பிரபல இயக்குனரான அட்லீ ராஜா ராணி திரைப்படத்தை தொடர்ந்து தளபதி விஜயை வைத்து தெறி, மெர்சல், பிகில் என அடுத்தடுத்து வெற்றி படங்களை கொடுத்தார். அதிலும் இவர் இயக்கிய ‘பிகில்’ திரைப்படத்தில் ராயப்பன் கேரக்டர் மிகப் பெரிய அளவில் ரீச்சானது.

என்னதான் இந்தப்படத்தில் ராயப்பன் கேரக்டர் கொஞ்ச நேரம் வந்தாலும் நடிகர் விஜய்க்கு ஒரு வித்தியாசமான கதாபாத்திரம் என்றே சொல்லலாம். இந்நிலையில் அமேசான் பிரைம் சமீபத்தில் தனது டுவிட்டர் பக்கத்தில் கேள்வி ஒன்றை எழுப்பியது. அதாவது ’பிகில்’ படத்தில் இடம்பெற்ற ராயப்பனின் முழு கதையும் சொல்லலாமே..? என்று கேள்வி எழுப்பியது. அதற்கு பதில் அளித்த அட்லீ, “செஞ்சிட்டா போச்சு” என்று பதிவிட்டுள்ளார். இதனை பார்த்த ரசிகர்கள் பலரும் வியப்பில் ஆழ்ந்துள்ளனர்.

இதனிடையே நடிகர் விஜய்யின் 68 வது திரைப்படத்தை இயக்குனர் அட்லீ இயக்கவிருப்பதாக தகவல் கசிந்து வருகிறது. அதுமட்டுமில்லாமல் அந்த படத்தின் கதை ‘பிகில்’ திரைப்படத்தின் முந்தைய பாகமாக இருக்கலாம் என்றும், அதில் ராயப்பனின் இளவயது சம்பவங்கள் இடம்பெறலாம் என்றும் தகவல் கூறப்படுகிறது. இப்படி ‘தளபதி 68’ படம் குறித்த தகவல் ஒவ்வொன்றாக வெளியாகும் இந்நேரத்தில் அட்லீயின் “செஞ்சிட்டா போச்சு” என்ற டுவிட் ரசிகர்களிடையே அப்போ கதை இதுதானா என்று யூகத்தை ஏற்படுத்தி வருகிறது. இருப்பினும் தற்போது நடிகர் விஜய் தளபதி 66 படத்தில் பிஸியாக நடித்து வருவதாலும், அதேபோல் அட்லீயும் ஷாருக்கான் நடித்து வரும் ’லயன்’ என்ற திரைப்படத்தை இயக்கி வருவதால் இந்த படத்தை முடித்த பின்னர் தான் ’தளபதி 68’ படத்திற்கான திரைக்கதை அமைக்கும் பணி தொடங்கும் என்று எதிர்பார்க்கப்படுகிறது.

தமிழ் சினிமாவின் நட்சத்திர தம்பதிகளான விஜயகுமார் மற்றும் மஞ்சுளாவின் மகள் வனிதா. இவர் விஜய் நடிப்பில் வெளிவந்த சந்திரலேகா படத்தின் மூலம் ஹீரோயினாக சினிமாவில் அறிமுகமானார்.  பின் அவர் விஜய் டிவியில் பிக்பாஸ் நிகழ்ச்சியில் கலந்து கொண்டு பெருமளவில் பிரபலமானார். 

வனிதா கடந்த 2000ம் ஆண்டு நடிகர் ஆகாஷ் என்பவரை காதலித்து திருமணம் செய்து கொண்டார். அவர்களுக்கு விஜய் ஸ்ரீஹரி என்ற மகனும் ஜோவிகா என்ற மகளும் பிறந்த நிலையில் கருத்து வேறுபாட்டால் இருவரும் பிரிந்தனர். அதனைத் தொடர்ந்து ஸ்ரீஹரி தனது தந்தை மற்றும் தாத்தாவுடன் வளர்ந்து வருகிறார். எவ்வளவு முயற்சி செய்தும், வனிதாவிடம் அவர் மகன் வரவில்லை.

