தமிழ் மற்றும் மலையாள திரைப்படங்களில் முன்னணி நாயகியாக,  இளைஞர்கள் மனதைக்கிறங்கடித்தவர் நடிகை மீரா ஜாஸ்மின். தற்போது 10 வருடங்களுக்கு பிறகு மீண்டும் திரையில் தோன்றுகிறார். 

காதல் பிசாசாக மக்கள் மனதை கொள்ளையடித்து சென்ற மீரா ஜாஸ்மின் தமிழ் ரசிகரின் இதயங்களை கொள்ளை கொள்ளும்  வகையில் மீண்டும் தமிழ் திரைப்படங்களில் நடிக்கவுள்ளார்.  ரன், சண்டகோழி போன்ற படங்களில் தனது அழகு, கொஞ்சும் நடிப்பால், ரசிகர்களை ஆச்சர்யப்படுத்தி, விஜய், அஜித், தனுஷ், மாதவன், விஷால், பிரசாந்த், எஸ் ஜே சூர்யா, என தமிழின் முன்னணி நடிகர்களுடன் ஜோடி சேர்ந்து, ரசிகர்கள் மத்தியில் நீங்காத இடம் பிடித்த மீரா ஜாஸ்மின் பல வருடங்களாக நடிப்பிலிருந்து விலகி இருந்தார்.

அதையெல்லாம் ஈடுகட்டும் விதமாக, நிறைய தமிழ் படங்களில் நடிக்க திட்டமிட்டுள்ள நடிகை மீரா ஜாஸ்மின் தற்போது மீண்டும்  பல தமிழ்படங்களில் ஒப்பந்தம் ஆகியுள்ளார். விரைவில் அவர் நடிக்கவுள்ள படங்கள் பற்றிய அதிகாரப்பூர்வ தகவல் வெளியாகவுள்ளது. ரசிகர்களுடன் இன்னும் நெருக்கமாக இருக்க வேண்டும் என முடிவெடுத்துள்ள மீரா ஜாஸ்மின், பல காலமாக சோசியல் மீடியா பக்கம் வராமல் இருந்த மீரா ஜாஸ்மின் தற்போது இன்ஸ்டாகிராமில்  புதிதாக கணக்கு தொடங்கி இன்று ஒரு நாள் முதலே  55 ஆயிரம் ரசிகர்களை பெற்றுள்ளார். மேலும் இவர்  மீண்டும் திரைக்கு வருவதில் ரசிகர்கள் மத்தியில் நல்ல வரவேற்பு உள்ளது.

மேலும் அவர் இயக்குநர் சத்யன் அந்திக்காட் இயக்கிய ‘மகள்’ படத்தில் தான் நடிப்பது குறித்து அவர் பகிர்ந்துள்ளது ரசிகர்களுக்கு இன்ப அதிர்ச்சியாக உள்ளது. நமது மனதில் நீங்கா இடம் பிடித்திருந்த மீரா ஜாஸ்மின் தற்போது மீண்டும் நம்மை அசர வைக்க வருகிறார்.

தமிழ் சினிமாவில் பிரபல காமெடி நடிகராக வலம் வருபவர் தான் நடிகர் சதீஷ். இவர் கடந்த 2013 -ஆம் ஆண்டு நடிகர் சிவகார்த்திகேயன் நடிப்பில் வெளியான ‘எதிர்நீச்சல்’ படத்தில் பீட்டர் என்ற கதாபாத்திரத்தில் ஹீரோவுக்கு நண்பராக நடித்து பிரபலமானார். அந்த படத்தில் சிவகார்த்திகேயன் - சதீஷ் Combination வேற லெவல் ஹிட்டானது. இவர்கள் இணைந்து நடித்த காமெடிகள் படத்திற்கு பெரிய பிளஸ் ஆக அமைந்தது எனலாம்.

இதனைத்தொடர்ந்து அடுத்தடுத்த படங்களில் காமெடி நடிகராகவே நடித்து வந்த சதீஷ் தற்போது ‘நாய் சேகர்’ திரைப்படத்தில் ஹீரோவாக என்ட்ரீ கொடுத்திருக்கிறார்.

