கீதா கோவிந்தம்' படத்தின் மூலம் தமிழ் சினிமா ரசிகர்கள் மத்தியில் பிரபலமானவர் ராஷ்மிகா மந்தனா. இவர் தமிழில் அறிமுகம் ஆவதற்கு முன்பாகவே எக்கச்சக்கமான ரசிகர்களை பெற்றவர். தமிழில் எப்பொழுது அறிமுகமாவார் என்ற எதிர்பார்ப்பு அனைவரது மத்தியிலும் இருந்தது.

அந்த எதிர்ப்பார்ப்பும் விரைவிலேயே நிறைவேறியது ஆம்,ட்ரீம் வாரியர் பிக்சர்ஸ் தயாரிப்பில் ரெமோ இயக்குனர் பாக்யராஜ் கண்ணன் இயக்கத்தில் கார்த்தி ஹீரோவாக நடித்த சுல்தான் திரைப்படத்தின் மூலம் தமிழ் சினிமாவுக்கு அறிமுகம் செய்யப்பட்டார். அதனைதொடர்ந்து மீண்டும் தமிழில் எப்போது நடிப்பார் என ரசிகர்கள் காத்துக்கொண்டிருக்கிறனர் என்றே சொல்லலாம்.

இப்போது இவர் அல்லு அர்ஜுனுடன் இணைந்து புஷ்பா என்ற படத்தில் ஜோடியாக நடித்து வருகி்றார். இந்த படத்தில் வள்ளி என்ற கிராமத்து பெண் கதாபாத்திரத்தில் நடித்துள்ளார். இந்த திரைப்படத்தின் ட்ரைலரில் இடம்பெற்ற ராஷ்மிகாவின் லுக் சமூக வலைதளங்களில் வைரலாகி வருகிறது.

இதனைத் தொடர்ந்து இவர்  ஹிந்தியிலும் மிஷன் மஜ்னு என்ற திரைப்படத்தில் நடித்து வருகிறார். இவர் அவ்வப்போது தன்னுடைய சமீபத்திய புகைப்படங்களை இன்ஸ்டாகிராம் பக்கத்தில் வெளியிடுவது வழக்கம்  . அந்த வகையில் தற்போது தான் வளர்க்கும் செல்ல நாய்க்குட்டிக்கு முத்தம் கொடுத்து புகைப்படத்தை வெளியிட்டுள்ளார். இந்த புகைப்படம் வைரலாவது மட்டுமல்லாமல், இதனை பார்க்கும் ரசிகர்கள் தான் அந்த நாயாக இருந்திருக்க கூடாதா என ஏங்கி வருகின்றனறாம்.

குக் வித் கோமாளி, பிக் பாஸ் நிகழ்ச்சிகளின் மூலம் பிரபலமடைந்தவர் நடிகை ரம்யாபாண்டியன். இவர் தற்பொழுது மலையாள சூப்பஸ்டார் மம்மூட்டியுடன் இணைந்து நடித்துவருவதாக ஒரு சில புகைப்படங்கள் சமூகவளைதளத்தில் பகிரபட்டு வந்தது. இந்நிலையில் நடிகை ரம்யாபாண்டியன் தனது அதிகாரபூர்வ வலைதள பக்கத்தில் அது குறித்த செய்தியைப் புகைப்படத்துடன் வெளியிட்டுள்ளார். 

இப்படத்தினை ஆமென், அங்கமாளி டைரிஸ், ஜல்லிக்கட்டு, சுருளி போன்ற மலையாள  திரைப்படங்களை இயக்கிய இயக்குனர் லிஜோ ஜோஸ் பெல்லிசெரி இயக்குகிறார். இப்படத்திற்கு 'நண்பகல் நேரத்து மயக்கம்' என்று தலைப்பு வைக்கப்பட்டுள்ளது.

இப்படம் தமிழ்.  மலையாளம் என இரு மொழிகளில் உருவாகிவருகின்றது. இப்படத்திற்கு தரமணி, பேச்லர் திரைப்படங்களுக்கு ஒளிப்பதிவு செய்த ஒளிப்பதிவாளர் தேனீ ஈஸ்வர் ஆகியோர்  ஒளிப்பதிவு செய்துவருகிறார். 

இதற்க்கு முன்பாக நடிகை ரம்யாபாண்டியன் நடித்த 'ராமே ஆண்டாலும், ராவணே ஆண்டாலும்' திரைப்படம் நல்ல வரவேற்பைப் பெற்றது என்பது குறிப்பிடத்தக்கது. அப்படத்தின் மூலம் தான் நடிகை ரம்யாபாண்டியனுக்கு மம்மூட்டியுடன் பணிபுரியும் வாய்ப்பு கிடைத்துள்ளதாக கூறப்படுகிறது.

தமிழில் 2017-ம் ஆண்டு வெளியாகி மிகப்பெரும் வெற்றியைப் பெற்ற திரைப்படம் 'விக்ரம் வேதா' இப்படத்தில் நடிகர் மாதவன், விஜய் சேதுபதி இருவரும் இணைந்து நடித்திருந்தனர். இப்படத்தினை புஷ்கர் காயத்ரி இயக்கியிருந்தனர்.

இதே இயக்குனர் குழு இப்படத்தினை இந்தியில் உருவாக்கி வருகின்றனர். அதில் நடிகர்கள் ஹ்ரித்திக் ரோஷன், சாயிப் அலி கான் இருவரும் இணைந்து நடித்து வருகின்றனர். இப்படத்தின் முதல் கட்ட படப்பிடிப்பை அபு தாபியில் நடத்திமுடித்த படக்குழு இரண்டாம் கட்ட படப்பிடிப்பை லக்னோவில் தொடங்கியுள்ளனர்.

