தனக்கு வந்த புகழையும், பாராட்டுக்களையும் பிறருக்கு விட்டுக் கொடுக்கும் மனம் பலருக்கும் இருப்பதில்லை. ஆனால் தமிழ்நாடே, ஏன்? இந்தியாவே கொண்டாடும் சூப்பர் ஸ்டார் ரஜினிகாந்த் தனக்கான புகழை விட்டுக் கொடுத்ததுதான் ரசிகர்களிடையே அதிர்ச்சியை ஏற்படுத்தியுள்ளது. 

ரஜினிகாந்த் நடிப்பில் நெல்சன் திலீப்குமார் இயக்கத்தில் ஆகஸ்ட் 10-ம் தேதி திரையரங்குகளில் வெளியாகி சக்கை போடு போட்டது ஜெயிலர் திரைப்படம். இந்த படத்தின் வெற்றியால் மகிழ்ச்சிக் கடலில் மூழ்கிய தயாரிப்பாளர் கலாநிதிமாறன், படக்குழுவினரை பரிசு மழையால் நனைய வைத்தார். 

ரஜினிகாந்துக்கு ஒரு கோடியே 24 லட்சம் ரூபாய் மதிப்புள்ள பி.எம்.டபிள்யூ எக்ஸ் 7, இயக்குநர் நெல்சனுக்கு ஒரு கோடியே 44 லட்சம் மதிப்புள்ள போர்ஸ்சே, இசையமைப்பாளர் அனிருத்துக்கு ஒன்றரை கோடி ரூபாய் மதிப்புள்ள போர்ஸ்சே என ஆடம்பரக் கார்களை பரிசுகளாக வழங்கினார்.  மேலும் படத்தில் இடம்பெற்ற ஒவ்வொரு தொழில்நுட்பக் கலைஞர்கக்கும் தங்க நாணயம் பரிசு வழங்கிய நிலையில் இதன் வெற்றி விழா சமீபத்தில் நடைபெற்றது. 

இந்த விழாவில் கலந்து கொண்ட ரஜினிகாந்த், ஜெயிலர் படம் எடுக்கப்பட்ட போது இசையில்லாமல் பார்த்த போது சுமாராக இருந்ததாகவும் அதனை அனிருத் தன் இசையால் மேஜிக் செய்து விட்டார் என்றும், பின்னணி இசையின் மூலம் படத்தை எங்கேயோ தூக்கி கொண்டு போய் விட்டார் என்றும் பேசினார்.

தான் நடித்த படத்தை சுமார் என கூறுவது தன்னடக்கம்தான் என்றாலும், படத்தின் வெற்றிக்கு காரணமான இயக்குநர் நெல்சன் ரஜினி கண்ணுக்கு தெரியாமல் போய் விட்டாரோ? ரத்த சொந்தம் அனிருத்துக்கு மட்டும் ஓரவஞ்சனை செய்வது ஏன்? என சமூக வலைதளங்களில் நெட்டிசன்கள் கேள்வி எழுப்புகின்றனர். 

ஜவான் வெற்றி அனிருத்திற்கு இந்தியில் மிகப்பெரிய வாய்ப்பை உருவாக்கி உள்ள சூழலிலும், ரஜினியின் இந்த பேச்சு அனிருத்தை இந்தியில் முக்கியத்துவம் கொடுக்கும் முயற்சியா என்ற கேள்விகளையும் கேட்கின்றனர் வலைதளவாசிகள்.

இதையும் படிக்க || காவிரி விவகாரம்: பிரதமரை சந்திக்கவிருக்கும் கர்நாடக குழு!!

லைகா நிறுவனம் தொடர்ந்த வழக்கில் வரும் 22-ம் தேதி நேரில் ஆஜராக விஷாலுக்கு சென்னை உயர் நீதிமன்றம் உத்தரவிட்டுள்ளது.

நடிகர் விஷால், தனது விஷால் பிலிம் பேக்டரி நிறுவனத்திற்காக சினிமா பைனான்சியர் அன்புச்செழியனின் கோபுரம் பிலிம்ஸ் நிறுவனத்திடம் பெற்ற 21 கோடியே 29 லட்சம் ரூபாய் கடனை, லைகா நிறுவனம் ஏற்றுக் கொண்டு,செலுத்தியது.