சமீபத்தில் திரையரங்குகளில் வெளியான இந்தப்படம் ரசிகர்கள் மத்தியில் நல்ல வரவேற்பை பெற்று வருகிறது. இந்த படத்திற்கு பெரும்பாலான விமர்சகர்கள் பாசிட்டிவ் கமெண்ட்ஸ்களை தந்து வருகின்றனர்.

இந்நிலையில் நடிகர் சதீஷ் தனது படத்தின் வெற்றியை ஒருபுறம் கொண்டாடி வர, இன்னொரு புறம் குடும்பத்துடன் மகளின் பிறந்தநாளை கொண்டாடி வருகிறார். இந்த பிறந்த நாள் கொண்டாட்டத்திற்கு நடிகரும், அவரின் நெருங்கிய நண்பரும் ஆன சிவகார்த்திகேயன் திடீரென வருகை தந்து சர்ப்ரைஸ் அளித்து உள்ளார். சதீஷ் மனைவி மற்றும் மகளுடன் சிவகார்த்திகேயன் இருக்கும் புகைப்படம் தற்போது இணையத்தில் வைரலாகி வருகிறது.

தமிழ் சினிமாவில் ஆக்‌ஷன் ஹீரோவாக வலம் வரும் நடிகர் விஷால் ’செல்லம்மே’ திரைப்படம் மூலம் தமிழில் அறிமுகமானார். இவரது நடிப்பில் அடுத்தடுத்து  வெளியான படங்கள் அனைத்தும் ஆக்‌ஷன் கலந்த குடும்ப திரைப்படமாக இருந்ததால் ரசிகர்களிடையே நல்ல வரவேற்பை பெற்றது.

இந்நிலையில்  விஷால் நடிப்பில் தற்போது உருவாகியுள்ள படம் ‘வீரமே வாகை சூடும்’. இந்த படத்தை புதுமுக இயக்குனர் து.ப.சரவணன் என்பவர் இயக்கி வருகிறார். இப்படத்தில் விஷாலுக்கு ஜோடியாக நடிகை டிம்பிள் ஹயாத்தி நடித்துள்ளார். மேலும் நகைச்சுவை கதாபாத்திரத்தில் யோகிபாபுவும், மலையாள நடிகர் பாபுராஜ் வில்லனாகவும் நடித்துள்ளனர்.

நடிகர் விஷால் தனது சொந்த தயாரிப்பு நிறுவனமான விஷால் பிலிம் பேக்டரி மூலம் தயாரித்து வரும் இப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். விறுவிறுப்பாக நடைபெற்று வந்த இப்படத்தின் படப்பிடிப்பு தற்போது முடிவடைந்த நிலையில் ஜனவரி 26ஆம் தேதியன்று ரிலீஸ் ஆக இருப்பதாக படக்குழுவினர் தெரிவித்திருக்கின்றனர். 

இந்நிலையில் இப்படத்தின் டிரைலர் வெளியாகி ரசிகர்களை வெகுவாக கவர்ந்து  இணையத்தில் வைரலாகி வருகிறது.  விஷால் மீண்டும்  காவல் துறை அதிகாரியாக அவதாரம் எடுத்துள்ள இந்த படம் முழுக்க முழுக்க ஆக்ஷன் திரைப்படமாக உருவாகியிருக்கிறது.  

இந்த டிரைலரில் வந்த ஒருசில வசனங்களில் இருந்தே இந்த படம் ரசிகர்கள் மத்தியில் பெரிய எதிர்பார்ப்பை ஏற்படுத்தியுள்ளது. அதிலும் ’சண்டை போடலைன்னா நம்மளையும் கொன்னுருவாங்க’ என்ற வசனம் இந்த படத்தை உடனே பார்க்க வேண்டும் என்ற எதிர்பார்ப்பை தூண்டி உள்ளது. 