இப்படத்தில் நடிகை ராதிகா ஆப்தே முக்கியமான வேடத்தில் நடித்து வருகிறார். இப்படத்தினை டி-சீரிஸ், ரிலையன்ஸ் என்டர்டைன்மென்ட் உடன் இணைந்து ஒய் நாட் ஸ்டுடியோஸ் சசிகாந்த் தயாரிக்கின்றார். இந்த படம் அடுத்த வருடம் செப்டம்பர் மாதம் 30-ஆம் தேதி வெளியாகும் என படக்குழுவினர் அறிவித்துள்ளனர் என்பது குறிப்பிடத்தக்கது. 

நடிகர் சூர்யா, இயக்குனர் பண்டியராஜ் இணையும் நான்காவது திரைப்படம் எதற்கும் துணிந்தவன். ஜெய் பீம் திரைப்படத்தின் மாபெரும் வெற்றி நடிகர் சூர்யாவிற்கு இந்திய அளவிலான நட்சத்திர அந்தஸ்தைக் கொடுத்தது. இந்நிலையில் இந்த படத்தில்  ஏற்கனவே இசையமைப்பாளர் ஜிவி பிரகாஷ் ஒரு பாடலை பாடி உள்ள நிலையில் தற்போது அனிருத் ஒரு பாடலை பாடி உள்ளதாக தகவல்கள் வெளியாகி உள்ளது .

இப்பாடல் நடிகர் சூர்யாவின் ரசிகர்களுக்கு பெரும் விருந்தாக அமையுமென்று எதிர்பார்க்கப்படுகிறது . அனிருத் பாடியதாக சொல்லப்படும் பாடல் எதற்கும் துணிந்தவன் படத்திற்கு ஹைலைட்டான இருக்கும் என எதிர்ப்பார்க்கப்படுறது. 

நடிகர் சூர்யாவின் 40-வது திரைப்படமான இப்படத்திற்கு இமான் இசையமைத்துள்ளார்.  சன் பிக்சர்ஸ் நிறுவனம் இந்த படத்தை தயாரித்துள்ளது. சில வாரங்களுக்கு முன்பு வெளியான இப்படத்தின் டீசர் அவரது ரசிகர்களால் பெரிதும் கவரப்பட்டது என்பது குறிப்பிடதக்கது.

மிஸ்ஸஸ் சீரியல் கில்லர், ட்ரைவ், பூட் போலீஸ் போன்ற படங்களில் நடித்து புகழ்பெற்ற நடிகை ஜாக்குலின் பெர்னான்டெஸ். இலங்கையை பூர்வீகமாக கொண்ட நடிகை ஜாக்குலின் பாலிவுட்டில் பிரபல நடிகையாக வலம்வருகிறார். அவரது நடிப்பில் பல படங்கள் வெளிவர தயார் நிலையிலும் இருக்கின்றது. இந்நிலையில் பிஸிமிக்க நடிகையாக வலம்வந்த ஜாக்குலின் பெர்னான்டெஸ் 200 கோடி மோசடி வழக்கில் சிக்கியுள்ளார். இதன் அடிப்படையில் துபாய் செல்வதற்காக மும்பை விமானநிலையம் சென்ற அவரை போலீசார் தடுத்து நிறுத்தியுள்ளனர்.

மோசடி மன்னன் சுகேஷ் சந்திரசேகர் செய்த மோசடி வழக்கில் நடிகை ஜாக்குலின் ஃபெர்னாண்டஸுக்கும் தொடர்பு இருப்பதாக எழுந்த குற்றச்சாட்டுகளின் அடிப்படையில் அவர் சிக்கி உள்ளார். ஆனால் ஜாக்குலின் தனக்கும் மோசடி மன்னன் சுகேசுக்கும் எந்த தொடர்புமில்லை என்று தொடர்ச்சியாக மறுத்துவருகிறார். ஆனால் சுகேஷ் சந்திரசேகர் மற்றும் அவரது மனைவி லீனா மரியா பாலின் வாக்குமூலத்தின் அடிப்படையிலேயே போலீசார் நடவடிக்கை எடுத்துள்ளனர்.

அமலாக்க துறையினர் சுகேஷ் சந்திரசேகரின் மீது 7000 பக்க குற்றவியல் பத்திரிக்கையை தாக்கல் செய்துள்ளனர். அந்த குற்றவியல் பத்திரிக்கையின் அடிப்படையில் பல கோடி மதிப்பிலான பொருட்களை சுகேஷ் சந்திரசேகர்  ஜாக்குலின் பெர்னான்டெஸுக்கு வழங்கியுள்ளார் என்பது வெளிப்படையாக தெரியவருகிறது. மேலும் சுகேஷ் சந்திரசேகரின் மோசடி பண பரிவர்த்தனைக்கு ஜாக்குலின் பெர்னான்டெசும் உடந்தையாக இருந்தது தெரிய வருகிறது .

நடிகை ஜாக்குலினுக்கு சுகேஷ் 10 கோடி மதிப்பிலான பரிசுகளை வழங்கி உள்ளதை போலீசார் ஆதாரத்துடன் கண்டு பிடித்துள்ளனர். அதில், 52 லட்சம் ரூபாய் மதிப்புள்ள குதிரை மற்றும் 4 பூனைகள் அடக்கம். அந்த பாரசீக நாட்டு பூனைகளின் விலை மட்டும் தலா 8 லட்சம் மதிப்புடையதாக கூறப்படுகிறது. இந்த வழக்கில் மேலும் சில பாலிவுட் நடிகைகளுக்கும் தொடர்ப்பு இருப்பதாக கூறப்படுகிறது.