மே 23 தனது 21 ஸ்ரீஹரிக்கு வனிதா தனது இன்ஸ்டாகிராம் பக்கத்தில் ”என் முதல் மற்றும் என்றென்றும் அன்புக்கு. அன்பு நிபந்தனையற்றதாக இருக்க வேண்டும் மற்றும் ஒரு தாய் தன் குழந்தைகளை நேசிப்பதே அன்பின் தூய்மையான வடிவமாகும்.

அம்மாவாக என்  பிறந்தநாள் வாழ்த்துக்கள். அழகான மற்றும் வலிமையான விருப்பமுள்ள மிகவும் திறமையான மகன் . நீங்கள் எப்போதும் என் லட்டுவாகவே இருப்பீர்கள் . கடவுள் உங்கள் கனவுகள் அனைத்தையும் ஆசீர்வதிப்பார்” என்று மகனுக்கு வாழ்த்து சொல்லி மிகவும் உருக்கமான பதிவை வெளியிட்டார்.

இந்த நிலையில் இன்ஸ்டாகிராமில் ஸ்ரீ ஹரியிடம் ரசிகர் ஒருவர், வனிதாவோட பையனா நீங்கள் என கேட்டுள்ளார். அதற்கு ஸ்ரீஹரி 'நான் ஆகாஷோட பையன் ப்ரோ' என நறுக்கென பதில் கூறியுள்ளார்.

தமிழ் திரையுலகில் முன்னணி நடிகராக வலம்வரும் சிவகார்த்திகேயன் நடித்து வெளியான திரைப்படம் ‘டான்’.இதனை அறிமுக இயக்குனர் சிபி சக்ரவர்த்தி இயக்கியிருந்த இப்படத்தை லைகா நிறுவனமும், சிவகார்த்திகேயனின் எஸ்.கே.புரொடக்‌ஷன்ஸ் நிறுவனமும் இணைந்து தயாரித்திருந்தது. 

இப்படத்திற்கு அனிருத் இசையமைத்துள்ளார். இதில் சிவகார்த்திகேயனுக்கு ஜோடியாக நடிகை பிரியங்கா மோகனன் நடித்துள்ளார். இப்படத்தில் எஸ்.ஜே சூர்யா, சமுத்திரக்கனி ஆகியோர் முக்கிய கதாபாத்திரங்களில் நடித்திருந்தனர். 

இப்படம் மே 13 திரையரங்குகளில் வெளியாகி ரசிகர்களிடம் நல்ல வரவேற்பை பெற்று வருகிறது. இப்படத்தின் வெற்றியை டான் படக்குழுவினர் சமீபத்தில் கேக் வெட்டியும் கொண்டாடினர். 

இந்நிலையில் 'டான்' திரைப்படத்தின் வசூலை அதிகாரப்பூர்வமாக படக்குழு  அறிவித்து இருக்கிறது. இப்படம் உலகமெங்கும் உள்ள திரையரங்குகளில் 12 நாட்களில் 100 கோடி வசூல் செய்துள்ளதாக தெரிவித்துள்ளனர். டாக்டர் திரைப்படத்தை தொடர்ந்து டான் திரைப்படமும் 100 கோடியை எட்டியது ரசிகர்களுக்கு ஆனந்தத்தை ஏற்படுத்தியுள்ளது. இதனை ரசிகர்கள் கொண்டாடி வருகின்றனர்.

தற்போது நெல்சன் இயக்கத்தில் நடிகர் ரஜினி காந்த் நடிக்க இருக்கும் படத்துக்கான விவாதங்கள் பரபரப்பாக நடைபெற்று வருகிறது. சில பல மனக்கசப்புகள் காரணமாக இமயமலைக்கு செல்வதை வழக்கமாக வைத்திருந்த நடிகர் ரஜினிகாந்த் அங்கு செல்வதால் அவருக்கு அமைதி கிட்டுவதாகவும் மனநிலை மாறுவதாகவும் கூறியிருந்தார். 

