற்றப்பத்திரிகை தாக்கல் செய்யப்பட்டது.  இந்த வழக்கு நீதிபதி அல்லி முன்பு இன்று மீண்டும் விசாரணைக்கு வந்தது.  அப்போது காவல் துறை தரப்பில், இருப்பிடத்தை அடிக்கடி மாற்றி தலைமறைவாக இருந்து வருவதால், மீராமிதுனை கைது செய்ய முடியாத நிலை ஏற்பட்டுள்ளதாக கூறினர்.

இதையும் படிக்க: பாஜகவிடமிருந்து காங்கிரஸ் கற்றுக்கொள்ள வேண்டிய பாடம் என்ன??!!

வழக்கை ஒத்தி வைத்த நீதிபதி:

இதனையடுத்து கடந்த இரண்டு மாதத்திற்கு மேல் வாரண்ட் நிலுவையில் இருப்பதாகவும், காவல்துறை கைது செய்ய உரிய நடவடிக்கை எடுக்கவில்லை எனவும் அதிருப்தி தெரிவித்த நீதிபதி வழக்கை அடுத்த மாதம் 19ஆம் தேதிக்கு ஒத்திவைத்ததார். 

தமிழில் பெரும் வெற்றி கண்ட விக்ரம் வேதா திரைப்படம், ஹிந்தியில் ரீமேக் செய்யப்பட்டு, திரைப்படம் வெளியையீட்டிற்காக காத்திருக்கிறது. இந்நிலையில் ட்விட்டரில் பய்காட் விக்ரம் வேதா என்ற ஹாஷ்டேக் ட்ரெண்டாகி வருகிறது.

கடந்த சில மாதங்களாகவே பாலிவுட் படங்களுக்கு எதிர்ப்புகள் வந்த வண்ணம் உள்ளன. முன்னதாக ரன்பீர் கபூர், ஆலியா பட் நடித்த பிரம்மாஸ்திரா திரைப்படம் வெளியாகும் போதும் பல எதிர்ப்புகள், புறக்கணிப்புகள் எழுந்தது குறிப்பிடத்தக்கது. அந்த வகையில் தற்போது ஹ்ரித்திக் ரோஷன், சைப் அலி கான் நடித்த விக்ரம் வேதா திரைப்படத்திற்கும் எழுந்துள்ளது.

தமிழில், கடந்த 2017 ஆம் ஆண்டு நடிகர் மாதவன், விஜய் சேதுபதி நடிப்பில் உருவாகி மக்கள் மத்தியில் நல்ல வரவேற்பை பெற்ற திரைப்படம் தான் விக்ரம் வேதா. புஷ்கர் காயத்ரி இயக்கத்தில் உருவாகி நல்ல வெற்றியைக் கண்ட இந்த திரைப்படம் தான் தற்போது பாலிவுட்டில் ரீமேக் செய்து உருவாக்கப்பட்டுள்ளது. ஹ்ரித்திக் ரோஷன், சைப் அலி கான் நடித்துள்ள இந்த விக்ரம் வேதா திரைப்படத்தை ஒய்நாட் ஸ்டுடியோஸ் மற்றும் ரிலையன்ஸ் என்டர்டைன்மெண்ட், பிரைடே பிலிம் ஒர்க்ஸ் இணைந்து தயாரித்துள்ளது. மேலும் இந்த திரைப்படம் வருகிற 30 ஆம் தேதி திரையரங்குகளில் வெளியாகிறது. 

இந்நிலையில் ட்விட்டரில் பய்காட் விக்ரம் வேதா என்ற ஹாஷ்டேக் ட்ரெண்டாகி வருகிறது. படம் வெளியாவதற்கு ஒரு சில தினங்களுக்கு முன்பாக சமூக வலைத்தளங்களில் இது போன்ற ஹாஷ்டேக் ட்ரெண்டாகி வருவது குறிப்பிடத்தக்கது. சமூக வலைத்தளங்களில் ஒரு தரப்பினர், தமிழ் திரைப்படங்கள் பாலிவுட்டில் ரீமேக் செய்யப்படுவது வருத்தமளிக்கிறது என்பதாலும், மற்றொரு தரப்பினர், அந்த படத்தில்  முக்கிய கதாபாத்திரத்தில் நடித்துள்ள ஹ்ரித்திக் ரோஷன், சைப் அலி கான் ஆகியோர் ப்ரோடக்ட்ஸ் ஆஃப் நெபாட்டிசம், அதாவது வாரிசு நடிகர்கள் என்பதாலும் படத்தை புறக்கணிக்கின்றனர். மேலும், விக்ரம் வேதா திரைப்படம் வெளியாகும் செப்டம்பர் 30 ஆம் தேதி அன்று அதே நாளில் மணிரத்னம் இயக்கத்தில் உருவான பொன்னியின் செல்வன் திரைப்படமும்  வெளியாவது குறிப்பிடத்தக்கது. இந்த காரணங்களுக்காகத் தான் பய்காட் விக்ரம் வேதா ஹாஷ்டேக் ட்ரெண்டாகி வருகிறது. 

