கோவாவில் பிரபல பெண் நடன இயக்குனர் மரணம் - எப்படி தெரியுமா? திரையுலகினர் அதிர்ச்சி

தெலுங்கு திரையுலகின் முன்னணி நடன இயக்குனர்களில் ஒருவர் திடீரென மரணமடைந்தது திரையுலகினர்களிடையே பெரும் அதிர்ச்சியை ஏற்படுத்தியுள்ளது.

கோவாவில் பிரபல பெண் நடன இயக்குனர் மரணம் - எப்படி தெரியுமா? திரையுலகினர் அதிர்ச்சி

டோலிவுட் சினிமாவின் முன்னணி நடன இயக்குனர்களில் ஒருவர் தான் டினா சிது. சமீபத்தில் இவர் கோவா சென்றிருந்தார். அங்கு டினா சிதுவுக்கு  திடீரென மாரடைப்பு ஏற்பட்டதால் உயிரிழந்ததாக அறிவிக்கப்பட்டுள்ளது. இந்நிலையில் இவரது மரணம் குறித்து சகல நடன இயக்குனர்களும், தெலுங்கு திரையுலக பிரபலங்களும் தங்களது இரங்கல்களை சமூக வலைதளத்தில் தெரிவித்து வருகின்றனர்.

இதனிடையே நடன இயக்குனர் டினாவின் நெருங்கிய நண்பரான சந்தீப் என்பவர், தனது சமூக வலைத்தளத்தில் டீனாவுடன் இருந்த புகைப்படங்களை பதிவு செய்து தனது இரங்கலை தெரிவித்துள்ளார். அத்துடன் டீனா இறந்த செய்தி கேட்டு அதிர்ச்சி அடைந்ததாகவும் மிகச்சிறந்த நடன இயக்குனர்களில் ஒருவர் என்றும் அவரது குடும்பத்திற்கு எனது ஆழ்ந்த இரங்கல்கள் என்றும் சந்தீப் தெரிவித்துள்ளார்.

என்னதான் டினா சிது மாரடைப்பால் உயிரிழந்தார் என்று கூறப்பட்டாலும், இன்னும் அவரது மரணத்திற்கான காரணம் குறித்த அதிகாரப்பூர்வ தகவல் எதுவும் வெளியாகவில்லை. 

 

View this post on Instagram

A post shared by


 “தளபதி 66” படத்தின் புதிய அப்டேட்டை - போஸ்டருடன் வெளியிட்ட படக்குழு..!!

தளபதி 66 படத்தினுடைய புதிய அப்டேட்டை வெளியிட்டிருக்கின்றனர் படக்குழு. 

பீஸ்ட் படத்தை தொடர்ந்து தோழா போன்ற பல வெற்றி படங்களை இயக்கிய வம்சி பைடிப்பள்ளி இயக்கும் படத்தில் தற்போது நடிகர் விஜய் நடித்து வருகிறார். தளபதி 66 என பெயரிடப்பட்டிருக்கும் இந்த படமானது தமிழ் மற்றும் தெலுங்கு மொழிகளில் நேரடியாக வெளியாக இருக்கிறது.

 

இத்திரைப்படத்தை பிரபல தயாரிப்பாளர் தில் ராஜு தயாரிக்கிறார். இப்படத்தில் முக்கிய கதாபாத்திரத்தில் நடிகர் சரத்குமார் நடித்து வருகிறார். மேலும் இப்படமானது நடிகர் விஜய்யின் ஆரம்பக் கட்டத்தில் வெளியான பூவே உனக்காக காதலுக்கு மரியாதை போன்ற குடும்ப பின்னணி படமாக இருக்கும் என்கின்றனர். 

இப்படத்தின் படப்பிடிப்புகள் ஹைதராபாத்தில் நடைபெற்று வருகிறது. இதன் இடையில்  தளபதி 66 க்கான புதிய அப்டேட்டை வெளியிட்டிருக்கின்றனர். இத்திரைப்படத்தின் முதற்கட்ட படப்பிடிப்புகள் நிறைவடைந்துள்ளதாகவும் விரைவில் அடுத்த கட்ட படப்பிடிப்புகள் தொடங்க இருப்பதாகவும் தெரியப்படுத்தி அதனுடன் படத்தின் புதிய போஸ்டர் ஒருன்றுடன் வெளியிட்டுள்ளனர் படத்தின் தயாரிப்பு நிறுவனம் தனது சமூக வலைத்தளப் பக்கத்தில் அறிவித்திருக்கிறது. 