ஆனால் அவரின் உடல்நிலை மாற்றத்திற்கு பின்னதாக இமயமலைக்கு செல்வதை தவிர்த்து வருகிறார். அதற்கு மாற்றாக தான் ஆன்மிக அமுதம் அருந்தும் இடம் எங்காவது உள்ளதா என தேடிய படி இருந்துள்ளார் அதற்கு குறைதீர்கும் விதமாக தான் இளையராஜாவும் அவரது வீடும் இருந்துள்ளது. இதையடுத்து தான் சமீப காலமாகவே இளையராஜாவை சந்தித்து பேசிவருகிறார் நடிகர் ரஜினி. 

இங்கு வந்தால் நான் நிம்மதியாக உணர்கிறேன் சாமி.. உங்களுக்கு ஒன்றும் தொந்தரவு இல்லையே என்று இளையராஜாவிடமே ரஜினி ஏக்கத்துடன் கேட்டது இதனால்தான். இளையராஜாவை சந்திப்பது அவருக்கு இமய மலைக்கு போய் வந்த மன ஆறுதலை கொடுத்திருக்கிறது என்பதே நிஜம். இருவருக்குமிடையேயான நட்பு என்பது திரைத்தொழிலைத் தாண்டியது என்கின்றனர். 

எப்போதெல்லாம் இளையராஜாவை சந்திக்க வேண்டுமென்று நினைக்கிறாரோ அப்போது ஒரு போனை போட்டு சாமி உங்களைப் பார்க்க வீட்டுக்கு வரலாமா என்று கேட்டு விட்டு புறப்பட்டுவிடுவார் ரஜினி. அப்படி ஒருநாள் ரஜினி இளையராஜாவின் தி.நகர் வீட்டுக்கு செல்ல ரஜினி வருகையால் வீடே குதூகலமாகியிருக்கிறது.தனிமையில் இளையராஜாவும் ரஜினியும் பேசிக் கொண்டிருக்கும்போது, அங்கிள் என்னோட கிரிக்கெட் விளையாட வர்றீங்களா? என்று யதீஷ்வர் கேட்க, இளையராஜாவே ஒரு நிமிடம் ஸ்தம்பித்துப் போயியுள்ளார். டேய் அவரு யாரு.. அவரை போயி உன்கூட விளையாட கூப்பிடுற என்று செல்லமாய் பேரனை அதட்டல் போட்டும் உள்ளார் இளையராஜா. 

பதிலுக்கு நடிகர் ரஜினி விடுங்க குழந்தை தானே என சொல்லிவிட்டு விளையாட சென்றிருக்கிறார். ரஜினி பந்து வீச இளையராஜாவின் பேரன் யதீஷ்வர் மட்டையை வீசி ஆட, பிறகு ரஜினி கிரிக்கெட் ஆட இப்படியே பொழுது கழிந்திருக்கிறது.இதனை இளையராஜா சிரித்தபடி கண்டு ரசித்தும் உள்ளார். இவர்கள் இருவரின் நட்பு ரசிகர்களுக்கு உற்சாகத்தை தூண்டி வருகிறது. 