தமிழ் சினிமாவில் முன்னணி நடிகராக வலம் வரும் நடிகர் விஷால். அவரது வீடு நேற்று முன் தினம் சில மர்ம நபர்களால் தாக்கப்பட்டுள்ளது. இது தொடர்பாக காவல் நிலையத்தில் புகார் அளிக்கப்பட்டுள்ளது.

நடிகரும், தயாரிப்பாளருமான விஷால், சென்னை அண்ணாநகரில் உள்ள வீட்டில் தனது குடும்பத்துடன் வசித்து வருகிறார். இந்த நிலையில், நேற்று முன் தினம் இரவு சிவப்பு நிற காரில் வந்த அடையாளம் தெரியாத மர்ம நபர்கள், விஷாலின் வீட்டை நோக்கி கற்களை வீசி தாக்கியுள்ளனர். இதில் வீட்டின் கண்ணாடிகள் சேதமடைந்தன. இந்த காட்சிகள் அனைத்தும் அங்கிருந்த சிசிடிவியில் பதிவாகியது. 

பின்னர், இதுகுறித்து நேற்று விஷாலின் மேலாளர் ஹரிகிருஷ்ணன், அண்ணாநகர் கே-4 காவல்நிலையத்தில் புகார் அளித்தார். தற்போது நடிகர் விஷால் படப்பிடிப்பிற்காக வெளியூர் சென்றுள்ள நிலையில் இந்த தாக்குதல் சம்பவம் நடந்திருப்பது பரபரப்பை ஏற்படுத்தியுள்ளது.

பழம் பெரும் பாலிவுட் நடிகை ஆஷா பரேக்கிற்கு திரைத்துறையின் உயரிய விருதான ‘தாதாசாகேப் பால்கே விருது' வழங்குவதாக மத்திய அரசு அறிவித்துள்ளது. 

குஜராத்தை பூர்வீகமாக கொண்ட நடிகை ஆஷா 1960 மற்றும் 70 களின் காலகட்டத்தில் முன்னணி நடிகையாக வளம் வந்தவர். 79 வயதான இவர் நடிகை, இயக்குனர் மற்றும் தயாரிப்பாளர் என பன்முகத்தன்மை கொண்டவர். திருமணமே செய்துகொள்ளாமல் வாழ்க்கை முழுவதையும் சினிமாத்துறைக்கு தொண்டாற்றியவர். மேலும், அதிக சம்பளம் பெற்ற பெருமையையும் கொண்டவர்.

பல படங்களில் நடித்து, பெரும் புகழை சம்பாதித்த அவர், கடைசியாக 1999 ஆம் ஆண்டு வெளியான சார் ஆங்கோன் பர் படத்தில் கேமியோ கதாபாத்திரத்தில் நடித்திருந்தார் எனபது குறிப்பிடத்தக்கது. மேலும் இவருக்கு 1992 ஆம் ஆண்டு, மத்திய அரசு பத்மஸ்ரீ விருது வழங்கி கௌரவித்தது. 

இந்நிலையில் தற்போது அவருக்கு, 2020 ஆம் ஆண்டுக்கான தாதா சாகேப் பால்கே விருது வழங்குவதாக மத்திய அரசு அறிவித்துள்ளது. திரைத்துறையின் உயரிய விருதான தாதா சாகேப் பால்கே விருது நடிகை ஆஷா பரேகிற்கு வழங்கப்படுவதை மத்திய அமைச்சர் அனுராக் தாக்கூர் உறுதிப்படுத்தியுள்ளார். சத்யஜித் ரே, பிருத்விராஜ் கபூர், நாகிரெட்டி, எல். வி. பிரசாத், ராஜ்கபூர், லதா மங்கேஸ்கர், சிவாஜி கணேசன், கே. பாலச்சந்தர், கே. விஸ்வநாத், ரஜினிகாந்த் போன்ற பல திரையுலக பிரபலங்கள் இந்த விருது பெற்று பெருமை சேர்த்தனர் என்பது குறிப்பிடத்தக்கது. 