நடிகர் தனுஷ் மற்றும் ஐஸ்வர்யா இருவரும் தங்களது 18 ஆண்டுகால திருமண பந்தத்தை முறித்துக் கொள்வதாக சமூக வலைதளத்தில் அறிவித்திருந்தனர். முன்னதாக நடிகர் தனுஷ் ஐஸ்வர்யாவை தான் பிரிய முடிவு செய்திருப்பதாக தனது டுவிட்டர் பக்கத்தில் தெரிவித்திருந்தார். அதேபோல் ஐஸ்வர்யாவும் தனது இன்ஸ்டாகிராம் பக்கத்தில் இதனை அறிவித்திருந்தார்.

இந்த அறிவிப்பு ஒட்டுமொத்த திரையுலகினரையும், ரசிகர்களையும் வருத்தத்தில் ஆழ்த்தியது. அதனைத்தொடர்ந்து திரைபிரபலங்கள் அனைவரும் தங்களது கருத்துகளை பகிர்ந்து வருகின்றனர்.

என்னதான் தனுஷ் - ஐஸ்வர்யா இருவரும் தாங்கள் பிரியப்போவதாக அறிவித்திருந்தாலும், இன்னும் சட்டபடி நீதிமன்றத்தில் வழக்குத்தொடர்ந்து பிரியவில்லை என்பது அனைவரும் அறிந்த ஒன்று. இந்நிலையில், இயக்குனரும் தனுஷின் தந்தையுமான கஸ்தூரி ராஜா அளித்த பேட்டி ஒன்றில் இருந்து இருவரும் மீண்டும் இணைய வாய்ப்பு இருப்பதாக கூறப்படுகிறது.

அவர் பேட்டி ஒன்றில் பேசியபோது, ’தனுஷ் - ஐஸ்வர்யா கருத்து வேறுபாடு காரணமாக சண்டை போட்டுக் கொண்டிருப்பது கணவன் மனைவி இடையே நடக்கும் குடும்ப சண்டை தான் என்றும் இருவரும் இன்னும் விவாகரத்து செய்யவில்லை என்றும் தெரிவித்தார். மேலும் அவர்கள் இரண்டு பேரும் தற்போது சென்னையில் இல்லையென்றும், ஜதராபாத்தில் இருப்பதால் நான் அவர்களிடம் போனில் தொடர்பு கொண்டு இருவருக்கும் சில அறிவுரைகளை வழங்கி உள்ளேன் என்றும் கூறியுள்ளார். கஸ்தூரிராஜாவின் அறிவுரையை ஏற்று தனுஷ் - ஐஸ்வர்யா மீண்டும் இணைவார்களா? என்ற எதிர்பார்ப்பு ரசிகர்களிடையும், திரையுலக பிரபலங்களிடையும் அதிகமாக இருந்து வருகிறது. 

பேச்சுலர் திரைப்படத்தில் நடிகர் ஜி.வி.பிரகாஷுக்கு ஜோடியாக நடித்தவர் திவ்யாபாரதி. சில நாட்களுக்கு முன் வெளியான இந்த படத்தில் முத்த காட்சிகளும், வெளிப்படையான வசனங்களும் இடம் பெற்றிருந்தது.

இந்த படத்திற்கு பின் வேறு எந்த படத்திலும் நடிக்க இதுவரை திவ்யா பாரதி ஒப்பந்தம் ஆகவில்லை என்று சொல்லப்படுகிறது.

ஒருபக்கம் சினிமாவில் வாய்ப்பை பெற மற்ற நடிகைகள் செய்வது போல் கவர்ச்சியான உடைகளில் போட்டோஷூட் நடத்தி புகைப்படங்களை இன்ஸ்டாகிராமில் பகிர்ந்து வரும் இவர், சில சமயம் அதிக கவர்ச்சியுடன் இருக்கும் புகைப்படத்தை வெளியிட்டு ரசிகர்களை கி்றங்கடித்தும் வருகிறார்.

அந்த வகையில் தற்போது இறுக்கமான மார்டன் உடையில் அங்க அழகை காட்டியபடி படு கவர்ச்சியாக இருக்கும் புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார். இந்த புகைப்படத்தை பார்த்த ரசிகர்கள் கமெண்டுகளையும், லைக்ஸ்களையும் தெரிக்கவிட்டு வருகின்றனராம்.