நடிகர் ஷாருக்கான் மகன் ஆர்யன் கான் நிரபராதி என தேசிய போதைப் பொருள் தடுப்புப் பிரிவு அறிக்கை வெளியிட்டுள்ளது.

 

நடிகர் ஷாருக் கான் மகன் ஆர்யன் கானும், அவரின் நண்பர்களும் கடந்த ஆண்டு, அக்டோபர் மாதம் சொகுசுக் கப்பலில் போதைப்பொருள் பயன்படுத்தியதாக மத்திய போதைப்பொருள் தடுப்புப் பிரிவினரால் கைதுசெய்யப்பட்டனர்.

ஆர்யன் கான் ஒரு மாதம் சிறையில் இருந்த பிறகு ஜாமீனில் விடுவிக்கப்பட்டார். இது தொடர்பான வழக்கை தேசிய போதைப் பொருள் தடுப்பு பிரிவு விசாரித்து வந்த நிலையில் தற்போது ஆர்யன் கான் நிரபராதி என அறிக்கை வெளியிடப்பட்டுள்ளது. 

பிரபல நடிகை தூக்கிட்டு தற்கொலை..! கடிதம் சிக்கியதால் வெளிவந்த உண்மை..!

பிரபல நடிகை ஒருவர் தற்கொலை செய்துக்கொண்ட நிலையில், கடிதம் சிக்கியதால் அவருடைய காதலனை போலீசார் விசாரணை செய்து வருவதாக தகவல் வெளியாகியுள்ளது.

சமீப காலமாகவே நடிகைகளின் தற்கொலை என்பது அதிகரித்து வருகிறது. அந்த வகையில் தற்போது பிரபல பெங்காலி நடிகை ஒருவர் வீட்டில் தற்கொலை செய்து கொண்டுள்ளது பரபரப்பை ஏற்படுத்தியுள்ளது.

பிரபல பெங்காலி நடிகை மற்றும் மாடல் அழகியும் ஆனவர் பிதிசா டி மஜீம்தார். இவர் கொல்கத்தாவில் உள்ள அபார்ட்மெண்ட் ஒன்றில் கடந்த 3 ஆண்டுகளாக தனியாகவே தங்கி வந்துள்ளார். இந்நிலையில் நேற்று திடீரென தனது வீட்டில் உள்ள மின்விசிறியில் தூக்கில் தொங்கி தற்கொலை செய்துகொண்டார். இந்த சம்பவம் குறித்து தகவலறிந்த போலீசார், உடனடியாக சம்பவ இடத்திற்கு விரைந்து சென்று வீட்டின் கதவை உடைத்து பிதிசா உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.

 

இதனைத்தொடர்ந்து தடயங்களுக்காக வீட்டை சோதனை செய்த போலீசாருக்கு, பிதிசா டி மஜூம்தார் தற்கொலைக்கு முன் எழுதிய கடிதம் சிக்கியது. அந்த கடிதத்தை படித்த பிறகு அவரது ஆண் நண்பரின் மோசமான நடவடிக்கையால் ஏற்பட்ட மன அழுத்தத்தால் தான் பிதிசா தற்கொலை செய்துக்கொண்டது தெரியவந்தது. இதனையடுத்து பிதிசாவின் காதலன் அனுபாப் பேராவிடம் போலீசார் விசாரணை செய்து வருகின்றனர்.

இதனிடையே பிதிசாவை போன்றே கடந்த இரண்டு வாரங்களுக்கு முன்னர் தெலுங்கு நடிகை பல்லவி தூக்கில் தொங்கி தற்கொலை செய்து கொண்டதற்கு அவர் தனது மன வருத்தத்தை தெரிவித்திருந்தார். ஆனால் தற்போது மன வருந்திய பிதிசாவே தற்கொலை செய்து கொண்டு இருப்பது பெரும் அதிர்ச்சியை ஏற்படுத்தி உள்ளது.

”பத்து வருடங்களுக்கு பிறகு அதே சேலையும் நானும்” - கமலுடன் எடுத்த புகைப்படத்தை பகிர்ந்த ஆண்ட்ரியா!

பாடகியும், நடிகையுமான ஆண்ட்ரியா தனது சமூக வலைதள பக்கத்தில் உலக நாயகன் கமலஹாசனுடன் எடுத்த போட்டோவை பகிர்ந்து, ”10 வருடங்களுக்கு பிறகு அதே சேலையும் நானும்” என்று பதிவிட்டுள்ளார்.