பரிசுகளை வாரி வழங்கிய தயாரிப்பாளர்:

வெந்து தணிந்தது காடு திரைப்படம் வெளியாகி மக்களிடம் நல்ல வரவேற்பை பெற்ற நிலையில், படத்தில் 
நடித்தவர்களுக்கும், படக்குழுவினர் சிலருக்கும் தயாரிப்பாளர் பரிசுகளை வாரி வழங்கி வருகிறார். இதன் மூலம் படம் வசூலில் ஒரு கலக்கு கலக்கியிருக்கிறது என்பதை அறிய முடிகிறது. 

வெந்து தணிந்தது காடு:

வேல்ஸ் ஃபிலிம் இண்டர்நேசனல் சார்பில் ஐசரி கணேசன் தயாரிப்பில், கௌதம் வாசுதேவ் இயக்கத்தில், சிம்பு மற்றும் சித்தி இத்னானி ஆகியோரது நடிப்பில் கடந்த 15-ம் தேதி வெளியான திரைப்படம் வெந்து தணிந்தது காடு. 

காதல் டூ கேங்ஸ்டார்:

ஒரு கடைக்கோடி கிராமத்தில் முள்காட்டில் வேலைப் பார்த்து வரும் 20 வயது இளைஞன் பாம்பே சென்று அங்கு எப்படி தாதாவாக வளர்கிறான் என்பது தான் படத்தின் ஒரு வரிக் கதை. காதல் படங்களில் மட்டுமே இதுவரை கலக்கி வந்த கௌதம் வாசுதேவ், கேங்ஸ்டார் படத்தில் இப்படி மிரட்டுவார் என யாருமே எதிர்பார்க்கவில்லை. 

சிம்புவின் ட்ராஃபர்மேஷன்:

இந்தப் படத்திற்கு மிகப்பெரிய விளம்பரமாக இருந்தது என்றால் அது சிம்புவின் உடல் டிராஃபர்மேஷன் தான். செக்க சிவந்த வானம் படத்தில் அவர் இருந்த உடம்பை பாதியாக குறைத்து வெந்து தணிந்தது காடு படத்தில் 21 வயதாக வந்து நின்றார் சிம்பு. 

கூல் சுரேஷ்:

படம் வெளியாகி விமர்சன ரீதியாகவும், படம் மாபெரும் வெற்றியடைந்தது. சிம்பு இதுபோன்ற ஒரு படத்தில் நடிக்கின்றார் என்பதை கடந்த ஒன்றரை வருடங்களாக மக்களிடம் சொல்லிக் கொண்டே இருந்தது என்றால் அது நகைச்சுவை நடிகர் கூல் சுரேஷ் தான். 

ட்ரெண்டிங் செட்டர்:

எங்கு சென்றாலும் வெந்து தணிந்தது காடு, இன்னாருக்கு வணக்கத்தை போடு என தியேட்டர் வாசலில் இருந்து சமூக வலைதளங்கள் மூலம் படத்திற்கு மிகப்பெரிய ப்ரோமோஷன் செய்திருந்தார். சிம்புவும் கூல் சுரேஷை பாராட்டியிருந்தார். 

ஐபோன் பரிசு:

இந்த நிலையில், படம் மாபெரும் வெற்றி பெற்றதையடுத்து சிம்புவிற்கு ஒரு சொகுசு காரையும், இயக்குநர் கௌதம்க்கு புல்லட் பைக்கையும் பரிசாக கொடுத்திருந்த தயாரிப்பாளர் ஐசரி கணேசன், கூல் சுரேஷ்க்கு ஒரு ஆப்பிள் ஐ போனை பரிசாக வழங்கியுள்ளார். 

பூஜை அறையில் புகைப்படம்:

இதுக்கு நன்றி தெரிவித்து வீடியோ வெளியிட்டுள்ள கூல் சுரேஷ், பரிசுப் பொருட்களை எதிர்பார்த்து வெந்து தணிந்தது காடு திரைப்படத்திற்கு நான் ப்ரோமோஷன் செய்யவில்லை என கூறியிருக்கிறார். தனது குழந்தைகளின் கல்வி செலவை தானே ஏற்பதாகவும் ஐசரி கணேசன் கூறியிருப்பதாக நெகிழ்ச்சியுடன் தெரிவித்துள்ள கூல் சுரேஷ், எனது பூஜை அறையில் உங்களது புகைப்படத்தை மாட்டி வைப்பேன் என கூறியுள்ளார்.