அந்த தொகை முழுவதும் திருப்பி செலுத்தும் வரை, விஷால் பட நிறுவனத்தின் அனைத்து படங்களின் உரிமைகளும் லைகா நிறுவனத்துக்கு வழங்க வேண்டுமென்ற ஒப்பந்தத்தை மீறி, வீரமே வாகை சூடும் என்ற படத்தை வெளியிடுவதாக விஷால் நிறுவனத்திற்கு எதிராக லைகா நிறுவனம் சென்னை உயர் நீதிமன்றத்தில் வழக்கு தொடர்ந்தது.

வழக்கை விசாரித்த தனி நீதிபதி, 15 கோடி ரூபாயை டெபாசிட் செய்ய உத்தரவிட்டிருந்தார். இந்த உத்தரவை உறுதி செய்த இரு நீதிபதிகள் அமர்வு,  தொகையை செலுத்தாவிட்டால் தனி நீதிபதி முன் உள்ள வழக்கில் தீர்ப்பு வரும் வரை விஷால் தயாரிக்கும் படங்களை திரையரங்கங்கள் அல்லது ஓடிடி தளத்தில் வெளியிடக்கூடாது என தடைவிதித்து உத்தரவிட்டிருந்தது.

இந்த வழக்கு கடந்தமுறை விசாரணைக்கு வந்தபோது, நடிகர் விஷால் நேரில் ஆஜராகியிருந்தார். அப்போது அவரிடம் பல்வேறு கேள்விகளை எழுப்பிய நீதிபதி, விஷாலின் நான்கு வங்கிக் கணக்குகளின் கடந்த 2021ம் ஆண்டு ஜனவரி முதல் இதுவரைக்குமான கணக்கு விவரங்களையும், விஷாலுக்கு சொந்தமான அசையும், அசையா சொத்து விவரங்கள், அவை எப்போது வாங்கப்பட்டன, சொத்து ஆவணங்களுடன் தாக்கல் செய்ய உத்தரவிட்டிருந்தார். 

இந்த வழக்கு நேற்று மீண்டும் நீதிபதி P.T.ஆஷா முன்பு விசாரணைக்கு வந்தபோது, நடிகர் விஷால் தரப்பில் வழக்கறிஞர் ஆஜராகவில்லை, அதேசமயம், நான்கு வங்கி கணக்குகளின் விவரங்கள் மற்றும் அசையும் மற்றும் அசையா சொத்த்தின் விவரங்களின் ஆவணங்களை விஷால் தரப்பில் தாக்கல் செய்யாததால் நடிகர் விஷால் வரும் 22ம் தேதி நேரில் ஆஜராக நீதிபதி உத்தரவிட்டார். 

பின்னர் பிற்பகலில் நடிகர் விஷால் தரப்பு வழக்கறிஞர், விஷால் நேரில் ஆஜராக விளக்களிக்க வேண்டும் என கோரிக்கை வைத்தார். இந்த கோரிக்கையை ஏற்க மறுத்த நீதிபதி நடிகர் விஷால் வரும் செப்டம்பர் 22ம் தேதி நேரில் ஆஜராக உத்தரவிட்டார். 

இதையும் படிக்க || "மசோதாவிற்கு ஒத்துழைக்க வேண்டும்"- வானதி சீனிவாசன்... "நாரி சக்தி கேலிக்கூத்து" - ப.சிதம்பரம்!!!

சூப்பர் சிங்கரில் மாமன்னன் பாடலை பாடி கலக்கிய  இளம் பாடகி ஹர்ஷினி நேத்ராவை, கட்டியணைத்துப் மாரி செல்வராஜ் பாராட்டினார்.

தமிழில் இசை உலகில் பல மாற்றங்களை ஏற்படுத்தி வரும் நிகழ்ச்சி சூப்பர் சிங்கர். தற்போது கோலாகலமாக நடந்து வரும் ஜூனியர் சூப்பர் சிங்கர் 9 வது சீசன் நிகழ்ச்சியில், கடந்த வார நிகழ்ச்சியில் நெகிழ்வான தருணமாக,  இளம் பாடகி ஹர்ஷினி நேத்ராவை, நேரில்  பாராட்டி மகிழ்ந்தார் இயக்குநர் மாரி செல்வராஜ். 

சாதி மறுப்பு திருமண தம்பதியின் மகள்  ஹர்ஷினி நேத்ரா, எளிமையான குடும்பத்தைச்சேர்ந்த சிறுமி ஆவார். விழுப்புரம் நகரைச் சேர்ந்த இவரின் தந்தை ஒரு சிறு கடை நடத்தி வருகிறார். தன் மகளின் பாடகி ஆசையை நிறைவேற்ற அந்த குடும்பமே உழைத்து வருகிறது. சமூகத்தில் பல இன்னல்களைத் தாண்டி, பல புறக்கணிப்புகளைத் தாண்டி, தங்கள் மகள்  ஹர்ஷினி நேத்ராவை இசையில் ஊக்கப்படுத்தி வருகின்றனர் அந்த தம்பதி. 