பிரபல இயக்குனர்களில் ஒருவரான லோகேஷ் கனகராஜ் மாநகரம், கைதி, மாஸ்டர் போன்ற வெற்றி படங்களை தொடர்ந்து, தற்போது தமிழ் திரையுலகில் உச்ச நட்சத்திரமாக விளங்கும் உலகநாயகன் கமல்ஹாசனை வைத்து ‘விக்ரம்’ திரைப்படத்தை இயக்கியுள்ளார். கமலஹாசனை தொடர்ந்து விஜய் சேதுபதி, பகத் ஃபாசில், சூர்யா என பல முன்னணி நட்சத்திரங்கள் இணைந்து நடிக்கும் இப்படம் வருகிற ஜீன் 3 ஆம் தேதி சர்வதேச அளவில் வெளியாகவுள்ளது. தமிழ், தெலுங்கு, மலையாளம், ஹிந்தி, கன்னடம் என ஐந்து மொழிகளில் உருவாகியுள்ள இந்த திரைப்படம் பான் இந்திய படமாக ரிலீஸ் செய்யப்பட உள்ளது. இதற்கிடையில் இந்த படம் குறித்து வெளியாகும் தகவல்கள் ஒவ்வொன்றும் படத்தை பற்றிய ஆர்வத்தை தூண்டி வருகிறது. 

படத்தின் படப்பிடிப்பு முடிவடைந்த நிலையில், புரோமோஷன் பணிகள் விறுவிறுப்பாக நடைப்பெற்று வருகிறது. அதன்படி இப்படத்தில் இருந்து ‘பத்தல பத்தல’ என்ற முதல் சிங்கிள் பாடல் வெளியானது. அனிருத் இசையில் கமலே எழுதி, பாடி, நடனமாடிய இந்த பாடல் ரசிகர்களிடம் மிகப்பெரிய வரவேற்பை பெற்றது. அதுமட்டுமில்லாமல் நீண்ட இடைவெளிக்கு பிறகு கமலின் எனர்ஜிட்டிக் நடனம் மற்றும் அனிருத்தின் பட்டைய கிளப்பும் இசையுடன் வெளியான இப்பாடல் அதிகமானவர்களின் பார்வையை ஈர்த்துள்ளது. இதனைத்தொடர்ந்து விக்ரம் படத்தின் ஆடியோ மற்றும் ட்ரைலர் வெளியானது. அந்த ட்ரைலரில் கமலுடன் விஜய் சேதுபதி, சூர்யா, பகத் பாசில், நரேன் உள்ளிட்டவர்களும் நடிப்பில் மிரட்டியுள்ளதால் படத்தின் எதிர்பார்ப்பை ரசிகர்களிடையே அதிகரிக்க செய்துள்ளது. 

இந்நிலையில் இப்படத்தின் அடுத்த சிங்கிள் பாடலாக “போர்க்கண்ட சிங்கம்”  வெளியாகியுள்ளது. ”உயிரும் நடுங்குதே உன்னை ஏந்திடவே...” எனும் தொடங்கும் இந்தப் பாடலின் ஆரம்பத்திலே தந்தையின் கையை விடாமல் பிடித்திருக்கும் குழந்தையின் காட்சிகள் அப்பா - மகன் சென்டிமென்ட்டை அழகாக எடுத்துரைக்கிறது. அத்துடன் இப்பாடலின் வரிகள் கேட்போரின் மனதை கரைய செய்யும் வகையில் இடம்பெற்றுள்ளது. போர்க்கண்ட சிங்கம் பாடலின் வரிகளே படத்தின் முழுகதையையும் சொல்லிவிடுகிறது. இப்பாடலில் தாயை இழந்த குழந்தை, தந்தையின் பாச உணர்வுகளையும், வேதனைகளையும் நடிகர் கமல்ஹாசன் தன் முகபாவனைகளால் அழகாக வெளிப்படுத்துகிறார். முதலில் வெளியான ‘பத்தல பத்தல’ பாடல் கமலின் டான்ஸ், மாஸ் என்று வேற மாதிரி இருந்தால், அதற்கு நேர் மாறாக ‘போர்க்கண்ட சிங்கம்’ பாடல் அப்பா மகன் என உணர்ச்சிகரமாக அமைந்துள்ளது. அதுமட்டுமில்லாமல் போர் கண்ட சிங்கம் பாடல் படத்தின் கதை என்னவாக இருக்கும் என்ற எதிர்பார்ப்பையும் ஆர்வத்தையும் தூண்டி உள்ளது.