தமிழ் சினிமாவில் பிரபல பாடகியாகவும் நடிகையாகவும் வலம் வருபவர் நடிகை ஆண்ட்ரியா. தமிழில் முதல் முதலாக இயக்குனர் கௌதம் மேனன் இயக்கத்தில் வெளியான பச்சைக்கிளி முத்துச்சரம் படம் மூலம் ஹீரோயினாக அறிமுகமான இவர், அடுத்தடுத்து ஆயிரத்தில் ஒருவன், மங்காத்தா, விஸ்வரூபம் போன்ற பல படங்களில் நடித்துள்ளார். 

அதே சமயம் பல வெற்றி படங்களில் தன் குரலையும் பதிய வைத்தார். அந்த வகையில் இவரின் குரலுக்கு மயங்காத ரசிகர்கள் யாரும் இல்லை என்றே சொல்லலாம். அந்த அளவிற்கு தன் குரலால் ரசிகர்கள் அனைவரையும் கட்டிப்போட்டு வைத்துள்ளார். சமீபத்தில் கூட தெலுங்கு நடிகர் அல்லு அர்ஜீன் நடிப்பில் வெளியான ‘புஷ்பா’ திரைப்படத்தில் “ஊ சொல்றியா மாமா” என்ற பாடலை நடிகை ஆண்ட்ரியா பாட, அதற்கு நடிகை சமந்தா நடனம் ஆடியிருந்த நிலையில், இந்தப்பாடல் ரசிகர்களிடையே மிகப்பெரிய அளவில் வரவேற்பை பெற்றது.

இதனைத்தொடர்ந்து நடிகை ஆண்ட்ரியா தற்போது ‘பிசாசு 2’ உள்பட மொத்தம் 8 தமிழ் படங்களில் நடித்து வருகிறார். இப்படி படங்களில் பிஸியாக நடித்து வரும் ஆண்ட்ரியா சோஷியல் மீடியா பக்கங்களில் அவ்வப்போது தனது புகைப்படங்கள் மற்றும் வீடியோக்களை பதிவிட்டு  ஆக்டிவ்வாக இருந்து வருவார்.

 

இந்நிலையில் தற்போது நடிகை ஆண்ட்ரியா, ‘விஷ்வரூபம்’ திரைப்படத்தின் படப்பிடிப்பின்போது உலக நாயகன் கமலஹாசனுடன் தானும், பூஜா ஹெக்டேவும் இணைந்து எடுத்துக்கொண்ட புகைப்படத்தை தனது சமூக வலைத்தளத்தில் பதிவு செய்துள்ளார். அதுமட்டுமில்லாமல், அந்த புகைப்படத்தில் ஆண்ட்ரியா கட்டியிருந்த அதே சேலையை தற்போது அணிந்து, 10 வருடங்களுக்கு முன் அணிந்த அதே சேலை மீண்டும்’ என கேப்ஷனாக பதிவு செய்துள்ளார். இந்த புகைப்படத்தை பார்த்த ரசிகர்கள் பலரும் தங்களது கமெண்ட்ஸை குவித்து வருகின்றனர். அதிலும் சிலர் நீங்கள் 10 வருடங்களுக்கு முன் எப்படி இருந்தீர்களோ, அப்படியே இருக்கிறீர்கள், உங்கள் அழகு கொஞ்சம் கூட குறையவில்லை’ என்று கமெண்ட் செய்து வருகின்றனர்.

பிறந்த நாள் கொண்டாட்டத்தில் நடிகை கஜோலுடன் சேர்ந்து கரண் ஜோஹர் ஆடிய நடனம் இணையத்தில் வைரலாக பரவி வருகிறது. பாலிவுட் நட்சத்திர தயாரிப்பாளரும் இயக்குனருமான கரண் ஜோஹர் தனது 50வது பிறந்தநாளை மும்பையில் உள்ள தனது வீட்டில் கொண்டாடினார்.

கரண் ஜோஹரின் 50வது பிறந்தநாள் மே 25 அன்று கொண்டாடப்பட்டது. இந்த விருந்தில் பல பாலிவுட் நட்சத்திரங்கள் கலந்து கொண்டனர். திருவிழா போல் நடந்தேறிய இந்த பிறந்த நாள் கொண்டாட்டம் ஆடல் பாடல் என களை கட்டியது. இந்த நிலையில் பிரபல இந்தி பாடல் ஒன்றுக்கு கரண் ஜோஹர் நடிகை கஜோல் இணைந்து ஆடிய அசத்தல் நடனம் இணையத்தில் வைரலாகி வருகிறது. 

 

View this post on Instagram

A post shared by