தற்போது நடந்து வரும் சூப்பர் சிங்கர் நிகழ்ச்சியில் இளம் சிறுமி ஹர்ஷினி நேத்ரா அனைவரையும் கவர்ந்து வருகிறார். முன்னதாக  மிமிக்ரி குரலில் பாடி ஆச்சரியப்படுத்தினார். தன் வாழ்வின் வலியைச் சொல்லும் பாடல்களைத் தேர்ந்தெடுத்துப் பாடி நடுவர்களைப் பிரமிக்க வைத்தார். முன்னதாக இயக்குநர் மாரி செல்வராஜ் இயக்கத்தில் வெளிவந்த கர்ணன், பரியேறும் பெருமாள் படங்களிலிருந்து பாடல்களைப் பாடி அசத்தினார். 

இதையும் படிக்க : 'காற்றில் பறந்த கல்விக் கடன் ரத்து' குற்றம்சாட்டும் எடப்பாடி!

ஹர்ஷினி நேத்ரா பாடிய பாடல்களின் வீடியோவை நடுவர் ஆண்டனி தாசன் இயக்குநர் மாரி செல்வராஜுக்கு அனுப்பியிருந்தார். ஹர்ஷினி நேத்ராவின் பாடல்களில்  ஈர்க்கப்பட்ட மாரி செல்வராஜ் இந்த வார நிகழ்ச்சியில் சர்ப்ரைஸாக கலந்துகொண்டார். 

சூப்பர் சிங்கர் நிகழ்ச்சியில் இந்த வாரம்  டெடிகேசன் ரவுண்ட் நடைபெற்றது. இந்த ரவுண்டில் பாடகர்கள் தங்களுக்குப் பிடித்த எவருக்கு வேண்டுமானாலும் பாடல்களை டெடிகேட் செய்து பாடலாம்.  இந்த நிகழ்ச்சியில் தனது பெற்றோருக்கு டெடிகேட் செய்து, மாமன்னன் படத்திலிருந்து நடிகர் வடிவேலு பாடிய தன்தானத்தானா பாடலை பாடினார். ஹர்ஷினியின் பாடலை மேடையின் பின்னாலிருந்து மாரி செல்வராஜ் டிவியில் பார்த்தார்.  

இயக்குநர் மாரி செல்வராஜ் நிகழ்ச்சிக்கு வந்திருப்பது, நடுவர்கள் உட்பட எவருக்கும் தெரியாது. ஹர்ஷினி நேத்ரா  பாடி முடித்தவுடன் சர்ப்ரைஸாக மேடையேறிய இயக்குநர் மாரி செல்வராஜ் அவரை கட்டியணைத்துப் பாராட்டினார். 

நிகழ்ச்சியில் கலந்துகொண்ட இயக்குநர் மாரி செல்வராஜ் கூறியதாவது, ஒரு திரைப்படத்தை உருவாக்கும் போது, நம் கருத்து அனைவருக்கும்  சென்றடைய வேண்டும் என்று தான் உருவாக்குகிறோம், உண்மையில் இன்றைய தலைமுறை அதைப் புரிந்து கொள்வதை நேரில் பார்க்கும் போது மகிழ்ச்சியாக இருக்கிறது. இந்த குடும்பம் என்ன வலி அனுபவித்திருக்கும், இந்த குழந்தை என்ன மனநிலையில் இருப்பாள் என்பது எனக்குத் தெரியும், நானும் மேடைக்காக ஏங்கியவன் இன்று இந்த குழந்தை தன் உழைப்பில், இந்த மேடையைப் பெற்றிருக்கிறாள் என்பது பெருமையாகவும் மகிழ்ச்சியாகவும் உள்ளது. யாருக்கும் பயப்படாமல்,  எந்த தடை வந்தாலும் கவலைப்படாமல் முன்னேறிப்போக வேண்டும் என ஹர்ஷினிக்கு வாழ்த்து தெரிவித்தார். 

முட்டுக்காடு பகுதியில் அமைக்கப்பட்டு வரும் மிதக்கும் உணவகம் இன்னும் ஓரு மாதத்தில் நிறைவடையும் என சுற்றுலாத்துறை அமைச்சர் கா.ராமசந்திரன் தெரிவித்துள்ளார்.

உணவு பாதுகாப்பு குறித்து விழிப்புணர்வு ஏற்படுத்தும் நோக்கில் தமிழ்நாடு உணவு பாதுகாப்புத்துறை சார்பில் சென்னை தீவுத்திடலில் உணவுத்திருவிழாவை சுற்றுலாத்துறை அமைச்சர் மற்றும் மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் ரிப்பன் வெட்டி தொடங்கி வைத்து அரங்குகளை பார்வையிட்டனர்.

பின்னர் செய்தியாளர்களை சந்தித்த அமைச்சர் கா.ராமசந்திரன், தீவுத்திடலில் 3 நாட்கள் உணவுத்திருவிழா நடைபெற உள்ளதாகவும், 120 அரங்குகள் அமைக்கப்பட்டுள்ளதாகவும் கூறினார்.

மேலும், உணவினால் பல நோய்கள் வரும் நிலையில், விழிப்புணர்வு ஏற்படுத்தும் வகையில் உணவுத்திருவிழா நடத்தப்படுவதாக கூறிய அவர், சிறுதானிய உணவிற்கான அரங்குகள் அதிகளவில் அமைக்கப்பட்டுள்ளதாகவும், சிறுதானியங்களை அரசே கொள்முதல் செய்ய நடவடிக்கை மேற்கொள்ளப்பட்டு வருவதாகவும் தெரிவித்தார். 

இதையும் படிக்க: திமுக எம்.பிக்கள் கூட்டத்தில் முக்கிய ஆலோசனை...!

ஒரு மணி நேரம் உங்களால சும்மா இருக்க இருக்க முடியுமா அப்டினு திரைப்படங்களில் வரக்கூடிய வடிவேலு காமெடியை பார்த்திருப்போம். அப்படி ஒரு வினோதமான போட்டி தான் ஆப்பிரிக்காவில் உள்ள மாண்டெனெக்ரோவில் நடைபெற்று வருகிறது 

அப்படி “சோம்பேறி குடிமகன்” என்ற தலைப்பில் உண்மையிலேயே 24 மணி நேரமும் படுத்தே இருக்க வேண்டும்  என்று விநோதமான ஒரு போட்டியானது தென் ஆப்பிரிக்காவில் உள்ள மாண்டெனெக்ரோவில் நடைபெறுகிறது. 

தென் கிழக்கு ஆப்பிரிக்க நாடுகளில் ஒன்றான மாண்டெனெக்ரோவில்  ”சோம்பேறி குடிமகன்”  என்ற பட்டத்த வெல்வதற்காக விநோதமான முறையில ஒரு போட்டி நடந்து வருகிறது. இந்த போட்டியில் கலந்து கொள்ளும் போட்டியாளர்கள் அனைவரும் எந்த வேலையும் செய்யாமல் 24 மணி நேரமும் மெத்தையில் படுத்தே இருக்க வேண்டும் என்பதே இந்த போட்டியின் முக்கியமான விதி ஆகும். 

8 மணி நேரத்திற்கு ஒரு முறை 10 நிமிடங்கள் கழிவறைக்கு செல்வதற்க்காக மட்டுமே அவர்கள்அணுமதிக்கப்படுவார்கள். அதே போல மற்ற நேரங்களில் நிற்கவோ அல்லது உட்காரவோ அணுமதி இல்லை. அப்படி செய்தால் அவர்கள் போட்டியில் இருந்து தகுதி நீக்கம் செய்யப்படுவார்கள். அதே சமயம் போட்டி சமயத்தில் புத்தகம் படித்தல், செல்போன் , லேப்டாப் போன்றவை பயன்படுத்தவும் அனுமதிக்கப்படுகிறார்கள் அதுவும் படுத்துக் கொண்டு மட்டும் தான் பயன்படுத்த முடியும்.

கடந்த ஒரு மாதமாக நடந்து வரும் இந்த போட்டியில் மொத்தம் 21 போட்டியாளர்கள் பங்கேற்ற நிலையில் தற்போது 7 போட்டியாளர்கள் மட்டும் இந்த போட்டியில் தொடர்ந்து வருகின்றனர். மேலும் இந்த போட்டியில் வெற்றி பெரும் வெற்றியாளருக்கு 1000 யூரோக்கள் பரிசாக வழங்கப்பட உள்ளது.  இந்திய ரூபாய் மதிப்பீட்டில் இது கிட்டத்தட்ட 88,000 ரூபாய் ஆகும்.

இதையும் படிக்க || சிவகங்கை மக்களின் கவனத்திற்கு... மகளிர் உரிமைத்தொகையின் உதவி மையம்!!